والله حيل متأذيه مع خالتي ومحتاجه نصايحكم السلام عليكم ورحمه الله وبركاته بنات من غير مقدمات ولا شي الي دخلت الموضوع ياليت لو تعطيني نصصيحه من خلال تجربتها مع خالتها ام زوجهاا انا مشكلتي الله يسلمكم من ام زوجي انا متزوجه لي سنتين تقريباا والحين حامل وحياتي مع زوجي مستقره ولله الحمد بس خالتي حييييييييييييييل مأذيتني يعني ماتخليني اخذ رااحتي 24 ساعه لاصقه عندي بشقتي مو مخليتني اخذ راحتي حتى مع زوجي هي حبيبه وماعليها بس ماادري شنو الهدف من قعدتها عندي على طول تخيلوو تصعد عندي من الساعه 2 الظهر بعد الغداا وماتنزل الا على اذان الفجر @@ بذمتكم هاذي حاله والله حتى قمت اهمل نفسي وزوجي اندبلت جبده وصار مايقعد عندي والسبه ان امه مقابلتنا من تصبح لين تمسي يعني انا متى ابي البس واكشخ حتى يوم اجازه زوجي بدال مااستغل الفرصه واعتني في نفسي وجسمي تجيني خالتي وتقابلني جربت كل شي معاها قلت لها تعبانه بنام سويت نفسي اتكلم بالتلفون والله ربكم واحد عمك اصمخ تخيلو ترا قاعده اكتب الموضوع وهي عندي تشوف التلفزيون يعني حتى سوالف معاها مافي بس ساكتين همتكم يابنات ابي نصايحكم بس من غير مااجرحهاا والله يجزاكم خير مقدمااااااااااااا
الله يعينج حبيبتي انا اقول اول مايطلع زوجج قفلي شقتج واذا طقت الباب سوي نفسج ما تسمعين وخليها تطق لي باجر و كل يوم جذي سويلج عذر ياتسبحين يا تشوفين شغل البيت ومعليه عالمسجل واذا قابلتيها اضحكي بوجهها ولاتحسسينها بانج غلطانه هذا حقج وبيتج باجر تدري عليج الدورة تقول بنام عندج.. واذا ماتقدرين لاتعطينها ويه دخلي غرفتج ودوريلج شغله تسوينها بعمرج واكشخي لزوجج مصيبه تغار منج هاذي او انت عطيتيها احساس انه عادي تدخل وتطلع على كيفها
المرا الكبيرة لها احترام انا معاج قاثتج مافي مكان تقعدون فية انتي غيريلها الجو لاتقولين خل نطلع بمكان ثاني زهبي الشاي والقهوة بالصالة عند التلفزيون تحت هيايلها القعدة ترى اهيا حاسة بملل وماعندهم قبل هالشغلات تلبس تكشخ انزين وقوليلها خالة لاعت كبدي من شقتي خل نقعد بالصالة ونتي مزهبة الشاي والقهوة والحلو ونزلي قبل حزتها تصعد وذا بتصعدين قولي بروح اصلي وغطي او شقتي معتفسة بس عوديها على المكان يوم يومين لين تعود وبعدين بتعاجز بالصعدة والنزلة اكسبيها مهما كان شفتي هذي الي ماتسولف ترى اهيا بركة البيت كلة ونور المكان الكلمة الطيبة تنفع دقي على جارتكم تسير عليكم تقهوا بحجة ضايق خلقج ماتبين الشقة بكبرها
عليا انا معاج بكل شي تقولينه بس تقولج 24 ساعه مجابلتها شالفايدة اذا قعدت تحت...تحت نفس فوق انا مابي اغيرها على خالتها بس هم لازم في حدود...في شي اسمه خصوصيه...انزل اسلم عليها اهديها خصوصا اذا الخاله حبوبه احطها فوق راسي
استغفر الله ياربي ... الله يعينج ... لو انا منج اخليهاا تطق البااب لين يخيب ثنااهاا .. وطنش فيهااا والهي نفسي اسوي نفسي نايمه او شي كالج الا ريلج والله لو انا منج اشق اهدومي تمووت انقهرررررررررررررررررررررر
