السلام عليكن ورحمة الله وبركاته قريت لكم هالموضوع وحبيت انقله للمنتدى ووسعوا صدوركم فيه . . . ============== اليوم يابنات بحكيلكم حكاية وحده إسمها مستوره بس قبل ما أبدأ أود التنويه أنني سأقتبس قليلا من أسلوب البنات في الردود طبعا القمامير إللي هنا في المنتدى وطبعا مابذكرهم إلا لكونهم مميزات وعلقوا في ذاكرتي نرجع لمستوره مستوره حرمه ضعيفه وتعليمها على قدها تزوجت وهي باقي ماعرفت شي في ذا الدنيا وصارت كل ماصار هواش بينها وبين زوجها ماغير تشاور كل من توجس إنها مثقفه وعندها خبره في الحياه وكانت أختها حصه هي مثقفة العايله ماشاء الله عليها مخلصه ثالث ثنوي بتقدير جيد جداااااا مستوره إسم على غير مسمى <<فاضحه نفسها ورجلها وناشره غسيلها في كل بيت وهي طيبه وعلى نياتها ودايم في مشاكل مع رجلها عبيد لأنها بطيبتها الزايده ماتفهمه ولا تعرف وش يبي منها ،،وهو حاس إنها فاضيه وماغير تلاحقه بإتصالتها وخوفها عليه جاب لها كل شي ممكن تنشغل فيه وتريحه منها جاب دش ،،جرايد،،مجلات ومافاد فيها شي لا تلفزيون أشغلها عنه ،،ولا جرايد ومجلات فكته منها ولا شغل البيت هدها دايم قاعدتله ومطفشته وسمع عبيد من شلته في الإستراحه إن حريمهم مترززات قدام النت طول اليوم وماعاد يعرفون شي عنهم وطبعا هم فالينها هنا فكر عبيد وقرر ورجع البيت ومعاه الكمبيوتر وياليته ماسوا كذا ،،لأنها وببساطه بدال ماتنشر غسيلهم عند جاراتها ومعارفها ،،إلحين بتنشر غسيلهم على الهواء مباشره في النت على طووووول طلبت مستوره المساعده من مثقفة العايله حصه وجات حصه جري تعلم أختها على الكمبيوتر والنت وقالت شوفي ياوخيتي كل ماصار لك مشكله مع عبيد لا تقولين لأحد إكتبي سالفتك للبنات هنا وهم مابيقصرون معك كلهم خبره وحكمه<<إيه هين أجل حكمه ،،المفروض إذا دخلنا هنا ناخذ معنا قدور علشان نغرف من الحكمه الموهييييم قعدت مستوره تفكر وتفكر وتعصر مخها وش المشكله إللي تحتاج تستشير البنات فيها إيييييييه تذكرت بكتبلهم عن مشكلتي مع عبيد يوم بغيت ألتزم وزعل ياجعله إللي ماني بقايله آآآآآآآآآآآآآآآه بس من ظلم الرجاجيل (وقصتها ياطويلات العمر إنها قامت من النوم في ظهر الجمعه وزينت ذاك الفطور وصحت عبيد علشان يفطر قبل الصلاه ،،،،قام عبيد مستعجل وعلى طوووول على المسجد علشان ماتفوته الصلاه فجلست مستوره هي وبنتها يفطرون ويتابعون خطبة الجمعه وهي تدعي على ذولا الرجاجيل إللي مايستاهلون أجل تسويله فطور ومايجبرخاطرها وياخذ لقمه على الماشي ااااااااااااه يالرجاجيل وكان الخطيب يتكلم عن إنشغال الناس بالدنيا ومتاع الدنيا وينسون حق الله عليهم وهنا تأوهت مستوره كعادتها وقررت من غير سابق إنذار إنها بتلتزم وقالت في نفسها خلاص لازم أفكر في أخرتي وجلست تنتظر عبيد ،،ااه متى يجي وأعلمه وأول ماجا قلتله شوف ياعبيد أنا ناويه ألتزم خلااااص قالها عبيد :الله يوفقك ويثبتك إلا وش طرا عليك تلتزمين في ذا الظهريه قالت :والله مليت ياحظي من ذا العيشه إللي تقصر االعمر ،،أبي على الأقل أضمن أخرتي كفايه حياتي كلها عذاب ولاّ لا دنيا ولا أخره صاح فيها عبيد :وش تقولين