السلام عليكم بنات حبيت اشاركم اليوم بموضوع وايد مفيد و مسلي بنفس الوقت. حق الامهات اللي يبون يطمنون على البيبي في بطنهم و يسمعون نبضه و حركته من وحده مجربة شخصيا انصحكم بالسونار الصوتي المنزلي. صراحه شخصيا استمتعت بتجربته اللي خلاني اسمع نبضات بنتي البجر و حركاتها وقت ما ابي ليل او نهار و خلاني ما انطر كل شهر من سونار ليه سونار عشان اتطمن عليها. الحلو بجهاز angelsounds انه صغير الحجم بكبر كف ايدج معاه سماعات و يشتغل بالبطارية يعني مريح لاقصى الحدود لا شحن و لا كهرباء و مافيه اي ضرر للبيبي لانه مكبر صوت بالاساس و طريقة استعماله سهلة وايد بس تحطين السنسر على بطنج ثلث المسافة تحت السرة و تدورين قلب الجنين و لتسهيل العملية انصح انج تدهنين بطنج بزيت قبل استعماله عشان يوضح الصوت و لسهولة حركة الجهاز على بطنج. اول ما جربته استانست عليه وايد و خليت زوجي بعد يسمع لان مافيه صوت احلى بالدنيا من صوت نبضات البيبي و اهو ببطنج و الحلو بالموضوع انه الجهاز يسمحلج انج تسجلين الصوت و تنزلينه بالكمبيوتر عشان تحفظينه كذكرى او تدزينه حق اللي تبين تسمعينهم. من كثر ما عجبني بعد ما جربته شريت واحد حق رفيجتي اللي حامل على بجرها و عطيتها اياه هدية و استانست اهيا و ريلها لمن اسمعوا نبضات البيبي واهم ببيتهم.
