السلام عليكم هذي اول مره اكتب موضوع اتكلم عن نفسي بس والله طالبتكم وابي مساعدتكم انا توني متزوجه صارلي شهرين ونص انا وزوجي كبر بعض عمرنا 20 والله من تزوجنا كرهت نفسي والله ماطلعت معاه الا 4 مرات ومن اول اسبوعين من زواجنا قالي ماتبين تنامين ببيت اهلج ورحت نمت ببيت اهلي لاني تضايقت من كلامه وبعد شهر قالي بسافر سوريا 4 ايام وماقلت حق اهلي عشان لايقولون ليش خليتيه قلت خاليستانس وصار كل يوم يقول عندي شغل الساعه 5 او 6 العصر و يطلع ماعنده شغل يروح المخيم حق ربعه ومايرد الا الساعه 2 الفير اقوله مايصير كل يوم ترى ربعك ماراح يفيدونك يقولي لا انتي تفيديني وانتي ماتبيني استانس واليوم يقولي يمكن اسافر مصر مع ربعي والله مادري شسوي معاه.. حتى لما انام ببيتنا طبعا صار كل خميس يقولي نامي ببيتكم لانه ينام بالمخيم ولما بطلع مع امي وخواتي اتصل عليه اقوله بطلع معاهم مايرضى والله صرت ما اقوله واطلع واستانس لان ادري ماراح يتصل ولا يسأل عني!!!! تخيلووا حتى لما اكشخله والبسله يقولي شنو هذا والله ناس ماتستحي صرت بس لما بنام اروح ابدل وانام على طول مايشوفني شنو لابسه والله وايد قاعده اتضايق من معاملته معاي وانا الحين حامل ومايراعي مشاعري حتى لما اسئله وين بتروح يعصب يقولي ترى اذيتيني كل يوم تسئليني وين طالع مالج شغل فيني ولما عصبت عليه قلتله لازم اعرف وين تروح مو انا مرتك جان يقولي لا انتي خدامه عندي والله يا بنات قاعده اكتب وابجي مادري شسوي معاه انا لو ادري جذي جان اكلت حبوب منع الحمل عشان لا احمل منه محتاااجه مساعدتكم ابيكم تشوفووووووولي حل معااااااااااه والله بدعيلهااا الله يوفقها ويرزقها ويعطيها كل الى تتمناه الى تساعدني
لاحول ولاقوة الا بالله... حبيبتي قعدي معاه بهداوة سأليه ليش يسوي فيج جذي وقوليله انت تحبني ؟ وفي اشياء انا اسويها انت تتضايق مني وكل يوم تطلع وتخليني لين الفير بروحي ماتغار علي وقوليله انا مابي كل يوم تقطني بيت اهلي وتردلي اانصاص الليالي !انا محتاجه اقعد معاك مثل كل زوجه وزوج قوليله اطلع مخيمات واطلع مع ربعك واستانس بالعكس انا ابي راحتك ورضاك ومن هالحجي يعني بالسياسه ونطري النتيجه واذا شفتيه ماكو منه فايده ويقل ادبه وانتي حامل حرام لالا اسمحيلي لازم يدخلون الاهل على الاقل يحطون حد حق هالمشكلة والله كريم مع هذا تقولين عمره 20 هالعمر يبيلهم نصايح لان بداية عمرهم والله يوفقج انشاء الله وتنحل مشكلتج:teeth_smile:
اختي ام.ابرار والله قاعده ادعي بكل صلاه بس شسوي ماتعدل معاي معني زينه معاه واسوي كل الى يبيه تسلمين على ردج الطيب وربي يوفقج ويرزقج ان شاء الله
اختي الماسه82 اليوم قعدت معاه قام يصارخ بويهي وكسر القلاص اهو حتى صلاه ما يصلي يشوفني اصلي ما يقوم يصلي بس الله يهديه انا ماحب اتشكى حق اهلي واقولهم عشان جذي متأذيه وايد منه ومادري شسوي معاه مشكووره عالرد الى يريح وربي يوفقج ويرزقج يااارب
انا لما تزوجت كان زوجى مايرد لساعه اربعه وكنت اضايق وكان يسافر بشهر مرتين ومااشوفه كلا طالع ولله مسافر وبس اتهاوش معاه لكن ماعلمت احدضليت سنه وبعد السنه تغير حيل وصار مايفارقنى