إنتي صدق كفارات عشير أنا معيشك عيشه تقصر العمر وش قصرت عليك فيه ،،مصروفك ويجيك كل شهر ،،يكفيك ويكفي أربع مثلك نسيتي ،،نسيتي يوم إني مسفرك لماليزيا ولسوريا وماخليت بلد ماوديتك له ،،وتنكرين بس الحق علي إني متزوج وحده جاحده مثلك ،،الظاهر مابتعرفين النعمه إللي إنتي فيها إلا إذا صكيتك بمره ثانيه علشان تتأدبين 000) وهنا بدأت مستوره تشكي وتحكي للبنات وتفضح المستوررر العنوااااااااااااان إلحقوووووني ياحريم زوجي الصهيوني مايبيني ألتزم وتبدأ مستوره تكتب وطبعا بمساعده المصححه اللغويه حصه زوجي ياحريم معيشني في عذاب مايبيني ألتزم يبيني أعيش معه في ظلال وسفور 000زعل مني وهددني إنه بيعرس علي وماعاد يصرف علي ،،لما قلتله إني أبي ألتزم بديني ،،يقول إنه يبي وحده تسافر معه لدول السفور ومايبي وحده ملتزمه زيي لأنها مابتوسع صدره ومع ذا العنوان إللي يقطع القلب بدأت الردود تهل زي المطر تفاحه:الله يهديه ويسخره لك مستوره إن شا الله ياتفاحه آه يادنيا القهر: وش ذا الكلام إللي تقولينوه000شوفي هاذا صهيوني مايخاف الله وش تبين بوه تطلقي 000فاهمه إنتي ولا لا 000من بكره تتطلقين فاااااااااهمه إنتي مستوره :شفتي ياحصه إن ماحد يقدر يصبر على رجل مثل رجلي شفتي البنت تصيح بعلو صوتها وتقول تطلقي ،،،إييييييييه هاذا ماينقعد معه سيوف إيمانيه: شوفي ياأخت مستوره لكل جواد كبوه زوجك غلط بس هاذا زوجك ولازم تتحملينه بعلاته حصه :هاااااااه وش ردوا عليك البنات مستوره :والله الأخت سيوف تقول يبيلي كبو ،،إمكن أكون وسيعه من تحت وهاذا إللي مهجج رجلي مني 00000 وتقول زوجك عله00 بس لازم تصبرين عليه وأبشري بالجنه حصه :متأكده سيوف قالتلك كذا مستوره :إيييييييييه هي قالتلي كذ أجل ما أعرف أقرا أنا أم سطام:الله يهديه 00مالك إلا الدعاء والإستغفار مستوره :إيه والله إنك صادقه والله إني أدعي عليه كل ما أصبحت وأمسيت وأتعوذ بالله من شره أستغفر الله بس ولاّ هاذا رجال ينقعد معه زوجة سعد:الله يعينك على ذا الرجال إدعيله بالهدايه مستوره : إيه دايم أدعيله إن ربي يهديه ولاّ ياخذه ويريحني منه مهره على كف الأقدار : إنتي لازم تجلسين معه ..وتفهمين وجهة نظره..وتفهمينه إن الإلتزام بالدين لا يمنع الشخص من التمتع بالحياه حصه :هاه وش تقولك مستوره :ماأدري ،،أحس الكلام صعب مافهمت إييييييييييييييه فهمت تقول لازم أجلس معه دايم وأشوف وجهة نظره وين ،،،،لا يناظر في وحده غيري ياجعل عيونه ال**** وبدأت مستوره بتنفيذ النصايح الموجهه لها وشرتلها كبو وبدأت تستخدمه بإنتظام وفي كل صلاه تدعي على زوجها وتدعي إنه مايشوف غيرها وتتعوذ بالله منه في كل وقت ودايم في السوق تنتبه لوجهة نظره 0000زي ماقالتلها مهره على كف الأقدار لكن مافادت النصايح ورجعت تشكي من إهمال زوجها في موضوع ثاني وتقول إنه مهملها وهي ماهي مقصره معه في شي دايم تدعي ومواظبه على الإستعاذه والإستغفار وتنتبه لوجهة نظره وهو مايعطيها وجه ولا يداني الجلسه معها وبدأت الردود تنهل عليها الأميره سنووايت :حاولي تهتمين فيه وتدلعينه وتفهمين إيش منفره منك مستوره: موزريلا :شوفي ياإختي