عاد خالتها ماتفهم تقول للرجال مابي امك تدخل علي والله ليطردها من البيت هذي امة والمرا ماسوت هالشي الا انها حاسة براحة معاها اعاملها بطيب مااطول لساني ولا ابينلها انها قاثتني وان جت ياهلا ومرحبا وعادي ادري الله يعينها بس رجلج 24 ساعة عندج كلا بالديوانية واخر اليل البسي واكشخي وتعطري اريحلج بعد والرجال مو طارد امة عشان خاطر مرتة تلبسلة صح ولا غلطانة خل تقعد لين تمل وتقوم وانتي الي تسوينة بخالتج باجر حريم عيالج يسونة فيج نصيححححححة لوجة الله خلي الوضع عادي ترى حسبة امج وسوي الي قلتلج علية عوديها بمكان ثاني غير شقتج من تلفزيون والشاي والسوالف الحلوة لي 10 وطلعي غرفتج وتكشخي على اساس صاعدة بتنامين ترى حرام عليج المرا الكبيرة بالذات تحب الناس والجمعة مالجات لج الا واهيا عارفة رايحة لمنو ولبسي بجايم وسوي شعرج لازم دراعة مو لازم وبالعكس تكبرين بعين زوجج كل ماهليتي فيها لادخلت عليج حتى لو حاس بالنقص بالبس او اي شي بيقول الله يجزها خير وترى الرجال يسوي حساب لامة بعدين انتي يعني اهيا الداخلة وانتي الطالعة وكلمي زوجج اذا شاف انج مقصرة معاة قوليلة ياقلبي ترى امك حسبت امي ياعل لساني للقص اذا قلتلها لاتدخلين شقتي مهما كان تحملني ادري مقصرة بحقك بس استحي البس واكشخ قدام خالتي مرا كبيرة ولازم احترمها بلبسي وهذي راس المال الله يخليها لنا تحملني عشان خاطر حلوة اللبن اهوا شاكيلج الحال هني تفرق كيفة اهوا وامة يطردها يخليها شيلي نفسج من الموضوع
انا مع اخت عليا ترى ما قصدها خالتج ضايق خلقها ما تدري وين تروح معتبرتج نفس بنتها اما انج تغيرين المكان مثل ما قالت لج عليا او حاولي تتمكيجين قدامها وترتبين وعادي كأنها امج والله اذا ما تحرش رجلج ولا تقط نغزات ولا تقولج قومي سوي وحطي ولا تغلط عليج بوجهج خلاص والله مصيرها راح تغير اهي الشغله تعويد منج لا تكسرين بقلبها لو ما تحبج ما صعدت وقعدت عندج
يا جمااعه تقول لكم اذا اقعدت تحت وقالت ابي انام خالتهاا تيي ... شتسوي المسكينه مالج الا قفل البيبااان ههههههههههه مو اي مفتاح القفل الكبير الذهبي ههههههههههههههههههه
ههههههههاي عسولة مااسويها لو على قص رقبتي من غير مثاليات خالتها حبوبة حرام في خالات الله لايوريج تحرش الولد على مرتة ولاتلعلع ليل ونهار ولاتقثث للمرا ولا تدخل بكل شي اعرف خالة تدخل عليهم وهم نايمين تقعدهم وفيكم خير اقفلو الباب او سكروة واعرف خالة تقول لولدها مرت ساحرتك ياببااااااع خروف راكبة فوق ظهرك وفي خالة تقول اذا تغدون معاي نزلو دجاجتكم والله قثى خالتي عسل والله لو مكانها عادي شدعوة اذا قد معاج قثج لا والله يتم بعيد احسن والله ضحكني ردج لو عوبة والله مو تقفلة تطل من الباب تقولها انا نايمة بس حرام حليوة من يحصل بهالوقت
