خلطة الدكتور جابر الخطييييرة للشعر .. عن تجربة

السلام عليكم ورحمة الله ..

سمعت الدكتور جابر القحطاني
(رئيس قسم العقاقير ومدير مركز أبحاث النباتات الطبية والعطرية والسامة
في جامعة الملك سعود بالرياض ) .. < له برنامج أسبوعي على قناة الأخبارية >

قال خلطة لـتـنـعـيـم وتــكــثــيــف وتـطويـل الشـعـر

وانا فعلا جربتها وللأمانة والله أستفدت منها ولله الحمد والمنه

بذكرها لكم ولا أبي غير دعوة صالحة وأن ربي يثبت حملي ويقومني بالسلامة

هي عبارة عن :

زيت اللوز الــمــر + زيت الزيتون + زيت الخروع

تخلط بنسب متساوية وتحفظ في زجاجة عنبرية اللون

( يمكن تستغربون وش دخل لون العلبة .. لكن يبطل العجب إذا عرفتي أن الهدف منه
هو انك تكسرين الضوء عنه عشان ما تخف فعاليته أو تتغير خصائصه )
... تقدرين مثلا تستخدمين زجاجات الأدوية .. انا حطيتها بعلبة الفيفادول
بعد مانظفتها وخليتها تنشف تماما

المهم .. تخلطينهم ثم تاخذين كمية بسيطه ( يفضل أنه تكون الكمية المستخدمة دافيه )
وتدلكين فيها فروة الشعر لمدة عشر دقايق ( انا لأني ملوله أكتفي بالتدليك 4 دقايق تقريبا )

ووالله مع الأستمرار بتندهشين أن فعلا فيه شعر جديد نبت

انا أستخدمته مرتين تقريبا بالأسبوع .. مرات أقل ومرات أكثر

يعني تقريبا كل مابغيت أتروش أزيت شعري و أخليه على الأقل ساعتين ثم أغسلة


ملاحظة مهمة جدا جدا :
للأستفاده بشكل صحيح وحقيقي .. سواء جربتي هاذي الطريقة أو غيرها

ياليت تكون زيوتك اللي تستخدمينها تكون طازجه من المعصرة

لأن غالبا اللي عند العطارين قديمة ومالها فايدة


لا تنسوني من دعواتكم ,, وأن ربي يثبت حملي ويقومني بالسلامة


تحياتي للجميع,,​

اللهم اني اسألك بأسمك العظيم الأعظم الأعز الأجل الأكرم يا الله ان تثبت حمل اختنا يا رب العالمين

وكرري هذا الدعاء دائما :

(( اللهم يامن لاتضيع ودائعه .. أستودعتك مافي رحمي .. فأحفظة بعينك التي لاتنام .. وقر عيني برؤيته صالحاً معافى كاملاً دون زياده ولا نقصان انك على كل شىء قدير )) .


وصل الله على سيدنا محمد

الله يعطيج العافية بس من وين نجيب المعصرة في الكويت ما عندنا الا العطارين

الله يعيطج الف عااافية

مااقصرتي أختي افدتينااااااا

تسلمين والله يعطيك العافيه وان شاء الله راح اجربها
ويارب يثبت حملك ويقومك بالسلامه ويعطيك ماتتمنين

الــغــالــيــة نـــجــــود

الله يجزاك خير الجزاء على حسن ردك

والله ينولك اللي في بالك يااارب

ومشكووووووورة حبيبتي على الدعاء .. جدا رائع


تحياتي لك ,,​

هــدفــي الــجــنــة

بالكويت مادري من وين

لكن بالسعودية متوفرة المعاصر بكل مكان .. إذا تقدرين وصي أي أحد يجيبلك

وهو مو لازم معصرة .. لكن انا من تجربتي والله العظيم لقيت فرق السماء عن الأرض
بين الزيوت اللي آخذها طازجه من المعصرة وبين اللي آخذها من العطارين
إذا تعرفين عطار زين وبضاعته متحركة ودايم يجددها .. خذي منه

وانشالله تستفيدين .. بس من جد لاتفوتك هالخلطة .. سويها تراها ممتااااااازة

تحياتي لك ,,​

أم عـبـداللــه

الله يعافيك ويقويك حبيبتي


تحياتي لك ,,​

الـــمـــضـــيـــئـــة

الله يسلمك ويعافيك

والله يجزاك خير الجزاء


تحياتي لك ,,​

يعطيك العاااافيه ياقلبي ..................كل الزيوت اللي ذكرتيهم مفعولهم ممتاز

مشكورة حبيبتي بس منوين نحصل الزيوت الطبيعية وشنو عنبرية يعني مو شفافة
جزاج الله خير على المعلومه بجربها زيوت العطار شنسوي او إذا تعرفون عصارين بالخفجي او الحفر او مكه دلونا عليهم يابنات السعودية

جزاك الله خير انشاء الله اجربها

مشور علي الافاده

عزيزتى اريام الله يعطيكى العافية ويثبت حملك يا رب ويرزقك بمولود جميل وفى انتظار موضوعاتك الجديدة​

مشكوره اختي ع المعلومه

مشكورة على المعلومه الحلوة

مشكورة علي المعلومة وجزاك الله خير ورح اجربها علي وعلي بناتي

يعطيك العافيه..والله يحققلك مرادك ويثبت حملك..ويرزقني وياك بالذريه الصالحه

الله يجعلها في ميزان حسنااااااااتج آمين ويثبت حملج بس وين أحصلها بالسعوديه