يابنات السؤال من العنوان انا مريت بتجربه صعبه من العمليات وللاسف لم تنجح ولا محاوله والحين نفسي احد يبث في الامل ويقلي ان هو او احد عملها خمس اوست اوسبع وبعدين نجحت وربي اعطاه وايش عملت في المحاوله الناجحه مع العلم اني عملت تحليل الاجسام المضاده والمنظار المهبلي وتحليل تخثر الدم وكله سليم ويتم ارجاع اجنه من الدرجه الاولى بس ربي ما اراد
والله يا اختي ما ااعرف ترا انا بدايتي بعد العيد تلقيح صناعي وخايفه اول مرا وانتي الله يعينج ان شاء الله تنجح معاج وخلي املج برب العالمين كبير واعرفي انه كل شي لج يكون خيره
ورده عمان الله يعطيني ويعطيك لين يرضينا ........انتي عملتي تحاليل الاجسام المضاده والمنظار علشان تعرفي السبب
انا نفسج اختي كل التحاليل ميه بالميه لكني ناقشت دكتور اسمه خلدون الشريف في الاردن ولما شرحت له الحاله عن طريق الايميل قال انه المشكله ممكن تكون في الالتصاق وقال انه فيه حل لهذي المشكله عباره عن ماده لاصقه لتثبيت الجنين وفيه بعد بطريقه ثقب بطانة الرحم وتثبيت الجنين لكني في الصيف الماضي عامله اخر عمليه وحابه اريح قبل لا اخوض التجربه من جديد يمكن انتي مثلي عندك مشكله في الالتصاق ربي يرزقك ويرزقنا كل خير
تسلمييييين تروف بس تعرفين الواحد من كثر الفشل يتعب ووده ان احد يعطيه امل ........املي بالله كبير ان شاء الله بيعوضني عن كل شي مادي ونفسي وجسدي
هلا اختي . . . ربي يرزقج بالذرية عاجلا غير آجل يارب . . . لما يتم ارجاع البويضة الاجنة خليهم مباشرة ينزلون السرير بحيث يكون راسج للاسف لمدة ساعة علشان تساعدين الاجنة في الالتصاااق ببطانة الرحم . . . ولا تيأسين كثير عملوا هالعملية وبعد محاولات كثيرة نجحت وياااهم . . . وان شاء الله تكونين منهم يااارب انتي وكل محرومة
آمييييييييييييين تسلمين ام عبدالله ..........اول مره سويتها قلبوني راسي تحت ورجولي فوووووووووق 9 ساعات :emoticon_U: بغيت امووووووووووت الدم صار في راسي بس والحمدلله على كل حال ماصار حمل وبعدين الدكاتره الثانين قالوا لي مالها علاقه
حبيبتي في فحص يسوونه الدكاتره يفحصون البويضه الملقحه باليوم الثالث بعد السحب يعني في اليوم اللي مقرر يرجعونها لج تنفحص ويشوفون في خلل ولا لا لانه في وحده جذي تقول البويضات درجه اولى بس سوولهم فحص قبل الارجاع وطلعت الاجنه مشوهه وقالوا تتكنسل العمليه حتى لو نرجعم ماراح يثبتون والحل قالولها انج تكررين العمليه لين نلقى بويضات سليمه ونرجعها وتقول وحده جذي بعد طلعوا منها خمس درجه اولى وثلاث اللي فيهم خلل وثنتين سليمات ورجعوا لها السليمات ... وحطي فبالج ان المثبت هو الله سبحانه
قلت للدكتور عليه آخر مره قالي لا مابنعمله لك هذا للي عندهم اجهاضات متكرره مجهولة السبب او تشوهات اجنه ........... انا عارفه ان ربي هو المعطي والوهااااااااب سبحانه
حبيبتي ان الله يرزق من يشاء ادعي واستغفري ربج وربي يرزقج ن شاء الله والله العظيم مرت اخوي صار لها 7 سنين ماحملت وكل ماسوت ينزل وصاارت تستغفر وايد والله امس ربي رزقها ببنوتة تهبل اسملة عليها ربي يخليها لهم ويرزق كل بنت يااارب بالولد الصالح ياارب قولوا اميييييين بس اهية طفل انابيب وولدت طبيعي بعد بس كثري من الاستغفاررر وربي يرزقج ان شاااء اللله
والله انا بعد خايفه سوولي اشعة الصبغه وقالولي في التصاقات مصكره جهة اليمين قالو الشهر الجاي نسوي سونار مائي عشان يشوفون جدار الرحم ورحت وسويته قالو مبين انه فيه شي قالولي لازم نسوي عملية منظار لان احتمال يكون عندج التصاقات بعنق الرحم وانا حدي خايفه اخاف ما القا حل لمشكلتي