هلا حبيبتي والله يصبرج يااارب لازم تصبرين ولاتدخلين احد بسوالفكم وترى صغير يعني لي الحين ماتحمل مسئوليه انتي حاولي بأسلوبج تحملينه المسئووليه مو تسكتين عن حقج وشنو يقولج خداامه قولي لا ماني خداامه وانا جايه من بيت اهلي معززه مكرمه مو خدامه عندك ياانك رجال تعزني وتتحمل مسئوليتك كونك رجل البيت واذا انت شايف نفسك جاهل ومو قد المسئوليه كل واحد يشوف طريقه .. طبعا الطلااق مو حل مااقولج تطلقي بس ابيج تعزين نفسج وتعلمينه انج مو ذليله عنده ترى يااختي ان عزيتي نفسج راح يعزج اكثر بس ان رضيتي بالمذله راح يذلج اكثر واكثر .. لازم تشوفين لج حل انتو ببداية زواجكم .. اتمنى اني فدتج والبنات ان شاء الله مايقصرون ويااااج .. والله يسخره لج
يابعد قلبي والله تضايقت عشانج ادعي ربج و كوني هاديه بمعاملتج معاه و اكسبيه بطيبج والله ما ادري شقول لج لكن هالحياة تجارب و الشاطر اللي ينجح فيها .. وهالشي اختبار من ربج ... توكلي على الله و حاولي تتحملين لكن مو أنج تذلين نفسج لا تحملي بما يرضي الله ... كلمي امج وشوفي شنو تقول ... وبالتوفيق يارب
اختي كل الرياجيل هذي اطباعهم بس زوجج بزياده شوي تحملي ولاتصرفين اي تصرف الا دارسه الموقف بهالداوه والنقاش افهمي شنو سالفته
حبيبتي انتو توكم صغار على الزواج اطفال والله ريلج من الواضح انه طفل وما عنده اي تحمل للمسئولية حاولي انج تاخذين عقله وتشديه للبيت اضحكي علي باي شي تقدرين تخلينه يتعلق فيج ويضل لازق فيج اكيد ربعه مو متزوجين ولا كنتو رحتو سوا المخيم حاولي انج تشاركينه بالاشيائ الي يحبها اشترو بليستيشن والعبو سوا وحاول تتشاركون اكثر في حياتكم اخذي نصيحة خواتج الكبار ولا تدخلين اهلج دامج حامل يعني خلاص الفاس وقع في الراس وبعدين وين اهله وين خواته وناسه
اول شي الدعاء والبر فترة وتتعدي لمة يي يبي يروح البر سويلة كيكة وعطية قوليلة درب السلامة حبيبي وا لابتسامة الريحة الحلوة والدلع خليج سنعة وخلية ينشغل فكرة فيج بعدين خلبك مبتسمة وعزيزة ولج شخصيتج ترا المراة المغلوب على امرها مايحبونها يحبون القوية وانتي طلبي منة ابي اروح المكان الفلاني بشتري جذي ودني ماادل خلي لهية فيج ودني صالون ابهالامكان ماادلاروحها وامدحوة او محل او اي شي بعدين انتو يمكن بيتكم واهلج عادي تنامون بيت اهلج لا تنامين لمة يقولج قوليلة ليش انام بيت اهلي توني عروس وانتي تدلعي علية وخليج لهلوبة نشيطة سويلة كيكة طبخيلة سوي شي وبالنسبة للكشخة لبسي تريننق سوت لبس رياضة ويكون مرصص ولون قوي وردي احمر اسود وميك ابخفيف مال اجانب خليج دلوعة مو ميك اب ثقييل ومال عروس و عودية على الطلعة خلية لزمييوديج زوارات اهلج امر اسلم عليهم حسسيسية ان اهلج شي مهم وااشرايج نروح اهني واشرايج نشوف الفيلم نازل يمدحونة واهو صغير مردة يكبر بتعدل بس لازم تصيرين نشيطة حركية دلوعة تغيرين من اسلوبج ويصير عند مواضيع تسولفين فيها مرة تنكتين مرة تتكلمين بالسياسة مرة تتكلمين بدراسة مرة تتكلمين بالصحة نوعي اهتماماتج مو بس اكشخ لة وبس مو كاااف لازم الاسلوب والعقل الرزين
لا حول ولا قوة الا بالله بعده صغير / لا يكون يبي يكون شخصية .. المهم ما علينا اكثري من الإستغفار والدعاء وثقي بالله ...
