السلام عليكم و رحمة الله وبركاته شلونكم ياصبايا اتمنى تكونون باحسن حال موضوعي اليوم هو استطلاع او نقاش حول موضوع السكن عند الحمولة... شرايج فيه ؟ يقولون انه فيه مزايا و فيه عيوب...شاركونا برايكم اذا كان الزوج عايش مع اهله بغرفة وحمام عزكم الله فقط لاغير كيف راح تكون حياة الزوج-الزوجة - ام الزوج- خوات الزوج- اخوان الزوج-زوجات اخوان الزوج-حتى الخدامات(لا تضحكون ترى صج) خصوصا ان كانت الزوجة توها عروس و ماعندها خدامة هل لها حق تطلب من خدامة البيت او خدامة حماها شي؟ البيت لا شك و لا خلاف انه حق من حقوق الزوجة شرعه الله تعالى و لكن في هذا الزمن اللي كثرت فيه متطلبات الحياة و صعبت امور الزواج اصبح الكثير من بنات حواء يتنازلن عن هذا الحق مقابل الزواج او الزوج الصالح... موضوعي ليس باحقية البيت و لكن(( السكن مع الحمولة ماله و ما عليه))
----------------------------------------------------------------------------------------- آسفه تكررت المشاركه
والله انا من مؤيدات ومشجعات السكن عند حموله أمان ووناسه وعلاقات اجتماعيه وصلة رحم بين عيالج وعماتهم وبرمضان والعيد الجمعه حلللللللوه وكل ماتهاوشتي مع زوجج نزلتي وسعتي صدرج عندهم ههههه اما سالفة غرفه وحمام ترى مافي الحين الكل صار يبني ويوسع والله انا اول ماتزوجت ليما جبت ولدي ماكان عندي خدامه فكنت اطلب من خدامة حمولتي تساعدني ويسلموووووووووووو عالموضوع
انا مع وضد والسكن مع الحموله له سلبياته واجابياته ومن السلبيات انج تقيدين بالنزله لخالتج والكشخه كل يوم ومن الاجابيات انج ماتحسين بالخوف والوحشه اذا زوجج مو عندج وبس
انا مع السكن مع الحموله الصراااحه جمعه وناااسه وسهر مع الحموات وانتيي تقدرين تحسنين علاقتج معااهم لو هم عسرين وقشرين حتى بعض المرات تنقصني اشياااء معينه اطلب من حماااتي او ولدي ماعنده حليب ام زوجي تشتري له مايقصرون وحتى لوزوجي يبي يطلع من بيت اهله انا مااوافق الحين الدنيا مالها اماان واخاااف اسكن بره ماعندي احد انا وعيالي وخدامتي والطووفه وزوجي متزوج الديوانيه مايفااارقها وحمولتي الحمدالله فيهم خير وبركه وقعدتهم تونس والرسول قال من لايخاالط الناس ولايصبر على اذائهم مافيه بركه ناسيه الحديث واشكرج عالموضووع
مثل ماقالو البنات كل له ايجابيات وله سلبيات والموضوع يختلف على حسب بيت الحمولة يعني ان كانو اهل صلاح وفيهم خير ليش الوحده تفارقهم !!!!!! والعكس صحيح بس يبقى من وجهة نظري السكن بروح ابرك وارحم والواصل ما اضن سكنه بروح راح يغيره عن اهله واكيد العيال بعد ,,,,,, من الايجابيات : يقولون خلك سعيد وبعيد ,,الحرية بعلاقتج مع زوجج ,, تربين عيالج على كيفج انتي ,,, تنامين تقعدين براحتج ,,الخ تقبلي مروري اختج تووووووووولي
انا مع السكن ببيت الحموووله .. وله ايجابيته اكثر من سلبياته وبطيبتج تقدرين تكسبين الكل وعن نفسي ولله الحمد مرتاااحه جداا بيت الحمووله .. وعيالج تحسين لهم عزوه وعندهم احد يلعبوون وياااه ومحد له شغل بالتربيه ولا احد يأثر عليج وعلى قولة اختي كيكه اذا تضايقتي تنزلين توسعين صدرج عندهم والبيت لاحقين عليه .. ويعيطج العااافيه وماقصرتي ع الموضوع الحلووو ..
انا عجبني رد بمنتدى ثاني وودي انقله لكم في بيت الحمولة: - زيجات الأبناء المتأخرة تتأثر بزيجات الأبناء الأوائل. إذا كانت زوجة الأول ربة بيت، فالثاني والثالث مايستطيعون الزواج من عاملة وإلا سيصبح هناك صعوبة شديدة في توزيع العمل بين الزوجات. هذا غير مشاكل المقتنيات وغيرها لأن كل واحدة بتتصرف على قد الدخل حقها فما رأيكم إذا صارت المقارنة 6000 مقابل 0 ريال سعودي؟ - نظام الأكل والجلسات بيتأثر حسب عادات أهل البيت. فمثلا، بيصير الحريم يأكلون مع بعض والرجال مع بعض طبعا، لأن البيت هذا له نظام، مهوب فندق كل واحد ياخذ زوجته ويطلع بها (للرف). - الزوجات لازم ينظمون طلعاتهم، وحتى زياراتهم لأهلهم بحيث ما يفضى البيت. وهنا تأتي مشكلة الخلاف على عطلة نهاية الاسبوع. كل واحدة تريد أن تذهب لأهلها، وفي هذا الوقت تأتي بنات الحمولة لأهلهم ويصبح هناك فوضى لأن مدبرات البيت كلهن رايحات لأهلهن. ولابد من الضغط والتنظيم الصعب علشان ما يحدث هذا. - معاملة الوالدين لزوجات الأبناء لازم تصير متوازنة، وكذلك لأحفادهم، والا تشعللت الشغلة. - الأبناء المتزوجين لازم يكونون عاقلين وثقيلين وحكيمين، وإلا فالبيت بيتفركش من كثرة المشاكل. وكل واحد مايبي يصير أول يفرط العقد ويقال عنه إنها طلعته. لكن وش بيسوي لين كثرت الطنطنة. - أوه نسيت ذي: الولد الأخير ويمكن اللي قبله لين جاء بيتزوج، بيتبهذل ما لقى اللي تقبله لأن سمعة أهل البيت بتصير ملح بين الناس. كل بيخاف من بيت الحمولة والبنات بيهجون عن البيت هذا خايفين من الزواج والصكة عليهم في هذا البيت. شقة والا مافيه http://www.eqla3.com/file/ubb/smile.gif. - مشتروات البيت راح تسوي مشكلة إذا ما كان فيه تخطيط، وإلا فالولد السنع بيفلس ماجاء آخر الشهر ولا بيروح فيها رصيد الشايب. إذا مافيه ميزانية منظمة ما راح تمشي الأمور صح. - البيت المستقل حق شرعي من حقوق الزوجة ولا شك، لكن الكثير من البنات تتنازل عن هذا الحق بحثا عن الزواج، أو بحثا عن الزوج الصالح. ومعروف إن زوج صالح في حمولة أرحم من داشر والا سنسري في شقة ويجي كل ليلة من غير صواميل، والله يعافينا جميعا من البلاوي آمين. - في بيت الحمولة، تشتهي وتأكل وتلبس وتشرب وتسافر وتتمشى وتنبسط وتزعل وتتصرف في كل شأن من شؤون حياتك بطريقة جماعية متوافقة مع الوسط اللي انت عايش فيه. بينما في البيت المستقل تفكر وتتصرف وتسوي كل الحاجات اللي فوق بطريقة خاصة فيك حسب اختياراتك أنت وزوجتك فقط. السبب هو التأثير الاجتماعي لمن حولك ممن لاتستطيع أن تعيش بينهم حياة خاصة بل أنت جزء من هذه المجموعة ولاتستطيع الخروج عن نظامها. أخيرا، فقد جربت حياة الحمولة وحياة الاستقلال ودعوني أعترف لكم بأن حياة الحمولة أجمل وأفضل بمراحل. اتركوني من خرابيط وتفكير مرحلة العزوبية (وأبي أصير معها لحالي، ونبي ناخذ راحتنا). هذا كله شئ محدود. مع الحمولة، تحصل على الآتي: - تربية أبناءك في بيئة جاهزة ما تحتاج تصنيع، ومن الغالب إنك تحب بيئة عائلتك اللي نشأت فيها وتعتبرها الأفضل (لكن فيه استثناءات). - إذا جاء عندك سفر أو مهمة عمل، خل عيالك وما عليهم إلا العافية. المستقل ما يقدر يسوي كذا. - السهر برا والخروج مع الزملاء مثال ثاني، ماتقدر تستمتع به إلا مع الحمولة. - إذا انت رجال تحب القروش: تراك ساكن بلاش والأكل والشرب أسعاره مخفضة وبالسعر السياحي، والمصاريف بأسعار الجملة. - وللي يحب الدراهم بعد http://www.eqla3.com/file/ubb/smile.gif: ترا الضحية والفطرة على الشايب، هههههه. - وللي دراهمه وسط: يقدر يتزوج ولو كان دخله محدود لأن كثير من المصروفات المعتادة ماراح يكون ملزوم فيها وراح تكون العايلة معه إلين يصلب عظمه، وهذي أفضل مميزات الزواج في بيت الحمولة. لايدفع إيجار وكثير من مصاريف البيت مشيوله عنه إلين يقوى عظمه. وهذا يساعد على الزواج المبكر اللي يشجع عليه ديننا. أما من يريد الاستقلال فما هنا عرس على طول http://www.eqla3.com/file/ubb/smile.gif. - إذا كانت الزوجة عاملة، فتراها بتنبسط لأن تقدر تحط شغالة وتخلي عيالها تحت عين