اعيالنا والقاعدة الحلبية شرايكم

:75_75:السلام عليكم مرحبا اخواتي ابسالكم عن القاعدة الحلبية منو دخل عيالة واستفاد منها محتارة بين القاعدة الحلبية او مدرس حمزة الخياط بنتي بثانية روضة محتارة وين ادخلها ومابي اضغط عليها وكرها بدراسة وشاكرة لكم ياليت ماتبخلون بردود

شدعوة بس مشاهدات لكم اجر بالرد بنات لاتبخلون الرد مو اجباري بس والله محتارة ياليت تفيدوني وجزاكم الله خير

هلا اختي . . .

والله ماعندي خبر بالقاعدة الحلبية ولا حمزة الخياط . . .

اللي اشور عليج فيه روحي للقاعدة الحلبية وشوفي حصصهم وجم العدد في الصف افضل شي . . .

ام عبدالله مشكورة على الرد اقدر اروح لهم بس ابعرف بالنسبة للاطفال من الي استفاد وفهم منهم احترت فيهم

هلا اختي اذكر وحدة من رفيجاتي

ودت بنتها لهم وتمدح فيهم هذا اللي اذكره

وإن شاء الله الاخوات ما يقصرون وياااج

حمزة و انتي مغمضة لان كل اللي ادخلوا عنده و استمروا طلعوا اعيالهم ممتازين بالعربي و يطلع الجاهل يعرف مبدئيا القراءة و نصيحة روحيله بنفسك و يقولون انه يعطي اوراق تحفظينها الجاهل و دراسته مرتين بالاسبوع و طريقته ممتعة
و للامانة انا دخلت اعيالي اقرا حتى مسكة القلم ما يعرف و ما استفاد شيئ لانهم على قولتهم يقولون يبيلهم وقت طويل مثل 3 شهور عشان يحفظ و بالهلمدة راح يمل الجاهل و يعاندك ما يروح و توكلي على الله و روحي لحمزة

روضة الخير الله يجزاج خير ماقصرتي بس ابسالج شلون الامتحان الي يسوية للي بالروضة صعب شلون طريقتة

هلا اختي .. أنا عيالي كلهم بالقاعدة الحلبية والحمدلله استفدت حيل

بنتي كانت برابعه ابتدائي ما تعرف تقرى انجليزي وضعيفة بالعربي والحين اهي بسادس استمريت معاهم فترة وارتفع مستواها حيل

وعندي ولدي دخلتة قبل الابتدائي عربي والحين اهو بثانية ابتدائي ما شاء الله علية ما احاتية كلش ومستواة امتياز وفعلا القاعدة الحلبية قوية حيل وانصحج فيها بس لازم تستمرين مو شهر وتقطعين

والله يوفق بنتج ان شاء الله

والله البنات يمدحون حمزه

وانا ماعندي خبره

وموفقه انشالله

البنات مايقصرون معاج

جزاكم الله خير ومشكورين

يعطيك العافيه