1. عزيزتنا زائره بفضل الله تم تجديد المنتدى بالكامل ليتواكب بأخر التطورات في عالم الانترنت وكما تم تطوير المنتدى ليكون متناسق مع الهواتف , نتمنى ان يعجبكم
  1. كويتيه مخضرمه

    كويتيه مخضرمه سيدة جديدة

    أخواتي العزيزات مشكله البرود الجنسي عند النساء و الرجال تؤثر على العلاقه الزوجيه
    و في حالات كثيره تؤدي إلى الطلاق

    ودي اليوم أتكلم شوي بهالموضوع علشان ننتبه لحالنا و ما نكون سبب في تعاستنا
    و تعاسه أزواجنا

    الريال يبي يعاشر و إنتي مالج خلق تعبانه صداع
    أوكي يوم يومين ممكن الريال يتفهم لكن أكثر من جذي لا غلطانه
    ليش لأن إذا ظليتوا على هالحال يا أما إنه راح يتزوج عليج أو راح يخونج أو راح يكرهج و في كل الحالات هذي راح تلقين إنه ما قام يقعد في البيت وايد و علاقتكم صارت فاتره ما لها لون ولا طعم لا و في النهايه إنتي الخاسر الأكبر.

    طيب شنهو البرود الجنسي عند النساء

    يقولون العلماء إن البرود الجنسي هو وجود مشكله تؤدي إلى فقدان الرغبه بالجنس أو قله الرغبه و هذي المشكله موجوده عند الرجال و النساء

    هناك أربع أنواع للمشاكل الجنسيه عند النساء وهي
    1. إضطرابات الرغبه
      تجد المرأه نفسها في هذه الحاله بأن إهتمامها بالجنس بدأ يقل عن السابق و أو إختفى كليا
    2. إضطرابات الإثاره
      لا يوجد إحساس أو إستثاره أو إستجابه جنسيه في الجسم و إذا حصلت إستثاره تكون بسيطه أو مؤقته و تختفي سريعا
    3. إضطرابات لذه أو هزه الجماع
      المرأه لا تحصل على هزه الجماع أو يوجد ألم أثناء هزه الجماع خلال ممارسه الجنس
    4. إضطرابات الألم الجنسي
      الشعور بالألم أثناء و بعد ممارسه الجنس


    عرفنا المشاكل لكن ما هي الأسباب

    الأسباب كثيره و منها:
    بعض الأدويه و منها حبوب منع الحمل , أمراض السكري و إرتفاع ضغط الدم , تعاطي الكحول و التهابات المهبل , و المشاكل الإجتماعيه و الضغوط النفسيه و تربيه الأطفال فكل هذي الأمور تؤدي للإكتئآب, حدث مؤلم قديم أو حديث كمشاهده منظر معين أو خوض تجربه غير سعيده سبب من سباب البرود الجنسي.

    و قد يكون لديك عزيزتي برود جنسي بسبب الحمل و بعد الولاده مباشره و عند الرضاعه
    و كذلك بعد إنقطاع الطمث حيث تشعر العديد من النساء برغبه أقل بالجنس و جفاف المهبل أو ألم أثناء الممارسه الجنسيه و ذلك بسبب إنخفاض في هرمون الإستروجين.

    و هناك سبب بسيط لكن مؤثر و هو الملل من الروتين الجنسي
    يعني كل مره نفس الحركه نفس الوقت نفس المكان


    الإحصائيات تقول إن 70% من الأزواج (الرجل و المرأه) لديهم مشاكل مع الجنس

    مرات شللي يصير يكون الريال مثلا مرتاح جدا من حياته الجنسيه و اللي تتمثل في الجماع مره وحده في الشهر او الشهرين و المرأه طبعا غير سعيده بالوضع هذا.

    ترى سبعين بالإميه نسبه عاليه تدرون شنو معناته عزيزاتي
    معاناته إن قد يكون عندج هالمشكله و إنتي ما تدرين و إذا بنقيسها على عدد العضوات في هذا المنتدى و اللي عددهم تقريبا واحد و ثمانين الف عضوه يطلع عندنا

    56700 مشتركه عندها مشكله جنسيه

    سواء درت أو ما درت إن عندها مشكله

    مرات الريال يكون صابر أو يتكلم بتحفظ لكن إنتي مو عارفه حجم المشكله بالنسبه له

    إذا فقدتي الإهتمام بالجنس أو لا تشعرين بلذه الجنس أو بدأتي ترفضين بكثره دعوات زوجك للجماع فاعلمي أن عندك مشكله و لازم تراجعين طبيبك المختص حتى يساعدك على العثور على سبب و علاج للمشكله..لكن أهم شي أن الوحده ما تعاند كل الدلائل و تقول ما عندي مشكله

    الإعتراف بالمشكله يعتبر حل لنصف المشكله

    بعض النصائح لحل المشكلات البسيطه

    إذا كانت الرغبه هي المشكله و مافي أي سبب عضوي أو نفسي

    حاولي تغيرين روتين الجماع, مارسي الجماع في أوقات مختلفه أنا أعرف أزواج ما يمارسون الجماع الا بالليل ليش ما أدري, حاولي تغييرين المكان يعني موكله غرفه النوم, جربي الصاله المطبخ الملحق السرداب السطح نفس أيام أول, جربوا حركات يديده ترى التغيير زين.

    إذا كانت الإسثاره فيها مشكله

    إستخدام كريمات أو زيوت مثل الكيواي و غيره يساعد على الإستثاره و سلاسه إنزلاق القضيب فتشعرين بإستثاره لا توصف و نفس الشيء ممكن يستخدم للنساء اللي إنقطع عنهم الطمث فممكن ياخذون هرمون الإستروجين أو يستعملون كريم إستروجين

    مشكله هزه أو لذه الجماع

    أذا كان لديك مشكله في النشوه الجنسيه حاولي أنج تخلين وقت المداعبه أطول
    و خلي زوجك يركز على الأماكن اللي تشعرك باللذه و أهمها البظر. بعض النساء تحتاج لمده ساعه حتى تصل لمرحله النشوه خلال العمليه الجنسيه, و ممكن أن المرأه تتحكم في سرعه دخول و خروج الذكر لما تكون هي بالأعلى.
    و ينصح بإفراغ المثانه و بأخذ حمام دافيء قبل ممارسه الجنس.


    آخر كلمه ودي أقولها إن هذي مشكله منتشره عند النساء و الرجال و المشكله أكبر إذا كنا ندري إن عندنا هالمشكله و ننكر وجودها أو نستحي نناقشها أو نعالجها على يد مختصين بالمجال هذا

    التصارح و الحوار بين الزوج و زوجته شي وايد صحي بس إذا بعد التحاور و التفاهم ترجع الأمور نفس ما كانت ترى ما كو فايده و يسبب إحباط كبير للمرأه و الرجل إذا ما غيروا أطباعهم و طريقه تعاملهم مع أزواجهم و زوجاتهم

    إضافه للفائده

    سألتني وحده من صديقاتي سؤال جميل جدا بنفس الموضوع
    سؤالها يقول طيب إذا أنا أحس إني طبيعيه و ما فيني شي لكن ريلي يقول إني بارده
    شسوي؟

    قلتلها حبيبتي ترى ما في أحسن من الزوج يحكم في الموضوع هذا إذا قالج جذي
    تقللين من سالفه ما أقدر و مالي خلق و بأتابع الحلقه و بكمل الفلم الهندي و تخلين أعذارج مقبوله مثل العذر الشرعي أو المرض الشديد

    و الأفضل تحطين عباتج على راسج و تروحين لدكتوره نسا
    و تقولين لها إن ريلي يقول عني هالكلام
    راح تاخذ منج معلومات عن حياتج الجنسيه
    لا تستحين ترى أهم متعودين على هالشي و هذا شغلهم
    و تأكدي إن إنتي مو أول وحده تييهم على هالموضوع




    آخر تعديل: ‏5 فبراير 2011
  2. الاميره بشاير

    الاميره بشاير أمــيــرة الـمـنـتـدى

    الله يعطيج العافيه يا قلبي :)
  3. اصيله

    اصيله مــراقــبــة عــامــة

    حياتي مشكوررره

    على الموضوع

    والتوضيح

  4. دراريع عليا

    دراريع عليا سيدة جديدة

    يعطيك العافية في ناس تجهل هالشي
  5. كويتيه مخضرمه

    كويتيه مخضرمه سيدة جديدة



    الأميره بشاير

    دراريع عليا

    أصيله

    شكرا عزيزاتي ​
  6. متوهقه بعمرها

    متوهقه بعمرها سيدة جديدة

  7. ثاانكس كويتييه رائعه بطرحج الراقي
  8. أميـرة

    أميـرة سيدة جديدة

    الله يعطيج العافيه
  9. كويتيه مخضرمه

    كويتيه مخضرمه سيدة جديدة



    أميره

    جرح الزمان 23

    متوهقه بعمرها


    تسلمون حبيباتي
  10. كويتيه مخضرمه

    كويتيه مخضرمه سيدة جديدة


    سألتني وحده من صديقاتي سؤال جميل جدا بنفس الموضوع
    سؤالها يقول طيب إذا أنا أحس إني طبيعيه و ما فيني شي لكن ريلي يقول إني بارده
    شسوي؟

