أنا مهمووومه واايد والله بنات انا مهمومه ومتضايقه وايد واحاتي وايد وقلبي وعقلي احس مايتحمل هذا الضغط اللي عايشته بنات انا من طلعت ع الدنياوانا كلي حزن وهموم ومشاكل كبيره شفت اللي ماشافه احد والله بدنيتي الحمدالله عكل حال ودي ابجي ودي افضفض ودي افتح قلبي المتروس هموم لبشر ودي شسوي حتى اهل خوات ماعندي ع اقل احس احد قلبه علي وقلبي عليهم شعور احس وايد حلو وكل ماتكدرت او حاتيت ييتهم وفجيت قلبي لهم اوبجيت ع صدرهم وحسيت بحنان او حضن ام دافي مالي احد غير خاله ربتني ماقصرت معاي بس همن الام والاهل والاخوات غييييييير واحن وايدبس الحمدالله اظل اقول الحمدالله شسوي بعد تخييلوا بنات قبل رمضان انخطبت لريال اكبر مني بخمس تعش سنه شسوي بعد هذا النصيب ساعات اقول هذا نصيب سبحان الله كنت قاعده قبلها اتخيل نفسي متزوجه واقول الله كريم واقول بنفسي يمكن اتزوج الله كريم ورحمته واسعه انا اموت عاليهال وافرح لما احد يقولي خلي ياهل عندج ووايد معني ماخذيت حنان كفايه وايد بس الاطفال ابرياء ونعمه تنسيج هموم الدنيا اتمنى ايكون ريال صالح ياررررب يا ي من طرف رفيجت خالتي ذاكرتني لناس وتمت الملجه وهذا تم كله وانا مادري تالي دريت بكل شي كان ودي عندي ام واب واهل مثل كل الناس بمثل هالوقت تحتاجينهم وايد وحسيت بتوتر وشي غريب وضييييجه ونرفزة مادري تدرون شنو ودي ودي عندي ام مثل كل امهات تكتبلي بورقه شنو احتاج ومااحتاج وتجهزني انا مااعرف اصلا شنو اشتري وشنو مااشتري عشان جذي مااعرف شنو احتاج وشنو اشتري ووايد اشيا ماااااعرفها حتى ابي اشتري دراريع استقبال مثل العرايس وفساتين ودي بمشاغل بالبيت ماتعرض بمعارض ودي اتكون مميزه مومعارض كل الناس عندهم نفسها ودي مثل كل البنات بهالفتره عروس ايصيراكون متميزة بنات ولالا انا ماعرف شي احس مراح تكون ملابسي مميزة مثل اللي عندهم ام الله كريم حتى عطور اسمع العرايس لازم كلشي يديد وكريمات ولوشنات واطقم ومركزه وعطور العرايس اتكون غير فواحه واايد اسمع جذي بس مااعرف شنو اشتري ساعات احس بتطلق استغفرالله مادري بيقول هذي ماتعرف شي لابالعطور ولالبس ولا حتى انا عاديه وايد ودي احد ايقولي شنو اشتري حتى المكياج بالضبط اشتري شنو ودي باشتراك صالون بس بالبيت خالتي تقول موكلمره بوديج صالون بس اغراضج ايه بروح وياج تشترينها خلي احد بلبيت ايسويلج مغربي او اي شي انا مسمره وايد وضعفانه من الهم قاعده احاتي والله احس محد قلبه علي ودي بالصالوالين احس محد يفرك بلبيت مع خلطات مبيضه ساعات اقول يمكن في وحده تسوي خلطات روعه للتبيض بلبيت يمكن انا مااعرف واااي شسوي بعد شعري لونه باهت ودي اصبغه وسوي كيراتين ماودي اتعصب عليه ابيهم كلهم بمكان واحد مادري حتى يصير كيراتين مع صبغ ولالا وايد شعري خفيف بس شسوي يااارب يسهل لانه وايد باهت يبيله صبغ وحتى واايد خشن وقالتلي كيفج ان شاءالله يحترق الله يسامحها تقول كلا الكيراتين مغشوش ورحته خايسه والاصلي ماكو ريحه مافهمتها وتقول مافي كيراتين اصلي جذابين حتى الصبغ كله يقطع الشعر ومافي صالون عنده ذمه وشغله مضبوط ويضبط الصبغ والكيراتين مع بعض ولايقطع الشعر وحلو ويسوي هالشغلتين الصبغ والكيراتين مضبوط واصليين بدون خلط اكيد خرطي والصبغه تقطع ونوعها ردي مادري ليش جذي اتخرعني وايدالله يسامحها جنها اتقول لاتسوين او كلامها صج مادري مابي اظلمها ابي احد ايحس فيني ياااربي حتى اسناني وايد صفر ودي اسوي تبييض وين مادري يارب ياكريم افرجها علي الله مارزقني خوات بس انتوا ادري انكم بتحسسوني انكم خواتي بنات والله انا احبكم واحسكم خواتي اللي الله ماعطاني اياهم وادري انكم مراح تتخلون عني وبتنصحوني وينج يايما كنت ابيج يمي بهالوقت وينج يايما ودي ابجي بس ليميتا ابجي من كثر مانا حابسه داخلي شسوي بعد اتصدقون احس اشوي ارتحت لما فضفضتلكم بس همن متضايقه احس اني ضايعه الله كريم الله الله يفرجها طولت عليكم اسفه مالي غيركم والله مالي غيركم احبكم وايد. اختكم احساس يتيمه
الله يوسع صدرج ويباركلج وان شاء الله حياه سعيده واحمدي ربج على النعمه في ناس كثيره حالج افضل منهم مليون مره صج ان فقدان الام من اكبر المصائب بس الحمدالله احنا مسلمين وهذا قدر الله شوفي حياتج وان شاءالله يفرح قلبج بالزواج وهذا اللي الله كتبه لج والله يوفقج يارب
يااااااابعد عمري ياجرح الزمان انتي الوحيده اللي عبرتيني ورديتي علي ياقلبي مشكوره ع الكلام الطيب والدعوه الحلوة جزااااااج الله الف خبر ياحبيبتي بعد عمري
هلا اختي . . . ربي يوفقج يااارب في زواجج ولا تحاتين ترى اغلب هالبنات يسوون شغلهم بنفسهم يعني الامهات بس يروحون وياهم واحيانا تلاقين العروس ويا خواتها ،وعندج بنت اخت جهزت نفسها واختي مرة عودة ما تروح وياها يعني الامور سهالة ان شاء الله . . . بالنسبة لتبيض الاسنان روحي عيادة اسنان وطلبي التبيض من خلال التبيض المنزل تكلفته ويا المعجون تقريبا 100وشي التبيض المنزلي اضمن وافضل ويطول بياضه للاسنان بالنسبة للكيراتين شوفي النت واختاري المكان اللي البنات مجربينه في صالونات راقية . . .. اختاري لج جمن موديل من مجلات الازياء واشتري خاماتهم وفصليهم واذا كلش اخذيلج جمن دراعة حلوة من مشاغل تكون راقية . . . واما الجناط اخذيلج 2من الصالحية ولاتروحين فيلا مودا كلش ترى بضايعه مغشوشة . . . وللحمامات المغربية سويلج اشتراك في البيت افضل لج من الطلعة والردة واريح . . . وباجي الامور الاخوات ان شاء الله مايقصرون وياااج . . . ولاتكدرين خاطرج وفكري بحياتج المستقبلية اللي بتكون ان شاء الله فرح وسرور وتنسين كل هالهموم . . . واي استفسار راسليني وحاااضرين حبيبتي
هلا اختي تعوذي من ابليس واستغفري وان شاء الله تروح ضيقتج وان شاء الله كلنا ماراح نقصر معاج بس انتي امري وبنعلمج اللي تبين وان شاء الله بتجهزين احلى جهازا واذا على الحمامات انا افضل انهم يكونون فالبيت وانا صراحه عرسي قبل سنه ونص كلي شغلي كان فالبيت حمامات وحف وصبغ وتنظيف بشره وانا راح احط لج رقم صالونتي حيييل حلوه اخذي عندها برنامج عروس تسوي لج تنظيف بشره بماي الذهب يجنن واي شي تبين سألي واحنا حاضرين ولا يضيق خلقج صالونه 99860443
هلا والله اختي الله يجعله ززوج صالح قولي امين والحين ندش على موضوعج الكيرياتين له ريحه مثل الكاكاو المحترق مافي شي كيميائي مافيه ريحه وانا خالتي سوته بصالون بالسالميه اسمه هيفا ستايل وبهالشهر الفضيل طلع شعرها روعه وكل مادشت مكان الكل يستغرب من التغيير والدراريع بطلي الكتلوج وروحي اشتريلج جم خامه حلوه وخيطيهم ترى والله ارخصلج لان الحريم راح يزلقونج بالسعر ماتسوى حق بوجم لبسه لان عروس ماتنلبس وايد واذا عالعطور في وحده تبيع عطورات مركزه وايد حلوه اذا تبين ادزلج رقمها عالخاص واذا تبين من عيوني هديه لج اصمم لج جم دراعه وانتي الي عليج تودين السكتشات حق الخياط مع الخام ويخيطم لج حاضرين للطيبين وموفقه انشاالله
ام عبدالله حياتي فديتج عالرد الطيب نفسج بس والله شسوي احس نفسي ضايعه ودي احد ايقولي روحي مني ومني انا مالي احد اقولكم مالي خوات حتى الله كريم فديتج عالرد ماقصرتي
فديتج حبيبه عالرد مااقصرتي ياعمري يعني اقولها برنامج عروس تسويلي ودي ايتوحد لوني بعد تسوي جذي فديتج فديت روحج الطيبه ماقصرتي معاي حياتي والله
