كافي صدماات بحياتي.قصة كويتية واقعية لأميرة البجع

من عيوني ياحياتي بس توه الناس عالنهاية القصة 40 بارت :teeth_smile:​

العفو حبيبتي ^_^

كملي القصه وانصدمي مثل ماانا انصدمت والله نهايتها تعور القلب :sad_smile:

يالله الله يعينج اذا صلوحج نايم لوووول انا جسومي قعد :teeth_smile:
يلا الحين انزل بارت يديد​

البارت الثاني والعشرين
***********

وصل أحمد مسافط شرق.. دق على مريم.. وقالتله أي صوب واقفة.. وراحلهم.. مريم نزلت الدريشة اللي يمها.. ووقف عندها

أحمد (بنفس): السلام

عهود ماردت

مريم (تتدارك الموقف): وعليكم السلام والرحمة حبيبي

أحمد: نزلي

مريم (بغت تسأل ليش.. بس خافت.. ونزلت على طول)

أحمد: أشوه لبسج زين.. عبالي بعد

مريم (ارتاحت وابتسمت): اي حبيبي لا تخاف علي.. انا أسمع الكلام

أحمد (بسخرية): اي مبين.. انزين يلا ركبي السيارة وروحي البيت

مريم (كان ودها تقوله للحين ما تسوقنا.. بس سكتت.. وركبت السيارة)

عهود (بصوت واطي ومعصبة): قوليله بنتسوق

مريم: ماقدر.. اخاف يعصب

عهود: وييييييييه مالي شغل فيج.. آنا أقوله.. (علت حسها) أحمد.. احنا ليلحين ماخلصنا شغلنا.. احنا يايين نتسوق

أحمد: بتتسوقين روحي بروحج.. مريم بترجع البيت

عهود: بس احنا يايين مع بعض.. ليش جذي؟

أحمد: بس جذي لعانة.. (وطالع مريم) عشان تعرفين مرة ثانية شلون تطلعين

عهود (لفت ويهها وبصوت عالي): وييييييييع

احمد خز مريم ويأشر على عهود.. مريم ابتسمت من الاحراج..

بهالوقت رن تليفون أحمد.. أحمد اختبص.. وخلاه يرن لين سكت.. ورد يدق مرة ثانية

مريم شافته جذي قلبها نغزها

مريم: منو داق عليك؟

أحمد (تدوده): ها؟ هذا واحد من الربع

مريم: وليش ما ترد عليه؟

احمد: مالي خلقه

مريم (سكتت جان يرن التليفون مرة ثالثة.. مدت ايدها): عطني التليفون

أحمد : شكو اعطيج تليفوني؟

مريم (تنرفزت): أقولك عطني التيفون

أحمد (مختبص ومو عارف شيسوي): شفيج حبيبتي؟ هذا رفيجي

مريم (بحركة خفيفة واايد.. ليه يومكم هذا مهي عارفة شلون خذت التليفون): عطنييييييي.. (رفعت الدريشة.. وقفلت البيبان.. احمد قاعد يطق على الجام)

مريم طالعت التليفون مكالمات لم يرد عليها.. قرت "دلوعتي".. قلبها بغى يوقف.. مانطرت يرن التليفون.. اهي دقت.. وسمعت صوت ناعم

دلوعته: ويـــــــــنك حبي؟

مريم (ترجف.. وعهود تمسح عليها تهديها): ألوو منو معاي؟

دلوعته (استوعبت صوت بنت): منو انتي؟

مريم (متنرفزة): انا اللي أسأل.. وانتي بس تجاوبين

دلوعته: ويييييييييي.. شفيج يما معصبة.. وين أحمد؟

مريم (صرخت): لا تطرين اسمه

عهود (تمسح عليها): بس حبيبتي هدي نفسج سكري التليفون

مريم (احقرتها وكملت صراخ): انا حبيبة احمد.. انتي منووو؟ شعلاقتج فيه

دلوعته (تضحك ضحكة تنرفز): اييييييي عرفتج.. حراااااام مو انتي اللي طقج جدام الناس عشاااني

مريم (تذكرت الموقف.. وما قدرت تمسك روحها قامت تبجي بصراخ): تخسيـــــــــــــــن عشانج انتي يطقني.. انتي شعلاقتج فيـــــــه بالضبط

دلوعته: هاهاهااااااي.. سأليــــــــــــه خليــــــــــه يجاوبج.. باااااااااااااااااي.. وسدت التليفون بويه مريم

مريم (تبجي زيادة): الحقييييييرة ... نزلت الجام.. وطبعا احمد كان واقف منصدم.. لأن صوتها كان وااايد عالي

مريم (حذفت التليفون على صدره واهي تبجي): ما منك فاااااااااايدة

وقبل لا يتكلم.. رفعت الجام.. ورجعت قري .. ومشت بسرعة
****************************


هاجر (قامت تطق الباب وتبجي): بدر الله يخليك افتح الباب.. حبيبي تكفه عشاني افتح الباب.. بكلمك شوي.. الله يخليك استر علي

وبعد ما يأست من محاولاتها.. نزلت بقلب مكسور وركبت سيارتها.. وغطت ويهها بايدها وقامت تبجي.. " ياربي شسوي؟؟ شسوييييييي؟؟ وين أرووووووح؟؟ والله خايفة.. انا ليش سويت جذيييي؟؟ شنو استفدت الحيــــــــــــن؟؟ الله يلعن الشيطان.. ياربي استر علي.. يا ربي يا حبيبي استر علي"

هاجر احتارت شيتسوي.. وكانت خايفة ترجف.. فجأة خطرت في بالها فكرة " انا بسويها واللي فيها فيها.. وماراح اخسر أكثر من الي خسرته"

وشغلت سيارتها وحركتها..

مشت لين وصلت بيت أهل بدر (طبعا اهي تدل بيتهم لأن جم مرة ياية حق بدر تشوفه عند البيت)

صفطت طفت السيارة.. قامت تفكر "شقولهم؟؟ شلون أفاتحهم بالموضوع؟ شراح يقولون عني؟ بس لأ لأ لازم يعرفون شسوى فيني ولدهم.. لازم يلقونلي حل"

وعقب ربع ساعة تفكير نزلت من السيارة تقدم ريل وترجع الثانية.. كانت خايفة واايد.. بس قالت " انا ماعندي شي أخسره.. خسرت كل شي.. ويمكن الله يستر علي من طريجهم.. يالله يا حبيبي خلهم يصدقوني ويلقونلي حل"

مشت لين وصلت عند الباب وطقت الجرس.. شوي ردت عليها الخادمة

الخادمة: منو؟

هاجر: السلام ماما وبابا موجودين؟

الخادمة: اي موجود انت منو؟

هاجر: قوليلهم أكوو بنية تبي تكلمكم ضروري

الخادمة: لحظة شوي

بعد شوي طلعت الخادمة وفتحت لها الباب

الخادمة: ماما يقول تفضل

هاجر (واهي داشة): مشكورة

الخادمة فتحت باب الصاله ودخلت هاجر أشرتلها على الغنفة وقعدت هاجر

الخادمة: الحين يجي.. شنو يبي يشرب؟

هاجر: مشكورة ولا شي

بعد دقيقة نزل بو بدر وأمه.. سلمو على هاجر.. قعدو يطالعون بعض أول مرة يشوفون هالبنت .. ومستغربين شفيها تبجي؟

بو بدر: تفضلي بنتي آمرينا..
**************


تهاني قاعدة تستشور شعرها.. ياها جراح ولمها من وراها.. وسند راسه على جتفها

جراح (بصوت حنون): أحبج

تهاني (ابتسمت): وانا بعد .. أموووت عليك

جراح: ممكن سؤال؟

تهاني: آمرني

جراح: ما يامر عليج عدو.. انتي حامل؟؟

تهاني: ههههههههه حامل؟ بسم الله ماصارلنا أسبوع

جراح: اي عادي.. أبيج تحملين بسرعة.. أبي ولد ولا بنت حلوين مثلج

تهاني: لالالا؟؟ يعني بس متزوجني عشان العيال؟

جراح (وخر وطقها على راسها عالخفيف ورجع لمها بنفس الطريقة): انتي ليش ذكية؟ انا خذيتج لأن أبيج انتي تصيرين أم عيالي.. والا اذا من غيرج مابي عيال كلش

تهاني: ليــــــــــــــــش؟ تبي غيري؟

جراح (ماقدر أكثر ضحك بصوت عالي): الله يقطع سوالفج.. خلاص هونت مابي عيال كلش

تهاني (تطفره): يعني ماتبي عيال مني؟؟ عيل ليش متزوجني؟؟

جراح (قط روحه عالفراش): وااااااااااااااااي أمووووووووووت.. بس يننتيني.. هاهاهاها

تهاني: هههههههههههه يلا قووووم.. بتطلعني والا نسيــــــــــــت

جراح (قام يطق عالفراش يمه): آنا أقوووووول تعالي يمي والله أحسن من الطلعة

تهاني: لالا؟ قوم قوم

جراح: مابي مابي .. تعاااالييي.. بقولج قصة

تهاني: هههههههههههههه مابي اعرف قصصك.. مابيها

جراح: أفااا.. ليش؟

تهاني: مابي قصصك تحرجني.. آنا أستحي

جراح: أمووووووت باللي يستحون.. تكفين تعالي

تهاني: جرااااح.. ما شبعت؟ يلالالالالا بنطلع

جراح: أشبع؟؟ الله ياخذني اذا أشبع.. (يغمزلها) منو الحماااار اللي يشبع منج؟

تهاني (استحت): اسم الله عليك.. محشوووم
*********************​

انا استأذن والله شبكت من الاب توب عشانكم ( الاسيرة - وريان التميمي )
لان اميلي شابك على تلفوني قلت دام ان جسومي قاعد يحن على راسي لوول اشبك انزل لكم بارت وافصل يالله ان شاءالله اذا شفت ردود انزل لكم بارت يديد
وياريت لووول الي يشوفون ومايعلقون مانبي شي ابي تشجيع اني اكمل ^_^ يلا تصبحون على خير

