كل اللي يحبون نقش الحناء يتفضلون بدووون تردد.. صور خاصة بصالوني أعرضها لأول مرة

السلام عليكم صديقاتي وخواتي

شلونكم؟؟ ان شاء الله تكونون بألف خيــــــــــــــــــــــــــر



اليوم يايبة لكم موضوع حلو وخفيف .. اللي تبي تعرف شوية معلومات عن الحنا تقرا
واللي بس حابة تشوف الصور تنزل تحت شوي


بس اللي تطلع من الموضوع بدون ما تدعيلي ولا حتى تكتب لي شنو انطباعها يا ويلها ويا سواد ليلها >>>حشا داشه حرب مو كاتبة موضوع خخخ

انزين اللي باقوله لكم ان هالصور خاصة بصالوني .. والحنا اللي استخدمها من الإمارات مو من الكويت .. كل ما يقارب ال3 أسابيع وأحيانا أقل اروح واييب حنا يديد .. واللون يطلع مثل الصور .. وطبعا نسوي بعد على الظهر والاكتاف (للمتزوجات فقط يا جماعة رجاءا عن الاحراج)

وهذي الصور وان شاء الله تعجبكم






هذي الصورة الخاصه بالريول المعتمدة عندي .. اللي أحطها غالبا بالجرايد والاعلانات :smile:








وهذي نقشة الطاووس .. وايد حلوه ويمكن اللي كانوا معاي بمعرض أفكاري شافوها




أكيد ودكم تشوفون الأحمر
هذي الصورة للي يحبون الأحمر العنابي :smile:




وهذي الإيدين الثنتين



وهذي الصورة نقشة يديده ومن ابتكار نقّاشة الحنا السودانية اللي عندي
وأول مرة أعرضها



ان شاء الله يكونون عجبوكم.. واللي يعجبها شي ومن العضوات وتبي تستفيد منه محلله .. بس اللي بيستغلونه تجاريا لصالحهم ويسحبون علي ولا يقولون منقول مو محلليـــــــــــــــن
وان شاء الله احط لكم شي يديد كل جم شهر :wink_smile: ولا تنسون تقييم الموضوع بعد وأشكر الكل على المرور



وقلت بعد أضيف الأسعار لأن تكرر السؤال عنها

الإيد : وجه واحد يد واحده دينارين ,, يدين وجهين 7 دنانير

القدمين: القدم الوحده 5 دنانير والقدمين الثنتين 9 دنانير

الأطفال يد وحده وجه واحد دينار ونص واليدين الثنتين وجهين 5 دنانير

الرسمات على الأكتاف والظهر والذراعين تبدا ب 3 دنانير (لأصغر نقشة)

أسعار المنازل زياده دينارين على اليدين أو القدمين (يعني اليدين وجهين ب9 والقدمين ب11 )

وللحجز 66910911


وهالأسعار صالحة لغاية بداية شهر رمضان المبارك أعاده الله علينا وعليكم على كل خير .. وحياكم الله

الله يوفقج ان شاء الله ونقش الطاوووس وااااااااااايد حلوووو عجبني

ما شاءالله علييج حلووة النقشااات


بالتوفييج ان شاءالله ...

ويعطييج العاافيه ...

موفقه حبيبه قلبي

.............

حلو ماشاءالله بس مادري عن اسعاركم حبوبه ..

أذكر نفسي وأذكركم إخوتي في الله بصيام الأيام البيض لـ شهر ربيع الأول بإذن الله تعالى وهي كما يلي:


الأيام 13 و 14 و 15 من كل شهر عربى

توافق فى شهر شهر ربيع الأول 1431 هـ الحالى أيام السبت والأحد والأثنين
والموافقة لأيام 27+28+29\ 2 \ 2010 م

عن أبي هريرة رضي الله عنه قال : أوصاني خليلي بثلاث:
" بصيام ثلاثة أيام من كل شهر، و ركعتي الضحى، وأن أوتر قبل أن أنام "
صحيح البخاري

عن عبدالله بن عمرو بن العاص رضي الله عنهما قال : قال رسول الله صلى الله عليه وسلم:
" صوم ثلاثة أيام من كل شهر .. صوم الدهر كله "
متفق عليه

ماشاءالله روعه موفقه ياقلبي ...

