تعالو شوووفو صبغ صالون الشرقيه ...

السلام عليكم
بنات سالفتي سالفه.. شوفو قصتي وحكموا علي ..

نايمه الظهر بعد الدوام وبعد ماقمت قلت بسوي نيو لوووك من كثر الملل والروتين
وريلي خنت حيلي يشجعني قالي صج دام ضايق خلقج روحي وسعي صدرج بالصالون

رحت الصالون حده حف وشيره بس ( انا مستغربه ان كل البنات يمدحونه )

حفيت وخلصت وخدعتني الزحمه قلت الصالون وربك
كلمت اللي تصبغ الشعر وحطتلي الشمس بايد والقمر بايييد
وانا ماطلبت صبغ بدون امونيا .. بروحها من شطارتها قالت الا بدون امونيا قلت شغلها واهي ابخص
حطتلي الصبغ وخلتني ساعه ..... كنت موريتها صوره) عشتو متأمله خير
خسلت شعري طبعا تغسل وتساسر رفيجتها مخترعه مادري شتقووول
شفت شكلي بس افكر اني بنحاش من الصالون . والا لوووووون اخضر فسفووري يشب الضلمه
قالت اغيرلج اذا تبين دفعي فاتوره ثانيه وبزف وتحلطم جنه انا اللي صابغه راسها
وفروة رااسي لونها احمد تخرررع
بعد ما فكرت قالت اغيره واختي اختارت لوون من البواريك اللي يمها قالت هاللون عالاقل وهم نفس الشي الحين اسووي
وتحطلي صبغ مره ثانيه وتقعدني تحت الحراره .. وانا وعليه اللي مسكتني لون شعري مااقدر ارد فيه البيت مالي ويه جدام ريلي
غسلت شعري والا صار يتمغط جنه علج ملزق .. ماقوول الا حسبي الله ونعم الوكيل
واللون برتقالي الله يكافيكم الشر
قلت مابي شي بطلع بس لكن ماخذيني بشراع وميداف كل وحده السانها شطووله قلتلها ابي فاتوره اني دافعه فلوووس جان كلمن يقووم يصارخ بالصالون @@ اللي معاي قالت الله واحد اليوم مااطلع الا وانا ماخذه فاتوره لين دقو عالمديره وكلمتها
لانه شعري قصير لما اذني يالله ينربط والصبغه 50 دك وانا كان شعري لي نهايه ضهري اصبغه بالشيراتون وب لامود 60دك
بس احذكم لاتجازفون وتصبغون باي مكااان
هذا كان صالون الشرقيه اللي بالجابريه صج اكتشفت ان حدهم حف ويالله

ومن طلعت من عندهم رحت الطبيب شاف قمة راسي وقالي حروووق وعطاني علاجات صارلي خمس اشهر اعالج واعابل بشعري وفراغات بين الشعر وليلحين يطييح ويحكني احس اني بقررع الله لا ورري عبد مسلم انشالله
راده البيت دمعتي على خددي من الحرره
احلا نيوو لووووووك

ابييييييييييييييه بصراحه الوحده لازم ماتجازف تصبغ بأي مكان خليج على الصالون اللي متعودة عليه احسن ومشكوووووورة على نقل تجربتج

امااانه لو وحده بمكاني شنو تسويي ؟؟؟

تدرين شتسوي؟تحمد ربها على اللي بقى من شعرها

الشعر ماتغامرين فيه باي مكان ولا عند اي احد الا اذا ثقه ومتعوده عليه وشايفه احد مسويه عندهم

الحمدلله على سلامة شعرج....ماعليه تجربه وراحت وربي يرد شعرج احسن من اول

أمرية خفت من تجربتج

كنت بسوي نيو لوك...

بس شكلي غيرت رايي.