السلام بنات والله مادري اشلون ببدي بس ماعندي احد اقول له مشكلتي توه بدت من اسبوع .. بنات انا متزوجه ماصارلي وايد وحبيب واحد عند دكتور اعالج عنده مادري اشصار فيني كله افكر فيه اسرح فيه احلم فيه 24 ساعه ابالي مادري ليش ولما اشوفه تحوشني رجفه موطبيعيه قلبي يدق ودي اشوفه 24 ساعه ودي اكلمه لي درجه سوت حركه امبيه مادريي ليش سويت جذي والله مادري شفيني خليت تلفوني عنده سويت روحي ناسيته لما ركبت السياره قلت ابقلبي استغفر الله انا اشقاعده اسوي رديت خذيته وضايق خلقي وتعبانه بحاول اشيله من بالي مو قادره ومادري شسوي موبيدي ساعدوني بنات قوليلي شسوي؟!؟
بسألج سؤال انتي تصلين؟ لو تصلين وتعرفين ربج جان كان ضميرج صاحي وجان ماخنتي زوجج اللي مأمنج على بيته وعياله واسمه عرضه وشرفه ترى حتى التفكير مجرد التفكير بالرغبه بغير زوجج يعتبر خيانه + زنى العين تزني وزناها النظر لو انج ماقاعده تخزين وتطالعين الرايح والراد جان ماتعلق قلبج فيه نصيحه تعوذي من ابليس ابليس يبيلج المشاكل يبي يخرب بيتج مايحب زوجين سعيدين ومتهنين وتقربي من زوجج اكثر وانسى النزوه قبل ما يصير شي كبير وتندمين واذا بتظلين على هالطريقه نصيحه قولي حق زوجج يطلقج ويشوف وحده تحترمه بوجوده وبغيابه وتعفه وتصونه وتستاهله وانتي خلج على احلامج وشكله الولد هذاك مادرى عنج ولو كان معجب فيج جان دق عليج بس انتي عايشه باوهام صدقيني اسمحيلي كلامي قاسي معاج لان موضوعج موسهل هذي خيانه والخيانه مو سهله وحطي نفسج مكان زوجج ترضين انه ينعجب بوحده ويسوي سواتج؟ والله يهديج
هلا أختي . . . تعوذي من ابليس اولا . . . وثانيا يا أختي ليش افترضتي انج حبيتيه !! يمكن اعجبتي بطريقة كلامه او بمنصبه او بالهالة اللي شفتيه فيها بعيادته ورى مكتبة طيب حبيتي هالدكتور ولاحقتيه وحقرج ودرى زوجج عن سواتج اهنيه شنو موقفج ؟!! شي مخيف بصراحة ونهاية مأساوية بتكون لج شلي الريال من بالج وخافي الله اولا وثانيا احترمي نفسج وصونيها . . . وتذكري ان ربج مطلع على كل شي وماتخفيه خافية وزوجج اهو الرجل اللي يستحق منج كل حب وكل احترام وكل تقدير في حضوره وفي غيابه . . . لا تزين لج نفسج الأمارة بالسوء الامور وتبسطها لج ،ولا تمشين وراها في درب مظلم وربج ما يوفق اى وحدة تسوي سوات محرمة . . .