وااااااي الله يعيييييييييييييييييييييييييييييييييييييييييييييييييينج ممممم طلعي فندق لا هالحل عالأقل ليله وحده تغيير جو بس أخاف تقوول بييي معاكم لوول الله يخلييها لج و يهديها يبه تحبج زين منها مو غاثتج مو نفس اللي عندنا حمدي ربج بسسسسسس
اختي يمكن مرتاحه عندج يمكن متضايقه من اللي عندها تحت نعمه انها ساكته وتقولين حبيبه وماعليها احمدي ربج واذا على زوجج خليها بصاله على التلفزيون وانت وزوجج بلغرفه وانا مع اخت عليا سوي حلاو وقهوه وقوليلها عمه تعالي ننزل خليها مره عندج ومره تحت وانت يا اخت عسوووله الدنيا اكبر دين اشلون تضرب الباب وما افتحلها والله افتحلها لو انها تقعد على قلبي مادام ماظلمتني ولا تبلت علي ياهلا ويامرحبا فيها يمكن تسوين كل شي لزوجج بس الله يقدر يسد عيونه عنج اختي اهم شي خلي الله بين عيونج
ياجماعه تقولكم البنت حتى اذا يا زوجها من الديوانيه بالليل يقول حق امه يمه نبي ننام تقوله روح نام انت انا بقعد اشرايكم تكفووون ؟؟؟
كيفي كيكه والله مدري يختج شنو قصتهاا لا مااضنها تغاار بس يمكن لا مبالاه وبعدين صعبه تبيني اكشخ على قولتج واخذ رااحي مهما يكون مراح اخذ رااحتي الله كريم يختج
داريع عليا صاجه يختي بس انا سويتها معاهاا صرت انزل لها قبل لاتصعد لي بس اذا صعدت عدي لين العشره تلقينهاا صاعده انا اقول يمكن لاني حامل ف خايفه علي وماتبي تخليني بروحي بس الواحد يحس شوي
دارايع علياا يختي ام زوجي على عيني ورااسي وانا ادري ان ضاايق خلقهاا للعلم ترا البيت مافي احد بناتها كلهن متزوجات وانا مرت ولدها الكبير وانا معاج بكل شي واكيد ان امه غير وانا ترا ماحسستها بشي او اني متضاايقه حيل منهاا يعني مخليه الوضع عاادي لين الله يفرجهاا وبعدين تقولين لي اصعدي واكشخي باليل شلون يختي وهي والله ماتنزل مني الا على صلاه الفجر والله
حبيبه f الله كريم يختي ادري اني حسبه بنتها بس ابي اخذ رااحتييييييييييييييييييي بقعد بروحي شوي بتنضف بتحفحف مو معقوله كل هاذا بسويه جدامهاا
والله انا خايفه عليج ريايل ها الزمن مايصدقون علي الله الاقون نقص اروح ادور من وراج ياكثرهم يبون بس ريال حاولي اتفهمينه بطريقه حلو مثل كلام الخوات والله انا موقصدي اغثج بس من حبي لج الانج علي نياتج انا ابي افهم محد ازورها بناتها وين
بنكياا <<ترا ماعرفت اقرا نكج ههههههههه لا يختي مااقدر اطلع فندق انا الحين حامل وثقيله ابي بس ارتاح بشقتي واذكر مره قلت لزوجي متى نروح البحر انت مواعدني جان تنط وتقول اي والله ياحلو البحر الحين امشو خلونا نستانس
الخاشعه للرحمن يختي وانا ماظلمت احد ولا ضريت خالتي بالعكس كل ماجتني ارحب فيها واهلي بعد الي مافيها خير لاهل زوجها مافيها خير لزوجهاا وانا وحده اخاف من الله واخاف من الحوبه عشان جذي اقولكم مستحمله حييييييييييييييييييييل هي تحبني على عيني ورااسي وانا احبهاا بس الي قاعد يصير لي ماهو طبيعي يانااااااااااااااااس