وانتي من اهل الخير
وبنتظار التكمله رووووووووووووووووووووووووووووووووعه

ياحياتي يلا الحين انزل البارت ال 23 ​

البارت الثالث والعشرون
************

هاجر في البداية كانت وايد مترددة وبس دموعها تنزل من عيونها

بو بدر (يطالع أم بدر مستغرب ويلتفت على هاجر): شفيج يبا عسى ما شر؟

هاجر: ما شر عمي بسسسسسسس.. واسكتت تطالعهم

بو بدر: أول شي بنيتي انتي تعرفينا؟

هاجر: لا عمي آنا ما اعرفكم.. آنااا آنااا .. (بلعت ريجها) أعرف بدر ولدكم

بو بدر (قلبه نغزه يوم سمع اسم بدر): خير شلون تعرفين بدر

هاجر(تبجي): آنا ادري ان يمكن ما تصدقوني.. وان بتلوموني.. بس والله هاذي الحقيقة.. والله يخليكم سمعوني

بو بدر: خير تفضلي

هاجر قامت تبجي وتقولهم عن تعرفها على بدر من كان بالسجن وتمت معاه لين طلع وان الشيطان قص عليهم وقالتلهم انها الحين حامل بس بدر
ما وفى بوعده بالزواج منها ويبيها تنزل الياهل (طبعا مو بالتفصيل)

أم بدر (وقفت بعصبية وزين ما وقف قلبها): انتي جذابة (وتأشر على الباب) قومي طلعي بره

هاجر (تبجي): والله ما جذبت عليكم بولا شي

بو بدر (معصب .. طالع أم بدر واشرلها تقعد): أم بدر.. قعدي ما يصير جذي.. خل نستوعب السالفة

أم بدر: شنستوعب؟ هاذي وحدة جذابة وعيارة يايه تتبلى على ولدي

بو بدر (عصب زيادة): اي صح مو ولدج ملالالالاك.. ماجنه مفشلنا بكل مكان (على حسه بنرفزة) أقولج قعدي

أم بدر (قعدت معصبة وتخز هاجر): أووووووف

بو بدر (لف ويها على هاجر): ممكن أعرف شسمج؟

هاجر (وهي تبجي): هاجر

بو بدر (متضايق حده): أول شي هاجر احنا ما نقدر نتفاهم وانتي تبجين.. اهدي شوي.. أم بدر قومي ييبي ماي حق البنت

أم بدر (قامت معصبة.. يابت الماي وحطته جدام هاجر): سممممممم

بو بدر (خزها): هااا؟؟ استغفر الله.. هاجر شربي الماي

هاجر هدت شوي وشربت الماي

بو بدر (حاول يهدي وبس كلمها بنبرة جادة حيل): أول شي انتي تدرين ان اللي سويتيه أكبر غلط.. وصحيح ان اثنينكم أخطأتو.. بس كوني صريحة الناس من بتلوم أكثر؟؟ انتي والا اهو؟ ليش سويتي بعمرج جذي؟

هاجر منزله راسها ساكته بس تبجي

بو بدر: بسألج سؤال.. انتي تعتقدين اذا ييتينا وقلتيلنا بنصدقج على طول.. مهما يكون هذا ولدنا.. واحنا ما سمعنا منه

هاجر (رفعت راسها): انا مستعدة اني اتواجه معاه وجدامكم.. عمي والله ما جذبت عليكم كلش.. وأدري اني غلطانة من ساسي لراسي.. وان الناس بيلوموني.. (قامت تبجي زيادة) بس والله من بعد الله مالي غيركم يحل مشكلتي.. عمي تكفى حتى لو يتزوجني شهر.. ويطلقني.. بس عشان يستر علي

أم بدر تطالعها منأرفة منها.. بس ساكته احتراما لبو بدر

بو بدر (يطلع تليفونه من جيبه): انا الحين بدق على بدر.. ونتكلم كلنا مع بعض.. واذا طلع كلامج عدل.. (وتنهد) بدر لازم يصلح غلطته
(بو بدر ريال يخاف ربه وما يحب الظلم)

أم بدر (نطت معصبة): شنوووووو؟ ولدي ما يتزوج هاذيييييييييي

بو بدر (بنرفزة): أم بدررررر تعصيني؟ انا أقووول سكتي

أم بدر سكتت وتهز ريولها بعصبية.. هاجر ارتاحت شوي

بو بدر (دق على بدر): ألوو .. وينك؟

بدر: موجود يبا آمر

بو بدر: تعال البيت أبيك بموضوع

بدر: الحين؟

بو بدر: اي الحين بسرعة.. مع السلامة

بدر: ان شاء الله مع السلامة

بدر وصل بيتهم وانصدم ليما شاف سيارة هاجر.. بغى يهون وما ينزل بيتهم.. بس ما يدري هاجر شقايله واذا كانت قايلتلهم السالفة واهو مانزل.. بيصدقونها
*********


أحمد تم طووول الطريج يدق على مريم واهي مطنشته بس تبجي

عهود (وايد مكسور خاطرها على رفيجتها): خلاص حبيبتي قطعتي قلبي .. بسج بجي

مريم (تشاهق): ليـــــــــــــش؟؟ ليــــــــــش يسوي فيني جذي؟ انا بشنو قصرت معاه؟

عهود: خليه يولي الحين لا تفكرين فيه

مريم: موو قادرة احس اني بموووووت.. ليش لييييييييش يا أحمد؟؟ آنا حبيتك من كل قلبي وحطيتك على راسي.. ليش تجازيني بالخيانه؟؟

عهود: مو بصراحة انتي اللي وصلتيه ليه الخيانه

مريم (خزتها): شقصدج؟

عهود: مريوووم انتي مسويته يا دهينه لا تنكتين.. عشان جذي داس على راسج

مريم (تبجي ): يعني شتبيني أسوي فيه؟

عهود: خليه يولي وحقريه.. آنا أقول هديــــــــــــه عمى بعينه.. موكافي انج عزيتيه ورزيتيه يوم كان بدون.. ياي الحين يتفلسف؟؟

مريم: والله اهو خاني قبل لايصير كويتي.. والا نسيتي سالفة شرق؟

عهود: كاج قلتيها الله يخليج خليه يولي.. لاتعذبين روحج عشان واحد ما يستاهل

مريم (تبجي بحرقة وتصارخ): مااااااا قدر مااااقدر والله أحبه.. شوفي شكثر قاعد يدق علي.. والله قلبي معورني ليش مو شايلته

عهود: مريووم انتي ليه متى غبية جذي؟ شوفي نفسج.. شوفي شصاير فيج.. رحمي حالج

مريم: خلاص عهود الله يخليج سكتي عني.. ماني ناقصة

عهود سكتت.. ماتبي تضيق خلق رفيجتها أكثر من جذي.. وبعد عشر دقايق وصلو بيت عهود

عهود: ماتبين تنزلين شوي؟

مريم: لا مشكورة محتاجة أقعد بروحي شوي

عهود(فتحت الباب وهي نازلة): خلاص حبيبتي ديري بالج على نفسج.. لاتفكرين واايد.. وطمنيني عليج

مريم: ان شاء الله .. عهود سكرت الباب.. ومريم حركت سيارتها

وهي تمشي رن تليفونها أحمد..

مريم (خلته يرن شوي وبعدين ضعفت وشالته): نعم؟

أحمد: مريم ليش ما تشيلين التليفون؟

مريم (صوتها مقطع لأنها تبجي): مابي أشيله

أحمد: ليش؟

مريم: بس مابيك

أحمد: حبيبتي انتي قاعدة تبجين؟

مريم: مو شغلك ولا تقول حبيبتي

أحمد: والله العظيم انتي حبيبتي وروحي وعمري وقلبي ودنيتي

مريم (بسخرية): اي وهذيج دلوعتك!!