    قلتلها حبيبتي ترى ما في أحسن من الزوج يحكم في الموضوع هذا إذا قالج جذي
    تقللين من سالفه ما أقدر و مالي خلق و بأتابع الحلقه و بكمل الفلم الهندي و تخلين أعذارج مقبوله مثل العذر الشرعي أو المرض الشديد

    و الأفضل تحطين عباتج على راسج و تروحين لدكتوره نسا
    و تقولين لها إن ريلي يقول عني هالكلام
    راح تاخذ منج معلومات عن حياتج الجنسيه
    لا تستحين ترى أهم متعودين على هالشي و هذا شغلهم
    و تأكدي إن إنتي مو أول وحده تييهم على هالموضوع
    آخر تعديل: ‏5 فبراير 2011
  11. زمان شهرزاد

    زمان شهرزاد سيدة جديدة

    يعطيج العافيه على الموضوع حبيبتى
    لكن زهقت ايف ف ف يوم وترك يبى الشى هذا
    ما اصدق اريح ويرجع يبى, ولا اذا مره قلت مالى خلق
    يبدا بالمحاضره انتى وانتى وانتى بارده وانتى مو نفس الحريم
    قلت الحين اذا مره مالى خلق لازم ياكل قلبى جذى,, يختى بعد مو لهالدرجه
    كل شوى الواحد يزهق, حتى ماتحسين بشوق ماتحسين بطعمه, كثرته تملل
    لدرجة انى قمت اقول لنفسى جان زين يتزوج وافتك, بصراحه والله زهقت
    كويتيه مخضرمه مادرى شسوى, يعنى التغيير سويته المكان سويته وهم سفر سافرنا
    وقمصان نوم وكل شى, يختى كل شى اعتداله حلو :red_smile:
  12. زمان شهرزاد

    زمان شهرزاد سيدة جديدة

    امس متهاوشين على هالسالفه
    تونا يعنى, والله زهقت, مادرى شسوى
  13. كويتيه مخضرمه

    كويتيه مخضرمه سيدة جديدة

    حبيبتي الغاليه زمان شهرزاد

    سؤال بسيط
    إنتي تحبين ريلج و تبينه لج بروحج ولا مستغنيه عنه ؟
    إذا تبينه صج ضحي علشانه ترى الحب تضحيه
    و الزواج مثل ما لنا حقوق علينا واجبات

    لا تخلينه يشعر إنج ما تبينه لا تخلينه يشعر إنج مليتي من المعاشره الزوجيه
    حسسيسه إنج تبين هالشي أكثر منه حتى لو مو صج
    إرضي غروره و رجولته يحبج للأبد
    ترى إحنا نتحمل شهور بس الريال حده يومين أو ثلاث و هذي حكمه الله
  14. ام جروح

    ام جروح مشرفة قسم الحياة الزوجية

    شكرااااااااااااااااااااا عالطرح الرائعه
  15. زمان شهرزاد

    زمان شهرزاد سيدة جديدة

    كويتيه مخضرمه
    المشكله احب ريلى وهو انسان طيب لكن المشكله فى الموضوع
    نفسه بسبب التكرار المتقارب حسيت بالملل, واحيانا لانى امثل عليه
    اتالم اثناء ....... , يعنى كل يوم وترك احط ماده مرنه او رطبه!!
  16. زمان شهرزاد

    زمان شهرزاد سيدة جديدة

    ويعطيج العافيه حبيبتى
    على الموضوع
  17. كويتيه مخضرمه

    كويتيه مخضرمه سيدة جديدة

    ردود سريعه

    أم جروح

    تسلمين بعد عمري

    زمان شهرزاد

    في حريم يشتكون من بروود رياييلهم فحمدي ربج
    و بعدين الريال يمر بمراحل من الفحوله اللي تتزايد لعمر معين
    تثبت لفتره معينه و بعدين تبدأ بالتنازل
    و هناك طرق أنج تخلينه ما يطول على شان ما تتألمين
    ركزي على الملاعبه قبل المعاشره
  18. زمان شهرزاد

    زمان شهرزاد سيدة جديدة

    هه ههه هه هه ه ه ههههه ههههه
    كويتيه مخضرمه
    عدل كلامج ,,, وياخوفى اللى عندى يصير العكس!!
    :71_71:
  19. زمان شهرزاد

    زمان شهرزاد سيدة جديدة

    مبرو و و و و و و و و وك يا مصر
  20. كويتيه مخضرمه

    كويتيه مخضرمه سيدة جديدة




    لا تعليق :regular_smile:

مشاركة هذه الصفحة