1. ابحث عن ارخص الاسعار للفنادق, نضمن أفضل سعر لا يوجد أي رسوم أو زيادات على الحجز, نعدكم بذلك, نحن نجد المزيد من الفنادق بمجرد بحث بسيط قارن بين أفضل مواقع السفرو أحصل على ما تبحث عنه, سهل جداً, وفر حتى 80% نوفير حتى 80٪ من عروض الفنادق. لتبدأ بالحجز قم بزيارة الموقع من هنا
  1. ورد وردي

    ورد وردي سيدة جديدة

    السلام عليكم

    بنات تدرون هالايام طالعة الاجهزة الي تكون للتخسيس بالليزر فياليت كل وحدة تكتب تجربتها ...

    1- وين سويتيه بأي مستشفى أو مركز طبي ؟؟؟؟؟؟؟؟

    2- شنو اسم الجهاز ؟؟ في اجهزة وايد مثل ألوما ...تراي أكتيف .,,,وغيرها

    3- جم جلسة وجم كلفج؟؟؟؟\

    والأهم استفدتي والا لا؟؟؟ واذا لا ليش لا ..........لان الي اعرفة ان لازم تمارين بطن مع الجلسات فأنتي اهملتي بهالشي والا لا؟؟؟؟؟

    انا عن نفسي مفكرة بعطلة الصيف بس اخاف ماستفيد وماني حمل خسارة وقت وفلوس لاني ضيعت وقتي بمساج صيني وفلوسي عالفاضي


    ياريت نفيد بعض

    وشااااااااااااااااااااكرة لكم
  2. ورد وردي

    ورد وردي سيدة جديدة

    شدعوة ولا رد؟
  3. قمة الإبداع

    قمة الإبداع سيدة جديدة

    أنا سمعت عن ابر التخسيس طلعوها بالتلفزيون شافتها اختي
    يطق ابرة في البطن تذوب الدهن و يشفطها بنفس اللحظة
    بس تنفع حق اللي كرشتها مو حيل كبيرة
  4. ورد وردي

    ورد وردي سيدة جديدة

    مشكورة اختي عالتفاعل

    سامعة عن الابر بس ماحب التقزز
  5. مايرزني نكـ

    مايرزني نكـ سيدة جديدة

    اي والله ياليت البنات يفيدوناااا ..
  6. باسكن روبنز

    باسكن روبنز سيدة جديدة

    مرحبا انا ما جربتها بس حبيت ارد فيه دعايه جديده عالوطن اسمها اليزر دايت نطري الاعلان واخذي رقمهم او موقعهم واستفسري منهم اكثر
  7. ورد وردي

    ورد وردي سيدة جديدة

    مشكورة حبيبتي سمعت عنة وسالت وايد زين للتخسيس بس لما دقيت سألتهم قالت الموظفة مايشد بس يخسس وانا مشكلتي الاساسية الترهل بالبطن
  8. ام بيبو

    ام بيبو سيدة جديدة

    انا اللي اعرفه كل شي يضعف يخلي الجسم يترهل الا الشفط ..

    الابر ما ينفعون عمه ريلي راحت عند (اوباجي) اللي بالسالميه مسكيه قطت الف وشوي وما ضعفوها مع انها كانت امسويه ريجيم بعد..

    يمدحون الليزر اللي على الوطن 12 جلسه ب900 وخلال اسبوعين يبين..
  9. ورد وردي

    ورد وردي سيدة جديدة

    مشكورين بنات عالتفاعل الحلو

    أم بيبو الأبر معروف نتيجتها بسييطة ومرة سمعت ان البطن يزرق ويورم وعشان تخففين من هالعوارض لازم تشربين ماي وايد وتمشين استغفر الله انا مرة جربت مساج التزرق وقلت توبة من هالسوالف

    اما الليزر الي بالوطن مايدري عنة احس توة مو مجرب اخاف يطلع فاشل
  10. nonasweet

    nonasweet سيدة جديدة

    انا ودي اجرب اليزر الي في الوظن ابي احد مجربه ويقول لنا عنه اذا هو زين او لا وانكون شاكرين لكم
  11. miss -swan

    miss -swan سيدة جديدة

    فى برويال حياة ب 900 دينار 25360123-150 بس مااكو مواعيد لى شهر 2
    :(
  12. ام دندوش

    ام دندوش سيدة جديدة

    حبيبت ما كوي شي يشد مثل الرياضه وبس او المشي من يومين سمعت دكتور تغذيه يتكلم عن السباحه تشد الجسم والمشي
  13. ام صهيب

    ام صهيب سيدة جديدة

    السلام عليكم انا شفت وحدة طاقه الابر وضعفت ضعف موطبيبيعي
  14. الحلوه20

    الحلوه20 سيدة جديدة

    قوه بنات انا جربت ابر ميزوثيرابي صراحه شي موطبيعي بس النتيجه تبين من الجلسه الثالثه وخذيتها عند الدكتوره نزيهه البغلي بخيطان لاتطوفكم اسعارها وايد رخيصه
  15. Al7an

    Al7an سيدة جديدة

    السلام عليكم
    بصراحه وبدون مقدمات ماكو على المشي ببلاش وصحي ويحرك الجسم كله ونصيحه لله لو الاعلانات صحيحه وواثقين منها طلبي منهم تقسيط المبلغ عشان تشوفين النتيجه راح يرفضون لانهم عارفين القصة ياحبايبي الحمية + المشي السريع عالبحر او الممشى احسن حتى من الاجهزة الي تسبب آلام المفاصل كلشي طبيعي حلو وزين والله يوفق الجميع

    وابر ميزثرابي هذي حبايبي للي عندها كرشة صغيرونه انا سامعه الدكتور يقول الي عندها كريشه صغيرة ينفع وياها غير جذي لا وبعدين الكرشة احسن شي لها حبه حلوة من عند العطار انا اشتريها من سمراء عدن بالديرة وهذا رقمهم 22417874
    اخذها واغلي ماي حار حده وحطه في مغ كبير (كلاس كبير) واحط عليه قفشة او ثنتين من حبة حلوة وخليها ينقع 15 دقيقة واشربه بعد ماصفيه قبل الغدا استمري عليه وشوفو النتيجة وادعولي وبعد اشرب روز ماري ( اكليل الجبل) نفس الطريقة بس للاسترخاء قبل النوم اشربه وايد مفيد
    آخر تعديل: ‏5 ديسمبر 2009
  16. TripleM

    TripleM سيدة جديدة

    حبيبتي اكو ليزر بارد اسمه زيرونا وهاذا منتشر بالعالم كله
    موجود في وايد عيادات بالكويت
    سعر الجلسه يعادل ١٥٠ دينار كويتي بس كل دوله المبلغ يعادل سعر ال ١٥٠ دينار
    هذا الجهاز ماينزل الوزن ينزل مقاسات بسسسسسسسسسسسسسسسسسسسس
    النتائج ششششششششششششششئ يعني دخلي موقعهم وشوفي اعتقد اتحطين اسم الجهاز
    انا شفته على قنات ام بي سي ٤ برنامج داكترز وانشالله يفيدج
  17. لورا1

    لورا1 سيدة جديدة

    مرحبا
    ما انصحج ابد بالابر كلش ترا كلا كلام فاضي اذا انتى متينة وايد سوي عملية تحويل مسار هذي عملية مضمونة ونتايجها عجيبة بس اذا انتى مو متينة خليج على المشي والرجيم والا الابر مانها فايدة حتى الليز لتخسيس كلا جذب صدقيني واللة اوفقج
  18. سمو الشموخ

    سمو الشموخ سيدة جديدة

    انا بس ادور شد بدون عمليات
  19. souqtech

    souqtech سيدة جديدة

    والله انا ما عندي اي فكرة بخصوص الليزر للتخفيف ؟؟ انا اعتقد انه اهم شي لتتخفيف هو الرياضة وتخفيف الطعام غير هيم كله وجع قلب يا خيتي ...
    اما الليزر والله انا اخاف منه .. حتى اجهزة اليزر الي للتخلص من الشعر هاي كمان اخاف منها وانصح في الاجهزة الحديثة الي على الضوء مثل جهاز no no هذا انا امجرباه وهو رائع كثير وانصح فيه
  20. ارجوان

    ارجوان مشرفة قسم طريق الإيمان

    أختيsouqtech أحذري من أستخدام جهاز no no لانه صناعه أسرائيليه


    تقبلو مروري

مشاركة هذه الصفحة