الزلمه بدوا إللي تطيرلوا طبنات عألوا ،،،حتى مايشوف غيرا جزاك الله خير ياموزريلا إيه والله إن الوحده لازم تطير عقل رجلها وتخرش قلبه علشان مايقدر يفكر في غيرها آه يادنيا القهر: يووووووووووووووه منتس ياحرمه 00مو إنتي إللي ماخذتن الصهيوني أنا ماقلتلك تطلقي 000إنتي ماتفهمين إنتي مستوره: أم سوسو:اقول يامستوره مو إنتي إللي رجلك صهيوني <<مسكين إنشهر الصهيوني شوفي إمكن رجلك يخاف تلتزمين ثم تهملين حركات الدلع والليالي الحمرا والخضرا والرقص ،،أهم شي الرقص هالله هالله فيه إرقصي لرجلك ترى الرقص مو حراام مستوره:تدرين ياحصه يقولون الرقص مو حرام ولازم أرقص لرجلي ولاّ بيناظر غيري وثاني يوم تحزمت مستوره وحطت نانسي في المسجل (عاد ندري إن الأغاني حرام بس الضرورات تبيح المحظورات) <<هاذي وجهة نظر مستوره أنا مالي دخل المهم تحزمت المسكينه وقعدت هي وبنتها ينتظرون عبيد متى يجي وإنتظروا وإنتظروا 0000وحست مستوره إنها تعبانه شوي ،،طول اليوم وهي تشتغل وتحظر لذي الليله الحمراء فقالت تغمض عيونها شوي ووصت بنتها وقالت شوفي يا مايا (لاتستغربون من الإسم ،،في الزمن ذا عبيد ومستوره يسمون مايا ،،،ومسفر وخضرا يسمون ليندا <<آآه يازمن العجايب) نرجع لموضوعنا وصت بنتها وقالت شوفي يامايا أول ماتسمعين صوت باب الشقه ينفتح،، تشغلين نانسي وتصحيني من النوم دخلت مستوره في النوم وفجأه ،،، صحيت مستوره مفجوعه على صوت نانسي ومايا تصيح فيها ،، وصح هي تعبانه بس ماتبي تعبها في تجهيز الليله يروح بلوشي وهي خلاص متحزمه جاهزه،،طردت بنتها من الغرفه وبدأت تهز مع نانسي عبيد شاف مستوره وهي تقوم من النوم مفجوعه وتطرد مايا ورفعت يدينها في السما وهاتيك يارقص ويا طبطب يادلع 0000 وعاد الرقص شويه تعبيري وشويه عجينة الفلاحه وشويه معلايه<<ضعيفه مع النعاس والفجعه فصل الفيوز إنصدم عبيد من المنظر وقعد واقف عند الباب ساكت وخايف ومو قادر يدخل ،،يقول في نفسه إمكن الحرمه دخل فيها شي لأنها مشغله المسجل ونايمه وما تحصنت 000 وبدأت مستوره تطبق إللي تشوفه في التلفزيون وترقص وهي تقرب من عبيد شويه شويه وتطالع فيه بنظرات خطيره <<يقالها بتسوي إغراء إنخرش قلب عبيد ،،وبدأ يقرأ أية الكرسي والمعوذات ويطالع في مستوره ويقول في نفسه 000لابالله هاذي ماهي نظرات مستوره وقعد يقرا ويقرا ومستوره تقرب وتقرب وبدأ يقرا بصوت عالي وجرا على المسجل وقفله وطبعا القرايه مستمره وهنا إنفجرت مستوره صياح وبكا إنت مو عاجبك شي بغيت ألتزم ما عجبك قلبتلك رقاصه وما عجبك تطمن عبيد إن إلي قدامه مستوره ومافيها إلا العافيه وهي فكت الشال إللي كانت متحزمه فيه ،،ولمت شعرها وناااااااااااااااااامت وقررت إنها ماعاد تسمع نصايح البنات لأن مو كل الرجال زي عبيد ولا كل الحريم زيها كل وحده حياتها مختلفه عن الأخرى ومو كل إللي أقدر أطبقه في حياتي يقدرون الباقيات يطبقونه في حياتهم 00تظل لكل حياة خصوصيتها ولابد عند قراءه مشكلة إحدى العضوات لابد أن نقرا مابين السطور ونفهم أنها تحكي المشكله من وجهة نظرها هي فلازم مانظلم إللي تشتكي منهم سواء زوج أوحماه أو أو __________________