وووووووووووووووووووووووووواااااااااااااااااااااااااااااي الله يعينج الصراحه لا تعليق بس الله يصبرج وانشالله مع الايام يتغير يااااااااااااااااارب بدعيلج من قلبي :sad_smile:
لا حول ولا قوه الا باالله معليش حبيبتي هو القرار من البدايه ما كان صائب زوجك مرره صغيروشكله من النوعيه الي معتمد على اهله ومو مقدر المسؤوليه لكن مدامك حامل تحملي الفتره هذي والطفل اكيد بعد ما يجي بالسلامه راح يغير ه كثيييييير واهم شي خلي هذا الدعاااء يلازمك في صلواتك<اللهم صخرلي زوجي قلبه وعقله وجيبه ولسانه> والله يوفقك وييسر امرك يااااااااارب
حبيبتي انا صار لي 7 سنوات متزوجة اول ما تزوجت كان يسهر لي 3الفجر وصبرت وقعت ادعيله ان الله يهديه ويسخره لي وبريت بامه وخواته وكان دايما يقول بسافر السعوديه واهوه يروح البحرين وكنت اناقشة وازعل بس عمري ما قلت لاهلي والحمدلله الحين اهو محافظ علي الصلاه مالج الا الدعاء كلهم بالاول جذيه والله الهادي
الله يعطيج العافيه حبيبتى يا عمرى لا تبينيله انج زعلانه ومضايقه على طلعاته ولكن بلعكس لما بيخبرج انه طالع قولى الله معاك ويحفظك وادعيله واذا قال انه بينام خذى ملابسه ودخنيها وعطريها بعطرج عشان يذكرج ويشتاقلج وكونى كل يوم بستايل ثانى ويوم بيقول روحي بيت اهلج باتي قوليله لا بقعد فى البيت بشم ريحتك على الفراش وبنتظرك بفارغ الصبر وكثري من الكلام الحلو لالالالالالالالاتحاولين تكونين متحكمه فيه .................... انشاالله اكون عطيتج الحل الله يوفقج ويسخره لج يا رب.........................:wink_smile:
... يا قلبي عسى الله يسخره لج ان شاء الله ,, الصبر مفتاح الفرج فديتج وبعدين اهو عمره عشرين سنه يعني حتى ما كمل السن القانونيه يعني 21 وتلقينه يروح يتشيحط على ربعه تلقينهم كلهم كبره و يستانسون على سوالف الزواج و هالخرابيط ,, انتي بهالفتره لا تركزين على سوالف طلعاته و رداته للبيت حاولي تركزين على نفسج و البيبي لأن الزعل و التفكير مو زينين على البيبي و خاصة انتي الحين باول اشهر ,, بس حاولي تكسبينه اذا قاله باروح البر جهزيله شغله وادعيله بالرده بالسلامه وخليه يسمع دعواتج له علشان يحس انج راضيه واهو راح يحس بقيمه الغلط اللي يسويه ,, و صدقيني لما يحس انج راضيه راح يطخ و يخفف عناد ,, و هالله هالله بالدعاء و الاستغفار ,,
حبيبتي التأخير تقريبا طبيعي عند الريايل يحبون الطلعة والوناسه مع ربعهم وما يحب يتقيد بوقت خصوصا زوجج صغير بالسن لكن لازم تحلين مشكلتج شنو مايهمه الكشخة واللبس ا نتو توكم شهرين يعني الريال المفروض يكون طاير فيج فاهمتني يعني لازم تكلمينه واذا ما سمعج حاولي تكلمين احد فاهم من عايلتج لان اقرب لج منا المهم الله يوفقج ان شاء الله بس ديري بالج من السفر وادعيله بالهدايه واهم شي الصلاة بالتوفييييييق
