أبي حل واللي يسلمكم والله تعبت مثل ماهو مكتوب خااااااالتي تكرهني وبناتهاا وكرهت عمي وحمواني فيني مادري ليش والله تعبت من التفكير والله وبشهادة الجميع اني طيبه وما اتكلم هاديه حدي احس بعيونهم الكره لي حتى صارو ماطيقون يشوفوني حتى الشوفه اكون ثقيله عليهم هذا غير المواقف البايخه والقويه اللي تصير والله لدرجه انها تتعمد تضر اعيالي اللي هم عيال ولدها علشان انا اتعب انا مابي اقول التفاصيل بس بوضح الوضع اللي انا عايشته لا حشيمه ولا شيمه لي والله أوجبهم وهديهم بس مايبين بعينهم كاني مو مسويه شي ودورون السوالف لي والمشاكل ولو يلقون علي شي واحد انا متاكده انهم بفضحون فيه وانا اعرف بلاويهم وخياسهم بس مو اخلاقي ولا اهلي ربوني على جذي ولا اقدر افشلهم بس انا مابي شي ابي حتى يعاملوني رسمي نفس الناس مو كاني مرت ولدهم طيب هل اطنشهم مثل ما انا الحين مطنشتهم؟؟ بس تعبت والله حتى شغلات المفروض اعرفها منهم مثل ملجه حماي ما ادري الا من برى الناس اتباركلي على ملجة حماي وحمواتي يحملوت ليما قريب يولدون يالله اعرف وبعد مايولدون ادريمن برى غريبين واذا ناس سالوهم عني يكذبون وقولوني شي ما قلته مادري شلون بوضح الصورة بس مرات لما اطبخ الحمدلله طباخي حلو تتعمد تغدي عمي قبل صلاة الضهر على شان مايشوف طباخي ..والغريب اذا الشي كان لهم حللو واذا لي حرمو اصلا يصير ماجوز مادري شلون بوصل اللي بقلبي بس والله غريبين ماحد يجي بيتهم مع ان حمواتي واجد ومتزوجات وغيرهم بالبيت عمتى يوميااا طالعه برى البيت ماتقعد وتحاول ماتقولي اذا في شي وجوب حق حرمه من جماعتهم شي لا على شان اصير انا اللي مقصره ادري طولت بس شسوي عندي كثير والله تخيلو يحرضون زوجي ان يسافر بروحه على شان يستانس وانتو فاهمين شنو يعني ولما اودي عيالي الطبيب اذا خاص ذبحوني كم كلف ليش غالي ماله داعي وانا اللي دافعه من معاشي مو منهم ماخذه وحماي عمره25 سنه صابته نشله ماتصخن بس نشله عاديه اهو موظف عام عمي يهاوشه موزين تهمل بحالك روح طبيب خاص هذي 40 دينار روح عالج شنو هذا التناقض ؟؟؟ سوري على الاطاله ناطره ردودكم اللي ا ن شاء الله بترفع من معنوياتي .
مو مصدقه اول وحده تعلق ع الموضوع انا هههههههههههههه ,, أحــم أحم الموهييييييم مراحب حبيبتي يقول المثل الرازق بالسما والحاسد بالارض واللي يدور رضا الله سبحانه وتعالي بيلقى جزاه من رب العالمين واللي يدور رضا الناس يتعب ولا هو محصل شي كبري راسج وطنشيهم وخليج مثل ماأنتي وأحتسبي أي عمل خيـر تسوينه عند رب العالمين مثلا( زوريهم لو تدرين انهم يكرهونج وأنوي ان هالعمل اللي سويتيه تبين فيه القرب من الله والاجـر) واي شي تسوينه لناس ماتستاهل انويه صدقه لرب العالمين صدقيني راح تلقين الراحه و والله يهديهم لج ويسخرهم يارب واسفه لو طولت عليج
مرحبا حبيبتي حاسه فيج الله يكون في عونج عليج أختي بتحصين نفسج بالأذكار ولما تصبحين وتمسين قولي هالذكر ( اللهم أكفنيهم بما شئت انك على كل شيء قدير ) وتخيليهم في بالج أو قولي هالذكر ( اللهم من أرادني بسوء فأشغله في نفسه، اللهم إني ادرأ بك في نحره واعوذ بك من شره ، اللهم إنك تعلم سرى وعلانيتى فأقبل معذرتي وتعلم حاجتي فأعطني سؤلي، اللهم إنى أسألك إيمانا يباشر قلبي ويقينا صادقا حتى أعلم أنه لن يصيبني إلا ما كتبت لي وإن ما أصابني لم يكن ليخطئني وما أخطأني لم يكن ليصيبني ) والله يصلح بينكم يارب ويوفقج في حياتج
هلا أختي . . . انتي سوي اللي يمليه عليج ضميرج واخلاقج . . . وحاولي تقعدين ويا نفسج ساااعة سالي نفسج هالسؤال : ليش يعاملوني جذي ؟!! وان عرفتي الاجابة اللي ربما تكون يا خلل فيهم او فيج عالجيه . . . ووكلي امرج على رب العااالمين . . .
الله يهديهم لج انشالله انا مع الاخت ام عبدالله لو شنو يصيرون خليج انتي احسن منهم حقريهم او ردي باسلوب ورد راقي واخلاقي يعكس تربيتج واخلاقج تكبرين بعينهم وبعين ريلج
