السلام عليكم خواتي بقولكم قصتي وقولولي شسوي بنات انا صارلي ثلاث سنين متزوجه والله ما رزقني بعيال لان فيني تكيس بالمبايض وانا اتعالج على الكلوميديا طبعا شنو المشكله اني انا متشووقه وابي يااهل بس اقول استغفرالله والله كريم وكل يوم من اذكر اني ما اقدر ايب ياهل اقول ( استغفرالله الله لا اله الا هوه الحي القيوم واتوبه اليه ) دايما على الساني والسان ريلي المشكله بريل اختي الله يسامحه كل ما نزور بيت اهلي يقعد يحرني انا وريلي بولده تخيلو مره انا قاعده وريلي يمي يه قعد بالارض جبالنه ويلعب بولده طبعا ريلي حس وقالي اهوه ليش يسوي جذي انا ما توقعت ان ريلي حس حسبالي بس انا وقلت يمكن انا فهمت غلط طلع لا حتى ريلي حس وشاافها بعينه ان يحرنا بنات ما دري شسوي ريلي يموت على اليهال ولمه يشوف يهال لا تشوفونه شسوي شنو تنصحوني اسوي انا فكرت اسوي اطفال انابيب بس ما دري اذا يصير او لا شاريكم بنات
مسالورد خيتووو اسمحيلي ارد على مشكلتج يمكن سني صغير وما مريت بالموقف بس بقولج شي انتي انسانة مؤمنة بقضاء الله لا اله الا الله وربج يختبرج انتي وريلج عشان جذي يا قلبي اصبري وتحملي ان الله مع الصابريين وماكو شي بعيد عند رب العالميين كثري من الدعاء الحين نحنا في رمضان وسالفة ريل اختج هذا عقله عقل ياهل مع احترامي الشديد لانه ما كو احديسوى هالسواه يمكن انتو فهمتو السالفة جذي واهو ما يقصد.. انا اقول توكلي على ربج وادعييه وكثري من اعمال الخير وربج فوق وادرى بكل شي تقبلي مروري وان شالله يتحقق كل اللي فبالج
اسمحيلي حبيبتي زوج اختج تصرفاته تصرفات حريم مو رياجيل وهالحركات حركات اطفال اهو ما يدري اللي عطي يقدر يأخذ(( اسم الله علي ولد إختج)) فليش يسوي جذيه وانتي كلمي زوجج خليه يترفع عن تصرفات الجاهل اللي مثل زوج اختج....وانتي مالج ذنب وكل شئ بايد رب العباد وعليج بالدعاء والاستغفار وعسي الله يرزقج الذريه الصالحه عاجلا غير آجلا يا رب العالمين........
اختي الله يرزقج بالذريه الصالحه وجربي اطفال الانابيب يمكن الله يسهلها ويرزقج الضنا الزمي الاستغفار شي عجيب والله وعلى طاري ريل اختج انا ما اشوف انه سوى شي غلط بس انتي ماخذتها بحساسيه يمكن عشان متزوجه من 3 سنين وما عندج ياهل ولو واحد ثاني سوى نفس الشي بتحسين نفس الشعور حاولي انج ما تفكرين بهالسالفه وايد عشان نفسيتج ما تتعب
حبيبتي الله يرزقج بالذريه الصالحه انشالله 00 ودام انج صغيره توج توكلي على الله وسوي اطفال انابيب 00 واكثري من الأستغفار انتي وزوجج والله كريم حبيبتي 00
لاتيأسين من رحمة ربي ّّّّ هذا اختبار وابتلاء من الله ّّّّوبشر الصاابرينّّّّ عليج بالصدقه ..عليج بالصدفه ..عليج بالصدقه راح تدعين لي طول عمرج الله يرزقج بالذريه الصااااااااااااالحه اللي تفرح قلبج ياااااااااارب
جربي اطفال الانابيب الحين العلم تطور مو نفس قبل تبارك الرحمن وانشالله اللي الله كاتب فيه الخير يصير ..وياااارب ادعيها لج من كل قلبي والله شاهد علي ان يرزقكم بالذريه الصالحه انتي وريلج هالصبور.. ماشالله عليج يحبج الله لا يغير عليكم لو غيره جان طلق من زمان.. ولا تحاتين توكم اسم الله عليكم صغار اما سالفة ريل اختج.. كلمي اختج خل تفهمه انه لا يصغر عقله جدامكم ماله داعي هالحركات ولي تكرر الموقع عطوه على قد عقله ولعبو مع ولده عشان لايقول هذيل محترين او شي دايمن اللي مخهم صغير تفكيرهم يكون غلط بغلط اسفه عالاطاله... تحياتييي :smile:
الله يشافيج ورحمة الله واسعه وفعلا اكثرى من الأستغفار ...والله الأستغفر رزق وراء كل خير ..فتحى سورة نوح شوفى فايدة الأستغفار...
لا تسوين نفسج متضايقه و خليج ع برود عشان اهوا يموت من القهر :smile: و كل ما يبي يحركم ابتسمي و ذكري الله و ربج يسهل
السلام عليكم ورحمة الله الله يثبتك ويرزق الذرية الصااااااااالحة يـــــــــــــــــــــــــــــــــــــا رب
السلام عليكم ورحمة الله الله يعينك ويحفظك ويثبتك على الدين وان شاء الله يرزقك الذرية الصالحة وجميع بنات المسلمين
