منو أستعملت مكينه الشعر ياللهـ تدش

مرحباااا خواااتي
ودي أشتري المكينه اللي تشيل الشعر ومحتااااره حدي منو أستعملتها وأستفااادت منهاااا والله رفيجتي خوفتني منهاا تقول مره سوت عمتها فيهااا جان تجلب بيدها وجرحتها وهل إستعمالها حلوووو وخصوصااا للمنطقه الحساسه ولجميع الجسم يالله يالمزيونااااات كل وحده تفيدنا بتجربتها الله يجزاها الجنه

أفـــــــــــــــــــــــــــــــــا 4 مشاهداااات ولاااااااااااااااااارد
أب لعيوني

هلا حبيبتي انا انصحج تاخذينها وااااااااااايد تنفع بالذات اذا طلعت لج مناسبه فجأه وما يمديج تروحين الصالون تشيلين فيها بدقايق بس هاااااا ما انصحج تستعملينها حق الاماكن الحساسه ومن ناحيه انها تجلب اهي تجلب بحاله وحده لما تظغطين عليها حيل بس بصراحه حلوه وعمليه وانا عن نفسي ما استغني عنها واذا حابه تاخذين احلي ماركه براون كد ومد

تسلمين ياقلبي مسك الكويت
مشكوره على الرد العسل يااااعسل
فديتج

حبيبتي انا جربت ماكينة براون حلوة بس شوي بطيئة .. والحين قاعدة استخدم ماكينة فيلبس حيل حلوة ومرتاحة عليها وما تأذي الجلد نفس البراون احيانا تجرح الجلد . بس انا استخدمها حق جسمي مو للاماكن الحساسة .
اتمنى اكون افدتج وتقبلي مروري

حبوووبة فلبس عجيبة
اناا استخدمها من ايام الثنوي
كل بين فترة و فترة اشتري وحده
حق الوهقات ...

مشكووورين فديتكم
والله بردتووو قلبي
الله يوفقكم

بعد عمري ما سويت شي انتي اللي كلامج عسل والله

انا كنت استخدم الماكينة ومستانسة عليها كل ما بغيت احف ومالي خلق الشيرة طلعت هالمكينة وحفحفت نص ساعة وخالصة ...بس بعدين قام يطلع شعر تحت الجلد ونقط سود وايد واضحة بسيقاني لوعة شكلة ...

انتي خليها للأوقات الصعبة بين وين ووين مو على طول مثلي


وان شالله اكون افدتج.............

انا خواتي يستخدموون فليبس حق الاماكن الحساسه ويشترون المخصصه للاماكن الحساسه ويمدحونها

انا كنت استعمل براون احف فيها ويهي وايديني ريولي بس مادري احس غير عن الشيره يعني يطلع شعر وايد وبسرعه يعني الشيره اسبوعين على مايطلع هذي اسبوع الا طالع الشعر

واهي تعور حيل مووووت او يمكن عشان انا شعري وايد

ومن ناحية انها تجلب او تجرح لا ... ألا اذا ضغطتي عليها

واختي ماتروح صالونات ولاشيره كله عليها وتمدحها وايد
بس من شخص لشخص تختلف يعني انا هرموناتي تختلف عن اختي شعري وايد عشان جذي قمت اسوي ليزر وارتحت الحين لاشيره ولاماكينه ولاصالونات

انا استخدمها لجسمي ومرتاحه عليها
بس حق الاماكن الحساسه مرات استعملها لأنها حيل تعور

لا لا لا ترا اطلع نقط سووووووود نصيحه

مشكوووورات يالغالياااات
على الردود الحلوهـ