جدتهم، وإذا كانت الجدة توها شادة حيلها خلتهم عندها. هذي ميزة ماتحصل إلا في بيوت الحمايل. - الأبناء يطلع نموهم الفكري والاجتماعي أسرع لأنهم يحتكون بأبناء أعمامهم ويتعلمون منهم بسرعة. - ولدك إذا دخل المدرسة (عارف بتقولون ذا مهوب صاحي بيقعد مع الحمولة إلين هالحين) ماراح يعاني من مشاكل المدرسة وعرابجتها. كلما تعرض له أحد فزعوا له عيال عمه. أما المستقل فله مميزات: حياة خاصة تصممها على كيفيك، وإن كنت من النوع الحساس أو الانعزالي فمالك إلا هذا النوع. - تضبط مصروفاتك حتى لو كنت بتصرف أكثر لكنك على الأقل بتعرف وضعك. - تحس بالمسؤولية أكثر. - إذا كنت غير راضي عن الوسط اللي في الحمولة، بيكون لك المجال لتربية أبنائك بعيدا عنه. - شغلة المطاعم ذي بعد يمدحونها مع إني ماجربتها. ما فيه أزين من طبخ أم العيال، وش لنا في بربسة أبو شكيم. - الطلعات ماهنا حساب ولا محاسب. - معاملة الزوجة بقرب أكثر وأسلوب أكثر حضارية وإيفاؤها حقوقها الشرعية بعيدا عن عين العادات والتقاليد الجامدة، هذا في نظري أكبر المكاسب لمن كان يخاف الله. في بيت الحمولة، ما تقدر تعامل مرتك معاملة زي ما تبي ولكن تعاملها تماما مثل مايعامل إخوانك زوجاتهم. أما المستقل فيعاملها كما يشاء وهذا فيه مجال للتفاهم أكثر. أخيرا: كل شئ له مميزاته ولا شك لكن كل واحد يقوس لحافه ويعرف الوضع اللي أحسن له
بس هم انا مع الاستقلال لان وخصوصا مع الوضع اللي ذكرته( غرفة و حمام) البنت بتكون تحسب الف حساب للطلعة و الدخلة حتى بلبسها و تصرفاتها و تربية عيالها و صراخها على ريلها(خخخخخخخخخخ) والله صج تلاقينها حسرة عليها تهاوش ولدها على غلطاته لان متربع بعرين الاسد ( حضن جده و لا جدته) وفيك خير تكلمي... بعدين الوناسة مع الحموات هذا يعتمد على نفسية الحموات او اجتماعيتهم او حتى نفسية الزوجة يمكن ما تحب تختلط مع الناس واجد ويمكن يكونون الحموات من ح** الغيرة و حتى ام الزوج ترى في ناس تغار شي مو طبيعي شجابلها و شرالها ووين طلعوا و حسرة علينا ما يذكرنا بشي و من هالكلام .. واذا كان الزوج يداري غيرة امه و خواته عز الله بنت الناس راحت فيها وهاردلك .. بعدين نجي للحموين اخوان الزوج شلون بتكون العلاقة في بنات حياويين وفي بنات يحسبونهم اخوانهم و شايلين الكلفة بينهم واذا كانت منقبة الله يعين بتطلع من غرفتها لابسة و تدخل لابسة و اذا سمعت صراخ ولدها متعور و لا احد طاقه خل ينطر شوي لين تلبس امه ملحقاتها و بعدين تطلع.. وحريم الحموييييييييييييييييييين شلون اذا عايشين بنفس البيت ومثل حالج المقارنة و ما ادراك ما المقارنة وشغل البيت و ولدج طق ولدي..وللحديث بقية
انا معاج تولي وبعدين الادهى و الامر و الكااااااااارثة و المصييييييييييييييبة شلون اللي ساكنة مع الحمولة بتحط طبعات شفايف من باب البيت لي غرفتها و بعدين تكتب بطاقة (اقبل الارض اللي تمشي عليها) لالالا انا مع الاستقلال
والله انا ضد السكن مع الحموله على قل متى ماطلعتي طلعت ومتى مارديتي رديتي وكل شي تسوينه وهم مودارين مايتدخلون وين رااااايحه ومنين جاااااايه الحريه اريح واحسن وتقبلي ردددددي
يسلمو شقردية على الرد واحب اضيف ان البيت مملكة المراة وشلون بتصير ملكة وفي معاها ملكاااات (انا اقترح يسوون انتخابات) بس صج البنت ما تقدر تسوي اي شي ما دام انها حاسة انها مو راعية البيت يعني على سبيل المثال تقدر الجنة بهذا الوضع انها تغير من ديكورات مدخل البيت مثلا تغير من نظام الصالة تغير وضع المطبخ ومكان المواعين و البهارات و الثلاجات حتى لو كان معاها حق مستحييييييييييييييل لان مو بيتها و ان فعلت فهي في نظرهم عوبااااااااااء (عوبة بالفصحى)... هي عنصر من بقية الرعية ولكنها مسلوبة الارادة مجرد تابع تصرفاتها تحت المجهر ومحط انتقاد دااااااائم... لا انكر ان لبيت الحمولة مزايا و لكن الاستقلال اولى بكثييييييير انه الكيان و حرية التصرف وتحسين انك متزوجة و راعية بيت
مشكورة ياقلبى ااااااامين بس من عيونى وعيون عيالى طلق زوجتة ماقعدت شهر بس استغفر اللة اللة يوفقة اهم شى ويرزقة يااااااااكريم