أحمد: تخسي.. انتي دلوعتي

مريم: اي صح صدقتك

أحمد(صوته يبي يبجي): والله أحبج لا تهديني

مريم (تبجي): تكفى الله يخليك.. أبوس ريولك.. بسك جذب قلبي ما عاد يتحمل

أحمد: والله ما اجذب.. مريم آنا أحبج.. أبووووس ريولج لا تهديني.. شوفيني قاعد أترجاج.. لا تذليني أكثر من جذي

مريم (مستغربة): والله أمرك عجيـــــــب.. شلون تحبني وتخوني؟

أحمد: الله يلعن الشيطان.. والله توبة ما أعيدها.. مو مني صدقيني ابليس يزين لي هالبنت

مريم: وانت شنو ليهالدرجة ما عندك ايمان؟؟ ليهالدرجة الزنا تعجبك؟ ما تقدر تستغنى عنها؟

أحمد: والله حبيبتي ماكنت أقدر.. بس الحين عشانج والله ماراح أكلمها مرة ثانية

مريم (سكتت فترة): أحمد

أحمد: عيونه

مريم: بشوفك

أحمد: انتي تامريني .. متى تبين؟

مريم: الحين
**********


تهاني (قامت من الفراش): ارتحت الحين؟ ماخليتنا نطلع

جراح (قرصها بفخذها): بذمتج مو احلى من الطلعة؟

تهاني (انحرجت): ههههههههههه عيب.. واااااااااااااااي توني سابحة للمرة الثانية

جراح: والله لا اييج يوم اخليج تسبحين للمرة المية

تهاني: أولالالالالالالالالالالالا.. شفيييييييك مشفوح جذي؟؟

جراح: أعجبج.. مو قايلج انا عندي احتياجات هامة

تهاني: هههههههههههه انت يابو الاحتياجات.. خل أقوم أتسبح عشان صج تطلعني

جراح: انتي تامرين.. جم أم صقر عندي آنا؟

تهاني: صقر؟ شطاري عليك هالاسم؟

جراح: اي اي صقر.. شنو مو عاجبج ؟.. (قام ومسك راسها وفركه بايده حييييييل) غصبا على دماغج

تهاني: آآآآآآآآآآي جراح عورتني.. ههههههههههه وخر يعور

جراح: شنو سويت آنا.. ما جستج عشان تقولين يعور

تهاني (دزته): وخرررر انت ما تستحي

جراح: هاهاهاهاها والله انتي اللي ماتستحين راح فكرج بعيد

تهاني (استحت واااايد وعطته ظهرها بتروح الحمام): أوووووووه يا ريال انت ما تعرف العيب؟ ماتعرف ان البنت تستحي؟

جراح (يطفرها زيادة): هاذي البنت.. وانتي مو بنت انتي مرة

تهاني (راحت الحمام تكرمون وسكرت الباب): ما منك فايدة ههههههههههههههههه

جراح (يصارخ عشان تسمع): احببببببببببج

تهاني قطت هدومها ودخلت تحت الدوش.. فجأة انفتح الباب بقوة

جراح: تياااااااااااااااااااااا

تهاني (غطت جسمها بيدها): جراااااااااح اطلع بره

جراح: ماني طالع شبيتسوين؟

تهاني: حبيبي اطلع بره خل أتسبح

جراح: مابي مابي بتسبح معاج

تهاني: انت شتقوووووووووول؟

جراح: مايصير جذي صارلنا اسبوع متزوجين ولا مرة تسبحنا مع بعض!!

تهاني: انت مووو صاحي كلش.. عفيه يلا اطلع خل أتسبح بسرعة وأطلع وتتسبح وراي

جراح (واهو طالع): أوكي هالمرة بس سامحتج.. أراويج المرة الياية

تهاني (هزت راسها تضحك): ههههههههه مو صاحي هالريال

جان يرد ينفتح الباب مرة ثانية

جراح (واهو يركض صوبها ولمها): واااااااااااااااااااااا خلالاص لا تتغطين آنا اغطيج

تهاني (تحاول توخره): جراااح استح

جراح قام يبوسها تحت الدوش واندمج 3 حبااات
********************​

ثانكس الروايه حلوه حيل كملي حبيبتي

ولوو حياتي حاضر من عيوني ​

***************
البارت الرابع والعشرون
************

دخل بدر بيتهم.. سلم على اهله.. وسوا نفسه مو عارف هاجر.. بغى يصعد غرفته

بو بدر: بدر

بدر(التفت عليه): نعم يبا

بو بدر: تعال اقعد نبيك

أم بدر: خله يبو بدر.. شكله تعبان بيرتاح

بو بدر: انتي سكتي.. تعال

بدر (نزل من الدريتين اللي صعدهم وراح قعد يم أمه): ان شاء الله.. آمرني يبا

بو بدر (أشر على هاجر): منو هاذي؟

بدر (بكل براءة): مادري .. ليش تسألني؟

بو بدر (باستهزاء): أعرفك هاجر.. صديقتك

هاجر ليما سمعت طريقة بو بدر.. يتها غصة.. وبدر انصدم من أبوه

بدر: شتقول يبا؟؟ الله يطولي بعمرك.. آنا أعرفها؟؟

هاجر: اي تعرفني.. نسيت يا بدر والا أذكرك.. نسيت سالفة السجن .. نسيت ال..

بو بدر (قاطعها بعصبية): هاجر.. اذا تبين أحل مشكلتج احترميني

هاجر (نزلت راسها): آسفة عمي

بو بدر (افتر على بدر): اهو سؤال واحد ماكو غيره.. الكلام اللي قالتلنا اياه هاجر صحيح؟؟

بدر: أي كلام يبا؟ مادري شنو قالتلكم.. بس متأكد انه جذب.. لأنها تتبلى علي

أم بدر (تمسح على بدر): آنا قايلة ولدي ما يسويها.. (تطالع هاجر من طرف عينها) الله يلعن بنات ابليس

بو بدر (صرخ عليها): قومي صعدي فوق

أم بدر: هووو ليش؟

بو بدر: لا تردين علي.. كلمة وحدة ما اثنيها صعدي فوق

أم بدر قامت واهي حدها معصبة.. وصعدت فوق

بو بدر (طالع بدر): الحين قولي صحيح؟

بدر: شنو اهو الكلام؟

بو بدر: والله عينك قوية.. تبيني أعيد كلامها؟؟ انت ما تستحي

بدر: وليش أستحي؟؟ انا ما سويت شي غلط.. خلها اهي تستحي.. اللي تحذف بلاويها علي

هاجر تسمع كلامه وقلبها يتقطع.. تبجي بصمت.. بس ودها تصااااارخ عليه.. لكن محترمه أبوه

بو بدر: وانت شدراك انها مسويه بلاوي؟

بدر (يأشرله عليها من فوووق ليه تحت): من شكلها.. عيل هاذي شكل بنت عاجل؟؟

بو بدر: تعال معاي شوي

بدر قام ومشى مع أبوه ليه مكتب بو بدر.. دشو وسكرو الباب

بو بدر: اقعد.. اسمعني.. آنا أدري انك غلطت مع البنت

بدر: بس يبا

بو بدر: لا تقاطعني.. مو بس أدري ومتأكد بعد.. لكن كلمة وحدة باجر نروح نخطب البنت.. انت غلطت واهي غلطت وبلعنه فيكم أثنينكم.. بس ولدك ماله ذنب

بدر (مسوي روحه منصدم): شنو حامل؟ حرام عليك يبا انا ما سويت شي.. ليش بتبلشني مع وحدة رايحة فيها.. زواج منها ماراح يصير لو تنطبق السما على الأرض

بو بدر (قام وعطاه كف): حرمت عليك عيشتك يالزاني.. تبي تعلمني الحلال والحرام.. والله يا بدير ان ما ييت وياي باجر لا أعفس حياتك.. وانت تدري شقدر أسوي

بدر (معصب فتح الباب وطلع ليه الصالة.. راح بسرعة ليه هاجر.. ومسك رقبتها وضغط عليها حيـــــــــل.. وقام يصارخ عليها): موووووووتي .. موووووووووتي.. دمرتي حياتي.. والله لأذبحج.. والله لأدمرج

بو بدر طلع من مكتبه بسرعة .. وأم بدر نزلت تركض على الصراخ

بو بدر (يحاول يفج ايد بدر من رقبة هاجر): وخررر يا ولد بتذبح البنية

أم بدر (تبجي وتترجاه): الله يخليك يا ولدي.. لا تدمر نفسك عشان هالوصخة

هاجر مغمضة عيونها.. وناطره أي حزة تطلع روحها

بدر: آنا راضي بس خل تموووووووووت.. أبي أفتك منها

بو بدر (فج ايد بدر ودزه بعيد): اذلف والله باجر غصبا عليك بتروح تخطبها.. وريلك فوق رقبتك

بدر (يطالع هاجر ويصارخ): والله لو اشوفج جثة جدامي ما تزوجتج.. تفووووووووووووو عليج وعلى اهلج اللي ما ربوج.. وسمعي هذا اعتراااااااف مني.. اي انا اللي حملتج.. لكن لو تموووتين جدامي ماراح أستر عليج.. الله ياخذج .. (طلع ورقع الباب وراه)

هاجر بس تبجي منصدمة

بو بدر: ما يخالف اهو الحين معصب.. خلاص باجر بنخطبج

أم بدر: لالالالالالالالالا.. لو تموووت ما أزوجها ولدي الله ياخذها المو متربية.. وين أهلج؟ خل يضفونج

بو بدر: انتي سكتيييييييييييييي.. وباجر غصبا عليج انتي وولدج تخطبونها

أم بدر( مسكت هاجر من ملابسها وقامت تدزها.. فتحت الباب وحذفتها بره البيت): ذلفي الله لايبارك فيج.. ويفضحج مثل ما فضحتينا

هاجر تبجي على الحال اللي وصلتلها .. وتبجي خايفة من باجر.. ماتدري بدر ينفذ تهديده.. والا ابو بدر يقدر يقنعه يتزوجها؟؟
*************************************

مريم وصلت عند أحمد.. ركبت معاه السيارة.. واهي تطالع سيده.. لا طالعته ولا سلمت عليه.. ولا كلمته

أحمد (افتر عليها.. مسك ايدها): والله احبج.. آنا آسف

مريم (سحبت ايدها.. افترت عليه طالعته فترة وبعدين قالتله): أحمد

أحمد: عيونه قلبه عمره

مريم: وين كنت تشوفها؟

أحمد (مصدوم): شنو يعني؟

مريم (علت حسها وفيها بجية): يعني وين كنت تنام معاها؟

أحمد (بلع ريجه): حبيبتي والله آسف.. لاتسوين بروحج جذي

مريم: جاوبنييييييي

أحمد: خليها تولي.. لاتعورين راسج

مريم (تصارخ): قوووووولي وييييييييييييين؟؟ مالك شغل أعور راسي.. أفضخه بالطوفة شي راجعلي.. جاوبني وين كنت تنااام معاها؟؟

أحمد: خلاص خلاص حبيبتي بقولج.. بس اهدي

مريم (تحاول تهدي.. بس تتكلم وهي ترجف): كاني هديت قووول

أحمد: بشقة واحد من الربع

مريم: ودني بشوفها

أحمد: بتشوفينها؟ بتشوفين منو؟

مريم: واهي كله في بالك؟ آنا قصدت الشقة.. ودني بشوفها

أحمد: ليش؟

مريم (تصارخ مثل المينونة): لا تسألني ليش؟ لو اهي اللي قالتلك جان طيااااااااااار وديتها.. اقووولك ودني.. ودني بشوف الشقة

أحمد (حرك السيارة.. ومشى بسرعة): ان شاء الله ان شاء الله .. بس تكفين حبيبتي اهدي

مريم تمت طول الطريج تبجي.. وأحمد كل ما يبي يحط ايده عليها يهديها .. تعصب زيادة.. لين وصلو للشقة.. طفه السيارة

أحمد: حبيبتي هاذي العمارة

مريم (فتحت الباب ونزلت): يلا انزل

أحمد: وين؟

مريم: انزل

أحمد نزل.. ومشى وياها

مريم: ودني الشقة

أحمد مستغرب "شتبي بالشقة؟".. بس ما يبيها تعصب أكثر.. قلبه معوره عليها.. شكثر بجت

وصلو الشقة وفتح الباب.. كانت الشقة عبارة عن صالة كبيرة مقسمة.. نص حاطين فيها سرير.. والنص الثاني غنفتين مجابلين التلفزيون وظهرهم حق السرير.. وتكرمون حمام ومطبخ صغير.. يعني الشقة كانت حق الخرابيط.. وأي واحد بييب بنات

مريم قامت تقولب نظرها بالشقة والغصة بحلجها وقلبها

أحمد (لمها وقلبه معوره عليها): أحبج ... صدقيني آسف.. الله ياخذني

مريم (حطت راسها على صدره وقامت تبجي): ليش تسوي فيني جذي؟ ليش أحمد؟ آنا أحبك

أحمد (لامها ويمسح على شعرها.. باس راسها.. وبعينه الدمعة): والله اموووت عليج.. الله ياخذني ان شاء الله.. آنا وااايد أذيتج

مريم (تبجي زيادة): أحمد انت ما تقدر تستغنى عن الفراش صح؟

أحمد: أووووش حبيبتي.. خلاص الله ياخذ عمري اذا فكرت مرة ثانية بالنومة

مريم (رفعت راسها وطالعت بعيونه): آنا ما عندي مانع

أحمد (موفاهم): ماعندج مانع شنو؟ أن... معاها؟

مريم (عصبت): احمد شفيك؟؟ بس تفكر فيها

أحمد: والله ما أفكر فيها.. بس انتي تقولين ما عندج مانع

مريم (نزلت راسها وتبولع بريجها وعيونها متروسه دموع بس تحاول ما تنزلهم): آنا ما عندي مانع أن.... معاك

أحمد (لمها ودمعت عينه): أحبج.. لاتقولين جذي.. آنا أحبج عشانج مو عشان شي ثاني

مريم (تبجي): عيل ليش تحبها أكثر مني؟

أحمد: تخسي ومنو هاذي الله تسوى ظفرج عشان أحبها؟

مريم: دلوعتك

أحمد: والله آسف سامحيني.. انت دلوعتي وحبيبتي حياتي وعمري.. (رفع راسها وباسها على شفايفها.. ومشى وياها للحمام) يلا عمري
روحي غسلي ويهج.. خل نطلع من هني.. وأوديج أعشيج بأحسن مطعم

مريم: مو يوعانه والله

أحمد (يتغشمر معاها): آنا يوووعان وتعبان من كثر ما تأسفت.. هههههههههههههه

مريم (ضحكة خفيفة): ههههه شنو تحسفت؟

أحمد: عمى بعيني اذا أتحسف.. أموووووووووت عليج

ارتاحت مريم وغسلت ويهها وطلعو من الشقة راحو يتعشون ويضحكون مستانسين.. ومريم حست ان فعلا أحمد يحبها.. بس لازم تصبر عليه شوي
**********************

تهاني وجراح طلعو يتعشون ويتمشون بالمجمع وايدهم بيد بعض

جراح (مبتسم): والله كل ما اطلع معاج جدام الناس .. أستاااااااانس وااايد.. ما أصدق اني اخيرا خذيتج

تهاني: هههههههههههه حتى آنا حبيبي.. كله أتلفت يمين يسار.. أقول عادي أمسك ايده جدام الناس؟؟ يعني اهو حلالي؟

جراح (يهمس باذنها): كل اللي نسويه بالبيت ومو حلالج؟؟ يما منج عيااااااارة

تهاني (نزلت راسها مستحية.. وساسرته): انت كله بالك مو شي؟ تفكيرك رايح فيها

جراح: شسوي؟ كل ما أشوفج ودي اخمطج للبيت سييييييييييييده

تهاني: هههههههههههههه يا المشفوح

جراح: مشفوح مشفوح.. بعد ريلج سبع

تهاني: هههههههههههههه أحلى سبع

جراح: هاهاهاهاهاها أعجبج.. (طالع بالفاترينا): عمري امشي خل ندش هالمحل.. محتاج نظارات شمسية

تهاني(واهم داشين المحل): أوكي عمري

البائعة (راحت صوبهم.. مبتسمة): تفضلو

جراح (قام يطالع النظارات وبعدين أشر على وحدة): لو سمحتي ممكن أشوف هالنظارة؟

البائعة (طلعت النظارة من الصندوق الزجاجي): تفضل عيوني

تهاني (واهي عاضة على أسنانها بس بصوت مسموع): عمت عيونج

جراح التفت على تهاني مصدوم.. والبائعة حطت النظارة بعصبية على الطاولة وخرت عنهم

جراح (منحرج حده): مشكورة.. (التفت على تهاني) يلا خل نطلع

تهاني فرت على البائعة وطالعته بنظرة خايسة وكملت

جراح (بره المحل.. ومتنرفز شوي): تهاني ليش قلتي جذي؟

تهاني: شقلت؟

جراح: عمري تدرين شقلتي.. ليش تحرجيني جدام المرة؟

تهاني: ما أحرجتك ولا شي.. اهي ما تستحي على ويهها (تقلدها بدلع) " تفضل عيوني" عمى بعيونها ان شاء الله

جراح: حرام عليج البنية ما تدلعت ولا شي.. هذيلا من بلاد الشام وطريقتهم بالكلام حلوة جذي

تهاني : نعم؟؟ حلوة جذي؟؟؟ ليش يما وشفيها طريقتي.. مو عاجبتك؟؟

جراح: ليش تقولين هالكلام؟ آنا ما قصدت شي.. كل اللي قلته آنا ريال عيب تحرجيني جذي

تهاني (لفت ويهها الصوب الثاني بعصبية): آسفة.. مادريت انها مهمة ليهالدرجة.. وانك تخاف على مشاعرها جذي

جراح: تهاني انا ريلج.. عيب تلفين ويهج عني جدام الناس.. طالعيني.. وبعدين ما قلت اخاف على مشاعرها.. قلت لا تحرجيني.. يعني
انتي خافي على مشاعري

تهاني: انزين انزين.. فهمنا.. ممكن نرجع البيت الحين؟

جراح: ليش نرجع؟؟ ما خلصنا تسوق.. مو انتي قايلتلي ناقصتج أغراض واايد

تهاني: لا مابي شي.. بمشي تعبانه

جراح (متضايق): على راحتج

طلعو من المجمع .. رجعو البيت.. جراح نطر تهاني ليما دشت الحمام تكرمون.. وطلعت منه دش وراها.. تهاني بدلت ملابسها وانسدحت بالفراش وعطت ظهرها حق مكان جراح.. كل هذا واهم ما تكلمو ولا كلمة

جراح (طلع من الحمام لقى تهاني مغمضة عيونها): بتنامين؟

تهاني (من غير ما تفتح عينها): اي

جراح: نوم العوافي.. تصبحين على خير

انسدح يمها وفر ويها صوبها يطالع ظهرها مدة.. وبعدين لمها من ورا

تهاني (لفت عليه.. ودفنت راسها بصدره): آنا آسفة

جراح (باس راسها.. ومسح عليها): آنا اللي آسف.. لا تعتذرين

تهاني: صدقني أغار عليك

جراح (وخر راسها باس عيونها ولمها مرة ثانية): أحلى غيرة.. أحبج

تهاني: والله متضايقة لأن تهاوشنا

جراح: هههههههههه احنا ما تهاوشنا.. والله لا اييب الهواش.. بس سوء تفاهم.. ولا تخافين هاذي بهارات الحياة الزوجية.. مثل الأكل ما يحلى من غير بهارات

تهاني: هههههههههههههه.. عيل كل يومين بحط بهارات

جراح: هاهاهاهاها عاد لا تكثرين.. بعدين أحترق .. (باسها) أحبج

تهاني: وآنا أموووووووووووت عليك
****************​

شوقتينا يامس زيزو كملي تكفين حطي 5بارات

هلا حبيبتي ان شاءالله انزل بارتين عشان تتشوقين اكثر ​

البارت الخامس والعشرين
**************

طافو يومين.. وبدر واهله لا حس ولا خبر.. هاجر خافت واايد.. "يعني بدر سوا اللي براسه.. وماراح ايي يتزوجني؟؟ بنطر بعد يومين وأشوف أبوه"

وهي قاعدة تفكر.. طقت أمها عليها الباب

هاجر: حياج يما تعالي

هناء (مبتسمة.. قعدت عندها على السرير): السلام شلونج حبيبتي؟

هاجر: بخير دام انتي بخير

هناء: ليش كله قاعدة بروحج ما تنزلين عندي؟

هاجر: والله تعبانه شوي يما

هناء: شسالفة هالتعب اللي يالج مرة وحدة؟؟ كله تقولين تعبانة.. رحتي الطبيب؟

هاجر (مرتبكة): اي يما رحت.. بس تدرين آنا وايد يصير فيني هبوط.. وهذا كله مخليني تعبانه ودايخة

هناء (حطت ايدها على راس بنتها وباستها): سلامتج ما تشوفين شر.. يما بفاتحج بموضوع

هاجر: خير آمريني يالغالية؟

هناء: يما انتي الحين كبرتي.. وانا ودي أشوفج عروس

هاجر (نغزها قلبها): ان شاء الله بس..

هناء: لا بس ولا شي.. في ناس دقو طالبين ايدج.. يما لا ترفضين مثل كل مرة.. على الأقل قعدي مع الريال.. وكلميه يمكن يصير نصيب

هاجر (نزلت راسها.. سكتت فترة بسيطة): ان شاء الله

هناء: هاذي بنيتي الحلوة.. ترى باجر بعد صلاة المغرب بييونا.. تجهزي

هاجر (ودها تسأل أمها من بيته.. بس خافت أمها تشك بشي): حاضر على أمرج


اليوم الثاني هاجر قاعدة تتجهز.. دشت عليها تهاني وعبير

عبير (كالعادة): ألف الصلالالالالالالالالاة والسلالالالالالالام عليك ياااا حبيب الله محمد.. كلولولولولولولولولوولولولولش

تهاني: ههههههههههههههههههه.. انتي ما تيوزين من سوالفج؟

عبير: ليش أيوووووز؟؟ هذا يزاي أستانس لكم؟

هاجر (مبتسمة بتعب): بعده ما صار شي

عبير: ان شاااااااااااء الله بيصير.. قلبي حاس ان بيصير.. وأفتك منج مثل ما افتكيت من اللي قبلج

تهاني (تطق عبير على راسها): ههههههههههههههههه الله ياخذ ابليسج.. افتكيتي مني هااااااااا؟

عبير (تفرك راسها): آآآي عورتيني.. شوفو عاد هالله هالله عالجد.. والجد هالله هالله عليه.. ليما يصير دوري (ترفع ايدها) ان شاااااااااء الله
بأقرب وقت.. تيببووون لي مثل ما سويتلكم.. بالداشة والطالعة

تهاني: شوفو المينوووونة.. انتي ما تستحين؟؟

عبير: أستحي من منو؟ اي صح نسيــــــــــــــــــــت.. انتي ماما عوده

تهاني (تلحقها تبي تطقها): ماما عوده بعينج.. صبري خل التج كف يسنع ماعين ويهج

عبير: ههههههههههههههه طا هاااذي؟؟ وين الذرابة؟؟ من تزوجتي جراحووو صرتي واحد من الربع؟

تهاني: اسمه عمج جرااااح.. اي كيفي كيفي.. بصير مثل ريلي

هاجر (استانست ليش خواتها فرحانين لها): هههههههههههههههههههههه

واهم يضحكون على عبير رن الجرس.. هاجر قلبها بغى يوقف.. مع انها ماتدري منو يايها..

عبير: هذا المعرس أكيد وصل.. خل أطلع يمكن ينجبر فيني ويهون عن هجووووووووور

تهاني(تمسكها من طرف تي شيرتها.. وتدزها على السرير): هي هي وين على الله؟ انتي انثبري هني.. ومو أشوفج تتسمعين على الدري.. ترى ذيك المرة ماكنت فاضيتلج.. بس هالمرة يا ويلج

عبير:هههههههههههههههههههههههههههه خايفيـــــــــــــــن؟؟ تدرون اني أحلى وحدة فيكم وخايفين على رياييلكم مني؟؟

تهاني: ههههههههههه الحمدلله والشكر خل انزل آنا اشوف الناس

تهاني طلعت من الغرفة ونزلت تحت حق الناس.. عبير انطرت شوي وبعدين طلعت راسها تطل تهاني مو موجودة.. وليما تطمنت راحت قعدت على السلم تسمع الحجي

هاجر واقفة بمكانها وبس تدعي "يااااااااااارب يكون بدر واهله.. ياااااااااارب بفتك من هالسالفة.. ياااااااااربي استر علي"

بعد فترة دشت عبير تركض.. ووراها تهاني

تهاني: تعالي تعالي.. آنا شقايلتلج؟؟ ليش ما تسمعين الكلام؟

عبير (تناقز): هههههههههههههههه حرة حرة

تهاني: انزين.. أراويج.. مو فاضيتلج الحين.. هاجر حبيبتي .. يلا أمي تناديج

هاجر (خايفة): يعني لازم أنزل؟

عبير: شفيهم خواتي أغبيا؟ شهالسؤال؟؟ خلاص آنا انزل بدالج

تهاني: انتي انثبري.. (تفتر على هاجر وتمسك ايدها) يلا هاجر تعالي معاي

طلعو وسكرو الباب.. عبير طلعت وراهم بشوي وقعدت مكانها المعتاد


هاجر ليما دشت الصالة ولقت أم بدر ارتاحت واايد.. بس خافت من نظرات أم بدر لها

كانت هناء وأم بدر وأخت بدر العودة قاعدة.. (طبعا ما تدري عن السالفة.. لأن بو بدر مهددهم محد يفتح حلجه بالموضوع.. فأمها مو قايلتلها.. بس قايلتلها ان بدر يبي هالبنت بالذات)

هاجر سلمت على أم بدر.. وردت عليها بنفس.. وسلمت على أخته وقعدت يم أمها.. فترة صمت

هناء (مو مرتاحة من الوضع): حيا الله من يانا

أم بدر (نفسية): الله يحييج

هناء: وين بدر (تدري ان اسم المعرس بدر) يا حافظ ليش ما يه وياكم؟

ام بدر: لا اهو قالنا روحو شوفو البنت وان عجبتكم على بركة الله

هناء (مبتسمة): اي الله يوفقهم

أم بدر: عاد اقولج احنا مستعيلين.. قولو شتبون ما تبون؟؟ خل نخلص من السالفة بسرعة

هناء( شهالأسلوب؟): والله احنا ما نبي شي.. أهم شي عندنا الولد.. وان شاء الله يراعيها ويدير باله عليها.. هاذي غاليتنا

أم بدر (تطالع هاجر بنظرة.. وطلعت صورة بدر من بوكها.. وعطتها حق هناء): هذا بدر.. الله يخليه.. خليها تشوفه

هناء (ويييييع شهالمرة؟.. خذت الصورة شافتها.. وبعدين عطتها حق هاجر): اي بس لازم البنت تقعد معاه وتكلمه

أم بدر: والله احنا ما عندنا هالسوالف والخرابيط؟؟ ان شاء الله عقب الزرواج بتعرفه (تقولها باستهزاء)

حنان (أخت بدر.. منحرجة من اللي تسويه أمها): خالتي.. جان زين احنا نتمنى.. بس بدر مو راضي.. وصدقيني ترى اهو خووش ريال..
وان شاء الله بيسعدها

أم بدر (وقفت): يلا احنا بنمشي.. يلا حنان.. عاد لكم 3 أيام تسألون وتردون لنا خبر.. واذا كل شي أوكي هاليمعة الملجة.. وترى احنا ما
نبي عرس.. ما نبي مصاريف

هناء (ما ردت عليها لأنها كانت متاكدة انها بترفض.. ما تبي تقط بنتها بهالزواج الخايس)

حنان (مدت ايدها لهم وسلمت عليهم مبتسمة): مع السلامة .. مشكورين ما قصرتو (وليما وصل دور هاجر) والله يا حلوج ان شاء الله تصيرين من نصيب اخوي


وليما طلعو.. ركضت عبير من فوق

عبير: وووييييييييييع وييييييييييييع.. شنو هذا؟؟ الأم ويييييييييع

تهاني: بسم الله الرحمن الرحيم.. انتي من وين طلعتي؟ بس والله كلامج عدل.. والله بغيت افضخ راسها بأقرب شي عندي.. لو ما بنتها
مسكينة.. آنا مستغربة شلون هالبنت الحليوة هاذي أمها

هناء: بس عيب لا تتحجون على الناس

عبير: يماااااا من صجج؟ وييييع.. (التفت على هاجر) هجور انا سحبت يببابي لا تتزوجين.. شخباااااااري تشوفين الصورة؟

هناء: قتلج عيب سكتي.. هاجر.. يما بقولج اللي عندي.. ترى هالناس ما يصلحون لج.. شفتي الأم؟؟ الله يعينج عليها

هاجر (ساكته منزله راسها)

هناء: يما انا بدق باجر واقولهم مافي نصيب

هاجر (ارفعت راسها): لا يما آنا موافقة

صار هدووووووووووء.. وكل وحدة تطالع بالثانية

هناء: بس انتي لا شفتيه ولا قعدتي معاه.. وأمه اسلوبها موشي

هاجر: بس انتي شفتي بنتها.. يا زينها.. يمكن الولد يطلع مثل اخته.. وانا بصراحة شفت شكله وارتحتله

هناء: بس..

هاجر: يما الله يخليج هاذي حياتي.. وانتي كله تبيني أوافق.. والحين يوم وافقت بتطلعون فيه عذاريب

هناء: احنا ماطلعنا فيه.. لان أساسا ما عطانا فرصة نشوفه.. وبعدين شنو ماكو عرس .. يملج عليج وتروحين معاه سيده.. لا حفلة ولا شي

هاجر: يما احسن .. مالي خلق لويا.. انا مابي

هناء: لييييييش؟؟ انتي لنتي بايرة ولا معيوبة.. ليش ما تبين أفرح فيج؟

هاجر (بلاج ما تدرين): يما الله يخليج كلمي ابوي بالموضوع.. وخليه يسأل عن الولد.. وقوليله اذا ما عنده مانع انا موافقة.. عن اذنكم

قامت وصعدت غرفتها

هناء: هاذي البنت بتجلطني

تهاني: اسم الله عليج يما.. خليني آنا أروح لها وأكلمها

تهاني صعدت فوق عند هاجر.. حاولت تفتح الباب.. لكن لقته مقفول.. طقت عالباب عالخفيف

هاجر: منووو؟

تهاني: آنا هجوور فتحي الباب

هاجر (فتحت الباب ودشت تهاني): حياج

تهاني (قعدت عالسرير قبال هاجر وقامت تطالعها): هاجر شفيج؟

هاجر (ما تحط عينها بعين أختها): ما فيني شي

تهاني: هجوور لا تغبين علي.. شصايرلج؟

هاجر: تهاني شفيج؟؟ قتلج مافيني شي

تهاني: انتي تعرفين بدر صح؟

هاجر (طالعت اختها بصدمة): طبعا لأ.. ليش تقولين جذي؟

تهاني (مبتسمة): قصدج طبعا اييييي.. حبيبتي ما فيها شي.. تحبين المهم ان يشوف النور وتتزوجون.. كا آنا تزوجت جراح وانا احبه

هاجر (بلاج ما تدرين شلون تزوجني): انتي غير وانا غير

تهاني: لا مو غير.. حبيبتي دام يحبج.. ما يخالف والحمدلله طق الباب.. بس ليش ما حطلج مقام ويه شافج؟؟ عالأقل جدام اهلج؟ وبصراحة
انا حاسة ان امه تدري انه يحبج.. ما تشوفينها شلون عاملتج

هاجر: آنا مالي شغل بأمه.. آنا علي منه اهو.. (تقص على عمرها) وهو يحبني

تهاني: انزين ليش ما يبي يسوي عرس؟

هاجر(تجذب): آنا قايلتله.. بدال مصاريف العرس نسافر شهر العسل.. لأن ادري ما يقدر على الأثنين.. وأهم شي عندي أسافر معاه

تهاني(تبوسها): اذا على جذي.. ألف مبروك.. ولا تخافين آنا أقنع أمي.. يلا اخليج يا عروس

هاجر ابتسمت بالغصب.. وليما راحت تهاني.. حطت ايدها على ويها وقامت تبجي.. مرتاحة ان بدر بيتزوجها.. وبنفس الوقت خايفة منه " الله يستر شراح يسوي فيني؟"
********************

بناااات ترى آنا ما اشجع أي بنت تسوي سواتها وبعدين تروح حق اهل الولد.. وتتوقع بيوقفون معاها.. ترى أبو بدر.. يمكن يكون حاله نادرة
وبتشوفون شيصير في هاجر بعد.. بعدها مسكينه ما شافت شي

*************

البارت السادس والعشرين
************

تهاني قدرت تقنع امها وأبوها بزواج هاجر من بدر بطريقتها الخاصة

والحمدلله كل شي تم على خير.. لوما ان بدر كلش ما بين ولا سأل.. وهاجر ما حبت تدق عليه وتضايقه.. وأكثر شي كانت خايفة ان تضايقه ويهون عن الزواج

يوم اليمعة يوم الملجة والزواج .. من غير عرس.. هاجر راحت الصالون ورفعت شعرها. بس بنعومة.. وحطت مكياج ناعم زيتي بوردي.. ولبست نفنوف قصير زيتي ناعم وزوووغة

هاجر على تعبها وخوفها من بدر.. بس كانت واااااااااااايد مرتاحة ان مشكلتها انحلت.. ومستانسة انها بتاخذ حبيبها.. " مايخالف الحين اهو
معصب.. باجر مع العشرة ان شاء الله بيرد يحبني مثل قبل وأكثر"

واهي مبتسمة تفكر بحياتها اليديدة وصلها مسج..

(تشهدي على روحج!!) كان المسج من بدر.. وافهمت انهم ملجو.. دمعت عينها .. " يا ربي الحمدلله.. استغفر الله ربي وأتوب اليه"

دشت عليها أمها وخواتها..

تهاني (لمت اختها وباستها): مبرووووووووك حبيبتي .. منه المال ومنج العيال.. (التفتت على عبير) عبووووور وين يبااابج؟؟

عبير: وليش هذا زواج تسمونه؟؟

هناء (طقتها على حلجها عالخفيف.. وراحت باست هاجر): بس عبرووو عيب.. لا تضيقين خلق اختج.. مبروووووك حبيبتي .. والله
وكبرتي وصرتي عروووس

هاجر (لمت أمها حيل): الله يبارك فيج يا الغالية.. والله راح أفقدج (دمعت عينها)

هناء (بجت بس مسحت دموعها بسرعة): حبيبتي والله.. والله وفضى البيت علي يا بنات

عبير: أفااااااااا يمااا وانا وين رحت؟

هناء: انتي حبيبتي .. بس قصدت خواتج الثنتين تزوجو

تهاني: الله يخليج لنا يااااااااارب

عبير وهاجر: آميييييييييين

تهاني: يلا عبووور وين يباااابج؟؟

عبير: عشان هجوووووورة بس ألف الصلالالالاة والسلالالالام عليك يا حبيب الله محممممد... كلولولولولولولولوولولولولولولوش

تهاني: كلولولولولولولولولولولولوش

هاجر: ههههههههههههههههه تهووون والله طلعت لج مواهب؟

تهاني: اذا ما تطلع حق هجورة حبيبتي .. بتطلع حق منو.. عبرووو مثلا؟؟

عبير: هااااااااا عيل.. والله غصبا عليج تطلعين كل مواهبج حقي

هناء وهاجر: هههههههههههههههههههه

رن الجرس.. هاجر اختفت ضحكتها..

هناء (مبتسمة): أكييييييييييد هذا المعرس وأهله يلا يما نزلو

عبير: هياااااااااااا أخيرا بنشوف بيض الصعو؟؟

هناء: انتي ما تيوزين؟ خلني أنزل حق الناس احسن لي.. تهاني يما يلا نزلي أختج حبيبتي

تهاني: ان شاء الله يما

هناء نزلت واستقبلت بدر وأمه وخواته.. من بينهم حنان

شوي نزلت هاجر.. مع تهاني.. بدر لما شاف هاجر بغى يوقف قلبه.. كانت تهبببببببببل.. تيننننننن.. بس بسرعة سيطر على مشاعره وطالعها من فووووووووق ليه تحت

هاجر سلمت على أم بدر وباستها.. بس أم بدر ماباستها ولا باركت لها

وبعدين سلمت على خوات بدر وكل وحدة من صوب تطري عليها.. تقولها "شحلاتج"

حنان (باستها): ما شاء الله .. لا اله الا الله.. عيني عليج باردة.. قمر قمر والله تهبلين (التفتت على هناء) خالتي جان بخرتيها.. والله خايفة
عليها من عيوننا

أم بدر خزت حنان .. بس حنان ما اهتمت

هناء: هههههههههههههههههههه.. شدعوه حبيبتي.. كافي انج ذكرتي ربج

حنان: وااااااي واااااااااي زوووووغة.. يا بختك يا اخوي.. اخذت قمر تمشي على الأرض

بدر (بنفسية): يلا تأخرنا

هاجر سلمت على امها وخواتها.. ووصلت عند الباب تبي تطلع

بدر: لحظة.. (أشر على هاجر من فوق لي تحت وتكلم بأرف) بتطلعين جذي

هاجر (منحرجة ومقصرة حسها): اي

بدر: ويعي.. روحي بدلي لبسي شي طويل.. ومسحي هالخ.. اللي بويهج

صار هدوووووووووء .. هاجر طالعت امها وفيها بجية.. وام بدر ابتسمت ابتسامة خبث عريييضة

هناء(متضايقة): بس يما اهي عروس.. ما يصير تطلع جذي

بدر: لو سمحتي .. ماحب احد يتدخل بيني وبين زوجتي.. (التفت على هاجر) يلا يا عروس لا تعطلينا

تهاني وعبير.. عيونهم طلعت بره وودهم يذبحون بدر.. بس امهم اشرتلهم اهدو

هاجر (فيها بجية): ان شاء الله.. اصعدت فوق غرفتها ومعاها تهاني وعبير.. واهي تبدل وتمسح مكياجها قامت تبجي بصمت

عبير: ووووويييييييع.. هجور.. الله يخليج تطلقي منه الحيين

تهاني (خزت عبير والتفتت تمسح على هاجر): ما يخالف حبيبتي.. شي زين يبيج حقه بروحه .. ويبي يحافظ عليج.. ما يبي أحد يشوفج غيره

هناء دشت الغرفة.. هاجر بسرعة مسحت دموعها

هناء: لا تمسحين دموعج.. يعني عبالج آنا مدمغة ما أحس فيج ليما تتضايقين؟؟

هاجر (قطت روحها على امها وقامت تبجي)

هناء (مسحت على راس بنتها وقلبها يتقطع): يما بعدنا على البر.. اذا ما تبينه قولي.. والحين كل واحد يروح بطريجه بالمعروف

هاجر (سمعت جذي.. خافت.. مسحت دموعها بسرعة.. ووخرت عن أمها): لا يما .. بس آنا أبجي لأني بفارقكم.. والله احبكم

هناء: حبيبتي انتي لا تخافين كل يوم يا انتي عندنا يا آنا عندج.. لا تضيقين خلقج.. متأكدة انج ما تبين تنفصلين؟؟

هاجر: لا يما مابي.. يلا خل ننزل لا نتأخر

نزلو كلهم.. أم بدر بويههم تضحك مع بدر ليما شافوهم بووزو..

أم بدر: كل هذا تاخير؟ شنو عروووووس؟

هناء (بس وصلت حدها): اي عروووووووووس.. والا فقدتو الذاكرة؟

تهاني وعبير ضحكو عالخفيف.. بس طالعتهم هناء سكتو

بدر: يلا نمشي.. (مشو شوي) صبر صبر وين عباتج؟

هاجر: ما عندي

بدر: شنووو ما عندج؟ اكو بنت محترمة ما عندها عباة؟

هناء: بنتي محترمة.. وعن الغلط.. والعباة مو ميزان الاحترام

بدر (بسخرية): صدقتي

عبير (بط جبدها): شفيه هذا؟ هييييييي

هناء (قاطعتها): عبيييييييييير.. عيب

عبير: خل أصعد لا انجلط.. ويييييييع.. وصعدت فوق بسرعة

هناء: يما تهاني .. روحي ييبي حق اختج عيابة من عبيي

تهاني (ودها تنبط.. بس ماسكه نفسها): حاضر يما

تهاني راحت شوي.. ورجعت بيدها عباية.. لبستها هاجر.. ومشو كلهم..

بس طلعو هناء (قامت تبجي): والله شهالقطة اللي قطيت بنتي.. الله يستر عليها حبيبتي والله

تهاني (قامت تبجي مع امها.. ولمتها): الله كريم يما.. ان شاء الله الله يوفقها
************************

بالسيارة بدر يسوق .. وأم بدر يمه وهاجر قاعدة ورا

بالسيارة الثانية خوات بدر مع حنان تسوق فيهم

بسيارة بدر.. هدووووووووء

بس بدر .. بين فترة وفترة يطالع هاجر من المنظرة

وصلو بيت أهله على اساس يسكنون عندهم.. نزلو لقو بو بدر بالصالة

أم بدر: السلام

بو بدر: وعليكم السلام.. بدر هاجر تعالو.. بنات يلا صعدو فوق

بدر وهاجر قعدو قبال بو بدر

بو بدر: سمعو.. آنا زوجتكم .. مو عشانكم.. انتو غلطتو.. وتستاهلون كل اللي يصير فيكم واللي بيصير.. بس عشان الولد اللي بيي

بدر و هاجر ساكتين.. وهاجر ودها تبجي

بو بدر (وقف وطلع من جيبه ربطة فلوس عطاها حق بدر): والحين قومو طلعو من بيتي.. مابي اشوفكم مرة ثانية

المعاريس (ان صح التعبير) انصدمو

أم بدر: شفيك يا بو بدر الله يهداك؟؟ وين يروحون الحين

بو بدر: جهنم.. المهم ما يقعدون ومابي اشوفهم في بيتي.. عطيتهم فلوس يدبرون روحهم أسبوعين على ما يلقون شقة

أم بدر (ودها تبجي): بسسسس

بو بدر (علا حسه): لا بس ولا شي.. ولا ترادديني.. (التفت على بدر) وانت.. مابي أسمع انك مطلقها لين تولد.. وبعدين كيفكم تحترقون
ان شاء الله

هدووووووء فترة

بو بدر: يلا ما سمعتوني.. قوم أخذ زوجتك واطلع

أم بدر (تبجي واهجمت على هاجر تطقها): الله ياخذج ونفتك منج.. (طاااخ) ذبحتينا (طاااخ) دمرتينا (طااااخ) الله يااااااااااااخذج

بو بدر (مسك ايد ام بدر): وخري ما بردتي قلبج؟؟ يلا بدير أخذها وطلعووو

بدر (مسك هاجر واهي تبجي حيل): امشي لا بارك الله فيج
وطلعو من البيت
******

فتح باب السيارة ودز هاجر داخل .. ورقع الباب.. ركب مكان السايق وداااااس بسرعة

بدر (طوووول الطريج): يا حي... يا حقي.. يا قح... والله أروايج.. والله لألعن خيرج.. تفووو عليج .. يا حي..

هاجر طوول الطريج تبجي

بدر (يصارخ): بسسسسسسسسس.. بجيتي دم.. والله لأذبحج.. صبري علي

وطاااار للشقة اللي كانو يتقابلون فيها

صفط السيارة.. وطفاها: يلا نزلي يالقح....

نزلت هاجر.. ودشو الشقة وقلبها يطق حيل

أول ما قفل باب الشقة أفتر عليها وعيونه ناااااااااااااار.. وفصخ عقااااله
****************

كملي ااااااااااااااااااااااااااااااااااااااااااااااااااااااااا

ياحياتي أنا بالأفنيوز ان شاءالله من أرد أنزلج بارت

كملي حياتي موفقه ولا تنسين مري زارا شوفي منزل بضاعه يديده ؟؟

زارا عنده شغلات حلوه وريفا وجويز.ياحياتي

البارت السابع والعشرين
*************

بدر التفت على هاجر وعيونه نار وشرار وفصخ عقاله

بدر (يصارخ ويطق): مووووووووو قتلج تشهدي على روحج.. (طاااااااااااااخ) يالحي .. (طاااااااااااخ) يالقح.. (طااااااااااخ)

هاجر (تصااارخ من العوار وطاحت تحت ريوله تبوسها وتبجي): حرااام عليك بدر ارحمني

بدر (يكمل يطقها): الله لا يرحمني اذا رحمتج تفوووووووووو عليج

هاجر (تحتمي من الطق بيدها الضعيفة.. وتبجي): بدر انتي تحبني لا تنسى انت تحبني

بدر(يرفسها ويوخرها عنه): حبتج القرادة.. آنا أحب وحدة وصخة؟

هاجر (طايحة عالأرض تبجي): بس بس تكفى لا تطقني ما أتحمل.. لا تنسى ولدك اللي في بطني

بدر (تذكر اللي في بطنها): الله ياخذج وياخذه جاااااااان زين يطيح الحين عشان أطلقج وأفتك منج

هاجر بس تبجي.. بدر خلاها وراح الغرفة.. قعد يفكر "انا شسويت والله ان طيحت الحين أبوووي يلعن خيري"

طلع من الغرفة وراح لها.. هاجر لما شافته تكورت بزاوية وقامت تبجي: الله يخليك لا تطقني بطني قام يعورني

بدر (هادي): ماني طاقج قومي وياي

هاجر: وين بتوديني؟

بدر: امشي خل أوديج المستشفى نتطمن على البيبي

هاجر (ارتاحت شوي ومسحت دموعها): بس مو قادرة أوقف.. عوااار

بدر (راح يمها وسندها على جتفه): آنا أساعدج

هاجر مسكينة على الطق اللي كلته.. فرحت ليش ان بدر يساعدها.. وحست انه ندم.. وانه راح يرجع يحبها مثل أول

راحو المستشفى .. ودشو على الدكتورة

بدر: دكتورة مرتي طاحت واهي حامل ونبي نتطمن على اللي بطنها

هاجر التفتت على بدر وبعيونها دمعة الفرح ليما سمعت كلمة (مرتي).. ما همها كل الألم الجسدي والجرح النفسي اللي سببه لها

