بنات ساعدوني و خواتي متزوجاات بيغيت مساعدتكم .. تقدم لي شخص مطلق .. هو بنفس عمري أنا تحت الثلاثين ليس لديه أبناء .. هو : خلوق - دين - ملتزم - ما عنده خرابيط الشباب - ع درجه من الوسامه - أسمر - طيب - ما عنده شخصيه يعني ولد الماما .. ( هي سبب طلاقه ) و تابع خواته .. ( كذلك هن السبب ) ماضيه نظيف جدا .. المخاوف : من الأم و الخوات .. و تسلطهم و شرهم لأنهم يعتمدون عليه كثيرا .. + الخوف من الطلاق منه كما طلق الأولى .. + أن لا يتقدم لي نفس هالأخلاق .. صعبه هالأيام .. شاب نظيف شريف مثله .. لكن بدون شخصيه .. زوجته الأولى جميله جدا و رغم ذلك طلقها .. يقول من طباعها .. أخاف يقارنها في مع انني جميله لكن هي أجمل .. - أن يرجع زوجته الأولى .. طلقها 3 مرات .. هل يجوز ارجاعها ..؟؟ هل ستكون مشاعره صادقه .. بحيث يحبني بصدق أشعر البكر غير عن المطلق ؟؟؟ أنا محتارة جدا .. لا أعرف .. أشعر أنني قد أكبر و يفوتني هالفرصه و لا تتكرر و أكون زوجه ثانيه لا سمح الله .. ربي لا يجعلني .. لكن .. أضع الاحتمالات .. مع أنني غير مقتنعه .. خوف من المشاكل أبقى بكر أفضل من مطلقه .. بحال وافقت ما هي شروط المناسبه لكي تسير حياتي بسلام ..؟؟ 1- عدم نيته بإرجاع الأولى .. إذا وافق سأقبل به .. 2- السكن بمفردي .. الخوف من الأم ترجع بكلامها .. و تسكنني معاهم .. ساااعدوني ......... جزاكم الله خير
شوفي حبيبتي اول شرط تشرطينه انكم تسكنون ابروحكم وثاني شي لا ادققين على اهله كسبيه اهوا خليج محترمه وعلى النيه لا تسولفين وايد لا تتامرين وايد خليج على النيه لما تسيرين جذي الريال ينجذبلج لانج راح تكونين غامضه ابنظره ومدام اهوا نوعه دين وطيب وخلوق وامه تمشيه انتي تقدرين اتمشينه بطريقتج هاذي كوني غامضه اذا ظبطتي الدور صدقيني راح ينسى حتى امه انتي مو قاعده تحرظينه عليهم لا بلعكس انتي بس راح تخلينه يعيش معاج مو مع امه وخواته هذيل بعد ابمقام اهلج احترميهم وبس واهم شي زوجج انشالله هاذي طريقه مجربه يعني كوني على ثقه فيها خليج ابدور البنت الغامضه الي ماتسولف الا بشي مهم لا تطلبين لا تتامرين لا تشتكين خليج على النيه وفقيره عشان تكسبينه وبشرينه عاد
أختي يعني برايج أتوكل ع الله و أتزوجه .. و الله أحلامي .. كانت واحد بكر .. كيف أكون غامضه تعرفين .. أخاف أكون وايد طيبه تاكلني أمه .. ممكن توضحين طريقتك زيااده ..؟؟ أحس أنها طريقه ناجحه إذا استوى الموضوع .. جم الفترة اللي أتم فيها ع هالغموض و ما اطلب أي طلب .؟؟ سنه .. إلا بالمعقوول .. أريد إذا تزوجت أنجح ساعديني الله يوفقج بحيااتج ياارب الله يكون بعونج
اذبتزوجينه علشان تفرقين بينه وبين امه بلاها هالزيجه تذكري ربج يمهل ولايهمل حاولي تكونين سياسيه وامسكي العصابالنص ولاتكونين سبب تعاسته فهالزيجه
صباح الخير حبيبتي قبل كل شي وقبل لا اجاوبج وقبل لاتسئلين احد اسئلي الخلاق العليم توضي وصليلج ركعتين وصدقيني اذا فيه خيره لج الله بيجيبه لج وبتكونين عنده مكله ام اذا الله موكاتبه لج ماراح تاخذينه ويصير شي ويبعد عنج ونتي مرتاحه يبه شنو تبين اكثر من علام الغيوب وبعدين اول شي ترا مافيه فرق بين البكر والمطلق نهائين وصدقيني لو بيقارنها فيج راح ترجح كفتج انتي لئنه طلقها وخلاص الطلاق سبب كره ومشاكل ولما تعاملينه بسلوب طيب راح يميل لج وعلى فكره سالت اناه راح يقارنج هاذي انسيها ترا ماتصير الا قليل واول شرط بيت بروووحج واذا عيا لا يبه خليه يولي صدقيني لو امه ماسكته من اذنه وجا اخر اليل ورد لبيته بيقط كل شي عند باب البيت اما اذا هي وياكم بنفس البيت والله لتطلع اقرونج وبعدين ياقلبي انتي عارفه نقطت ضعفه وين خلاص اكسبي امه وخواته وخليهم يحبونج ومثل ماطلقو الاوليه يقولون له خلك ويا هاذي واذا على انه مطلق 3 مرات مايردها الا لما تتزوج غيره وتطلق ونتي مثل ماقلتلج استخيري وبعدين على فكره بالنسبه لي ترا المطلق احسن من الولد وهاذي نظرتني انا وعسى الله يوفقج ياقلبي ويكتبلج الي فيه الخير وينور دربج يابعد قلبي وطمنينا عليج
الله يسامج ... حبيبتي تراني مب هالنوع .. أمه كيفه .. بس يعاملني بالحسنى و ما أريد مشاكل ويااه .. و معاها أريد أبعد ... أنا من النوع اللي ما أحب المشاكل .. راعيه المشاكل .. ما تخااف من أمه .. فهمتي ..
رماديه جعل الله حياتك ملونه بألوان الطيف .. كلامج ريحني .. بس تعرفين أحس هذا أول واحد بحياتي .. ما اعرف كيف بتعامل ويااه ؟؟ ما أعرف أكسبه ..؟؟ الله كريم
توكلي على الله يا قلبي .... مدام انه رجاال حمدالله ياربي قاادر على كل شي توكلي على الله الستر زين وانا اختج واذا تبين تشرطين اشرطي ابيت ابروحج ... او خليج مع اهله .. الرجال مايقدر يستغني عن اهله لو شنووو حتى لو انه عوووبه... وفديت قلبج عسى الله يوفقج يارب ...
هي كلهاا توااافيق من الله ان كاان مطلق او بكر صدقيني مثل ماقاالت اختي رمااديه استخيري الله وماخااب من استخاااره .. وليش تقولوون على اللي يسمع كلاام امه ماعنده شخصيه بالعكس المفرووض يكبر بعينج لان اللي مافيه خير بأمه صدقيني مارااح يكوون فيه خير لج اكسبي امه وخوااته مافيها شي اذا وداهم وجاابهم مثل ماانتي لج حق حتى اهم لهم حق وانتي بطريقتج تقدرين تكسبينهم وتكسبين زوجج وخلاااقه ماشاء الله كامل والكامل الله اذا مثل اللي قلتيه استخيري الله واذا ارتحتي وافقي ولاتخلين امه توقف بطريقج بذكاائج تقدرين تكسبينهااا وتووقف بصفج .. الله يكتب لج اللي فيه الخيييييييير ويرزقج من حيث لاتعلمين .,.
توني قريت تعقيبج تقولين مدري شلوون اكسبه .. اهو متعلق باهله تقدرين تكسبينه من احترااامج لاهله ولامه بالذااات وتذكري كل ماذكرتيهاا بشي ولدها اللي يدفع بس شنوو ردت الفعل انتي بتكبرين بعينه انج مو ناسيه امهاا واهي بتفرح بالهديه لان الرسوول صلى الله عليه وسلم قال تهادوو تحابوو .. وربي يوفقج ويسخره لج اذا كان فيه خير لج ..
