***ديروا باااالكم من هالحركه***

السلام عليكم ...




حبيت انبهكم من شغله صارت فيني اكثر من مره وحبيت اقولها لكم عشان لا تنغشون نفسي .. كل وحده تطلب من ستاربكس لازم تطلب الفاتوره هابين هالايام يزيدون اشياء من كيفهم .. صارتلي مرتين بفرع المطار طلبت ويوم سألتها عن الفاتوره وشفتها لقيتها حاطه اكسترا كراميل مرتين ويوم سألتني قتلها مابي كراميل واول ما قتلها على طول ردتلي الفلوس وتأسف ومره صارتلي بفرع الجابريه طلبت فرابتشينو ولاتيه وحلوم طلعلي 5.850 وما عطتني الفاتوره وتناقشت مع رفيجتي قتلها احس حسابنا وااايد ويوم طلبنا الفاتوره سوت روحها تدورها وانا ناطره عبالها بقولها خلاص والمشكله ان احنا رايحين الصبح يعني مو ذاك الزحمه وعقب ما طلعتها قامت تشوف الفاتوره بروحها وتقرى جان تقول سوري انا حاطه 2 فرابتشينو
نصيحه كل وحده تطلب شي من ستاربكس للازم تطلب الفاتوره (بعض الافرع يعطونج الفاتوره )وهم تاكدي منها واذا لاحظتوا اكثر الافرع ماقاموا يعطون الفاتوره ترى مو بس انا اللي صارلي جذي يوم قلت حق رفيجاتي جم وحه صارلها نفس هالحركه..وهابيين الحين يسألونج عن المشروب تبينه وسط والا كبير وما يقولون ان في صغير يوم سألتها قتلها انا ابي صغير قالت اوكي .. وهالحركات تصير بنص المطاعم بعد مو بس بستاربكس .. اتمنى اللي صارلها موقف بستاربكس وطلبت الفاتوره تقول موقفها واللي ماصار معاها من اليوم تطلب الفاتوره عشان تأكد من حسابها ولايبوقونه اكثر، بروحها ستاربكس نهيييييبه وغالي .​

حسبي الله عليهم
لاقين فلوسنا بالشارع

اصلا انا ستاربكس قاطعته بالثلاث
تره بس سمعه ولا طعمه مو ذاك الزود ومره سوت امريكا دراسه يابوا كذا قهوه وغيروا القوطي وشربوها الاوادم وبعدها لقو ان اسوأ قهوه اهيه قهوة ستار بكس بس الناس تبي السمعه .... وبعد ما عرفت دعم راعيها للجيش الإسرائيلي بعد كرهتهم

انا اروح سيغافريدو روعه واحلى من ستار بكس 1000 مره
​

مشكورةةةةةةةةةةةة ع النصيحة

لكن انا من مقاطعي هاليهووود وقهوتهم . . .

مشكوووره وماقصرتى

.... صاجة أختي g&d حتى ماكدونالدز على كيفهم يزيدون الأسعار لأني مره طلبت من السالميه وجبة أطفال حق ولدي ب 850 واحنا طالعين طلبت وجبة ثانية من الشعب قالتلي 950 و المصيبة انها نفس الوجبة و بين طلبية الوجبة الاولى و الثانية تقريبا 45 دقيقة بس ....

مشكوووورة ع التنبيه

جزاك الله خير

صح كلامج انا غرامي ستاربكس كل مرة اشتري من فرع غير ونفس الطلب والسعر نفسه مرة رحت الافنيوز ولا يقول 2 ونص شكو زايد النص مادري يعني وخليته ومشيت ماناقشت قلت يمكن اهو زايد لي كراميل لول


بالمطار صارت حق اختي سالفه انها طلبت موكا صغير ولا يقولها 4 دنانير وشي واشوه اني رحت لها ولا اثاريه زايد الكراميل 10 طبقات اختي مسكينه انصدمت ليش 4 ونص لانها عارفه اهي سعر اللي تطلبه كل مره والحين يقولها 4 ونص ولا اكلمه انا عاد انا صرت خبرة بستاربكس وبعدين المرة الثانية صارت معاي بالمطار طلبت موكا وسط ويزيد بالسعر ولا اقوله ليش وافهمه ولا يقول اه اوكي اوكي ويروح يعدل السعر لوووووووووووووووووووول


حرامية ستاربكس صج انا وايد وايد اطلب منه بس اول شي ماكنت اعرفلهم ولو عرفت انهم يزيدون اطنش الحين انسي اطنشهم اخذ فلوسي اخذهم ههههههههههههههه


يعطيج العافية

واااي يمه منهم ليش جذي عاد !!!


اشوه انج نبهتينا

مشكوره خيتو

حسبي الله ونعمــ الوكييييييل

الله يعطيك العافية على الموضوع و الحمد الله أنا مقاطعته من زمان لأن جزء من أرباحهم تنتقل لليهود

اقولكم شي بعد رحت سنتربوينت الري نزلت هوم سنتر اشتري شغلات لغرفه النوم
رديت البيت في شي خذيته مكسور ثاني يوم رجعته وشريت شغله ثانيه حسبت عشان اعرف اشكثر ادفع لما رحت الكاشير طلب زياده قلت يمكن غلطانه رجعت البيت اشوف الفاتوره ولا زايد علي سعر الترجيع بدال ما ينقص شفت فاتورة امس اراجعها ولا زايدين علي شغلات انا مو شاريتها بعد والله قهر

بعد كم يوم رحت هوم سنتر اللي بالشويخ فيه تنزيلات لما ييت الكاشير عاد انا مقروصه قاعد يحاسب لما خلص ولا السعر زايد قلتله ليش قمت اراجع معاه ولا حاسبلي السعر العادي مو التنزيلات
شان يقولي سووووووووري مدام قلتله وين اصرفهه اللي ماينتبه بلعتوه
هم ديروا بالكم منه وحسبوا اغراضكم عدل

صح صارت لي ستار بوكس بسوق شرق كل شي صار غش وعلني

مشكوووووووووووووورة على هالنصيحة يا الغالية

لازم نشزف كل الفواتير من كل مكان مو بس المطاعم والكفيهات لان الازمه الاقتصاديه مأثره فيهم حييييل ويبون يطلعونها من جبدنا

لا وبعد ازيدج مرتين اروح ستاربكس الافنيوز الي تحت مو فوق شسووون طلبت فرابتشينو موكا بس واحد تتوقعين جم طلع علي
3دنانير وشي لا وبعد الوسط مرتي وستغربت
ولمن رحت ستار بكس الي فوق وطلبت نفس الطلب طلعلي ب 1،750 فرق الصراحه

حرامية

لاقيين فلوسنا بالشارع

زين اني مقاطتعهم هاليهود

لاحول ولا قوة إلا بالله صارت نهيبه عيني عينك

أنا الحمدلله عمري ماطلبت منهم شيء لأن راعيها يهودي

مشكوره حياتي ع التنبيه ما قصرتي​