1. ابحث عن ارخص الاسعار للفنادق, نضمن أفضل سعر لا يوجد أي رسوم أو زيادات على الحجز, نعدكم بذلك, نحن نجد المزيد من الفنادق بمجرد بحث بسيط قارن بين أفضل مواقع السفرو أحصل على ما تبحث عنه, سهل جداً, وفر حتى 80% نوفير حتى 80٪ من عروض الفنادق. لتبدأ بالحجز قم بزيارة الموقع من هنا
  1. جرح الزمان

    جرح الزمان موقوف

    لماذا يرفضنا ازواجنا احيانا؟؟؟(تعلمي معي سر من اسرار الحياة)


    بسم الله الرحمن الرحيم
    هلا بنات شخباركم
    لاحظت بعض البنات يكررون كلمات معينه
    استغربتها
    مثل :
    - ليش الناس صارو كذا؟؟
    - انا مهما اسوي احس الناس ما يبين بعينها ؟
    - لاحظت اشياء غريبه بالمجتمع .....و .....و ليش الناس صارت بهالصورة ؟؟
    - والى اخره
    من الفاظ توحي ان الناس خبيثة و المجتمع سئ
    وان الناس الطيبة اصبحت قليله
    --------------------
    تقبلو مني هذي الفلسفة البسيطة في فهم الحياة والمجتمع النابعه من دينا الحنيف
    ومدموجه ببعض الاراء الحديثة
    الحياة التي تعيشينها من اختيارك
    يعني اذا اخترتي الحزن والبكاء والألم
    ستجذبين المزيد من الحزن والهم وضيقة الخلق
    لأنك المتحكمه الوحيده بمشاعرك وردود افعالك
    أنت ما تفكرين فيه
    اعرف وحده تزوجت عن حب وتعيش مع زوجها من سنوات
    دائما تكرر اخاف يتركني
    اخاف اقعد الصبح القاه هاااارب ؟؟؟
    وتعيش بهذا القلق من سنوااااات
    واصبحت تصرفاتها نابعه من تفكيرها
    كيــــــــــف ؟؟
    اذا تأخر بالدوام تظن انه هرب منها
    اذا انشغل عن الرد على مكالمتها او مسجاتها
    تظنه بدا يتهرب
    وبالتالي تتصرف على هالأساس
    شلووووون؟؟
    تكتب المزيد من المسجات
    وتتصل اكثر
    وفي هذي الاثناء يكون زوجها مشغول او لاهي او اي عذر بالدنيا
    ولما يكلمها او يرجع البيت
    شتسوي؟؟
    طبعا عارفين
    تسأله وتحاسبه وتتشره عليه
    وتبكي وتصرخ وتنهار
    وهو احيانا يعتذر واحيانا يطنش
    لما مع الايام صارت حياتهم
    لف ودوران
    واعتذارات
    وتشره
    و و و
    بدأ يتهرب منها فعلا ...........
    وزاد عندها شعور انه بينحااااااااااش منها
    وعقب 9 سنوات زواج
    وحب ورومانسيه من طرفها
    قعدت الصبح ما لقته
    دورت دورت دورت ما لقته
    خرج ولم يعد
    مع الأسف
    زاد أللامها وحزنها وقامت تقول ليش الدنيا كذا؟؟
    اللي حصل انها كانت تفكر بكل وقت بأن زوجها بيتركها
    مع انها كانت طيبه معاه ورومانسيه واغرقته بالهدايا والحب والعطاء
    لكن .........
    وأه من لكن
    كانت تغرقه بالهم والنكد والملاحقه
    والتشره والحنه .........
    مما ادى الى ان يفرط بكل لحظات الحب والهنا معاها
    ويهرب من روما نسيتها المزعومه..... الى راحة البال والهدوء
    (( طبعا بتقولون هو غلطان كان المفروض يناقشها ويوضح وجهة نظره))
    لا تظلمونه ولا تظلمونها
    تتوقعون 9 سنوات ما فهمها ما يريد ؟؟
    لا فهمها وتعب ونصحها
    لكن (لا حياة لمن تنادي )
    ولا تزال تعيش على قانون ( الجذب )
    تجذب الأشياء السيئة في حياتها :
    مثلا فلانه اللي احبها ماردت على اتصالي اذن هي حاقرتني
    وفلنتانه مالها خلقي اخاف ادق عليها ما تعطيني وجه
    ولما تدق وهي مسيطر عليها هذا الشعور
    راح تتصرف على اساسه و
    و
    تتوقع الرفض من الخرين
    وتسئ الظن
    اي ما ردت عليه ما تبيني
    ليش ؟؟ حرام عليها و ...... و........
    الخلاصه :
    في قانون من قوانين الحياة اسمه قانون الجذب
    و هو بالضبط يعني
    ان ما تركزين عليه بقووووووة وتفكرين فيه تجذبينه لج
    سواء كان سلبي او ايجابي
    مثلا اللي تركز على فكرة :
    مابي زوجي يكش مني مابي زوجي يكرهني
    راح يجيها هذا الشي
    الاصح ان تفكر
    بنفسها انها قادرة على الحصول على حبه
    اذا فكرت وحده بأنها تعيش حياة تعيسه
