مرحبا .. قوه بنات اشلونكم؟ بطرح عليكم موضوع الرداده عشان نستفيد من خبرات بعضنا ماراح اطول عليكم الكتاب باين من عنوانه منو احسن رداده رددتج بعد ولاتج؟ :smile: ومنو أسوأ رداده تحسفتي انج يبتيها؟؟ :thumbs_down: وشنو تجاربكم مع الرداده؟؟ ولمن يبتو الرداده شنو سوت لكم ؟؟ لان في ردادات يسوون شغلات غريبه عجيبه اللي تقعدج على طابوقه واللي تقعدج على بيضه مسلوقه وغيره وغيره .. وفي ردادات يدهنون ويدلكون ويعطون تحاميل شعبيه ... فا نبي نعرف تجاربكم ومنو تنصحون من الردادات + الارقام اذا ممكن :teeth_smile: تحياتي
يسعدني اني اكون اول وحده ترد شوفي حبيبتي عقب بنتي قعدت 4سنين ماحملت سبحان الله صارت عندي مناعه وطيحت مرتين مرينا بظروف وفاة ابوي فكانت نفسيتي كلش وبعدين عاد تفرغت حق نفسي رحت المستشفى قالتلي كل شي طبيعي ويبت رداده ايرانيه تهببببببببل بعواراتي ويبتها قبل لا احمل مره وحده بس وقالتلي راح اييلج عقب 9 شهور من كثر ماهي واثقه من شغلها وفعلا بعدها مايتني الدوراه والحمدالله حملت وثبت حملي بصراحه نفسيا ارتحت لها واصلا شاااطره
انا والله ما جربت ردادة مع الاسف انا امدحولي صينية تسوي مساج من قمة الراس لي قاعة لريول وكاسات هوا وافتحت نار على بطني بس حسيتها زينة وهم على ولادتي الحين في بنتي بالصدفة هم يبت وحدة من نفس المركز..
انزين بنات ابي خبرتكم بشي.؟ انا الحين صارلي شهرين من والدة واحس كله عوار بظهري وعظمي يطلع صوت خاصة بالعزيزووو.. تنصحون ارد اسوي مساج الصينية والا احد ثاني.؟ والا شسوي.؟
انا بولادتي الاولى يبت وحده صينيه من مركز كانت حليوه سوت لي مساج وكاسات هوا ولادتي الثانيه يبت وحده ايرانيه سوت لي 3 جلسات بيوم واحد على قولتها تختصر الشغل بس كانت واايد حلوه ورددتني عدل وطبعا مع كاسات هوا سوت من رقبتي من وره لي بطت ريولي اسمها ام عبدالعزيز
ام علي انتي ماخذه ابرة ظهر؟؟؟نفسي اذا ايه الله يعينج قلبي ليلحين ظهري يعورني عوار الظهر والصداع مدى الحياااااااااااااااااة ولا خل نكبر بعد يبين فينا عدل
بنااااااااااااااااااااااااااااااااات تكفون انحاشو من الردادات (والله رفيجتي راحت عقب الولادة حق ردادة سوت لها برقبتها كاسات والحين بالمستشفيات تفتر طلع فيها رخاوة برقبتها المسكينة من كثر النفسية اللي فيها تقرى عند شيخ
الله يرحم الوالد ويسكنه فسيح جناته والحمدلله ان ربي رزقج بالذريه ومشكوره على نقل تجربتج المفيده يالغلا
تصدقين اختي يابت صينيه وتمدح فيها لكن الصينيه ياخواتي حق مساج مو حق ترديد مشكوره على ذكر تجربتج وياليت تقولين لنا اي مركز عشان الكل يستفيد نورتي
والله انا اقول ييبلي رداده افضل لان الصينيات معروفين حق مساج ام الرداده اهي الي تلم عظامج وتطلع الهوا من العظم اعتقد الايرانيات احسن شي هذا استنتجته من تجارب البنات :teeth_smile:
مو بكيفها شكو تسويلج 3 جلسات بيوم واحد اصلا مو زين تضغط على جسمج وايد وبالعكس المفروض تييلج باليوم السابع واليوم 14 واليوم 21 هذا اللي احنا نعرفه اما نظام تبي تسوي شغلها بسرعه وتفتك هذا شي ثاني المفروض ماتطاوعينها نزين ماقلتيلنا جم خذت عليج وشنو جنسيتها ؟ :teeth_smile: ورقمها عشان يستفيدون منوره حياتوو وشاكرين تجربتج
كييييييييكه ماعليج امر ماقلتيلنا بجم سوتلج الرداده وجم يوم يتلج وشنو سوتلج ؟ اسدحيلنا التفاصيل ياحياتي :teeth_smile:
