[/CENTER]السلام عليكم بنات أنا رحت حق دكتور في مستشفى الأمومة وفحصني وسوالي سونار داخلي وصور الرحم والمبايض وسوالي تحليل عشان يشوف نسبة هرمون الحليب عندي بس قال ضروري أسوي أشعة الصبغة عشان يشوف العروق مسددة والا لأ بس أنا واااايد خايفة من هالشغلة لأني ما أحب الأأأأألمممم .... فأرجوكم بنات اللي جربت وسوت هاللأشعة تقوللي إذا يعور والا لأ لأن الدكتور قاللي إني وايد صعبة التعامل لأني أشد جسمي مع أي شي يعورني :thumbs_down:
سبحان الله انتي نفسي وانصحج تروحين وانتي صايمه وتقولين له ابيها بمخدر وفي بنات ياخذونها بمخدر وفي لا وانا الصراحه سويتها مندون مخدر بنج بس حيل تعورت وتحسفت شديت حيل والحين بعيدها وبقولهم ابيها بمخدر وفي بنات ما يحسون سبحان الله من بنت لي بنت تختلف وفايدتها تفتح الانابيب بنسبه معينه وفي بنات ماشاء الله بعدها على طول يحملون شهر او شهرين حوامل وانتي بتروحين مستشفى خاص يعني عادي قولي ابيها بمخدر وامانه اذا سويتيها قوليلي حسيتي بشي ولا لآ لان انا بعيدها والله يرزقج ان شاء الله بذرية الصالحة
مشكورة دانة الدنيا على الرد بس مادري ودي آخذها بدون بنج لأن قالو ماتسوى بس كل ماأذكر الألم اهون بس قال لي أسويها بعد7 و 8 يوم والله يستر .... بس انتي ليش بتسوينها مرة ثانية
حبووبه صديقتي سوتهاااا في مستشفياات يسووونهاااا بس علشاان ياخذون فلووس لانهااا ماتضر وفيهاا زياادة تاكيد قاالتلي صديقتي هي سااائل لما يدخل الجسم ألمه مثل الدورة القويه وبعض الحريم ينزفووون بعدهاااا على حسب شطاارة الدكتووور
اهما لمه يحطون الصبغه عادي تحسين شوي الم بس العوار لين يفتحون الي تحت عشان يحطون السائل فهمتي وانا نفسج قالولي ما تسوا تاخذينها بمخدر واخر شي حيل تعورت ومثل ماقلت لج من بنت لي بنت تختلف ارفيجتي ما تعورت ماشاء الله
يالللله ياربي يسهل عليج أمورج ويسخر لج دكتور يخفف عنج الألم قولي آمين وقولي هالدعاء واااايد زين ‘ اللهم لا سهل إلا وجعلته سهلا ، وأنت تجعل الحزن إن شئت سهلا ‘ وموفقة إن شالله وقولي لي وبشري عنج
مشكوره حبيبتي سبحان الله خيره امس عندي مراجعه والدكتور قالي راح نأجلها لج الشهر الياي زعلت بس شسوي يقول مايقدر عنده اجتماع بالوقت هذا ولي بعده
انا اول مرا سويتها عند ماجده اليتامى والله يسامحها عورتني حيل سويتها 60 دينار مندون مخدر والحين بسويها بمستشفى صباح وانتي انشاء الله تسوينها هالشهر وتبشرينا
والله انا اعرف انه اشعه الصبغه تعور اذا والافضل تطلبين مخدركان فيج انسدادات اما اذا كان ما عندج شئ ما تعور
بنات والله انا سويتها بمستشفى الجهراء والله من غير مخدرة ولا شى بس عوار بسيط والحمدلله ماصير معى نزيف وما تشوفون شر ان شاء الله وسنة 2011 كلبووووون حوامل يارررررررررررررب وسنة خير وفرررررررررررررررح علينا قولو اميييييييييييييين
هلا اختي انا سويتها الحمد لله وخلصت طلع عندي انسداد بالانبوب واحد منهم وقالولي لازم اسوي سونار مائي وباجر موعدي يبون يشوفون جدار الرحم عشان راح يسووون منظار يفتحون الانبوب
بنات انا سويتها بس حسرت بالدكتور حتى اهوه قام يزفني لأني لعوزته بس المهم سويتها وقاعده أدعي إني ما اسويها مرة ثانية .. وطلع عندي انسداد بانبوب واحد بس وبشوف اذا في علاج بدون مايكون سونار أو منظار ... والله يكرمنا
بنات انا موعدي يوم الاربيعا يعني عقب باجر وحدي خايفه وبسويها عند الدكتوره ماجده اليتامي وبتسويلي توسيع حق عنق الرحم لان ضيج حيل وسوتلي من قبل منظار شهر منظار وسعتني بس اتقول مااتوسعت وايد وماقدرت تشوف الانابيب عشان انا ضيجه طمنوني يابنات عقب الاشعه مافي اضرار
lolowa عقب الأشعة مافي عوار بس إييج نزيف عادي مثل الدورة يتم وياج يومين وبس ... حاولي ماتخافين لأن صج عوار عادي .. أنا صرخت لأني ما أحب الحديدة اللي يحطونها انتي رخي وان شالله خير