ههههههههههههههههههههههههههههاي 000 والله انج صاجه يا ام عبدالله وكل واحد حياته يقدر يسيطر عليها مو يسمع من فلان وعلان 000 الله يباركلج بوضعج للموضوع حياتي0000
مساء الورد والله يام عبدالله انه مستوره عورت قلبي ....تفكيرها على قدهااااا ذكرتيني بجارتنا ههههههههههههههههه كل يومين عندها مشكله مع زوجها الله يستر عليها يوم تدعي له ويوم تدعي عليه وانا بس انطرها كل مغرب فديتها تسلمين يالغاليه والموضوع فيه حكمه لبعض المتزوجات
هلا . . . حبيباتي ام نوافي واصيلة . . . امس فصلت على هالموضوع قريته أكثر من مرة عى صاحبة الموضوع اسلوووب فلته بصراحة !! ومستورة فعلا على قد حالها خصوصا مع تفسيرها لنظرة زوجها ! اهي تكسر الخاطر وطاحت لها بتكنولوجياااااا لعبت بحسبة عبيد وياااها وفعلا في حريم جذي يقتنعون بنصح البعض من الحريم مع ان هالنصيحة ما تناسبها كلش . . . لان لكل بيت اسرار وظروف معينة . . . واسعدني المرور العطر . . .
ههههههههههههههههههههه يحليلج ياأم عبدالله مت من الضحك عليها وخاصة يوم تقول (( لكل جواد كبوه )) وفسرتها بمعرفتها ههههههه وأنا قاعدة أحفظ الكلام علشان أقوله لآمي بزوارتي لها يوم الخميس ...تسلمين ياعسل بمواضيعج الحلوه ...
ههههههههههههههاااااااااااااااااااااااااي وربي فصلت من الضحك حزة الرقص دايمآ أقول الحرمة هي أدرى بأمور زوجها>>>بس هذا مايمنع الأخذ بنظرة وجهة الآخرين
الله يهدي مستورة ما انتظرت لين دخل عبيد ومهدت له الاخت شغلها حاامي متحزمة ومستعدة . . . اسعدني مرورج العسل . . . وربي يديمها عليج من ابتسااامات . . .
حراااااااااااااااااااااااام والله صج صج كسرت خاااااااااطري قاعده اتخيل شكلها صج محد يعرف حق الريال الا مرته ومحد يعرف حق المره الا زوجها مشكووووره عالموضوع الرائع ماقصرتي
ههههههههههههههههههه الله يهداها بس كل ريال ولة طبعة واسلوب وموكل شي احد يقولة لنا انطبقة لازم نفكر قبلها يصلح لنا او لا وكل بيت فية مشاكل بس يبيلة اسلوب وتفاهم يعطيج العافية ام عبدالله
هلا خواتي . . . كيييكه الوردة عواشة اغادير هديل فعلا كلامكم صحيح اهل مكة ادرى بشعابها . . . واسعدني المرور العطر . . .
إنصدم عبيد من المنظر وقعد واقف عند الباب ساكت وخايف ومو قادر يدخل ،،يقول في نفسه إمكن الحرمه دخل فيها شي لأنها مشغله المسجل ونايمه وما تحصنت 000 وبدأت مستوره تطبق إللي تشوفه في التلفزيون وترقص وهي تقرب من عبيد شويه شويه وتطالع فيه بنظرات خطيره <<يقالها بتسوي إغراء لوووووووووووووووووووووووووووووووول حدا الموضوع شي مشكورة ووجهة نظرج واضحة وصحيحة امية بالامية
اي والله صاجه يا أم عبووود.. وأنا بصراحة قد ماأقدر ماأرد على وحدة حاطه مشكلة تخصها لسبب بسيط واهو ماكنت معاهم حزة الهوشة أو المشكلة عشان أعرف من الغلطان.."
هلا فيكم خواتي . . . وحياكم الله واسعدني المرور العطر . . . فعلا اي مشكلة يبيلها نقرأ مابين السطور ونستفسر اكثر من العضوة علشان نقدر نلم ولو بشي بسيط بسبب المشكلة . . . والاهم تكون صاحبة المشكلة واعية وفاهمة ومدركة لانسب حل يناسب مشكلتها . . .
