السلام عليكم شلونكم بنات بقولكم السالفه على طول انا باخر الثامن باقيلي 3 ايام وادش التاسع رحت العدان لان بطني كان يعورني قالولي مفتوحه 4 سانتي راح ندخلج انا طلعت على مسؤليتي ورحت مستشفى لندن قالولي لازم ندخلج ولاده وقالولي اخذي ابرة الرئه حق الطفل لانج ما دخلتي التاسع واخذتها وسولي تخطيط وكان زين لان وقتها كان العوار راح عني قلتلهم بطلع واذا جاني العوار بجيكم قالولي بيتج قريب من المستشفى قلتلهم اي قالولي خلاص روحي بس اذا حسيتي بعوار تعالي او اذا نزل منج ماي او دم قلتلهم اوكي ورحت بيتي والحين يجيني عوار بس خفيف يروح ويجي انا محتاره مدري شسوي مدري اروح المستشفى ولا انطر واذا الرحم انفتح ممكن يرد يسكر مره ثانيه ولا لا تكفون اللي تعرف ترد علي انا بحاجتكم
اول شي عسي تولدين بسلامه انا والده بثامن وبنتى مافيها شي يالله لك الحمد كاهي بروضه بس ابرة الرئه مادرى عنها اصلا انتى علي وشك ولاده وروحي توكلي ع الله والرحم مايتصكر اذا تبطل بس اقولج انا ولدت بالثامن بسباقلي تقريبا 10 ايام وادش التاسع بس ولدت لانه الرحم مفتوح
مشكوره على الرد بس لما دخلوج ولاده كم كنتي مفتوحه كم سانتي؟ وكان فيج عوار؟ انا فيني عوار خفيف مدري اروح لهم ولا لا
يعنى اقولح فينى عوار بس موخفيف شوى شديد بس ولدونى لانه فينى ولاده المهم لاتسكتين عن نفسج روحي شوفي حم سانتى والله يقومج بسلامه يارب ترانى مافينى طلق حيل يعنى طلقي بارد و
ياعمري الله يهون عليش اكيد دخلتي التاسع والدكتور غلط بالحساب للولاده انا انصحش اذا زاد العوار روحي وتوكلي على الله وسلامات ماتشوفين شر:smile:
حبيبتي انا دخلوني الولادة مفتوحة 3ونص بس لانه نزل علي مااي واللي اعرفه انج اذا كنتي مفتوحه 3 سم عادي يدخلونج ولاده واذا فتح الرحم مايتسكر لانه قاعد يضغط البيبي انشالله تفرحين بشوفته وروحي توكلي على وبشرينا اذا ولدتي حبوبة:teeth_smile:
من صجك روحي حبيبتي لا تنطرين علا عمرج وتولدين بالبيت خلاص رحم مفتوح 4 سانتي وطلوق شيقعدج روحي اولدي وادعيلي الله يسهل علي وما اتعب بهالاشهر الاخيره انا الحين بالثامن باول اسبوع تقريبا
حبيبة قلبي دام مفتوحه 4سانتي ولاده ودامج 3ايام وادشين ال9نطري هال3 ايام شتسوين؟؟؟ اشربي دارسين واكلي اناناس طبيعي مو المعلبات وشربي ماي الاناناس وامشي امشي كثر ماتقدرين امشي وراح تحسين بعوار يروح ويجي عالاقل راح يفتح رحمج زياده سانتي ولا 2باذن الله خلال هال3ايسام واول يوم بال9روحي اولدي لان رحمج مفتوح 4سانتي عرفتي ويمكن عقب المشي والدارسين والاناناس فتح زياده وها اقري سورة البقره واشربي ماي زمزم وادعي ربج يهون عليج ويسهل عليج
بس انا فيني عوار خفيف حيل يجي ويروح حتى مستغربه شلون الرحم انفتح والعوار مو قوي اخاف انام عندهم وما يولدوني لان ما فيني طلوق بس الرحم قاعد يفتح والله مدري شسوي محتاره لاني انا سويت عندهم تخطيط قالولي مافي طلوق بس شلون الرحم قاعد يفتح معاي ومشكوره عالرد والله يسهل ولادتج ان شاء الله وتولدين بالسلامه
انا على نهاية الثامن نقص الماي على البيبي واول مادشيت التاسع عطاني ابرة الرئه حق البيبي وحده الظهر ووحده بليل وعقبها بيوم كامل دخلوني وولدت قيصريه لان البيبي مالف والماي ناقص عنه انتي شوفي اذا الماي موناقص عليه نطري لي اول التاسع وان شاءالله تولدين بسلامه يارب
لا يا ام عايشه ما انصحج تروحين تولدين وانتي بالثامن مو زيين اقعدي في البيت ومتى ما الله كتب تولدين راح تولدين بس لا تشربين زنجبيل مثل الحين الله يهل عليج يااااا رب
