ياجماعه ما أشوف عطور اصليه بالسوق كلها تقليد

هًهًهًهًـ>> الشر البلية مايضحك !!

صًآاااااااااااجخ يالغلااا !!

لج حق تضحكين
اصلا مضحوك علينا
وحنا يا غافلين لكم الله !

انا لاحظت هالشغله من زمان بمحلاتنا بس طحت على مكان بشويخ العارضيه يبيع الاصليين بسعر حيل رخيص لان اهو اييبه بالجمله سرداب كله عطور ومكياج واذا الشي موموجود عندهم قوليلهم عنه وبعد اسبوع اييبولج اياه ويدقون عليج تاخذينه ومن يومها مااخذ الا من هناك وتعالوا صح مالاحظتوا ان توم فورد اول مانزلت اماكن تبيعها ب40 واماكن ب20 تدرون ليش لان الرخيصه تعبئه الصين

مادرى شقولج ياقلبى اخاف تزعلين من كلامى
الصراحه ماحد يقدر يدخل عطور اصليه لان هذى وكاله فيها
جريمه وغرامه, والوكيل هو المسيطر لذا ( اقعد يعنى مثقفه)
نكمل لذا مستغل الوضع يجيب التقليد بدال الاصلى ويبيعه بنفس السعر
للاسف الشديد,,, فياقلبى انسى تشوفين عطور اصليه عندنا
واسفه على الكلام لكن شسوى من القهر ماقدر انجعم!

والله هالمحلات ماينعرف صجهم من جذبهم بس كلشي بذمتهم ان شاء الله

يا معوده الدنيا تغيرت
الناس البشر تغيرو انعدمت المشاعر
والضمير وحل مكانه الماده,,, الماده وبس

لو تسافرون برا وتشوفون سوقهم
من كل شى, رح تتضايقون وتنقهرون
بضاعتهم شى ثانى
ذوق وجوده!

وبصدمكم بشي العطر اللي تستر يكون اصلي عشان الترويج واللي يبيعونه كللللللللله تعبئة دبي اي شي
اللي بتتاكد تفتح العطر قبل لا تدفع وتشوف الفرق بينه وبين التستر

صاجه, مافى شى ما سووه!

الله يعين ندري تقليد وهم نشتري ؟؟؟؟؟؟؟

حب حبى والله انج شاطره عرفتى من البطل انه تعبئه

سافرت قبل جم يوم مصر ورحت السوق وشفت بضاعتهم والله احلى منا بوايد
من الشكل والجوده, وشريت ملابس حق بناتى حلوين وجوده , لكن ماعندنا جذى
استغربت بضاعتهم غير اللى عندنا!! هذى وهى مصر مو لندن بعد!

هلا اختي . . .

بكل دولة في منتجات للتصدير ومنتجات استهلاك محلي . . .

سوريا مثلا تصدر ملابس لفرنساااا وبأرقى المحلات !

وسوقها المحلي الجودة متفاوتة . . .

حتى في مصر . . .

هلا اختي . . .

هالسرداب كل شغله من دبي يعني السالفة بكل بساطة هي :

تجار دبي يروحون لفرنسا ياخذون العطر مركزززززززززز بغرااااش وعبوات كبيرة

والشركة بفرنسا يعطونهم غراش العطر فااااضية

يرد التاجر لدبي ياخذ من العطر المركز ويضيف عليه اضافات ويقوم بتعبئة الغراااش الفاااضية

وبجذي الغرشة نفس الاصلية لكن تعبئة دبي ورااائحة اقل لان العطر تم تخفيفه

وبس

ام عبدالله يعطيج العافيه على الرد
مو انا عارفه اللى فيها,, بس شى يضايق ان نروح نصرف فلوس على
ملابس وجواتى تكرمين وعطور مو شى ليش سوقنا صاير ردئ, ليش اللى عندنا
ما يوردون بضاعه تفتح النفس للكبار والصغار ها؟ اللى شفته واستنتجته اردى البضايع
موجوده عندنا, يعنى بالعربى هذا اللى موجود اذا تبين شى زين وحلو قصى تذكره وسافرى
اشترى وردى !!!

تدرون !!
بعد ما رح اشترى
يا حلات اهل الكهف,,, خيشه قاصين اطرافها ولبسوها
ها ا ا اه شكلى بسويها !؟ :71_71:

والله شوفي اختي . . .

السوق اغلب التجااار يبون ربح بين ومنتج رخيص !

عن نفسي انا قاطعت اي عطر فرنسي او عالمي في الكويت . . .

واشتري من امريكا ويوصلني خلال أيام -ولله الحمد-

فكتبت موضوع اللي حابه اشتري لها اي عطر - مكياج - لوشن اي شي تكتب لي في موضوعي وبوفره لها بعمولة

حاليا في عطر روعة وقوي السوريين يبعونه بـ 55و60!!

وحاليا في عرض عليه بأمريكا بسعر 28دينار !!

بطلب جم واحد منه . . .


وسالفة الخيشة عجبتني لكن هالبرد شلون ؟

يبيله لقنز خيشة . . .

والله زين تسوين يا ام عبدالله
حتى لو دفعتى فلوس اكثر لكن يبتى عطر اصلى
على سالفة البرد يسوون لجنز بجلود الحيوانات اللى عندهم
ويا حظهم البوت عندهم بجلود اصليه ويركبون عليه عظام الحيوان على بو انه كعب
صح هه هه ههه هه ههه ههه, عاد تخيلى!

تصدقين يبيله خروف وإلا بقرة ونضبط عمرنا بجلدهم وعظامهم >>ما تحب تاكل لحم

هه هه ههه هه هههه ههههه
شوفى جيرانكم ماعندهم جاخور؟ ممكن يفيدونج ترا !
عاد مالى نفس اروح السوق اشترى شى لان بعد اللى عرفته
طاب خاطرى, بعد يجذبنى شى بالسوق! وموعارفه شسوى بتشرى
حقى وحق بناتى وين اروح بالا وين؟؟؟!:sad_smile: