تجمع حق اللي مسوين عمليات تجميل

هااااي بنات اشلونكم
حبيت نتشارك مع بعض ونستفيد عن عمليات التجميل يعني كل وحدة مسوية شي تقولنا
شنو سوت
عند منو
النتيجة
تكلفة العملية

انا عن نفسي سويت خشمي عند الدكتور خالد الصبيح قبل اربع سنين بس ما صار مثل ما انا ابي لان خشمي كان صعب فصار فية انحراف وادمنت عالقطرة
فقبل 3اسابيع سويت عندة عملية ثانية للحاجز الانفي وعدلت خشمي معاة يسمونة ترميم
والعملية الاولى (قبل 4 سنين)كلفتني 1000د ك
والثانية 1200د ك والحين حدة وااااارم بس ترتب عن قبل وقصر شوي

يالله بنات عاد كل وحدة تكتبلنا شنو سوت
ناطرة ردودكم

أممممممممممم , سؤال !!

شنو السبب الي يخليج تسوين عملية تجميلية ؟!؟ هل تعانين من مشكلة صحية في الأنف أو حب تغيير الشكل ؟!؟ أو تعانين من تشوه يجبرج أنج تسوين هالعملية ؟!؟

ماعتقد أن هالتورم يسوى عليج والسلبيات بترضيج عشان بس تغييرن شكلج وتسوين روحج مثل فلانة وعلانة ,, رب العالمين خلق كل إنسان بأحسن صورة وماعتقد أنج بتكونين أعلم من الي خلقج بمظهرج ,, كل خلقة ولها حكمة ,, أنتي لما غيرتي خشمج شوفي شنو صار لج من تورم هذا غير الأشياء الي يمكن تترتب على العملية في المستقبل الله لا يقوله ..

خلوا عقولكم براسك بلا عمليات تجميل بلا خرابيط ,, الناس تتمنى الصحة والعافية وهذيلن يلعبون بروحهم !!

أدري أن كلامي كله يمكن ماراح يعجبج بس هو عين العقل ولو ييتي للشرع فعمليات التجميل حرام وأنتي كبيرة وعاقلة وتفهمين وين مصلحتج ..

هذي نصيحة من أخت لأختها أتمنى تتقبلينها بسعة صدر ..​

شكرا على المشاركة
بس انا ما صار فيني تورمات فيني انحراف

صح كلام 100%يالغاليه مادري شو سالفة عمليات جميييل هالايام

معنه هو قبل عمليات احلى ولما يسوون يخسفن زياده
مثل بعض مطربات والممثلات

بس اذا في سبب مقنع هذا شي ثاني

بس بعد ما يظهرون مثل ما يبغون لازم يخبربون شي

مشكورة

ههههههههههه
احنا قلنا تجمع حق اللي مسوين مو اللي مو مسوين

هلا والله انا مسويه خشمي بس بايران
صارلي 26يوم بس ماادري شلون راح يصير..

هلا فيج فضة وحمد للة على سلامتج
ليش ما تدرين اشلون صاير ليلحين حاطلج الجبس ؟
انشالله ما تعبتي بعد العملية
وين سويتيها بمشهد؟

مساء الخير . حبيت اقولج انا مسوية عملية لشد البطن من سنتين في مستشفى الراشد لان انا عندي 3 اعيال الله يخليهم وكلهم ولادتهم قيصرية وصار شكل بطني حده يفشل قبل العملية بس بصراحة كانت العملية أول اسبوع حدها متعبة بس عقب الاسبوع جسمي صار عجيييييييب والله صج ارتحت نفسيا وصرت ارد البس الملابس المخصرة . وعموما اللي تسوي عملية تجميل وتعدل من نفسها هذا شي حلو سواء العملية في ويهه او جسمها لان احنا الحريم نحب دائما نكون حلوين في عيون ازواجنا ونصيحتي حق كل وحدة تشوف ان في ضرورة تعدل من شكلها لا تتأخر لان الله جميل يحب الجمال .

هلا بنات ..


انا عن نفسي الحمدلله ولامرة سويت . .

بس ودي اسوي حق خشمي لأن مدلقم شوي لوول ..


وخالتي (ام ريلي) سوت من جم شهر شد بطن لأن مشالله عندها 8
سوتها بالراشد وكلفتها 1200 دينار .. (شق مو ليزر طبعا) وكانت تعااني اول الايام
بس عقب 30يوم تقريبا صارت زينة والحين شحلات بطنهاااا مشالله مشالله .. ولا نتوفة كروشة ​

حياااااتيييي انشالله تتهنين بالجسم الرشيق دوم
بس جسمج ما تغير عقب سنتين لان يبيلة اهتمام دايم
والله يخليلج عيالج
ومثل ما قلتي الوحدة اذا شافت شي مخرب عليها تعدلة احسن وحق زوجها بعد
خو الرياييل مالهم اماااااااان ههههههههه

حبيبتي اذا مضايقج خشمج سوية بس عند دكتور شاااااااطر
انا حماتي خشمها مدلقم ود خالد الصبيح واااايد عدلهياة
وخالتج شنو اسم دكتورها وشغلة حلو؟ لان بصراحة سعرة وايد زين ورخيص
واهي كان بطنها كبير وايد ولا عادي؟

^
^

مادري صراحة استحرم اسوي خشمي ..

سألت وايد وكلللهم قالو حرام .


المهم ..
خالتي كان بطنها زين مو وااايد كبير بس اكثر شي الترهل
ومادري والله شسم الدكتور بس اهو من داخل المستشفى​

ثانكس حياتي عالرد
والله يوفقج

حلو بنت خالتي تبي تسوي لان خشمها فيه عظمه بارزه تبي تعدله وتقول انها
اذا قبله زوجه مده طويله تحس بكتمه ماتقدر تتنفس

اممممم انا طبعا ماتفرق عندي اللي تسوي واللي ماتسوي كل وحده اتدور عالجمال مثل اللي تحط ميك اب وتكشخ عادي

طبعا ولا مره سويت بس ابي اسوي انشالله اذوني بردهم شوي ورا ومادري وين اسوي ولا جم تكلفتهم اللي عندها خبر ياليت اتعلمني واللي مسويين تجميل عليكم كلكم بالعافية :wink_smile:

الله يعافيج حبوبة
وبالنسبة للاذن والله ماعندي فكرة

والله خوش تجمع انا بصراحه غرامى التجميل ليش لا لا ليش مااصير حلوه ونفس قبل خو مو مثل بعض الممثلات لالالا ويييييع انا قصدى الترميم او عمليات الشد
انا عن نفسى مسويه بطنى وصدرى بس للاسف الدكتور اللى سلمته نفسى مو خوش دكتور بطيبه ويوم رحت دكتور ثانى وطلعلى عيوبه رحت قتله اللى قالى جان يقول( كل ده عشان تسوين عنده عمليه )اي شي صح خو اذا توهقو قالو هالكلمه ما اطول عليكم بس اللى حابه تفتفسر عن اى شي انا بشوفه​

حبيبتي عاد شد البطن والشفط صايرين شي عادي
قبل كنا وايد مستصعبينها بس الحين حالها حال عملية الخشم

انزين بسال عن تفخ الشفايف والوجة منو احسن دكتور او دكتورة ؟؟؟

ماجد تقي بلا مناااااااااافس

والله بنات انا قبل زواجي سويت شفايفي عند الانصاري كلنك بس شهر وانفشوا!!!

وسويتها مرة ثانيه عند الراشد وبغا يذبحني الدكتور طقني ابر من غير مخدر!! والله قعدت اصيح وابجي من العوار واحد مصري حسبي الله عليه

وودي اسوي خشمي من تحت فيه انحراف وانسداد ويمكن اروح لدكتور قطينه شكثر مدحوه لي

بس سؤالي هل اقدر اسوي بطني؟؟؟؟ حيل ترهل من حملت ببناتي الله يخليهم لي
واسويه واحمل مرة ثانيه؟؟؟ والا مايصير؟