تكفووون ابي وصفات للفطور الصباحي

هاي ياحلوات

انا بسراحه ماأعرف اطبخ بس ابي أتعلم
وابي اسوي لزوجي فطور ولا اعرف الى بيض مقلي او بيض مفوّح ...اللي يطبخ بالماء لين يستوي...
ابي ايشي يقدم على الفطور بس يكون طعمه حلوووو

اللي تعرف تعلمني وتكتب الطريقه

الله يخليكم لاتطنشوووووووووني

عندي لك طريقة بيض رجلي استانس عليها
بس مو دايم تسوينها لانها ثقيله شوي

شوفي يالغاليه تقصين بصل صغار ( تبشرينه ) وتحطينه بالمقلاة ويا شوية زيت زيتون وحطين معاه نص مكعب ماجي وتحمسين لين يستوي البصل وبعدها افتحي علبة مشروم صغيره وغسليها وصفيها وحطيها فوق البصل واحمسي شوي بعدين حطي شوية صلصة طماط وشوية ماي وقلبيها
لا استوت طفي النار واضيفي زيتون مقطع وقلبيها ,,,, الحين هذي الحمسه غطيها وخليها على جنب

جيبي بيضه واخفقيها بالشوكه مع شوية ملح وشوية فلفل اسود وصبيها في المقلاة بحيث تصير مثل قرص الخبز لكن مو سميكه لانها بيضه وحده وخليها تستوي من الطرفين ... وجذي سوي اقراص حسب عدد الاشخاص الي بتسوين الريوق لهم .... يعني انتي ورجلك بس سوي قرصين
الحين تجيبين طبق التقديم ... حطي البيض بالوسط وجيي الحمسه الي سويتيها قبل وحطي منها ملعقتين على القرص لكن يكون من طرف واحد بس بعدين اسفطي الطرف الي مافيه حمسه على الطرف الثاني بحيث تصير نص دائرة واخذي شوية من الحمسه وحطيها فوق البيض وهو مسفوط ... الحين الطرف الفاضي من الطبق نظفيه بالكلينكس وعاد وانتي والي متوفر عندك .... جرجير ..... جزر مقطع .... زيتون .... جبن ابيض .... يعني يصير الطبق كانك قاعده بطعم

وبالف عافيه :wink_smile:

محتاجين افكار حلوة للريوق.....يعطيك العافية:wink_smile:

هلا اختيه حمصي التوست في شوايه وحطي لبنه بالزعتر وزيتون مع عصير برتقال طازج


حلوووووو وخفيف وبالعافيه

حبيبتي شوفي الرابط

>>>>>http://www.kuwaiteya.com/vb/t111538.html

سوي سلطه جبن اذا زوجج يحب الخفايف
الطريقه هي
جيبي خس امريكي وقطعيه على شكل مربعات وضعيه بالطبق الخاص بالسلطه وجيبي طماط وقطعيها قطع صغيره
وقطعي جبنه البقرات الثلاث الي مربعات صغيره وضعيها بطبق السلطه
وضعي كزبرة وزيت الزيتون وعصير ليمون بالخلاط وضعيها صلصه على طبق السلطه وبالهناء والشفاء

شوفي حبيبتي اضربي 3بيضات بالصحن وحطوا عليهم ملح وتالي جيبي توست وغمسيه بالبيض من الجهتين ومن ثم حطيه بالمقللى "اكيد المقلى فيه زيت"
البطاطا المهروسة"طريقتها تفوحينها البطاط بقشوره بماي حار لحد ماينضج حده البطاط طفي الجولة بس يبرد قشري البطاط واهريسه بالهاون وضيفي عليه من ماي البطاط اذا كان ناشف والملح والفلفل الأسود ومن تحطينه بالصحن صبي فوقه زيت زيتون وزينيه بالبقدونس
اتمنى اكون أفدتك يالغلا

يسلموووووووو
بس حبيت اعرف ريوق لدوام وشي سهل

البنات ماقصروا

موووووووفقه

انا بكتب اللي اعرفه وان ساء الله يعجبكم

1- اخذي كرواسون الساده وفتحي عالجنب وحشيه حشوات مختلفه مثل : لبنه وزعتر ومرتديلا ** او**

جبنه سلايسه ومسحه مايونيز وبيض

أو ** جبن ابيض وزيتون مقطع وطماط

او في طريقه ثانيه :

اخذي الخبز الخفيف وفتحيه وحشيه بيض وموزريلا وسكري الخبزه وبالشوايه تطلع تهبل

او ** اخذي الصمون الفرنسي وفضيه من داخل وسوي حمسة خضار مشكله او شي خفيف

او** الصمون المدور اللي بدون سمسم عند الطاحن رهيب حشيه حلوم ( يكون مدور موجود بالجمعيات) وحطي فوقه رشة زعتر على شرايح طمام

اشرايكم عطيتكم جم فكره حلوه ... عليكم بالعافيه

فعلا افكار حلوووة الله يعطيكم العافية عليها
انا عندي فكرة ثاني سوي بان كيك وجنبه سوي بيض او تقدرين تاكليه مع جبن او بان كيك و شوكليت

طريقة البان كيك:
ممكن تشترين خليط البان كيك الجاهز او هذي المقادير :

كوب دقيق
2 ملعقة طعام سكر
2 ملعقة طعام بايكنج باودر
2/1 ملعقة صغيرة ملح
2 بيضة مخفوقة
1 كوب حليب سائل
3 ملعقة طعام زيت
نخلط المقادير لين يستوي نفس خليط الكيك وبعدها نصبها على المقلاية او جهاز البان كيك
وقدميها مع عسل وجبن او بيض على حسب ماترغبينانا بصراحة احب اسويها بشوكولاته النوتلا خخخخ
اتمنى اني افدتج

ماقصروا البنات .........