مشكوورات خواتي .. بس بعدني متررده .. أحس أمه تحترمني بس .. بسوي نصاايحكن .. مع انه في فرق بمستوى المعيشه .. الله كريم ..
اهم شي انج مرتاحه على الفلووس الفلوس تروح وترد وعلى البيت يا كثررهم ان شاء الله تشترون بيت او تنطرون الحكوومه لا تحطين اي عذر اني استخيري وان شاء الله خيرر ... واذا على امه اكسبيهاااا واحترميهااا خليه اهوه بعد يكسبج ويحبج انج تحترمين امه لا تفكرين بأي شي استخيري وان شاء الله خيرر واذا الله كاتب نصيب تبين تاخذينه واذا ما كتب خيرره ان شاء الله
بعد بعد عمري انتي شوفي حبيبتي التعامل يجي بالكلمه الطيبه وبعدين لو حطيتي ببالج شي وقلتي بقول وسوي وبفعل صدقيني لما يجي الزوج قدامج يتغير كل شي انا وحده متزوجه وعرف انتي الدنيا ياقلبي اخذ وعطا وصدقيني لما يبتسملج بتبادلينه ابستامه ولما يقولج كلمه طيبه انتي بالمثل راح تتصرفين اسس التعامل انج تخافين الل في زوجج هاذا اهم شي والكلمه الطيبه والله تجيب راس الرجال اسئليني انا ههههههههههههه
حبيبتي غامضه يعني لا تتكلمين واايد لا تطلبين الا الاشياء الضروريه لاتشتكين وايد كله قوليله الي يريحك خليج سياسيه معاه على النيه علشان تكسبينه اذا كسبتيه تقدرين انتي اتمشينه مو يمشي على كلام امه ولازم تسكنون ابروحكم لان امه مسيطره عليه انتي ماعليج منهم غير انج تحترمينهم وبس لان اهيا مهما كان ابمقام امج عرفتي ؟؟ اهم شي الريااال خليييييج غااااامضه
يابنت الحلال الطلاق يمكن خيره للرجال ويتعلم من اغلاطه وانا بكر وتزوجت مطلق وعنده ولدين والله مشاكلي نفس مشاكل خواتي اللي ازواجهم مو مطلقين المشاكل بكل بيت بس انت اشرطي سكن خاص وخليج رسمية توصلين اهله بالخير ولاتدخلين حيل معاهم عشان مايكرهونج خليج رسمية يعني تأدين الواجب وبس وقبل كل شي استخيري الله يوفقج
حـــبيبتي انا نفسج تزوجت من مطلق ولديه أولاد بس انا كنت مطلقه بدون اولاد الحمدلله اتمتع بجمال اكثر من طليقته,,, لاكن مو مهم الجمال كثر ما تكونين انتي مرضيه زوجج بالي يحب وبالي يكره واذا كسبتي قلبه صدقيني مايبي غـــــــيرج انتي وبس وراح تنسينه زوجته الاولى وطوايفها حبيبتي اخذيها قاعده مني اهل الزوج اكثرهم وليس الكل دايما يحبون اسلوب الابتزاز مع الزوجه الثانيه وتخويفها بالزوجه الاولى تدرين ليش ؟؟؟؟؟؟؟ عشان مايخلونها تحس بالامان في حياتها الزوجيه والنتيجه انهم يريدون وضعها تحت ضغط نفسي دائما عشان ترضيهم وترضي ولدهم ... انا اكلمج عن تجربه شخصيه ولكن الدعـــــــــاء الدعــــــــــاء والنيه الصادقه وبالتوفيق اختي . بعدين الرجل ما يرجع زوجته الاولى الا اذا كان لها اولاد في حالة اذا رجعها .