هاي كلها وساوس شيطان اتعوذي من ابليس وكل ما اتفكرين فيه غيري الموجه واشغلي وقتج بشي ثاني بالتدريج بتنسينه
باين من كلامج انج توج صغيره وللحين قلبج رطب مثثل مايقولون اللي تقولين عنه هذا يسمى اعجاب وبعيد عن الحب اولا ظروفج ماتساعدج تحبين لانج متزوجه ولانه لج عقل صاحي يقولج هذا غلط وهذا صح وانتي يمكن ماعشتي الحب بكل ظروفه مع زوجج اي نعم في احترام وحنان بس احنا الحريم دايما نبي ونبي ومانشبع حبيبة قلبي تعوذي من ابليس وياما اعجبنا بشخصيات تمنينا انهم يكونون لنا في يوم من الايام وبعدين هذا الطيبي يمكن له اسلوب حلو بالكلام وطبعا غير ستايله باللبس تذكري ريلج وعيالج امانه حفظيهم بقلبج يحفظج ربي
هلا اختي . . . احنا يالحريم مو منزهات عن هالامور يعني احيانا نفكر بشغلات لكن في ارض الواااقع في خط احمر مستحيل نتخطى هالخط الاحمر لاننا نخاف الله ونخاف الله في انفسنا اولا وفي الزوج انتي معجبة فيه علشان الهالة اللي حواليه مكتب وظيفة شهادة برستيج معين يتكلم فيه ثقة بنفسه ومن هالامور . . . يعني امور شكلية ماتدرين عن الباااطن هل هو شخص طيب فعلا هل هو خبيث مثلا !! هالامور ما فكرتي فيها لانج انغريتي بالشكل والمظهر العااام . . . وحتى لو فكرتي بالامور اللي ورى هالشكليات يا هل ترى وضعج كأمرأة متزوجة يسمحلج ؟!! انتي تعرفين الاجابة
لاحول ولاقوه الا بالله حسبي الله ونعم الوكيل تعوذي من الشيطان واستغفري بنية انه الله يبعده عنج ويشيله من تفكيرج والله يستر عليج
انتي تعشين بالاحلام والواقع شي ٢ كلنا جذي نحلم وانا وحدة منهم نحلم وبعدين.. الواقع شي والحلم شي.. صدقيني هذا اعجاب سوي كل شغلات حق ريلج وراح تعيشين الحب انشالله..
الله يهديج هذا كله من ابليس لا تروحين عنده ولاشي وديري بالج احد يدري بالموضوع بس الظاهر توج صغيره وما تدرين عن الدنيا وبلاويها
اله يهديج وتعوذي من ابليس تري هذا الشيطان يحليه بعينج ويبيلج المشاكل انا ابسالج سؤال لو زوجك يسوي مثل ماانتي تسوين الحين يعني يخونينه امانه اسويتي فيه ماقيمتي الدنيا وقعدتيها اما تقوليله طلقني ماابي اقعد عندك ماتقولين حق اهلج والله راح تفضحينه سامحيني علي الكلام القاسي بس هذا الصج اذا طرا علي بالج قومي وصلي وقري قران
الله يعينج شوفى حبيبتى حطى ب بالج انج تحبين ريلج فقط لا غيييييييييييييييييييييير واستغفرى كل ما طرا ب بااالج لين تذبحين الشيطان والله معاج
اولا" اذا صج تبين الله يسااعدج وماااودج تغضبين الله ثم زوجج (((غيريييييييي العياااااااااااااده))) اول خطه تسوينها هذي.." عشاان يرووح هالتفكيرر لان حراام علييج لايرضي الله ولارسوله هالسواات يمكن مثل ماذكرو الخواات انعجبتي فيه لاااكن الصج انج متزوجه وتخاافين الله لو ماتخافين الله جاان ما انبج ظميرج ولانزلتي هالمووضوع تبين المسااعده .. عطينااج الحل والحين بيدج اتسووينه تغيرين العيااده وتنسين الرجال تقولين ماقدر انسااه اقولج لاطرا ابالج استغفري ربج وروحي لزوجج واشغلي نفسج بربج و بشغل البيت وحاااولي قد المسستطاع انج تشيلينه من بالللج ,,,لان هالشي حرااااااااااااااااااااااااااااااااااااااااام تذكري هالشي حراااااااااااااااااااااااام.. لو زجج سوووا هالشي ودريتي شنوو مووقفج...!!!!!!!!! يا اختي هالشي بييدج من بعد الله ... وأسأل الله ان يكوون بعوونج يارب
حبيبتي تعوذي من بليس وتقربي من ربج ولاتروحين له العياده في الف دكتور لازم اهو لاتقولين انج تحبينه انتي الحين بذمة ريال ما يجوز جذي واكيد انتي تحبين زوجج حاولي تتقربين منه هالفتره اكثر عشان تنسين الدكتور اللي اعجبتي فيه وهذي وساوس شيطان ماكو حب جذي الله يهديج ويوفقج مع زوجج