    وسيطر عليها
    1- الغضب من زوجها
    2- واللوم الداخلي ( ليش كذا ؟؟ حرام عليه - بعد كل هالعشرة الطيبة يسوي ويسوي )
    3- الرغبة في الانتقام ( الله يسلط عليه الله يحرق قلبه الله يهده .....)
    4- التشفي -- اي قلعته صار فيه كذا وكذا من حوبتي
    وتعيش حياتها معاه بهذه الطريقه
    كر وفر
    وعطاااااااء ثم لوم
    حب و حساااااااااب
    تتوقعون شنو بيصير بحياتها ؟؟
    راح يكون تركيزها على ( ما لا تريد )
    وليس على ( ما تريد )
    يعني :
    اذا فكرت بزوجها تفكر ب : ليش ما عطاني ؟؟ ليش ما سوا لي ؟؟ ليش ما يحس فيني ؟؟ ليش ............. وسلسله ما لها نهايه من الللوم او الغضب او الرغبه بالتشفي
    الله ينتقم منك الله يذوقك النار اللي ذوقتني اياها الله يسلط عليك
    ---
    وراح تركز حييييييل على كل اللي ما تحبه
    وبالتالي راح ينجذب لها
    اللي ما تحبه
    وتزداد غضب ولوم والم
    ويزيد تفكيرها فيما لا تريد وهكذااااااااااا
    يجب علينا جميعا ان نعلم ان كثرة التفكير في اي امر
    حتى لو سلبي
    تجلبه حقا في حياتنا الواقعي
    وفي جانب مهم بهالموضوع
    وهو التبصر بالذات
    يعني افهم نفسي عدل عدل عدل
    وهذا صعب على الناس اللي يلومون الاخرين وينتقدونهم ويراقبونهم
    لأن عندهم عادة
    المراقبه والللوم والرغبة بالتشفي
    والتحسر على الذات
    وبالتالي ما يعطون نفسهم ولا الآخرين فرصه لإبداء
    العمل الطيب
    مثلا :
    - فلانه اتصلت بزوجها وما رد
    وكررت الاتصال والمسجات وقامت تحاتي
    ولأنها مسبقا حاطه في بالها انه مو حاط لها اعتبار
    وانه مايحس فيها
    وانه ........ وانه.........
    راح تتصرف على اساس افكارها
    واي كلمه يقولها او يتصرفها
    بسرعه راح تصبغها بوجهة نظرها
    وتحاسبه على ذلك؟؟؟
    وتصير حياتها صعبه عليها وعليه
    وما تدري
    انها صابغه حياتها بالوان تقمت القلب
    والحل؟؟؟؟؟
    تركز على ما تريد وتجذب لها الخير
    لاحظت اكثر البنات تشتكي من الناس ومن زوجها بأنهم ما يبين بعينهم
    وانها انسانه عظيمه وكامله وما غلطت ابدااا
    لكن زوجها فيه كذا....... وكذا........ وكذا.......
    وانا ابي منكم شئ مهم
    فكري بنفسك انتبهي لذاتك
    تبصري بعيوبك
    مثلا :
    طالعي نفسك بالمرايا وانتي تاكلين او تمشين او تتصرفين
    وشوفي نفسك من زاوية اخرى
    سجلي مكالماتك ومحادثاتك وانتبهي لنفسك ولطريقة كلامك
    شوفي عيوبك
    اذا استمتعي لانتقاد من الناس
    فكري بعمق هل انا فعلا اعاني من هذا الامر
    مو عيب اذا احد نبهني على عيوبي اني اصلحها
    ومثل ما قال الشاعر
    ابدا بنفسك فانهها عن غيها فإن انتهت فأنت حكيم
    والحل ؟؟
    الحل بسيط
    ترجع لأخلاق القرآن والسنه
    وتطبقها على نفسها فقط ولا تلوم الأخرين عليها
    يعني اركز على ان اكون زوجه حسنة الخلق وطيبه وافعالي موافقه للكتاب والسنه
    ولا اركز على افعال الآخرين
    اركز على نفسي واحسنها
    واذا صدر من الطرف الآخر ( الزوج)
    ما لا ارغب به او استنكره
    احرص على اعذاره ( سبعين عذر ؟؟ لا اكثر واكثر واكثر )
    لأن هذا هو الحب الحقيقي
    والأصل فيه نابع من حب الذات
    لأن اللي يحب نفسه راح يفيض حبه على الآخرين
    ويعذرهم
    ويسامحهم
    ويترك اللوم
    الغضب
    الحقد
    الرغبه بالتشفي
    الانتقام
    لماذا يرفضنا الناس احيانا؟؟
    وقد تعبنا معهم وتلطفنا بصورة مبااااااالغ فيها ؟؟
    قد يكون السبب كثرة اللوم كثرة التشره
    مما يوحي بالتمنن
    فيشعر الزوج بأن كل لفته حلوة منك ستضاف الى ملفاتك
    أي ملفات؟؟
    ملفات ( الهوشااات)
    سويت وسويت وسويت لكن مع الأسف ....
    مابين بعينك
    أدري إنك ما تحبني
    ابي اعرف ليش ما تحبني ؟؟
    هذا الحب إسمه ( حب الشحاتين ) أو ( حب الطرارين)