الدكتورة طلبت من هاجر انها تنسدح على سرير الفحص.. وفحصتها

الدكتورة: البيبي دقات قلبه ضعيفة شوي.. شكله تعبان شوية

هاجر خافت.. ودمعت عينها.. مسكت ايد بدر.. بس سحب ايده بسرعة

بدر (خايف): يعني شنو؟؟ بيمووت؟

الدكتورة: الله لا يقول.. بس تحتاج ترتاح عندنا جم يووم

بدر (يفكر شيقول حق أهلها باجر): بسسسسسسس

الدكتورة: بس شنو؟

بدر: لا سلامتج ماكو شي.. خلاص عيل توكلي ودخليها

الدكتورة سوت دخول حق هاجر.. وليما دخلوها الغرفة ..بدر قعد دقيقتين.. وقام بيمشي

هاجر: بدر وين رايح؟ لا تخليني بروحي

بدر: بروح أييبلج أغراض وأرجع.. قوليلي شنو تحتاجين

هاجر وصته على جم شغله.. وقالتله لا تطول

بدر راح الشقة.. لقط جم شغلة حق هاجر.. وخذاله تبديل ورجع المستشفى

لما وصل هاجر كانت نايمة

بدر لما شافها قرب منها .. ومسح على راسها دمعت عينه "الله يسامحج شسويتي فينا؟"

هاجر (حست فيه فتحت عينها وابتسمت): بدر متى وصلت؟

بدر (وخر ايده عنها ورجع ليه ورا شوي): توني.. نامي ارتاحي

هاجر (حاولت تقعد): لا انا جذي مرتاحة.. بقعد معاك

بدر (بحزم): لأ نامي.. وأنا بعد بنام

هاجر (استانست): بتنام عندي

بدر (انسدح على غنفة بو نفرين موجودة بالغرفة): اي بنام هني (وافتر عطاها ظهره)

هاجر (مبتسمة): بدر

بدر: هممممممممممم

هاجر: أحبك

هدوووووووووووووووووووووووء
*********************

ثاني يوم.. الظهر

هناء (تحاتي): قاعدة أدق على هاجر ما ترد علي

بو تهاني: شتبين فيهم يا مرة معاريس خليهم على راحتهم

هناء: لا انا قلبي ناغزني على بنتي

بو تهاني: ليش شصاير؟

هناء: هااا لا مو صاير شي؟ بس حابه أتطمن عليها

بو تهاني: الله يطمن قلبج على بنتج

هناء: يااااااااااارب
*************

دخلت الدكتورة تشيك على هاجر.. بدر لما حس فز من النوم ووقف طالع الدكتورة

بدر (يحاتي): خير دكتورة؟

الدكتورة: الحمدلله كل الخير.. لا تحاتي يايه أتطمن على زوجتك.. (التفتت على هاجر) ما شاء الله ريلج يحبج

هاجر (طالعته فرحانه): وانا بعد أحبه

بدر (يتهرب): عن اذنكم.. (ودش الحمام تكرموون.. ليما طلع)

الدكتورة: اخ بدر.. الحمدلله كل شي طبيعي.. تقدر تطلع زوجتك اليوم

بدر (فعلا ارتاح وتنهد): الحمدلله

هاجر (لما سمعت جذي استانست واااايد وحست ان هالبيبي بيقربها من بدر أكثر)

الدكتورة: الحمدلله على سلامتج.. عن اذنكم (وطلعت من الغرفة)

هاجر: بدر

بدر: نعم

هاجر: مستانس؟

بدر: على شنو؟

هاجر: عشان البيبي بخير

بدر: الحمدلله على كل حال.. يلا قومي تجهزي خل نمشي

هاجر (مبتسمة): ان شااااااء الله

رجعو الشقة.. سفط السيارة وافتر على هاجر.. عطاها المفتاح

بدر: هاج المفتاح انتي نزلي.. وخلي الأغراض وانا ياي أنزلهم معاي

هاجر: وين بتروح؟

بدر: بييب شوي أغراض حق الشقة.. شتبين عالغدا؟

هاجر: سلامتك.. مو يوعانه

بدر: لا لازم تاكلين عشان اللي في بطنج

هاجر (ابتسمت ابتسامة عريضة): اذا جذي.. أي شي على ذوقك (ونزلت من السيارة)

هاجر دشت الشقة.. وبعد ماريحت شوي.. شافت تليفونها.. والا أمها 10 مس كوول

دقت عليها: الووو

هناء: ألووو .. هلا يما انتي وينج؟؟

هاجر (تضحك): شوي شوي علي يما الله يهداج.. كاني موجودة

هناء (تطمنت لما شافت بنتها تضحك): وين كاج؟؟ أدق عليج من الصبح

هاجر:ههههههههههه نايمين

هناء: نوم العوافي حبيبتي انتي.. شلون بدر معاج؟

هاجر: بدر؟ يهبل الحمدلله

هناء: الحمدلله الله يه*** يما.. يلا عيل اخليج

هاجر: مشكورة .. مع السلامة
**********

بدر راح الجمعية وشرا أغراض.. وبعدين مر عالمطعم وشرا مشاوي ورجع الشقة

طق الباب وفتحتله هاجر.. بعد ما سألت منو؟ ودرت انه بدر

حطو الأكل واهم قاعدين ياكلون

بدر: هاجر.. آنا بروح العصر أدور لنا على شقة

هاجر: ليش؟

بدر: شنو ليش؟ عاجبتج هالشقة؟؟ بعمارة عزابية

هاجر: لا طبعا جان زين نطلع.. أصلا هالشقة تذكرني باشياء مو زينه.. وما حبها

بدر خزها بس تم ياكل واهو ساكت
*****************

مريم وعهود طالعين مع بعض.. يتمشون عالبحر

عهود: وااااااااي مريووم شوفي يهبل

مريم (معصبة): خل يولي شسويله؟

عهود: شنو شيتسويله؟؟ شوفيه يأشر لج؟؟ وااااااااااي والا اللي قاعد يمه قطعة

مريم: انتي متى تعقلين؟

عهود (بعد فترة من تعارف أحمد ومريم صارت مشكلة بينها وبين محمد وهدو بعض.. ومن يومها واهي تتعرف على اي شاب يبي يكلمها.. وكلهم تقولهم حبيبي.. أصلا حتى محمد ما كانت تحبه.. بس تعزه): ويييييييييييييييي واللي يعافيني.. مادري شوراهم؟؟ خل نستانس

مريم: بتستانسين.. استانسي بروحج.. انا مستانسة مع احمداني

عهود: ويييييييييييييييييييييييع.. وهاذي تسمينها وناسة.. انتي جم مرة لازم تنطقين على دماغج عشان تحسين انه يلعب عليج

مريم: مووووتي حرة.. يحبني وتأسفلي وسامحته.. آنا أدري انه ما يقدر يستغنى عني

عهود: أقوول صفطي صفطي.. (ما يقدر يستغنى عني) خلصييييييييني باخذ رقم القطعة

مريم: عهدوووووووووووو مابي

عهود: الله يخليج.. حبيبتي انتي.. تكفين خاطري فيه

مريم: وليييييييييييييييه.. والله على يوم راح انذبح من ورا سوالفج

عهود: بس هالمرة.. تكفييييييييييين بس هالمرة.. وتوووووووبة

مريم: هههههههههههههههههههه ادري انج ما تتوبين.. بس امري لله

وسفطت حق الشباب.. عهود نزلت الدريشة اللي يمها واقعدت تسولف مع الشباب.. بس مريم ما تكلمت ولاكلمة..

عهود خذت الرقم من واحد.. والثاني حاول يعطي مريم بس قالتله انها مرتبطة

بهالوقت شافهم واحد من ربع احمد.. اللي يعرف شكل مريم.. ودق على احمد قاله

مريم شافت تليفونها يرن

مريم: أمبييييييييييه عهود هذا احمد

عهود: انزين ردي عليه .. شفيج مخترعة؟

مريم: شلون يالذكية وانتي واقفة تسولفين مع هذيله؟؟

عهود: لحظة شوي.. (التفتت على اللي رقمها) خلاص عيل احنا لازم نمشي الحين.. مع السلامة

الشباب سلمو ومشو

مريم (تم تليفونها يرن كذا مرة وشالته):ألووو

أحمد: انتي وييييييييييينج؟ ليش ما تشيلين التليفون؟

مريم (مخترعة): شفيك عمري.. ليش تصارخ؟؟ انا قايلتلك بطلع مع عهود

أحمد: قطي هالخرة بأي خرابة.. وتعالي

مريم: وين أييي؟

أحمد: تعالي الشقة أبيج

مريم: ليش؟

أحمد (يصارخ): مووو شغلج.. تعالي بغيت أكلمج بشغلة ضرورية

مريم: ان شاء الله.. مع السلامة (سدته) عهود آنا بقطج البيت وبروح حق أحمد يبيني شوي

عهود: ولييييييييييييه .. وهذا كله مخرب طلعتنا

مريم: الله يخليج.. مالي خلق نجرته

عهود سكتت معصبة.. لين البيت.. قطتها وطااارت للشقة " الله يستر .. شفيه معصب؟ ياااربي مالي خلق نجرة تعبت"
**************************

في كلمات بنات اعذروني عليها بس انا ناقله القصه مثل مااهي لا شايله منها ولا زايده عليها مثل ماكتبتها اميرة البجع