حياكم الله أسعدني تواجدكم ومروركم وتعليقاتكم الحلوة والأحلى دعواتكم
عسى ربي يوفقكم جميعا ويرزقكم كل اللي بخاطركم :]

يا بنات واللي يعافيكم اللي تعرف طريقة اقدر اخلي فيها الصور تطلع بكل مباشر(مو عن طريق اللنك) تقول لي ومشكورين سلفا

ماشاء الله تبارك الله يهبل اللي عندي يموتون على الحنا بجيبهم لك :teeth_smile:
مااحط حنا بس بعرس اخوي ان شاء الله راح اتنقش وازورك وتسويلي خصم هغ

حبوبه لمن تحملين الصور اختاري لوضع الصوره بالمنتديات بالحجم الطبيعي مووفقه​

حلوين
ليلى وين صالونج ؟ بزورج وبسوي نقشه باخر ظهري ممكن

حبيبتي حيااااكم الله بعرس اخوج والا مو بعرس اخوج
أفا عليج بس الصالون واللي فيه كله تحت أمرج جم وتوره آنا عندي فديـــــــت قلبج انا يالغاليه
ومشكوره على الطريقه باجرّب ان شاء الله تضبط عشان بانزّل صور ثانيه بازيدها على الموضوع :x

أم عبودي فديتج مشكوره نوّرتي الموضوع وان شاء الله تنورين الصالون بعد ..بس ترى العنوان مكتوب بالصوره :teeth_smile: أدري مو منج من السهر روحي نامي يا حلوه باجر دواماااات :] وبعدين اذا تبين بآخر الظهر رجاءا عقد زواجج وجواز السفر بعد معاه عشان نتأكد انج متزوجه خخخخخخ حبيبتي حياج

موفقه يااااااااااااااااااااااااارب

ماشاء الله صج روعة يطلعون البيت وبجم الاسعار؟؟

عن جد زوووووووووووووووووووووووووووووووووووووووغه عندكم خدمه منازل ومن جم تبدي الاسعار


واذ ماعندكم خدمه منازل ابي عنوان صالون اختي تموت بهللل سواللف ومنها تسويلها وتكشخ حق عيد زوجهاا

وااي توني انتبه عنوان مكتوب علي صور

مشكوووووووره حبيبتي .. على الدعوة الحلوة وعلى المرور :smile:

مشكــــــــــــــــــــــوره يا قلبي انتي من ذوقج :smile:

للأطفال .. دينار ونص لليد الوحده (وجه واحد) واليدين الثنتين (وجهين) 5


للكبار .. دينارين الإيد الوحدة (وجه واحد) اليدين الثنتين (وجهين) ب 7


الأقدام (الثنتين طبعا) 9

واذا بس ريل وحده 5

والنقشات اللي بالصالون وايــــــــــــد ومن شغلنا والحمدلله ولا وحدة لليوم طلعت من عندنا ودفعت دينار واحد وهي مو راضية عنه :teeth_smile:

حيّاكم الله :smile:

انتي الزوووووووغه :smile: ووجودج بالموضوع زوووووغه :smile:

حبيبتي عندنا منازل للمجموعات ,, أو اذا بتسوين لأكثر من 20 دينار ,, لان ما اخلي اي وحده تطلع .. دايما أطلّع أشطر وحده ..

وان شاء الله اذا جربتوا بتحبونه أكثر .. لونه بالواقع وااايد أحلى من الصور ويطوّل يظل لأكثر من اسبوع .. والريول تظل لأكثر ..

حياااااج الله وحيا الله اختج بعد :smile: