♥۝♥ رشووا على قبري من دمووع عينه♥۝♥ رواية طوويله /كاااامله

يعطييييييييييج العاااافيه وماااقصرتي قلبوووووو ..

وكم بااارت بااقي تقريبااا

يعطيج العافيه وناطرينج حبوبه

الله يخليكي كملي والله حبيتتتتتتتتتتتتتتتتتتتتتتتتتتتتتتتتتها

بليييييييييييييييييييييييييييييييييييييييييز

وصباحج معنى الحين مساءأأ لووووووووووول
انا بخير حبيبتي وانتي اخبارج يالغلا
امييييييييييييين اجمعييين الله يوفق الجميييييييييع

أنتي الروعه وربي مادري شقولج ياخيال انتي متابعتني من البدايه مشكوره اقل كلمه تنقال بحقج حبيبتي

الله يعاااافيج حبيبتي مشكوره انج متابعتني من البدايه ياقلبي

(( باااقي ثلاث اجزااااء بس ))

الله يعااافيج كوووني بالقرررب حبوبه *_*

ان شاء الله بكمل

البارت السابع والعشرون


"آنًا مآقدًر آنّي آكوٌن حبيًبّ فيّ بعضّ آحوٌآل !!
آنّآ كلٌي آجيً وآلا آروحّ بعزٌتيّ كلٌيّ
خذآنٌيّ سؤآلٌـ [ ن ] فيٌ عيوٌنكًـ والجٌوآبّ : محٌآل
خذآنٌيّ منًكـ دمعًـ [ ن ] فيّ عيّونًيّ مآرضّى ذلٌيّ"

بدبي
ملاك: حرام عليك يافريده تسرت رجولي من متى واحنا بالسوق ..وانتي موعاجبك شيء
فريده : ملاك ويش حرام علي وكل هالاكياس ماملت عينك
فاديا: خلصينا انتي ماراح ترتاحين لين تلفين المجمعات كلها
فريده: وانتي قلتيها ماراح ارتاح الين الف المجمعات كلها
ملاك: طيب انتي اشتريت عطور وملابس خرجات بس لكن ملابس البيت الضروريه ولاشيء اشتريتي
فريده: طيب انا ليش جايبتك عشان تنقين معي الاغراض الخاصه انتي مجربه قبلي
ملاك: طيب على شرط تسمعين لامي مو تنحلين قلبي
فاديا ترفع يدها للسماء: الله يكون بعونك يا ملاك
ملاك تضحك: اميييييييييييييييييييييين
فريده: اقول انتي وهي الحقوني ..وراحت تكمل فر بين المحلات ومسويه حوسه المغرب
ملاك: لالا انا ما اتحمل خلاص بروح اجلس
فاديا: وانا بعد بروح معك خليها بروحها ..وطنشوها وهم راجعين للكوفي
ملاك: وحشني فيصل ماشفته من كم ساعه
فاديا تدقها بكوعها: ياعيني على الحب ...الله يهني سعيد بسعيده
ملاك تبتسم: ويرزقك باللي تتمنينه ...كانت هالكلمه لها صدى كبير في قلب فاديا ذكرتها بالانسان اللي ملك قلبها من نظره خلاها تؤمن بالحب من اول نظره جدد حياتها وخلى الامل ينبعث فيها من جديد ...صارت بعيونها لمعه وبريق خاص وابتسمت هاديه ارتسمت على شفاتها الورديه
فاديا بخجل: ملاكووووووووووووووه بس عاد
ملاك تطالعها بتفحص: ياقلبي ..فدوي مستحيه ...الله اكبر
فاديا: ويش قالوا لك فاصخه الحيا بالمره ..تراك لسه ماعرفتيني زين
ملاك: الايام بتخليني اخبزك واعجنك
فاديا: حشى صرت كيكه ...ويش تخبزين وتعجنين يالعجوز
ملاك فتحت عيونها على الاخر: انا عجوز يالخبله
فاديا بنذاله: خخخخخخخخ ايه عجوز وشمطاء بعد ...ملاك تسوي نفسها زعلانه وغمظت عينها وبدلع مشت قبلها ...فتحت عيونها وكانت صدمة حياتها ..شيء ماتوقعته يصير ..الا كان من سابع المستحيلات انه يصير
طلعت منها شهقه كانت الدليل القاطع على صدمتها باللي تشوفه
فاديا بخوف : ملاك علامك ؟؟؟ ناظرت للمكان اللي عيون ملاك متعلقه فيه ..وكانت منصدمه مثلها مثل ملاك
راحت بسرعه للطاوله اللي عليها فيصل ونادر وبنت جميله فيها انوثه قاتله وعيون ساحره ماقدرت تتحمل المنظر اللي تشوفه ثارت براكين الغيره ..وبدت اعصابها تنفجر كابته حقدها وغيرتها كانت شوي وتموت من الغيره الفظيعه اللي تملكتها ذيك اللحظة لو كان معها مسدس ما ترددت لحظة بقتل البنت اللي جالسه على الكرسي اللي جنب فيصل <<<تحولت لمجرمه ...وقفت قبال الطاوله وكان باين على ملامحها العصبيه ونظراتها نظرات احتقار وكره للبنت ونظرات عتاب لفيصل
ملاك بصوت حاد: فيــــــــــــصل من ذي ؟؟؟؟!!!
فاديا: ملاك اهدي ..اهدي
ملاك زاد صوتها حده: بليز فاديا اسكتي ...ناظرت فيصل ...جاوب مين ذي
ربى: هذي زوجتك يافيصل
فيصل : ايه هذي ملاك اللي قلت لك عنها
ملاك حمر وجهها والدخان يطلع من اذنيها: فيصل ...جاوبني على سؤالي ...وقفت ربى
ربى مدت يدها : انا ربى العايد زميله فيصل بالدراسه في بريطانيا ...خف توتر ملاك حست باحراج فظيع ماتدري كيف تبرر لها موقفها ..وكيف تتاسف منها لانها شكت فيها ..سلمت عليها ملاك والاحراج متملكها
فاديا: هلا والله ربى كيفك ويش مسويه
ربى: تمام انتي كيفك ..وانتي ياملاك كيفك
ملاك: الحمدلله
ربى: مبروك الف مبروك على زواجك من الاستاذ ..وتطالع بفيصل
ملاك: الله يبارك فيك ...انــــ .... انا اسفه لاني ظنيت في ظن السوء
ربى: لا عادي يحق لك ..هذا زوجك انا لو مكانك قلبت الدنيا فوق تحت
نادر يلعب بالجوال: اووووووووف اوما عاد كثري منها
الكل: هههههههههههههههههههههههههههههههههههههه
ربى: عاذرتك حبيبتي شيء طبيعي تغارين على سعت البيه
فيصل يقلب عيونه: اكيد تغار علي
فاديا: ياربي على الثقه اذا زادت
ربى: الحمدلله والشكر ايش فيك انت ..
ملاك: ماعليك منه يحب يتغلي ...
نادر: مادرى انك ماسالتي عنه
ملاك وربى وفاديا:خخخخخخخخخخخخخخخخخخخ
فيصل عيونه بتطلع من مكانها: ويش قلت ماسمعت
نادر: اللي سمعته يا ((يقلد ربى ))سعت البيه
فيصل: حسبي الله كلكم علي ..لي الله
ملا طنشته وصارت تسولف هي وفاديا مع ربى وعزموها على العشاء وطبعا لحقتهم فريده بعد ماملت من التسوق ..وتعشوا مع بعض ..ضحك ووناسه واستهبال
ربى: وربي ونستوني ...جمعتكم ما ينمل منها
فريده: بليز تعالي الرياض وزورينا
ربى: ان شاء الله اوعدك اني ازوركم وان شاء الله احضر زواجك
الكل: ان شاء الله
ربى: فرصه سعيده اني تعرفت عليكم ..وربي اني عزيتكم من كل قلبي
الكل: تسلمين
ربى: يالله لنا لقاء
الكل: ان شاء الله ..راحت ربى ورجعوا الكل للفندق

بالمدينه ..ببيت ابو فراس
ابو فراس: يا ابتهال ..فارس يبي يرجعك ويش فيك يا يبه ارجعي معه الولد شاريك
ابتهال: لا ما ابي خلوه يشوف حياته يتزوج غيري انا ماراح اجيب له الولد اللي يبيه
ام فراس: يا يمه هو يقول ما يبي عيال يبيك انتي
ابتهال: يبه ..يمه ارجوم لا احد يضغط علي انا قررت ومستحيل اتراجع عن قراري لاعاد تفتحون لي هذي السيره ..وافضل انكم تقولون له انه يطلقني
ابو فراس حزين على حال بنته اللي مايدري كيف يساعدها : يا يبه ليش تبين تخربين حياتك بيدك الولد شاريك ليش ماتفهمين هالكلام
ام فراس: يا حبيبتي فكري ..لا تتسرعين بعدين تندمين
ابو فراس: خذي وقتك بالتفكير يا بنتي واستخيري .."وعسى ان تكرهو شيء وهو خير لكم"
ابتهال بدت دموعها تنزل على خدها: اجل خلاص لاعاد تفتحون قدامي هالسيره ..وراحت جري على غرفتها
ابوها: يارب ساعدها يارب اجبر بخاطر بنتي ودلها على الطريق الصحيح ...يارب يارب
امها وهي تبكي على حال بنتها الحزين : امييين يارب العالمين
بالرياض
لمياء مصدومه : يمه كيف يصير كل ذا وانا ماعندي خبر
الجده: ويش تبيني اقول لك يا بنتي انتي بديره وحنا بديرة ومانبي نقلقك
لمياء: وفارس ويش مسوي بعد اللي صار
الجده: لا اكل ياكل ولا نوم ينام ..وجالس عند اخوانه ببيت ابوه وحاول لين عجز تعرفين ابتهال عنيده وهي تبي الطلاق
لمياء : مجنــــــــــــــــــــــونه هذي شلون تبي الطلاق اكيد انخبلت
الجده : لاتلومينها يايمه ماجربتي الحرمان من الولد ..يا قلبي عليها تبي تضحي بسعادتها عشان فارس يتزوج ويخلف عيال
لمياء بدت تبكي الاحوال تغيرت كثير المشاكل بدت تظهر : يصير خير يصير خير انا بكلمها مع السلامه ..او ماقفلت من امها
لميا تفكر ((ويش اللي قاعد يصير ابتهال عقيمه ومافي أي امل انها تخلف ..والحين عند اهلها وتبي الطلاق وانا جالسه ماحد يدري عني وعن اللي بيني وبين ناصر ووصايف كلمتني متحطمه من حملها.....آآآآآآآآآآآآآآآآآه يارب هون علينا مصايب الدنيا يارب )) دخل ناصر
ناصر بعصبيه: لميـــــــــــــــــــــاء
لميا فاقت على صوته مرعوبه: هــــــــــــــــــــــــــــلا
ناصر: ويش فيك ساعه اناديك
لمياء: مافيني شيء انت ويش تبي
ناصر: جوعان ابي اتعشى
لمياء: طيب الحين احط العشاء ثواني بس ..وراحت للمطبخ وحطت العشاء ..وهي بالها عند اهلها
ناصر حس بشرودها قال بحنيه: لمياء ..ويش فيك متضايقه احس فيك شيء ؟؟
لمياء: لا بس اهلي عندهم مشاكل وانا قلقانه عليهم
ناصر: طيب كلي صحنك ماتحرك
لمياء: مالي نفس ..وقامت وراحت تشوف عزام ..تتامل ولدها وتتذكر كلمه امها ((يايمه ماجربتي الحرمان من الولد )) نزلت دموعها بغزاره : الله لايحرمني منك يا حبيبي ولا يحرمني من ابوك وضمته لصدرها
كان ناصر واقف عند الباب وهي ماحست بوجوده ((احس فيك شيء كبير يا لمياء ...بس معقوله تحبيني حتى بعد ما ظلمتك ...حتي بعد ما مـــــــديت يدي عليك ...آآه من قلبك يالمياء ..نفسي بس انسى اللي صار نفسي لكن وجهك والبراءه اللي فيه تذكرني بكل شيء بكل شيء ))
لمياء مسحت دموعها ولفت وشافته : ليــــــــــش واقف
ناصر بجفاء : ولاشيء ..انا طالع عند خوياي ..مع السلامه
لمياء : نـــــــــــــــــاصــــــــــــر ...وقف لكن مالف
لمياء : الى متى وانت كذا ..الى متى وانت مصدق خواتك وكلامهم عني
ناصر بحده: انا طالع مالي خلق مشاكل معاك ..وطنشها وراح
لمياء رجعت دموعها من جديد ((الى متى هذا الصد يا ناصر ..انت عارف انك غلطان لن ليش تكابر ليش ..كذا تعذبني اكثر واكثر ....حسبي الله عليك يا جنا <<اخت ناصر ..فرقتي بيني وبين ناصر ))
قام عزام يبكي وهي تحاول تسكته ..وبعدها نامت
بدبي
فيصل: ملاك ...ليش ساكته ؟؟؟
ملاك: مدري قلبي قابضني يافيصل احس اهلي فيهم شيء
فيصل: لا ان شاء الله مافيهم شيء بس يمكن اشتقتي لهم
ملاك : مشتاقه لهم مرررررررره يافيصل ..مررررررره
فيصل يمسك يدها : بوديك لهم بس نرجع للرياض
ملاك تحط راسها على صدره : دورت لك كلام اعبر فيه عن "احساسي"
مالقيت الا "مشتاق" انطقها مع انفاسي
فيصل :
اكيد احبك اكيد اموت في حبك
اكيد انا بفقدك .. لا غبت عن عيني
غلاك ماادري كذا جاني من ربك
من يوم شفتك وحبك ساكن فيني
اغليك انا وزاد قدرك يوم اغليتني
دق نادر الباب
فيصل : مين ؟؟؟!!!
نادر: انا نادر ابي اسهر عندكم
فيصل: ماينعطي وجه هالنادر
ملاك: خله ياخي اشفيك عليه
فيصل: خرب الجو الرومنتك اللي بيننا
ملاك: لاحق على الرومنسيات بس افتح له الباب ..
جاء نادر وجلس وجات بعده فريده وتفرجوا على فلم واستانسوا

اليوم اللي بعده بعد ماخلصت الحفله
فيصل: يالله عازمكم على العشاء
الكل: اوووووووكي
فاديا: انا بروح شوي والحقكم
فريده: لاتتاخرين نستناك
نادر: ولاتلفين يمين ويسار
فاديا ..هها هاهاهاهاهاهاهاهاها طيب يالرجال ماني بمتاخره ..راحت تشوف محلات جوالات وتشوف اخر موديل نزل ..وتقرر تشتري او تاجله شوي
ملاك وفيصل وفريده ونادر متجهين للمطعم ...لمحته بطوله والثوب تفاجئت لكن دققت اكثر وتاكدت انه هو اخوها اللي اشتاقت له
ملاك: عبـــــــــــــد اللــــــــــــــــــه ...لف على الصوت اللي نطق اسمه
عبدالله متفاجئ : ملاااااااااااااااااااااااااااك ...راحت تسلم عليه بكل لهفه وشوق وحب
ملاك والدموع بعينها: مشتاقه لك و مشتاق للكل ...
عبدالله: واحنا اكثر يا حبيبتي ...سلم على فيصل وعلى نادر..
فيصل: ويش اخباركم ..وكيف المدينه
عبدالله : والله تمام
فيصل: حيا تعشاء معانا
عبدالله: لا والله ..خذوا راحتكم
فريده: لاعادي حياك معانا مافيها شيء ..ابتسم عبدالله وبعد اصرار ملاك وكلامها عن شوقها له وافق
على الطاوله
ملاك: ويش جايبك هنا
عبدالله: والله خويي جاي هنا يشتري سياره ..وجيت معه
ملاك: وينه طيب
عبدالله: راح لواحد قريبه ...وانا رفضت اروح معه
ملاك: والله ماني مصدقه عيوني ..ولاني مصدقه انك قدامي
نادر: يابنت الناس صدقي هذا هو بشحمه ولحمه قدامك
عبدالله مات ضحك : هههههههههههههههههه والله عليك محشات اله يستر منك بس
فيصل: لاتكلمه والله غير يعطيك ذاك المحش اللي ماعمرك تنساه
عبدالله/ اجل اسكت احسن
جات فاديا معصب لان في شله شباب يعاكسونها ويطلبونها الرقم ....جات وهي تتحلطم
فاديا :ناس همج ..ايش قلت الادب ذي ..من جد هماجه قال قمر قال جعله يصدم بهمر ومايقوم سليم
الكل: هههههههههههههههههههههههههههههههه
فاديا والجن الازرق <<<جديده الجن الازرق خخخخ ...وجنون الدنيا تنط قدام عيونها : ويش بلاكم تضحكون ...بعد مانقص الا هي ..كملت
فيصل حس انها مانتبهت لوجود عبدالله : ويش فيك معصبه
فاديا: من الناس الهمج اللي شفتهم الحمدلله والشكر اللهم ارفع عنهم
نادر: اقول اهجدي عندنا ضيوف
فاديا تتخصر وبدلع تقول: ضيووووف ؟؟؟!!!!... من هالضيووووف ياسيد نادر
نادر بخبث : عبدالله اخو ملاك ...رفعت عينها وشافته بالكرسي اللي جنب اخته بالركن اتجمدت مكانها كان احد صب عليها مويه بارده تجمدت ملامحها تمنت انها ماجات ولا راحت لدبي من الاساس ..كان عبدالله يطالعها بتفحص وهي تتكلم مع نادر قزها قز ماهو طبيعي ..ماشالت عينها عنه ماهي مصدقه انه موجود وسمع كلامها وشاف تصرفاتها
ملاك بتغير الجو: ايش فيك ..خلاص اخوي وعرفنا انك انصدمتي بس اجلسي ماتسوى عليك هالصدمه ..حست بنفسها ..وحست بكهرباء سرت بكل جسمها ترتجف من داخلها الدم يجري بعروقها جري ماهي قادره تقول حرفين على بعضها الكل لاحظ تغيرها ..لكن تجاهلوا هالشيء بالسوالف والضحك حتى عبدالله قام يسولف وكانه يعرفهم من زمان لكن بداخله مهتم فيها اهتمام ماهوطبيعي يتمناها تتكلم او حتى تطالعه ثانيه او جزء من الثانيه
عبدالله: استأذن الحين برجع للفندق
ملاك: ماشبعت من ياحبيبي
عبدالله: اوعدك انك تشوفيني ..وانشاءالله اشوفك بالمدينه
ملاك: ان شاء الله
عبدالله: وانت ندووووور توصي على شيء
نادر: سلامتك ..يالحبيب ..ياخي ياليت كلهم مثل يفهموني
عبدالله: ههههههههههه ياليت ..حطوه بعيونكم لا اوصيكم
فيصل : قول له هو يحطنا بعيونه
نادر: قصدك قول له لا ينكد علي انا وملاك ..فاهمك يافصوووووول لا تلف وتدور
الكل: ههههههههههههههههههههههههههههههههههههههه
ملاك: اجل لا تزعجنا
عبدالله يغمز له: لا اوصيك نكد عليهم ولاتخلي لهم فرصه انهم يجلسون بمكان واحد
نادر بنذاله: والله لاجلس بالنص بينهم حتى ما اخليهم بجنب بعض
ملاك كشرت: حرااااااااااااااااااااااااام
عبدالله: لا ماهو حرام ..يالله اشوفكم على خير ..وطل بفاديا اللي طاحت عينها بعينه حست بشيء يجذبها له حتى نظرته فيها سر يعلق قلبها فيه تقشعر جسمها من نظرته اللي كانت مزيج بين الاعجاب والتامل والحب والوداع ..ابتعد واختفى عن الانظار وفاديا تناظر امان اللي طلع منه
فيصل: ياهووووووه الولد راح ...من زمان
نادر: اكلتيه بعيونك ..استحي ترى اخته هنا
فاديا عصبت من كلامهم : ويش تقولون انتم ..انهبلتوا ..اصلا مع احترامي الشديد ياملاك اخوك مافيه زود عن بقية الشباب ..وانا كنت افكر بشيء يخصني ..ولايروح بالكم لبعيد وطلعت وراحت للسياره تستناهم
فريده مستغربه ردة فعل فاديا: ايش صار لها
ملاك بعتب لفيصل ونادر: ليش احرجتوها ماتعرفون تستون انتم شفتم كيف عصبت
فيصل: كنت امزح ماتوقعت بتعصب كذا
نادر: اصلا واضح انها تحبه
فريده هزئته: نادر ..عيب عليك ويش ذا الكلام ...استح على وجهك
ملاك: كلام فريده صح ...لاحد يسمعك تقول كذا عن اختك عيب عليك
نارد: انا قلت اللي حسيت فيه
فيصل: مو كل شيء حسيت فيه يكون صحيح ؟؟
ملاك: يالله نروح للفندق ..اكيد فاديا تنتظرنا بالسياره
الكل: يالله ...ركبوا السياره وفاديا متكهربه من كلامهم ودها تفندهم كلهم ..قهرتها تلميحاتهم
فاديا((معقوله حسوا ..انا غبيه لما شفته نسيت الدنيا ووجودهم كيف ما انتبهت الحين ملاك ويش بتقول عني يارررررررربي ويش السوات ويش هالوهقه ..هين يانادر وربي لادبك بس صبرك لما نوصل الفندق ))
بالفندق ..وتحديدا بغرفه فاديا وفريده
فاديا بعصبيه :وربي يا نادر لو سمعت مثل هالكلام مره ثانيه غير احسب ربي ماخلقك ساااااااااااامع
نادر خاف منها: طيب طيب حق علي ..ماعاد اعودها
فاديا نشوووووف ..هذا اول تنبيه ثاني مره انت تعرف ويش بسوي فيك راح افرمك
نادر : طيب خلالالالالالالالالاص ما صارت ذليتني
بغرفه ملاك وفيصل
ملاك: تتوقع فاديا تحب عبدالله
فيصل: قصد اخوك يحب فاديا ...هذا اللي انا متاكد مليون بالميه منه
ملاك تبتسم:كيف عرفت ؟؟
فيصل: يوم زواجنا لما دخلت الغرفه علينا ...وبالزفه ..واشك صار شيء بالملكه
ملاك: تبي الصراحه عبوووود يحبها لانه شافها بالصدفه بالملكه
فيصل: اهااااا ...كذااا السالفه
ملاك: ايه كذا ...بس انا ابي اتاكد اذا كانت تحبه او لا لان عبووود ناوي يتزوج وانا ودي خطب فاديا مابيلاقي مثلها
فيصل: يصير خير ..لف على جنبه الثاني ..يالله نامي ..طيرتي النوم عني ...رمت عليه الخداديه
ملاك: انا طيرت النوم طيب يافيصل تسحب علي ذا وانا اسولف معك ...طنشها ونام ...نرفزها ونامت وهي مقهوره منه
بالرياض ببيت فادي
هند تصارخ: انت بس سهران مع خوياك ..ليش ماتجلس عندنا بالبيت ..عيالك يقومون وانت مانت موجود بالبيت ..ويناموا وانت حضرت جنابك ماشرفت
فادي : هند مالي خلقك ..ترى اللي فيني كافيني
هند: انت كذا سلبي زياده عن اللزوم ..حتى النوم تنام بغرفه غير الغرفه اللي انا فيها
فادي عصب عليها : ماسالتي نفسك ليش ..ليش انا ماانام عندك
هند: لاوالله ماسالت انت بس لاهي عنا ماتدري عن شيء انت اناني حتى عيالك مايهمونك ..اعطها كف ..ولاول مره
فادي بعصبيه: انتي اللي لاهيه عنهم بطلعاتك وخرجاتك مع صديقاتك والحين ترمين كل شيء علي انا ..انتي ماترتاحين الا اذا صبحتيني بمشكله ومسيتيني بمشكله ..الله يسامحك يايبه غصبني اتزوجك وحياتي معك لاتطاق انا صابر عليك مو لسواد عيونك ..انا متحملك عشان عيالي
هند منصدمه من كلامه:كل هذا شايله بقلبك يافادي؟؟!!!!
فادي: انا اكرهك ..ياهند اكرهك ..عمري مانمت مرتاح في هالبيت كله هواش ونجره معك ...نفسي اكون مثل أي زوج اجي الاقي شيء يريحني يسعدني ..مو اجي لحياه جحيم كلها مشاكل
هند تبكي: طلقني يا فادي ..طلقني
فادي: انتي طالق ...وطلع وتركها
ببيت لمياء ...جاء ناصر من الاستراحه الي يجتمعون فيها خوياه
لمياء تنتظر منه كلمه او أي شيء يحسسها بوجودها معاه ..لكن خابت امالها بدل ملابس وجلس جنبها وباس ولده اللي نايم وماهو حاس بمشاكل امه وابوه
لمياء ((ليش يا ناصر تعاملني بجفاء حتى السلام ماتبي تسلم علي ..))
ناصر ((ليه ماني قادر حتى اتاسف منها ..ايد كبرياء ما يرضى لي المذله ...بس انا غلط عليها واكتشفت انها بريئه لازم ادوس على نفسي وعلى رامتي بين الزوجين مافي كرامه ))..
حست انها مخنوقه ما تقدر تناظره اكثر يمكن تضعف وتبدا غمامه دموعها بالهطول فضلت انها تطالع من الغرفه وتروح للصاله ...وفعلا طلعت من الغرفه وتركته يفكر شوي وهي ترتاح من الضغط داخله اخذت الريموت تقلب في القنوات حست بملل فظيع مرت ساعه كامله وهي تحاول تسلي نفسها عشان تبعده عن تفكيرها ..لكن للاسف خياله مايفارقها ملك قلبها وعقلها واحساسها
ناصر ((خلاص لازم احسم كل شيء واروح اكلمها واوضح لها )) طلع لها شافها سرحانه
ناصر جلس بجنبها : لمياء
لمياء صحت على صوته اللي ماصدقت انها تسمعه : نعم
ناصر : انا اسف سامحيني ..امي وضحت لي كل شيء وابيك تسامحيني يالغاليه ..سكتت ماردت عليه
ناصر يحط يده على كتفها : ارجوك سامحيني والله انا بدونك ما اقدر اعيش يكفي اني ندمت وندمت اشد الندم
لمياء: ماتوقعتك تصدق كلام اخت يوم تقول لك اني سبيتها بشرفها وانت تدري اني مستحيل اقول مثل هالكلام
ناصر: اللي فات مات ...خلي حياتنا ترجع مثل قبل ولهان عليك يالغلا ..ولهان ..نزلت دموعها
لمياء: ولهان ..ولهان علي...توك تحس انك ولهان
ناصر: لمياء انتي تدرين بحبي لك .وتدرين اني اموت واحي بك ..ليش تبين تصديني هالحين
لمياء: انا ما ابي اصدك لكنك جرحتني ياناصر جرحتني بكبريائك المفروض انا ارجع لاهلي ..لكن صبرت لجل اني احبك
ناصر مسك يدها وباسها : وانا احبك ..احبك ..احبك يا لمووووش ..قولي مسامحتك ..لاتحسسني بالذنب اكثر ما انا حاس به
لمياء: اوعدني ماتصدق أي كلام عني ..
ناصر: اوعدك ..اوعك يا حياتي ...ضمت وجلست تبكي بحضنه اشتاقت له ..بعد الجفاء والعذاب
ناصر: احبك ..ورب الكون احبك
لمياء: عسى عيني ماتبكيك ياروحي
اليوم اللي بعده الصباح وتحديدا بدبي
نزلت طول ليلها مانامت تفكر فيه تفكر باللي اسر تفكيرها كانت لابسه لبس سبورت بنطلون رمادي وفيه خطوط على جنب بالوردي وبلوزه وردي فيها حروف رمادي رافعه شعرها ذيل حصان ولابسه الكاب والنظارات الشمسيه وبيدها جوالها جلست على طاوله جنب الشباك ..تتامل الناس وحركتهم وبالها بعيد كل البعد عنهم نزلت نظاراتها وحطت السماعات باذنها وشغلت اغنيه موت فيني ..وكل كلمه تحسها تتكلم عنها
شافها لوحدها تشجع انه يكلمها لان الفرصه ماتجي مرتين وقف قبالها : صباح الخير ..تفاجئت لما شافته نزلت السماعات بسرعه
فاديا : صباح النور
عبدالله: ممكن اجلس معك واخذ من وقتك شوي
فاديا توترت : تــ.....تـــــــفضل
عبدالله: كيف حالك ؟
فاديا : زينه
عبدالله: لايكون ضايقتك بجلستي معاك
فاديا : لا بالعكس فر... ولحقت على نفسها ...لا عادي
عبدالله ((ياحليلك فرحانه)): ويش مسويه طيب
فاديا: ولا شيء ...انت كيفك ؟؟
عبدالله: تمام الحمدلله
فاديا ((لازم احرجه شوي ..واتصنع )): خير تبي شيء مني ؟؟
عبدالله: امممممم بصراحه يافاديا انا بكون صريح معك وابقولك كل شيء هذا اذا تبين تسمعين
فاديا: قول ويش عندك؟؟؟!!
عبدالله: انا معجب بك ..من ذاك اليوم اللي شفتك فيه بالملكه ..زاد توترها حمر وجهها ماتدري كيف ترد عليه او ويش تقول له ..انحرجت من كلامه
عبدالله: عارف ان كلامي احرجك ويمكن صدمك ..لكن انا غايتي وهدفي شريف ..بدون مقدمات انا ودي اخطبك ..وقفت ماقدرت تتحمل كلامه ..تركته وطلعت للغرفه بسرعه
فاديا ((ماني مصدقه ..معقوله عبدالله يحبني ويبي يخطبني ...لا احس اني بحلم ..ماني قادره اتخيل )) غمضت عيونها ورمت نفسها على السرير وراحت تسبح في عالم الاحلام ..
بالمدينه ..ببيت فراس
مشاعل: حبيبي ..اصحى اتاخرت على الدوام
فراس يفرك عيونه :آآآآآآآآآآآه ..تعبت من المستشفى
مشاعل ابتسمت له ابتسامه صافيه : يالله ياحبيبي مايصلح لازم تروح نسيت ان في مرضى يتسنوك
فراس: على قولتك يالله جهزي الفطور على بال ما اخذ دش واجي
مشاعل تبوسه على خده: تامرني انت يابعد دنيتي
وراحت تحط له الفطور ..وتجهز ملابسه عشان يروح الدوام ..

ببيت ابو محمد
مضاوي: الله يهداك يافارس كل شوف كيف نحفت انت ما تاكل ابد
فارس: شبعان
ابوه: ياولدي انت تغيرت من بعد ما تركتك ابتهال ..بس ساير الدنيا عشان تعيش اكيد بترجع لك بس انت لاتعذب نفسك
مضاوي: انت مالك ذنب كل شيء مقدر ومكتوب من قبل لاننخلق
فارس : الحمدلله وقام وراح
ثامر: الله يكون بعونه ..انا حاس فيه
ابوه: ويش نسوي انا رحت لابوفراس وكلمته وهو ماقصر بس البنت رافضه وماتبي احد يفتح الموضوع
مضاوي: الله كريم ...الا ثامر ماكلمت عبدالله
ثامر: الا بكره طيارته
ابوه: الله يوصله بالسلامه
بدبي
فيصل: حجزت لنا على طيارة الليله الساعه 3 الفجر
ملاك: كووويس
نادر: يعني يمدينا نلف ونتمشى اكثر
فريده: هذا اللي هامك ....صدق بزارين
نادر: ايه هذا اللي هامني ..لايكون عندك مانع
فريده: لا دواس ولا مانع خخخخخخخخخخخخخخ
نادر: كح كح كح كح ...مغبره ..الله يعين ماجد عليك ..طيرت فريده عيونها فيه وحب فيصل يلطف الجو
فيصل: فاديا بعدها نايمه
الكل: أيــــــــــــــــــه
نادر: مانامت غير الصباح مدري علامها طول الليل ما نامت
ملاك ((خخخخخ شاغل بالها عبوووووود )): يمكن ماجاها نوووووم ..
فريده: احتمال ...بروح اصحيها الحين الساعه 6 المغرب والاخت لسى نايمه
فيصل: يالله عشان نطلع ونروح الحديقه ونلعب
نادر نط من مكانه : احلف بالله انك بتودينا حديقه
فيصل: والله بس اكشخ عشان تخقق الاماراتيات
نادر: افاااااااا عليك ...ماطلبت شيء ..
ملاك ماتت ضحك عليه وعلى حركاته : بجد انت منحرف
فريده تسمعهم : معك حق يا ملاك
نادر: اهبيء عليها اذان تقول اقمار تجسس
الكل: ههههههههههههههههههههه
فريده: تف تف مشاء الله علي لاتحسدني اذكر الله
نادر : لا اله الا الله ...ومااااااااااالت عليك بالعشره
فيصل: خلاص يا نادر اهداء
ملاك: بروح البس عبال تقوم فاديا وتجهز
فيصل: اوكي لاتتاخرين
بالرياض
ام فادي ماهي مصدقه اللي تسمعه: صدق هالكلام يافادي طلقت هند
فادي: ايه عافها الخاطر يايمه ..عافها الخاطر
ابوه قام معصب : وكيف تتطلقها ..هذي زوجتك وام عيالك ومهم سوت المفروض تحافظ على بيتك وعلى عيالك
فادي: يايبه هند عمري ماشفت معاها يوم حلوووو ...ادخل البيت بمشكله واطلع بمشكله طول العشر سنوات وهذا حالي
ابوه: ولو هذي بنت اخوي وما ارضى عليها قوم ..يالله قوم نرجعها اليوم ماتنام ببيتك الا وهي معك
فادي: بس يا يــــ.......
ابوه: لا بس ولا شيء قم يالله ...وبالغصب اخذه وراح لبيت اخوه الكبير ابو عبدالكريم
ام فادي تبكي على ولدها اللي ابوه يتحكم بحياتها وتبكي على التعاسه اللي عايش فيها : الله يرضى عليك يا يمه عمرك ماعصيتنا حتى بامورك الخاصه ماتعصينا ..الله يرضى عليك مثل رضاي عليك
ببيت ابو عبدالكريم
ابو فادي: العذر والسموحه يا خوي انا جاي ارجع هند لفادي
ابو عبدالكريم: بس هند ماتبي ترجع له ..تقول اهانها وقال لها انه مايبيها وعافتها نفسه
ابو فادي: كل الكلام وهذا الحكي كان بلحظة غضب ياخوي ..هم بينهم عيال حرام يعيشون مفرقين عن امهم وابوهم لازم يعيشون مع بعض اذا كان مو علشانهم علشان هالصغار
ابو عبدالكريم: كلامك على عيني وراسي يا راشد بس الرائ الاول والاخير لهند وقبل كل شيء ابي اسمع فادي
فادي ((الله يسامحك يايبه الله يسامحك بس يالله بضحي بس عشان خالد وتركي <<عياله )): يا عمي ودي ارجعها انا كنت معصب ومدري ويش اقول وهي الله يهداها ضغطت علي
ابو عبدالكريم: يعني تبي تردها ؟؟؟
فادي: أي والله ودي اردها
ابو عبدالكريم: اجل بروح اكلمها وارجع لكم ....وراح لهند واعطاها الموجز ..وطبعا هي عندها عيالها اغلى من روحها فوافقت بعد اقناع ابوها لها وعشان عيالها مايتاثرون ببعد ابوهم عنهم
ببيت فادي
هند بكل احتقار : اسمعني يافادي لاتظن اني رديت لك عشان خاطر عيونك . انت عارف ويش اللي ردني انا ماعمري بيوم حبيتك ولولا عيالي كان من زمان وانا متطلقه منك ..بس حبيت اوضح لك ان عيالي هم السبب الاول والوحيد برجعتي هذي لك ...وصدقني مستحيل انسى كلامك لي وراح اردلك الصاع صاعين
فادي بكل كره : وانا رديتك لان ابوي طلب مني اردك لكن قلبي وعقلي ..ماهو مل لكل انك انتي اللي خلتيني اكرهك بسبب كرهك لاهلي وكلامك عنهم بس انا صابر لنفس السبب اللي ردك هنا ..
وطلع لغرفته اللي دايم ينام فيها لوحده وهي بعد اتجهت لغرفتها وكلها كره وحقد على فادي اللي تتنمى من كل قلبها انه يموت او يصير له شيء يعذبه بحياته لانها انغصبت بالزواج منه وخلفت منه ولدين وهذا اللي زاد الطين بله بالنسبه لها وكمان بالنسبه له

نرجع لابطالنا بدبي
فاديا: ونااااااااااسه وربي استانست بالالعاب
ملاك: مو كثري احس اني رجعت ايام المراهقه
فيصل: أي مراهقه الله يهداك ...تراكي كبرتي
ملاك: اقول اسكت توني صغيره ..وسلامتي من الكُبر
نادر: ماعليك منه..قولي له كبرت والا صغرت تراك تموت فيني ...وقلب عيونه
الكل: وااااااااااااااااااااااااااااااو
فريده: ياحركات ..ويش ذا الكلام ...والله سكت فيصل يا ندووور
نادر: عشان تعرفون اني اعرف ارد ..واعطي نصايح ذهبيه
ملاك: والله انها نصايح ذهبيه .."وتطالع فيصل وبغرور"....كبرت والا صغرت تراك تموت فيني
فيصل يغمض عيونه وبهيام : وه وه وه وه لا انسدح هنا مغمي علي ..اموت عليك انا
نادر: اثقل يا ولد عيب ..لا تطيح وجهينا قدام خلق الله ..اركد <<اشك ان عمره 30 خخخخخ
الكل: هههههههههههههههههههههههههههههههه
ملاك: اسمع كلام اخوك الصغير يالله اثقل
اليوم اللي بعده..بعد ما ارتاحوا من السفر ...
الساعه 8 بعد صلاة العشاء
ملاك: فيصل حبيبي
فيصل: ياعيون فيصل
ملاك: ابي اروح للمياء ..وحشتني من زمان عنها
فيصل: من عيوني الثنتين بس اعطيها خبر ..ونص ساعه وانتي عندها
ملاك: ياعمري انت تسلم
فيصل: يالله كلميها والبسي
ملاك: هوااااااااااااااااااااء ...وكلمت لمياء اللي طارت من الفرح ..وكشخت واخذت هدية لمياء وعزام وراحت لها
ببيت لمياء
لمياء تضمها : مشتااااااااااااقه لك ياحبي
ملاك: وانا اكثر ..وحشتيني ..والله اني فاقدك
لمياء: ماتصدقين لما كلمتيني كنت ماني مصدقه ..اجلسي يالله وقولي اخبارك
ملاك: قبل كل شيء وين عززومي ابي ابوسه ..ولهانه عليه
لمياء : نايم بس يصحى العبي معاه..يالله قولي كيف فيصل معاك
ملاك: ويش اقول ويش اخلي ..ما تصدقين لو اقول لك
لمياء: قولي يالله ..متحمسه ..وبدت تقول اخبارها وكيف تعامل فيصل معاها ..وكمان لمياء بدت تسرد عليها كل شيء صار مع ناصر وكمان عن مهاوشتها مع اخته اللي اتبلت عليها بكلام ماقالته ابدا ..
ملاك: الحماااااااااااااره
لمياء: يابنت هي مقهوره عشان قلت لها انا ما احب المجاملات واعطيتها عيوبها بوجها وقامت تالف حكي علي
ملاك: طنشيها لاتعطينها بال ..اهم شيء ناصر حس بغلطه واتاسف منك
لمياء: وانتي الصادقه
ملاك: على فكره ترى يوم الخميس اهل زوجي مسوين لي انا وفصولي عزيمه بمناسبه رجوعنا من شهر العسل
لمياء تصفر: ياحركااااااااات انتي ياعسل ...ووين طيب؟؟
ملا: باستراحه عمي ابو فادي ..
لمياء: امممممممم ..واكيد انا معزومه
ملاك: ايه اكيد يازينك ماتحضرين تبين اروح لحالي والله رجلي على رجلك
لمياء: خخخخخخ طيب كل ذا خوف منهم
ملاك: لا مو خوف بس رهبه انا ما اعرفهم ولا شفتهم
لمياء: عاد انا اللي شفتهم ..بس عنده بنات عم ياملاك ..ووووووووع ..نفسهم بخشمهم
ملاك: ويش رايك ويش البس
لمياء: البسي اكشخ لبس عندك ..وخليك اخر شياكه ..تراهم شيك
ملاك: لاتوصين ..بس أي لبس البس
لمياء: والله مدري ..انتي شوفي احلى واحد والبسيه
ملا: بكره الاربعاء مايمديني اروح السوق ..بشوف الدولاب ..واقرر
لمياء : اعطيني خبر ويش بتلبسين اوكي
ملاك: اوكي
ببيت فراس
فراس: يالله ياشوشو ..تاخرنا على امي اكيد تنتظرنا
مشاعل: خلاص خلصت
فراس: ياحلاوه ياحلاوه ..
مشاعل استحت: امش يالله ..تاخرنا
فراس: مشينا ياحلوه ..وطلع وراحوا لامه
ام فراس: ياهلا وغلا والله بالغالين
مشاعل: ياهلا فيك ياخالتي
ابتهال: تو مانور البيت يا مشاعل ..اخيرا زرتينا ..
مشاعل: اعذروني بس شغل فراس متعب شوي وملخبط
ام فراس: لا تقولين يابنيتي ..عارفين انه مايفضى الله يكون بالعون بس
فراس: لاتحسسوني اني مسكين ..
مشاعل: يوووووه نسينا انك تحب شغلك اكثر من روحك
فراس: توك تدرين ؟؟
ابتهال: من زمان دارين ...اشك انك حتى ما تفضى لمشاعل
فراس: ويش اسوي هذا شغلي ولازم اتحمله
امه: بروح احط لكم العشاء ..
مشاعل: اجي اساعدك ياخالتي
ابتهال: لاوالله ماتقومين انتي ضيفتنا وزوجة الغالي
مشاعل: ويش دعوه عاد ...؟؟ كلها صحن وملعقه
ابتهال: ولو ..الحين تجي وصايف ..وتجلس معك وانا وامي بنروح نحضر العشاء
دخلت وصايف وسلمت عليهم ومعاها مشاري
فراس: تعال ياحبيب خالو انت تعال
مشاري: ماما سوفيه ..انا احاف ((ماما شوفيه انا اخاف ))
وصايف: هذا خالك يا ميشو
مشاري: بث اللي زنبه ما اعرفها (بس اللي جنبه ما اعرفها ))
مشاعل: انا اسمعي مشاعل... تعال يا حبيبي ..اعطيني بوسه
وصايف: روح يالله ..بوسها
مشاري: لا بلوح عند بابا
فراس: يالله نروح انا وانت ..واخذه وراح بالمجلس عند محمد وابوه
مشاعل: مشاء الله يزنن ..
وصايف: تسلمي الا كيفك ويش اخبارك
مشاعل: تمام الحمدله ...انتي كيفك مع الحمل
وصايف: ماشي الحال ..وبدوا بالسوالف اللي مالها اخر
بالنسبه لها كانت بعالم غير عالمها .. تفكر بكلامه ..تفكر بكل كلمه نطقها على لسانه تحس انها تحلم لكن هذا الحلم ماتدري هو واقع او خيال ترددت كلمه باذنها
{ انا معجب بك}
{ بدون مقدمات انا ودي اخطبك}
فاديا تطرد الافكار من راسها "يعني يحبني ..ايه هذا معنى كلامه ..اذا بيخطبني هذا يدل على انه يحبني ...آآآآه ماني مصدقه عبدالله طلع يحبني ..بس ياليتك ياعبدالله تثبت لي صدقك ياليت "
قـول لي ..: أحبــك
و أقــوول ..: انـك هـوى بــالي ..
أنثــى أنــا
و إنت .. مـواعيــد الهنــا
آخــر طريـق لوحـدتي ..
و أول قصيـد لقســوتي ..
تبكــي عليّ ..؟
وش في يـدي ..!
أنثـــى .. قـويه ظـالمـه
ابقـى معـي ..
اليـوم بـس ابقـى معـي ..
عــبث طفلــة صغيــرهـ حالمــه ..

أنثــى أنــا
تعــرف متى .. [ تستعمـــرك ]
تعــرف متى .. [ تستثمــــرك ]
لكنــي الليـلة أحبـــك
غيــر الليــالي كلهـــا
عـبث طفلـة صغيــرهـ حالمــه ..
ابقـى معـي
اليــووم بـس ابقـى معـي ..
فيصل يضمها: ياحبي لك يا احلى ملاك بالكون
ملاك: فيصل ... ابيك تصبحني بكلمه احبك ابيك تمسيني بحبك ..ابي دنيتي معاك تكون غير وربي احبك ..احبــــ بجنون ـــك
فيصل: وانا مالي غير حبك بدنياي ...انتي السعاده بدنيتي وانتي الهنا باقي العمر ..انا ياملاك ماحبيت غيرك ومستحيل احب بعدك
ملاك: كلامك يريحني يحسسني انك مستحيل تتركني او تتخلى عني
فيصل: الموت اهون من اني اتركك ....حط راسه على صدرها
فيصل : أقدملك
كلمة
(أحبـ ـ ـكـ)
مع مشاعر ما تبي
(تهدكـ)
وهمس يذوب على
(خدكـ)
وشوق يغني على
(قلبكـ)
وعيون بس تبي
(تشوفكـ)
و أذن ماتبي تسمع غير
(صوتكـ)
ولي قلب يصون
(حبكـ)
ما أقدر أقول شئ ثاني غير أني
(% موت أحبـــــــــــــــــك %)
أنت .. ياللي حبك بقلبي ..
كبيرلا يصيبك شك..
في حبي .. لك ..
يوم غيرك صار لأحساسي أمير..
أنت من فوق البشر صرت
"الملك"وجيت أغنيلك
على اللحن القصير
الاماكن.. كلهاااا... مشتاقة لك
ملاك: يا بعد عمري انت ..
فيصل: ملاك ابي عيالي يجون بسرررعه ابي اشوف اللي انتي امهم ...ولع وجهها من الخجل
ملاك: ليش مستعجل صبرك علي انا ابي اعيش احلى يامي معاك
فيصل: بس ايامنا راح تحلى اكثر وعيالنا بين احضاننا
ملاك موووت مستحيه: فيصل ..والله استحي
فيصل: وااااااااي ..ياويلي على المستحي ..بس لاتوقفين قلبي تكفيين تراكي تتفننين بدلعك
ملاك تبعد عنه وتروح للسرير تبي تنام: اكيد بتدلع دامي معاك ..وحط راسها على المخده
فيصل: ليش قمتي وطنشتيني
ملاك: بنام بكره وراي عزيمه لازم اكون مرتاحه وبشرتي تكون تلمع وحلوه
فيصل : اجل نامي ...يام بشره تلمع ...سحبت عليه ونامت
فيصل (يــــاناس ويش اسوي هبلتــــني ))
اما بالجهه الثانيه من البيت
فريده: ياقلبي اعذرني عارفه اني مقصره معاك
ماجد: مايصير يافدفد انا مشتاق لك
فريده: حتى انا
ماجد: اجل بكره بشوفك
فريده: خلاص طيب ..بكره اقابلك
ماجد: اوكي اشوفك بكره مو تعتذرين ترى ادخل عليك واسحبك معي بلا زواج بلا هم
فريده: هههههههههه لالا تكفى الا الحفله .اموت اذا ماتزوجت وسويت حفله
ماجد: اجل كوني قد كلمتك
فرديه: وانا قدها ..

اما بالمدينه ..
جالسه على سريرها ..وصورها قدام عيونها لحظة تبكي ولحظة تتامل ..ولحظة تشوف السعاده بعيونها وعيونه ..ولحظة تحس انها كرهت الدنيا ..ولحظة تتمنى انها تكون هي سبب سعادته
ابتهال ((كنت ما ابيه ومعترضه عليه عناد ..وتزوجني عناد ..وحبيته والحين ما اقدر اكون معاه ...اااااااه يافارس ..احبك احبك احبك ..))وجلست تبكي وتبكي الين غلبها النعاس من كثر بكاها وتعبها

اما بالنسبه له كان يفكر فيها مثل ماتفر فيه وكان يفكر بالخطوه اللي خطاها هل هي كانت صح او غلط ..هل تسرع او كانت بوقتها ..مشاعره متلخبطه
عبدالله ((اوووووف ويش السوات الحين ..شكلي خربت كل شيء لازم اكلم ملاك واقول لها كل شيء لما تجينا ..واخليها تجس نبضها ))
اما فارس ..كان لحاله يفكر كيف يرجعها كيف يثبت لها انه يحبها ومستعد يضحي بكل شيء عشانها ..
فارس : يارب ساعدني ..يارررررب ..حس ان دموعها بتخون رجولته ..ويذرف دموعه
اليوم اللي بعده ..بعد المغرب
فيصل: جهزتي حياتي
ملاك: تقريبا ..بس احط روجي واكون جاهزة
فيصل: يالله كلهم اجتمعوا هناك ورانا مشوار نص ساعه
ملاك: طيب صبرك علي ..ما احب السرعه ..جاء وراها وهي تحط روجها
فيصل: ياعيني ..على الاورنج ..قتال وربي قتال
ملاك: حلوو علي الفستان
فيصل: حلو وبس ...يجنن عليك
ملاك تاخذ عبايتها : يالله انتهيت
فيصل يمسك يدها: يالله ...وراحوا للاستراحه لما وصلت وقبل لاتنزل من السياره
فيصل : احبــــــــــــــــــــــــك
ملاك ضحكت له: مو وقته ...وتغمز له
فيصل يسوي نفسه زعلان : يانذله وانا مسوي فيها رومنسي ..الشرهه علي انا
ملاك تضحك على شكله وهو زعلان قرصته مع خده: يا حبيبي انت ..الزعل مو لايق عليك ابد ..ونزلت وهي تاشر له بيدها "بـــــــــــــأي "
فيصل: يمين عليها نذاااااااااله ماهي صاحيه ...وراح لقسم الرجال
دخلت واخذت نفس عميق نزلت عبايتها وشالتها ..واتعطرت وذكرت الله وشيكت على شكلها ودخلت للصاله الراقيه اللي الكل جالس فيها خوال واعمام فيصل وبعض من صحبات ام فيصل
ملاك: الســـــــــــــلام عليــــــــــــــكم
الكل : وعلـــــيكم الســـــــــــــــــــــــــــلام
ام فادي: ياهلا حبيبتي حياك تفضلي
ملاك: الله يحيك ياخالتي
ام فادي: تو مانورت الاستراحه يا ملاك
ملاك: منوره بالموجودين وانتي اولهم يا خالتي
ام فادي: تسلمين يا قلبي ..حياك اجلسي ...جلست بجنب خالتها اللي قامت تعرفها على الموجودين وعلى صديقاتها وهي فرحانه بزوجة ولدها
دانا بحقد: شوفي كيف فرحانه فيها
امال: مافيها شيء زود ...على ويش يحبونها مدري؟؟
ساميه: قاهرتني ودي اخنقها
هند: الله ياخذها هي وزوجه واهله معاه
دانا: ليش تدعين على عمي ..عمي ماله ذنب
هند: مالك خص انتي اسكتي !!!
ام راكان: مشاء الله تبارك الله ..هذي زوجه فيصل
ام فادي: ايه هذي هي
ام هدى : والله وعرفتي تختارين يا هناء البنت حلوه
ام فادي: والله هذا اختيار فيصل ..كان يحبها وحلف مايتزوج غيرها
ام سامي: يحق له البنت مزيونه
ام راكان وام هدى وام سامي <<صديقات ام فادي
ملاك ((ياربي ما احب اون محط الانظار متى تجين يا لمياء متى ...احسهم بياكلوني بعيونهم ..))
ام ناصر: كيف حالك ياملاك ويش اخبارك
ملاك: بخير ياخالتي انتي كيفك وكيف ناصر واخوانه
ام ناصر : تمام الحمدلله ..كلنا بخير
ملاك: الحمدلله
جات ام ماجد وخواته
فريده: حياك ياعمتي حياك
ام ماجد: الله يحيك ويبقيك يا فريده
غاده : شخبارك يا فدفد << تقلد اخوها
فريده استحت: بخير وانتي
غاده : زينه ...تدقها << ..تستحين ...خخخخخخخخخ
فريده: انطمي ..ماني ناقصتك ..خلقه متوتره
غاده: هين اعلم ماجد ...تقولين لي كذا
فريده: هههههه حقك علي
غاده : ايه تادبي مع اخت زوجك
دخلت لمياء وسلمت على المتواجدين ..وجلست جنب ملاك
ملاك: ليش تاخرتي
لمياء: الطريق زحمه ...يادوب وصلنا
ملاك: كنت بموت ..حسبتك مو جايه
لمياء: وانا اقدر ...الا تعالي متى بتسافرين للمدينه
ملاك: على حسب شغل فصوولي
لمياء : خخخخ فصولي ...طيب يافصولي انتي ..
ملاك: ليش تسالين ؟؟؟
لمياء: هاه ..لا ولا شيء بس مجرد فضول
ملاك حست بنبرتها شيء: لمياء في شيء صاير
لمياء: لا بس انا قلت اكيد بتروحين لابوك لك اكثر من شهرين ماشفتيه
ملاك: ايوه ....قلبي ماهو متطمن
لمياء: الا..ويش هالفستان ياخطيرة ويش ذا اللون الجريء <<تصرفها
ملاك: قلت البس هالون ماعمري لبسته
لمياء: بس تصدقين لونه حلوه وهادي ...
ملاك: هذا شريته لما كنت بتركيا ..عجبني ..وقال فيصل خذيه
لمياء : هههههههه وتشاورينه ...والله ياملاك ماني مصدقه انك صرتي تحت امر رجال مو لايق ابد
ملاك: ويش ناقصني يا لميوووووووه ؟؟؟
لمياء: انا متعوده عليك ..انك فلته ..وحريه واهم شيء اللي براسك تسوينه الحين اهم شيء رايئ فيصل ..والله كبرنا وتغيرنا وصرنا حريم
ملاك: انا بعدي عروس ..
لمياء: عروس بعينك ...صار لك شهرين متزوجه ..وتقولين عروس
ملاك: عروس الين اجيب عيال ..بعدها اصير مره خخخخخخخخخخ
لمياء: اقول اسكتي الكلام معك ضايع ..وربي مانتي داريه ربي وين حاطك
فاديا : فريده قومي نشغل الدجي ونرقص بدل هالملل
فريده: طيب يالله ..وراحوا شغلوه وقاموا يرقصون ..وامهم معاهم وملاك
دانا ميته قهر: مااااااالت ..ياربي لك الحمد ..قرده
ساميه: ويش عاجب فيصل فيها ؟؟؟
هند: انا بقومارقص ابي اقهرها ..وقامت هند ترقص ..وتسوي حركات دلع ..مو لايقه عليها ابدا لان عمرها اكبر من هالتصرفات اللي تسويها
ملاك((من هذي العبيطه ..وليش تسوي كذا ..؟؟)) بعد ماخلصت من رقصها جلست ..وهي تطالع هند مستغربه
ملاك: لمياء من هذي ؟؟
لمياء: مدري اسئلي فاديا او فريده ...ملاك نادت فاديا وسألتها
فاديا: هذي هند زوجه فادي
ملاك مصدومه : فادي اخوك ؟؟؟!!
فاديا تضحك على صدمه ملاك: أي اخوي ..اللي هو اخو زوجك
ملاك: ما اصدق ...اكيد تكذبين
فاديا: لا صدقي ...ماني مستغربه صدمتك ...
ملاك: طيب هذولك اللي جالسين ومسوين اضراب ..مين هم ؟؟
فاديا: بنات عمي ...وقامت تعرفها عليهم وحده وحده
ملاك: اهااااا ..احس فيهم شيء انتم بينكم هوشات
فاديا: لا بس هذا طبعهم مايغيرونه
امال: شوفيها تستفسر من فاديووووه
دانا: عساها للمرض ...ووووووع قروويه
ديما : حرام عليكم ..البنت باين انها طيبه وعلى نيتها وانتم كله سب فيها ماسوت لكم شيء عشان تدعون عليها
دانا: واللي يسلمك يا ديما انطمي ..انت مالك داعي بيننا
ديما: مشكورة ياختي ..هذا جزاي اني انصحكم ..خلو الحقد والحسد عنكم انتم حسودات ..حسودات
ساميه: اقلبي وجهك عنا يالله سفرقي مانقص غير البزران يتكلمون وينصحون
امال: خربت الدنيا ..يالله فارقي
ديما قامت من عندهم مقهوره طلعت على طول للحوش تلف فيه بالمزرعه الخلفيه اللي خلف الاستراحه ..راحت للمسبح لانها كانت محتاجه تجلس لحالها ...
ديما:ليش كذا يسوون لي شماهم قادرين يتغيرون ...آآآآه يا دانا وساميه وامال متى تحسون باخطائكم
فاديا: رموا عليك كلام كالمعتاد
ديما لفت ..وشافت فاديا صديقتها من الطفوله اللي دانا تحاول تشوه نظرة ديما لها باي طريقه
ديما: فاديا
فاديا: ماعليك منهم يا ديما انتي غير عنهم ..هم متكبرات مايهمهم غير نفسهم لكن صددقني مستحيل يعشون بسعاده وقلوبهم فيها حقد وحسد اعوذ بالله
ديما: ليش لحقتيني ؟؟
فاديا: لاني حسيت انك متضايقه
ديما: لا ماني متضايقه بس حسيتا ني ثقيله عليهم وحبيتا كون لحالي
فاديا: طيب يالله خلينا نرجع ..ونرقص ونفلها
ديما ابتسمت لفاديا : يالله ..ورجعوا ..
لمياء: شوفي نظراتها ..كانها قرفانه
ملاك: ارميها وراك هذي الفئه من الناس تحسين فيهم مرض مستحيل يتشافون منه
لمياء: مالت عليهم ..
ملاك: اقول لمياء
لمياء: هلا حبيبتي
ملاك: لما جبتي عزام تغيرت حياتك مع ناصر ؟؟
لمياء: لا والله بالعكس احس انه زاد اهتمامه فيني وفي ولده
لمياء بخبث : ليش تسالين ؟؟؟ يالله اعترفي لاتكوني ....قاطعتها ملاك
ملاك: وجع ..وين راح تفكيرك ..بس قلت اسالك
لمياء : وراكي شيء انتي ..يالله قولي
ملاك: يابنت الناس والله بس مجرد سؤال ....بعد الحاح لمياء
ملاك: بقولك اوووف منك نشبه ...فيصل يقول يبي عيال
لمياء: خخخخخخخخخخخ ...خلاص جيبي ويش وراك مثلك مثل أي وحده
ملاك ودها تخنقها : اقول اسكتي ابرك ..انا الغلطانه اللي اقولك
لمياء: طيب انتي ماجله الموضوع شوي
ملاك: ايه ابي اكون معاه لحالي ..مو على طول اخلف ..ليش دجاجه انا
لمياء ماتت ضحك: دجاجه ....اوماااااااااا ..تعبير توووووووحفه
ملاك: والله انا صادقه ..ابي اعيش حياتي واحلى ايامي ..اول الايام هي احلى الايام بالزواج انا ابي استغلها بكل ثانيه فيها
لمياء: طيب قولي لقوزك <<الاخت حولت مصري
ملاك: قوزك ...الحمدلله والشكر ...انا الخبله اللي اكلم وحده زيك مرفعه
لمياء: مرفعه ...مقبوله منك يابنت اختي ..تمونين
ملاك: ايه اموووووووون اسكتي اسكتي
هند : ودي اخنقها ...شوفي كيف واثقه وخالتي طايره فيها
ساميه: احقريها يا هند ماتستاهل تناظرينها
دانا: آآآآه يالقهر آآآه ...انا فيصل يقول مايبيني ..ويبي ذي ..ليش ويش فيها ماهو فيني
امال: خلاص يا دانا انسي انسي اللي راح ..وارميه ربي يعوضك احسن منه
دانا: اللي قاهرني اني كنت احبه
سامييه: قلتيها كنتي تحبينه ..خلاص انسيه
ملاك: انا بروح اشيك على شكلي ..سيو
لمياء: سيو ...راحت للمريا ..وكانت ت**ط شكلها تعيد على روجها والكحل..وتتعطر

دخلت عليها وتشوف بعيون الكره والحقد..ابتسمت لها ملاك ابتسامه عذبه لكن ردت عليها
....: ليش توزيع هالابتسامات
ملاك انصدمت من ردها ((معقوله في ناس اسلوبهم كذا )): الابتسامه في وجه اخيك صدقه
دانا: والصدقه اللي منك ما نبيها
ملاك رجعت تناظر شكلها بالمريا وحقرتها ...ولا ردت عليها
دانا: ليش شايفه نفسك علينا ..تراك بعدك قرويه ..والا فلوس عمي رزتك
ملاك عصبت: اولا انا ماني قرويه والقرويه هي انت واشكال ..وثانيا الحمدلله الفلوس لاقامت ولا قعدت عندي واهلي ماهو مقصرين علي ...ولاتتوقعين اني حافيه منتفه ...بس واضح انك جربتي حياة الفقر عشان كذا تقولين هالكلام
دانا ماتوقعتها قويه : انا جربت الفقر ((ضحكت بسخريه))..هه هه هه هه كثري منها
ملاك: اقول اللهم عافنهم مما ابتليتهم
دانا عيونها شوي وتطلع قدامها : ويش قالولك فيني الجرب والا الطاعون ؟؟
ملاك بغنج وتبي تقهرها : انتي ادرى بمرضك ...
دانا ويعونها تطلق شرار: احب اقولك كلمه ترى فيصل ما يحبك ومصيرك بتعرفين انه بيمل منك وبيرجع لحبه الاول والاخير
ملاك انقهرت شوي وتذبحها بس كابرت : احب اقولك شيء ..فيصل ما يعيش بدنيا انا ماني فيها وانتي تعرفين ويش سوى عشان ما يحتاج اقولك ..بعد كل ذا جايه تقولين هالكلام استحي على دمك ...ول انك بنت وماترضين المذله ماكان تركضين ورى واحد متزوج ويموت بزوجته ولا يفكر بغيرها ..واخذت شنطتها بتطلع
ملاك وهي عند الباب: حطيها حلقه باذنك ...ان حاولتي مجرد محاوله انك تقربين مني مره ثانيه صدقيني بتشوفين شيء ماشفتيه ..واعطتها نظره تقشعر منه جسمها ..
رجعت متوتره من كلام دانا ..كان نفسها تدفنها بمكان رجولها كيف تتكلم عن فيصل كذا ومعقوله يكون كلامها صحيح انه بيتسلى فيها فتره وبعدين يتركها ..بدت الافكار والوساوس تقتحم تفكيرها لكن هي تنفضها بس ماتقدر غير انها تطمن نفسه بحب فيصل لها اللي هي متاكده منه تماماً
فاديا: ملوكه ويش فيك ساكته ؟؟؟
ملاك: هاه ...لا بس ماعندي سوالف
فريده لحظة ان ملاك متضايقه : في احد ضايقك ؟؟
ملاك : لا والله ماحد ضايقني بس احس بمغص ..هذي كل الحكايه
لمياء تدقها: مغص هاه ...اصبري علي ..
ملاك: اسكتي لايسمعونك ..
بعد ما اتعشوا ورقصوا شوي الساعه 2 باليل رجعوا للبيت كل واحد منهك تعبان ..مشتاق لوسادته اللي يشكي لها عذابه وحزنه وافراحه وامنياته
بغرفه فاديا ..
بعد ما اخذت لها شور سريع بعد التعب ..رميت حالها على وسادتها البيضاء اللي تحس انها ملجأها الوحيد اللي تبوح لها بالاسرار
فاديا ((متى تثبت لي يا عبدالله صدقك..يعني كلامك كان من قلبك او بس انه اعجاب فتره ويمر ..ياربي ويش هذي الافكار اللي تجيني ..اوووف تعبت والله تعبت ))
بغرفه فريده
فريده: قرب زواجي ..وانا خايفه ..خايفه موووت يمكن ما اقدر اكون قد مسؤليه اني اكون زوجه وام وربة منزل ...يارب كون بعوني يارب
بغرفه فيصل وملاك
كانت على السرير الافكار تبحر فيها في عالم يسوده الوساوس والشك لكن بداخلها مؤمنه تماما بصدق احاسيسها ..طلع بعد الشور اللي اخذه
فيصل: ميمي ..ماردت عليه حس بسرحانها ..جاء جلس جنبها
فيصل: اللي ماخذ عقلك يتهنابوه ...
ملاك ابتسمت: ومن غيرك ماخذ عقلي
فيصل: ليش بويش شاغل فيصل راشد ؟؟
ملاك: امممممممم بحبه يعني بويش ؟؟
فيصل: بس ككذا ..تعالي تعالي بشغل فلم وقولي لي انطباعاتك عن الناس اللي شفتيهم ..راحوا على الكنبه ..وجلسوا يتفرجون على الفلم
فيصل: ماقلتي لي ..كيف اهل عمي معاك ؟؟
ملاك ((وووووع مالت عليهم لو بيدي ذبحتهم )): ذووق مشاء الله ..وطيبين
فيصل ((يعني ماسووا حركاتهم المعتاده )): أي اعمامي طيبين مررره <<وبداخله غير هالكلام
ملاك ((شكلك ماخذ فيهم مقلب )): وكمان صديقات امك حبوبات مرررره
فيصل: لا بذي انا اشهد عاد كل صديقاتها كويسات وطيبات
ملاك: اقول فيصل
فيصل: هلا عيوني امري
ملاك: متى توديني للمدينه وربي اشتقت لاهلي ..ونزلت دموعها
فيصل: لالا كل شيء ولا دموعك دموعك غاليه علي ..اذا تبين بكره اوديك ..اوديك
ملاك: انتش وف متى تكون فاضي بشغلك عشان نروح
فيصل: ياعمري مهتمه بشغلي ..بس اهلك الزم من الشغل والدنيا كلها ..اممم يوم السبت نسافر
ملاك فرحت: صدق
فيصل: أي صدق كم ملووووكه عندي ؟؟
ملاك تضمه : الله لايحرمني منك يالغالي ...
فيصل: ولايحرمني من وجودك معي يا روحي

يوم السبت
وهم نازلين من غرفتهم ومعهم شنطة السفر متجهين للمطار
ابو فادي: توصلون بالسلامه
ملاك وفيصل: الله يسلمك
ام فادي: سلمي على اهلك كلهم ياملاك
ملاك: يوصل ان شاء الله
فاديا: سلمي على ابتهال ووصايف وعبير واخواتها
ملاك: اوكي
نادر: ملاك ملاك ..تكفين قولي لعبود يزورنا ..والله اني حبيته
ملاك: لاتخليني اجيبه معي
نادر: ياليت والله ...وفاديا بداخلها تتمنى هالشيء يصير
فريده: طمنونا عليكم
ملاك وفيصل: اوكي ....مع السلامه ..واتجهوا للمطار
بعد ساعه تقريبا وصلوا للمدينه واستقبلهم عبدالله وثامر
ثامر : ياحي الله اختي وزوجه نورت المدينه ..بجيتكم
فيصل: تسلم تسلم ياثامر
ملاك: وحشتني يا الدلخ
ثامر: وانتي اكثر يالمايعه
ملاك شهقت : انااااااا مايعه يالصايع
ثامر: كنت صايع والان لم اعد كذلك
ملاك: عبود اخونا علامه
عبدالله: لما نوصل البيت اقولك كل شيء
فيصل: شكل صاير تطورت بعد ماتزوجتي يا ملوكه
ملاك: والله شكله ..انا قلبي يقول صاير شيء ولمياء ماهي راضيه تقول والحين تاكدت من ثمور وعبود
ثامر: يالله لانتاخر ابوي ينتظرك بفارغ الصبر
ببيت ابو محمد
ملاك تضم ابوها من شوقها له : والله ولهانه عليك يايبه
ابوها: وانا بعد ياحبيبتي ...ماتدرين البيت بعدك كيف صار
ملاك تتامل الجدار اللي وحشها والدرج اللي كان هو طريقها والكنب اللي كانت تجلس عليه وكل شيء فقدته ..وتحس انه متغير عليها كثيرررر
ملاك: كل شيء وحشني يا يبه حتى الجدار وحشني
عبدالله وثامر : ههههههههههههههههههههههههههه
فيصل: الجدار عاد
ملاك: ايه ويش فيها ..البيت كله وحشني
ثامر: وغرفتك
ملاك : واااااااااااااااااااو غرفتي ..ما تصدقون قد ايش ولهانه عليها احس انها انسانه ..
عبدالله: ترى مضاوي تنتظرك فوق
ملاك: طالعه لها ..وطلعت للصاله اللي بالدور الثاني
ملاك: مضاوي
مضاوي وبطنها كبرت زياده: هلا هلا حبيبتي ..لك وحشه
ملاك: يادووووووبه ويش ذا
مضاوي: عوامل الحمل
ملاك: اماااااااا شوفي كيف صرتي كانك بطريق
مضاوي :ههههههههه بطريق ..حطمتيني
ملاك: الا شخبارك ..من زمان عنك
مضاوي: ولا شيء غير هالحمل ..وبدت السوالف والاخبار ..وملاك تحاول تسحبها بالكلام الين اخذت مبتغاها
ملاك تشهق: طلااااااااااااق ..
مضاوي: ايه طلاق ..ابتهال رافضه ترجع
ملاك: ليش فارس ويش مسوي ..اكيد مسوي شيء كبير
مضاوي: ما ادري بس فارس وابتهال مايتكلمون وبدون أي سبب ابتهال تبي الطلاق
ملاك بدت تنزل دموعها: كل ذا يصير وانا خبر خير ليش ؟؟؟ مو انا بنتكم ..ليش تخبون علي
مضاوي: ياحبيبتي احنا مانبي نخرب عليك حياتك انتي الحين متزوجه وعندك زوج وبيت ...لازم تهتمين فيهم
ملاك: حتى ولو انا بنتكم ليش ماتبين تقولون لي والا عشان خلاص تزوجت وصرت بعيده عنكم
مضاوي: لا ياملاك ويش ذا الكلام لو يسمعك ابوك راح يزعل عليك ..مهما كان انتي بنتنا وحنا خيافين عليك
ملاك: اعذريني بس ماني مصدقه اللي اسمعه
مضاوي: هذا اللي صار ادعي ربك ان يهدي ابتهال وترجع فارس لو تشوفينها ماتعرفينه
ملاك: ليش ؟؟؟؟؟؟؟؟
مضاوي: نحف ..واتغير ..حتى الاكل ماياكل والنوم ماينام ويحاول بكل طريقه لكن ابتهال معنده وميبسه راسها الا تبي الطلاق
ملاك:يصير خير يصير خير ..
بعد كل هذي الاخبار واخبار خطبت ثامر لريم وتحديد زواج بدر وعبير حست انها خلاص شوي وتدوخ ..دخلت غرفتها اللي اشتاقت لريحتها ولكل زاويه فيها اشتاقت لذكرياتها مر شريط ذكرياتها قدام عيونها لحظة فرح وابتسامه ولحظة حزن ودموع والالم ..ولحظة حب ولحظة حرمان ..شافت دفترها اللي كانت تسطر فيها اشعارها ..قامت تتصفح وتقراء كل شيء تبته لما كانت سعيده ولما كانت حزينه
مسكت القلم اللي حنت اصابعها لمسكته ..قلمها اللي تنقش فيه كلماتها ..وكتبت
أقضي مع الأفكار غربه وترحـــــــال
ذكرى تفرحني وذكرى حزينـــــــــه
انت الفرح وانت السعاده والامـــال
يامن بنى له في ضميري مدينــــــه
وانت (الوفي )اللي مع الوقت ما مال
مثل البحر ياكم حمل من سفينــــه
قفلت دفترها ونزلت وراحت مع زوجها للفندق
فيصل: ملاك ايش فيك من رجعنا واحس انك شارده ومتضايقه ..
ملاك: لابس ولهت على اهلي تذكرت ذكريات اللي كانت بينهم ..وغرفتي حنبت لها كثير ..اما فيصل ماكان غبي عشان يقتنع بهذا العذر اللي وصفه بانه غير مبرر لحالتها
فيصل: ملاك حياتي ...فضفضي احسك كاتمه شيء بداخلك انا زوجك اذا ما تكلمتي معي تتكلمين مع مين ؟؟
كانت فعلا محتاجه تفضفض لاحد مالقت غير ملجائها الوحيد والقلب اللي بتقبل كل شيء منها واكيد راح يساعدها ومستحيل يترها تعاني وهو مايعاني مثلها لانه يعتبر نفسه معاها روح وحده في جسدين
ملاك بدت تبكي : اهلي ..احوالهم متغيره ..كل شيء تغير بعد مارحت
فيصل يهديها: اهدي ياقلبي اهدي ...وتكلمي زين وبعدين كل مشكله ولها حل ..
ملاك حاولت تهدي نفسها وتقول له كل شيء قالته مضاوي
فيصل: طيب ما احد يعرف السبب
ملاك: لا ..بس انا لازم اعرف بكره بروح لها واحاول اقنعها ..وفارس بعد ماقابلته ابد معقوله يدري اني جيت ولا يجي يسلم علي
فيصل: يمكن مشاكله مع زوجته بعدته عن الناس ..
ملاك: يمكن !!!!
فيصل: وانتي ياحبي ..الحين ارتاحي ..ونامي وبكره يحلها الحلال ..حطت راسها على كتفه
ملاك: كيف يجيني النوم وانا متضايقه على حال اهلي
فيصل: لاتقولين كذا ..شوفي ثامر خطب ..وخالك بيتزوج يعني مافي مشكله غير فارس
ملاك: والله مدري مدري
فيصل يحاول ينسيها : يالله قومي قومي نطلع نتمشى
ملاك فتحت عيونها : نتمشى ؟؟ وين ؟؟ الساعه 2 باليل
فيصل: نلف مشاء الله عليكم ياهل المدينه ماتنامون
ملاك: اذكر الله ..
فيصل: قلت مشاء الله يالله البسي عبايتك ...وطلعوا يتمشون بالمخططات ويشوفون تجمعات الشباب ..وتجمعات مخصصه للعوايل
فيصل: افا حتى هنا عوايل ..
ملاك: ايه حتى هنا عبالك بس بالرياض عوايل
فيصل: لا بس توقعت عندكم زي جده ..
ملاك: هههههههه جده ..للدشره والله <<تدقه بالهرج
فيصل يطالعها : دشره ..ويش قصدك
ملاك: لالا ولاشيء ..كمل كمل طريقك
فيصل: احيانا يجيني شعور ان محترفه بالنذاله والف والدوران واحيانا احس انك تنحطين على الجرح يبراء
ملاك: هههههههههههههههه يا ويل قلبي انا ..ويش التناقض حقك ؟؟
فيصل : والله هذي احاسيسي..انتي متقلبه
ملاك: انا متقلبه ..هن يافيصل احسك بتحول علي
فيصل: لاوالله ما احول عنك
ملاك: شف طريقك ..بس لا يكثر هرجك
فيصل يصارخ: نــــــــــــــــــــذلـــــــــــــــــــــــه ..ماتت ضحك عليه
اليوم اللي بعده راحت لابتهال وخالتها وسلمت عليهم ولقت مشاعل زوجه فراس
ملاك: شخبارك يامشاعل
مشاعل: تمام الحمدلله ..انتي ويش مسويه
ملاك: الحمدلله بخير ...
ام فراس: كيفك يايمه مع الزواج ..وكيف فيصل معاك
ملاك: الحمدلله ياخالتي ..وفيصل معاي تمام
ابتهال: وكيف اهله معاكي .
ملاك: مره طيبين ..
ام فراس: الله يوفقك ويسعدك يا بنتي
ملاك: امين ...بعد السوالف والاخبار راحت مشاعل وبقت ملاك وخالتها وابتهال
ملاك: ابتهال ..ليش تبين الطلاق
ابتهال: ارجوك ياملاك لاتفتحين هالسيره انا قررت وخلاص
ملاك: طيب اعطيني الاسباب وبعدها اوعدك ما افتحها
ابتهال : بدون اسباب
ملاك: فارس سوا شيء ..خانك ..عرفتي شيء عنه او.......
ابتهال: لا
ملاك: طيب ..اجل ويش السبب
ابتهال: سبب خاص فيني ..وارجو اقفلي الموضوع ...
حاولت معاها الين ملت من المحاولات وابتهال ترفض تفتح الموضوع نهائيا
راحت هي وفيصل بيت ابوها وفيصل راح يزور واحد من خوياه وقابلت اخوها فارس
ملاك: ويش مسوي يا فارس
فارس: تمام
ملاك: لاتضحك علي انا عرفت كل شيء
فارس: من قال لك
ملاك: قال اللي قالي المهم ويش ناوي تسوي ..معاها هي متحطمه نفسيتها
فارس: انا مراعي هذا الشيء لكن هي ماتبي ترحم نفسها
ملاك: اعذرها هي ماهي قادره تتخيل انها ما تخلف ..
فارس: انا ما ابي عيال ابيها هي هي وبس
ملاك قامت تفكر وتحاول تطلع فكره لفارس : بـــــــس خلاص لقيتهااااااا
فارس : ويش هي ؟؟؟
ملاك: انا اقولك ...بس تنفذ كل شيء بال**ط
فارس: مستعد انفذ ...بس يالله قولي
وبدت تسرد عليه الخطه واللي لازم يسويها ..
فارس منصدم من تفكير ملاك: اخــــــــــــــص لو دريت من زمان قلت لك
ملاك: بس تنفذ كل شيء حسب التعليمات
فارس : بس يارب تنجح الخطه
ملاك: ان شاء الله
دخل ثامر: ويش تسوون
ملاك: نسولف
ثامر: شيء يالله نادوا عبود جبت اكل معاي
ملاك: جد والله جوعانه
فارس: ليش فيصل مجوعك ..
ملاك: لاوالله فيصل ماهو مقصر علي ابد
ثامر: خخخخخخخخ بدا الدفاع
ملاك: ايه هذا زوجي جنتي وناري ..وااااااااي احبه احبه
عبود : اكيد فصووووووووووووول
ملاك: ايه فديته
فارس: يابخته ياعم ...ملاك تموت فيه
ملاك: بس ترى اغر عليه حتى منكم
عبدالله: الحمدلله والشكر تغارين منا ..حشى انهبلت
ملاك: ايه يحق لي ..هذا فصولي
عبدالله يهمس لها: فديت فاديا
ملاك شوي وعيونها تطلع من مكانها : فاديــــــــــــا
عبدالله يدقها: لك سوالف عندي
ملاك: طيب طيب ..صبرك علي
بعد ماخلصوا وراحوا يناموا ..بقى ملاك وعبدالله
ملاك: ويش سالفه فاديا ....بدا يحيها ..ويقول لها
ملاك: باحلف برب الكعبه
عبدالله: والله ...امانه اسئليها جسي النبض ..وشوفي تحبني او لا
ملاك: طيب بحاول واشوف
عبدالله: لاتقولين تحاولين ..قولي ان شاء الله
ملاك: ان شاء الله
بعد يومين ..جاء يوم سفر ملا وفيصل ورجوعهم الى الرياض
فيصل : ملوكه ويش رايك نروح جده
ملاك مستغربه: جده ..؟؟؟ ليش ؟؟
فيصل: بس ودي نروح ..للبحر
ملاك: اوكي ماعندي مانع ..وفعلا حول سفره الى جده
بعد ماوصلوا ..
ملاك: يالله ..من زمان عنها
فيصل: أي والله عشت فيها احلى يامي
ملاك: وانا بعد ...مسك يدها
فيصل: تذكرينا يوم كنت الاحقك ...
ملاك: وانا انسى ذيك الايام ..مستحيل انساها هذي الايام عشتها بحلوها ومرها
فيصل: يالله وين روح
ملاك: اممممممم عزيز مول
فيصل ابتسم لها: اوكي ..
كان الوقت بعد المغرب ..وراحوا له .وهم يتسوقون فيه ..تذكرت اول مره تشوف فيصل او تعرفه فيها تذكرت الصدفه اللي جمعتهم ..او الحركه اللي كانت سبب في اجتماعهم ..وقفت في نفس الكمان وفي ذاكرتها تعاد الحادثه
ملاك: فيصل تذكر ذا المكان
فيصل: ايه اذكر ..هذا المكان اللي جمعنا
ملاك: تذكر ويش سويت ؟؟
فيصل يضحك: اذكر ..والله اذكر
ملاك: ماني مصدقه اني الحين معاك ..قبل كنا مانعرف بعض ..والصدفه جمعتنا ..والحين كل واحد جزء من حياة الثاني
فيصل: ماكنت متخيل اني في يوم راح اتزوج بهذي الطريقه او اتزوج وحده احبها وتحبني
ملاك: صار كل شيء غير متوقع
فيصل: يالله خلينا نمشي نروح للبحر ....
عند الكورنيش
ملاك: مشتاقه للبنات ..
فيصل: صديقاتك ؟؟؟؟
ملاك: ايه ..ودي اعرف اخبارهم
فيصل: طيب كلميهم وقولي لهم انك تبين تقابلينهم ..
ملاك: وهذا اللي بيصير ..دقت على البنات وطلبتهم يجتمعون ببيت جود صديقتها المقربه

اليوم اللي بعده ...ببيت جود
شذى: وربي اشتقنا لك يا وحشه
ملاك: وانا اكثر يا حبايبي
لوجين: توقعت انك نسيتينا
ملاك: لا ويش انساكم ..
جود: فرحت لماكلمتيني وقلتي انك هون ..وربي فرحت يا ميمي
ملاك: والله فيصل قال لميهم وقولي بتقابلينهم
شذى: ياربي ذوق هالفيصل
لوجين: حكينا عن اخبارك ..مافي شيء بالطريق
ملاك مستحيه: تونا ..لسى بدري
جود: يابدري انتا ..ليش ..ماتبين اطفال
ملاك: الا ابي بس ابي اعيش حياتي مع فيصل وبعدين لاحقين على الاطفال
شذى: انا معاك بهذي النقطه
لوجين: كيف زواجك ..حكينا كيف كان فستانك ..يا لله حكينا ..وبدت تقولهم عن الزواج وشهر العسل
شذى: شيء والله شكله كان روعه
ملاك: أي كان حلو
دق جوالها
ملاك: هلا حبيبي
فيصل: يالله حبيبتي ..انا تحت
ملاك: طيب قلبي ..نازله لك
البنات: ووووواااااااااااااااااااوووو
لوجين: والله شكلي خلاص بقرر اكتب قصتك مع فيصل روايه
ملاك: ايه اكتبيها لا اوصيك
جود: الله يسعدك يا ميمي
ملاك: ويااااااك ياقلبي ..يااله اشوفك على خير ..تعالوا للرياض
شذى: ان شاء الله
ملاك: مع السلامه
الكل: مع السلامه
ركبت السياره
ملاك: سلام قلبي
فيصل: وعليكم السلام
ملاك: هاه كيف يومك ..قابلت اصحابك ؟؟
فيصل: ايه ..تصدقين ماهم مصدقين اني تزوجتك
ملاك: اكيد ما يصدقون ان تزوجتني
فيصل: ايه انتي كيف ..مع صحباتك
ملاك: تمام ....خطرت على بالها تبي تعرف عنها أي خبر ايش مسويه ..حن قلبها عليها ..
ملاك: فيـــــــــصل
فيـــــــصل: هــــــــــــــلا يا قلبي
ملاك: خاطري اروح..................
****************************

ويش بتقول ملاك لفيصل ؟؟؟ ويش بيرد عليها ..وهل يوافق او لا؟؟؟
وعبدالله ويش بيكون رد ملاك عليه بالنسبه لفاديا ؟؟
فارس ويش الخطه اللي قالتها ملاك له وهل راح ينفذها ..والاهم هل راح تنجح او لا؟؟؟
واحداث جديده سوف تتبعثر لنا ونتكشفها ..واغلاط سوف يرتكبها بعض من ابطالنا

ترقبوا البااارت الثاااااااامن والعشروووون

هالله هالله بردودكم العطره اللي تفرحني

عيوونج الروعة يا قلبي

شدعوة ما سويت شئ

العفووو،،،القصة روعة ولازم نتابعهااا

فديتج والله ,,,,,,