    يعني ( تطرين ) منه الحب وتتلصقين فيه بصورة تخليه ( ينحااااااش)
    فمن طبيعة الرجل انه يكره من يركض خلفه
    واذا حصل ذلك فإنه يهررررررب بعيدا الى من يحتاج هو الى ان يلتصق فيه
    كيف تفهمين هذا الجانب جيدا؟؟
    إليك هذا ال vocablaryمن قاموس الرجل
    اذا قال لك (( اوكيه حبيبتي اكلمك بعدين )) فهو يقصد سكري التلفون مالي خلقك
    واذا قال لك (( توني طالع معاك قبل اسبوعين !!)) فهو يقصد اشلون بوله عليك وانتي لازقه بمخي
    وإذا قال (( مالي خلقك )) يعني ابتعدي ولا اذبحك
    لأن الرجل له الفاظ خاصه مختلفه عن المرأة
    وغالبا
    الفاظ الرجل واضحه ومباشرة وبعيده عن اللف والدوران
    بعكس الفاظ المرأة فهي اذا قالت لزوجها ابتعد فهي تقصد اقترب انا ولهااانه عليك بس قصدي اتدلل
    واذا قالت اخر مره طلعنا قبل اسبوعين فهي تقصد حس فيني ابي اطلع معاك
    واذا قالت مالي خلقك يعني اقترب
    الحياة فيها قوانين تسري علينا كلنا في كل اركان الكره الارضية
    وسواء استوعبناها ولا لأ فهي ماشية
    مثلا :
    - احنا ما نعرف قوانين الفيزياء ( اتكلم عن نفسي )
    ولكن هذا ليس مبرر لانكارها
    كذلك قانون ( الحب والتسامح)
    - اللي يعطي حب ياخذ حب واللي يعطي تسامح ياخذ تسامح
    - يمكن وحده تسأل شلوووون؟؟
    انا احب ريلي وهو ما يحبني
    او
    انا زينه مع حمولتي وهم طلعت منهم تصرفات ما تعجبني
    او
    عندي صديقة قمت فيها قومه وبالأخير شفت منها ما لا يعجبني
    المهم يا بنات تعرفون ان الحب والتسامح مثل الاسهم
    اذا القيتيها ترد عليك
    عطي حب صااااااااافي وتاخذين حب صاااااااااافي
    وحده منكم ترد علي
    تقول : عطيت حب صافي غير مشروط وما حصلت الا النفور
    اقول لها روحي باعماق ذاتك وفكري بصدق و امانه مع نفسك
    ورب العالمين فوقك
    هل انتي حبيتي بدون طلب مقابل ؟؟ حتى لو كان ما تريدين ( الحب والمشاعر الحلوة والكلام اللطيف والتواصل)
    لأن هذا يعتبر شروط
    مثلا : لما تحبين زوجك وتقولين له انا ما ابي منك شي وانا احبك لذاتك وانا طيبه
    بس الناس مو مثلي والناس مو بطيبة قلبي
    وانا احبك واموووت على ريحتك
    وما ابي منك شي
    وبوقت الصج
    تقلب
    انت ما تحبني
    انت ما تدق علي انت ما تسأل عني
    انت بس هامينك عيالك واهلك وربعك
    اما انا لي الله
    آه من الحـــــــــــــــــــــــــــ ـب ومعانيه واسراره
    الحب والتواصل يطلع من كلماتك وافعالك
    والنقد واللوم والغضب والرغبة بالتشفي
    تطلع من كلماتك وافكارك
    وقديما قالو :
    اللسان مغرفة القلب
    خليكم معاي وخلونا نتعلم اسرار الحياة ونطوعها لخدمتنا
    ما نركز عليه
    نشعر به
    ونظن أنه حقيقة
    نعيش عليه
    والحل ؟؟
    نتحكم بتركيزنا
    نراه كما هو ( المواقف والأشياء )
    ولا نراها اسوء مما هي ولا اقل مما هي عليه
    وعلمنا الإسلام فن التعامل مع الحياة
    عن طريق حسن الظن بالآخرين
    والتفاؤل
    وفي الواقع اكتشفت ان في ناس
    بدون وعي منهم
    يحبون ضيقة الخلق والحزن والحنه والرنه
    دايما يدورون على الأكشن ( ------ )
    يحبون الخلاف والمشاكل
    ويتناجرون ويحاسبون الأخرين على تصرفاتهم
    وبعدين ؟؟ تقول : انا مو مقصرة مع زوجي ورومانسية وكل شي اسوي له بس ماكو فايده
    بس تدرون ؟؟
    من أسرار الحياة ان خيبة الامل بالأخرين
    هي هزة تصحينا من الغفله
    بعض الحريم مثلا تكون خاشه راسها بالرمل مثل النعامه
    وما تقوم بحقوق زوجها على اكمل وجه
    وفجأة تطيح على مشكله كبيرة وعظيمه
    فتكون بالنسبة لها هزه تصحيها من غفلتها ونومها
    بعض البنات تصحيها الهزة
    وبعضهم تقوم تبكي تبكي تبكي
    وبعدين
    للأسف
    ترد تناااااااااااااااااااااااااام
    وتصحى على مشكله اضخم
    ولكم تحياتي وتمنياتي لكم بحياة مليئة بالحب والود والرحمه
    منقول لعيونكم
  2. الاميره بشاير

    الاميره بشاير أمــيــرة الـمـنـتـدى

    ابدعتي حبيبة قلبي :)

    الله يعطيج العافيه حبي :)
  3. جرح الزمان

    جرح الزمان موقوف

    يعافيج ربي ويسعدج يالغاليه

    دايما منوره مواضيعي

    والشي هذا يسعدني
  4. نسايم 2010

    نسايم 2010 سيدة جديدة

    يعطيج العافيه على المعلومات القيمه والله يكفينا شر انفسنا

    تقبلي مروري
  5. اصيله

    اصيله مــراقــبــة عــامــة

    تسلمين يالغلا

    مواضيعج مميزه
  6. خوووووووووووش موضوع فديتج

    ويسلمو ياقلبي
  7. أم عبدالله

    أم عبدالله *( سبحان الله وبحمده )*

    مشكورة وما قصرتي . . .

    يعني المرء ما يفكر . . .

    يعكس تفكيره في تصرفاته . . .

    وهالتفكير ما يكون منطقي ولا صحيح ولا حقيقي . . .

    فتبدأ المشاااكل . . .
  8. ريان التميمي

    ريان التميمي سيدة جديدة

    يسلمو ياقلبي عالموضوع الشيق :)
  9. q8-3soola

    q8-3soola >> لا إلــه إلا أنـت سبحانك <<

    موضوووع بقمة الروووووعه ..

    لاهنتي يالغلاااا ..

    :)
  10. تهاني

    تهاني سيدة جديدة

    موضوع يستحق القراءه

    يعطيج الف عاااافيه.........
  11. جرح الزمان

    جرح الزمان موقوف

    كل الشكر لكم نك نك خواتي على مشاركتي
    الله لايحرمنا منكم
  12. أخجل الورد

    أخجل الورد سيدة جديدة

    بعطيج العافية حبيبتي
    موضوع جدا قيم،،،،،
    لــــــــــــــــــكــــــــــــــــــــن ،،،، الطبع يغلب التطبع
    شنســـــــــــــــــــــــــوي ؟؟؟؟
  13. جرح الزمان

    جرح الزمان موقوف

    ربي يعافيج يالغاليه

    صحيح كلامج

    وتسعدني مشاركتج
  14. فضه

    فضه سيدة جديدة

    مشكووووووووووووووره
  15. أم ليال

    أم ليال سيدة جديدة

    مشكووووووووووووووووره
  16. باونتيه

    باونتيه تـــاجـــرة

    موضوووعج طالع من قلبج عشان جذيه دخل قلوبنا بسرعهخ تسلمين يالغلا بانتظار جديدج
  17. اغادير هديل

    اغادير هديل سيدة جديدة

    دررررررررر تسلمين يالغلا والله لج وحشه
  18. الله أملي

    الله أملي سيدة جديدة

    جزاج الله ألللللللللف خيييييييير
    صج كلامج عجييييييييييب وييه بوقته
  19. ام شويخ

    ام شويخ سيدة جديدة

    السلام عليكم ورحمة الله وبركاته

    بصراحة انا قريت مواضيع عديده عن نفس المغزى بس مثل اسلوبج الحلو مالقيت


    ابدعتي ياجروحة


    موضوع اكثر من رائع

    في انتظار المزيد
  20. رايه7

    رايه7 سيدة جديدة

    كلام صحيح 100%

    يعطيك العافيه

مشاركة هذه الصفحة