كافي صدماات بحياتي.قصة كويتية واقعية لأميرة البجع

كا راح انزل بارت يديد حبيبتي​

تسلم عيونج يالغلا بس شفتج تاخرتي ورحت لموضوع اميرة البجع وقريتها وفعلاا ما شفتو شي قصه صج حزينه

سوري والله الوالدة اليوم طلعت من المستشفى الله يخليها لنا يارب
والحين انزل بارت يديد ياحياتي وفديتج انتي وصلوحي ويلا ماعليه بعد العيد طهريه وطهور العافيه يارب وشي طبيعي احاتيج كلنا خوات :teeth_smile:​

سوري والله الوالدة كانت بالمستشفى وصدمه والله القصه ادري ​

البارت السادس والثلاثين


هناء دقت على هاجر وقالتلها ان تهاني تعبانه وبالمستشفى

هاجر: حبيبي مايخالف توديني عند أختي؟

بدر (يتغشمر): لا مو مايخالف.. مسرع ما ولهتي عليهم.. مداج؟

هاجر: والله السالفة مو جذي.. تهاني بالمستشفى

بدر: لا ما تشوف شر.. يلا روحي بدلي

هاجر: دقيقة ماراح اطول


بالمستشفى أهل تهاني موجودين عندها.. ماعدا أبوها.. دش جراح

جراح: السلام عليكم

الكل: وعليكم السلام

جراح (قرب من تهاني): شلونج حبيبتي؟

تهاني (ردت بنفسية): زينه

هناء: يما جراح باجر بنطلع تهاني وتيي معانا البيت

جراح: ليش عمتي؟ خل ترجع بيتها أحسن لها

هناء: لا يما اهي تقول تبي ترتاح شوي.. ما يخالف ان شاء الله تقوم بالسلامة وترجع بيتها

جراح (منزل راسه وضايق خلقه): اللي تشوفونه.. عن أذنكم انا عندي شغل


جراح طلع من المستشفى.. وقام يفتر بالشوارع.. مايبي يرجع البيت وما يلقى تهاني.. البيت من غيرها ظلمة

تذكر كل اللي صارله من أول ما تعرف على تهاني.. ليه هاللحظة.. ونزلت دموعه غصب

"يعني الحيييييين عقب ما تعبت كل هالتعب عشانها؟؟ أضيعها بهالسهولة؟؟ صج آنا غبي.. وما أفتهم"

صار الليل وجراح يفتر بالشوارع. وأخيرا رجع المستشفى.. فتح باب غرفة تهاني شوي شوي.. لقاها منسدحة.. ومالقى أحد عندها

جراح (بصوت واطي): تهاني

تهاني: الله يخليك.. مو وقتك الحين.. آنا تعبانه

جراح (صوته يرجف): بكلمج شوي

تهاني: انا مابي أكلمك.. تعبانه.. لو سمحت لا تخليني أصارخ وألم عليك الممرضات

جراح (راح لها.. باس راسها.. وقعد عندها يبجي): تهاني والله احبج سامحيني.. الله يخليج سمعيني.. تكفييييييين رجعي معاي البيت.. ماقدر أعيش من دونج

تهاني (تدمع عيونها. بس ما تبي تشوفه): خلاص جراح اللي بيني وبينك انتهى

جراح: شنو انتهى؟؟ لا مانتهى.. انتي زوجتي حبيبتي لا يمكن أفرط فيج

تهاني: انا مابيك.. وأبيك تطلقني.. واذا تبي ولدك اخذه

جراح: انا ابي هالولد لأن منج.. وأبيه يعيش بيننا.. حبيبتي الله يخليج بس سمعيني.. أبيج تسمعيني شوي

تهاني: ماقدر جراح ماقدر.. كرهتك.. كرهت كل شي يذكرني فيك

جراح: صدقيني حبيبتي انا ما خنتج.. والله ما خنتج

تهاني: واااااااي جراح.. واللي شفته شنو تسميه غير خيانه؟ أمبيييييييه تبيني أجذب عيوني؟

جراح: خليني أشرحلج اللي شفتيه.. وانتي عقبها حكمي علي

تهاني: مابيك تشرحلي شي.. انا بروحي منأرفة منك.. تبي تقولي شصار بينكم بعد؟

جراح: والله العظيم بالله الكريم.. ان ما صار شي.. صح آنا غلطت ومالي عذر بس مو الغلط اللي في بالج

تهاني: شلون هاذي بعد فهمني؟

جراح شرحلها من دخلته شقة سعود لين طلعته منها.. مع حذف بعض التفاصيل اللي يدري ان تضايقها.. بس قالها عن سحر.. وانها باسته من ورا رقبته.. ومادرى ان طبعت على تي شيرته
بس حلفلها ان هذا اللي صار.. وماسوى شي ثاني

جراح: هذا كل اللي صار.. أدري ان مالي عذر.. لكن حبيبتي والله أقدر أييبلج البنت .. تسألينها.. واذا تعتقدين اني بتفق معاها.. أدق عليها الحين جدامج.. وسأليها كل اللي تبين

تهاني (مصدومة من اللي سمعته.. قامت تبجي): معقولة؟؟ معقولة يا جراح تسوي كل هذا؟ وتقولي ما خنتج؟؟ عيل شنو هذا؟؟ شنووو هذاااااااا؟؟ اطلع بررررررره.. بررررررررره

جراح (قرب منها يلمها): حبيبتي لا تسوين بعمرج جذي

تهاني (تطقه لا شعوريا): قتلك بررررررره.. لا تجيسني.. طلقني.. طلقنيييييييي

بدخلة الممرضات: لو سمحت مايصير جذي.. ممكن تتفضل بره

تهاني: برررررررررررره .. مابي اشوفك.. أكرررررررهك.. أكرههههك

عطوها ابره مخدر.. وقامت تبجي لين نامت

جراح طلع بره.. طاح عالأرض يبجي مثل الياهل

ثاني يوم العصر تهاني طلعت من المستشفى بعد ما تأكدو انها بخير وراحت بيت أهلها .. وطول اليوم ما بين جراح
************************


بعد شهر تقريبا.. عند بدر وهاجر

بدر كا ن يزور بيت أهله بس من غير هاجر.. مع انه أبوه والبنات كانو يسألون عنها.. بس اهو ماحب انها تيي وتسمع من أمه اللي يضايقها.. وبنفس الوقت ما بغى يضايق أمه

بس اليوم أبوه أصر ان اييب معاه هاجر

بدر: حبيبتي بكلمج بموضوع

هاجر: آمر عمري

بدر: شرايج تيين معاي اليوم بيت أهلي

هاجر: حبيبي انت تدري ان آنا ودي.. بس أخاف خالتي تتضايق ويصير اللي صار ذيج المرة

بدر: لا عمري.. والله أبوي مصر انج تزورين معاي.. وحتى البنات مشتاقين لج

هاجر: والله عمي غالي وعلى راسي.. بس بدر لا تجبرني.. انا مابي انحرج جدام البنات.. وانت تدري خالتي شنو تقط حجي جدامهم

بدر: لا ما اعتقد أبوي بيسمح لها تغلط عليج مرة ثانية.. وحتى لو قالت كلمة.. انا ماراح أسكت

هاجر: لاعمري مهما يكون هاذي أمك

بدر: لا انا ماراح أغلط عليها.. بس ماراح أسمح لها تغلط عليج.. أو تقط عليج حجي.. يلا حبيبتي فرحيني وفرحي أهلي.. يبون يشوفونج.. والله ماتدرين شكثر حنووون تحن علي

هاجر: ههههههههه والله أحبها هالبنت.. الله يرزقهها بالزوج الصالح.. تستاهل كل خير

بدر: الله وينج يا حنوون تسمعين الدعاوي الحلوة؟؟ شنو واحنا مالنا من الحب جانب

هاجر: هههههههههههه انت لك كل جوانب الحب.. وعشان تعرف غلاتك عندي.. بقوم ألبس عشان ايي وياك

بدر: حبيبتي والله.. يلا خل أبدل آنا بعد


بدر وصل بيت أهله مع هاجر.. نزل ومسك ايدها دش البيت

بدر (يصارخ): يا أهل البييييييييت.. يايب وياي ضييييييف عزيييييييييز

حنان (أول وحدة نزلت تركض.. درت انها هاجر): حبيييييييييييبتي اشتقتلج (سلمت عليها بحرارة وباستها) امممممموووووووواه

هاجر: هههههههههه والله وانا اكثر

بدر: الله الله شهالحب.. مساكييييييين.. يعني آنا مفرق الأحبه.. ماكنت أييب هالحلوة هنيييي

حنان: أكييييييييد.. انت من زمااااااان مفرق الأحبه

بنزلة البنات وبوبدر.. بدر وهاجر راحو سلمو عليهم.. وباسو راس بو بدر

بوبدر: تحبون الكعبة ان شاء الله.. شلونج بنيتي هاجر؟

هاجر: الحمدلله بخير عمي.. انت شلونك؟

بوبدر: آنا طالما أشوفج سعيدة مع بدر ومتهنية.. بخير.. الله يسعدكم

بدر: آميييييييييييييييييين

هاجر نزلت راسها مستحية.. ما وعت الا وحدة ماسكتها من ملابسها ورا .. وتلتها حيل

أم بدر: آنا مو قلت ما تدشين بيتي؟

بو بدر: هااااااااا؟؟ سكتي هذا مو بيتج.. هذا بيتي آنا

أم بدر: لالالالا هذا بيتي.. طلعي بررررررره.. لا تنيسيين بيتي

بدر: يما شهالكلام؟؟ الحمدلله زوجتي مافي اطهر منها

أم بدر (قامت تخوره جدام البنات): تقص على منو انت؟؟ ما جنه يت تتبجبج قبل لا تتزوجها.. انها حامل.. وتبينا نغصبك عليها

بو بدر راح لها وعطاها كف.. أول مرة بو بدر يمد ايده على ام بدر.. بعد عشرة طويييييييييلة

الكل واقف منصدم.. بدر وهاجر مصدووومين.. وهاجر بس تنزل دموعها مفتشله.. والبنات مايدرون ينصدمون من كلام أمهم عن هاجر.. والا من طراق أبوهم لأمهم

أم بدر (رفعت راسها بتحدي): تمد ايدك علي.. عشان هالوصخة؟؟ آنا أراويك.. (التفتت على هاجر) آنا اراااويييييييج.. والله ماراح تتهنين بزواجج من ولدي. بيطلقج ويقطج مثل الجلبة

طلعت أم بدر من البيت من غير عباتها.. أول مرة تطلع من غير ما تستأذن بو بدر.. نادت السايق.. وطلبت منه يطير فيها ليه بيت أهل هاجر
**********************

والحين انزل بارت يديد اعوض بارت امس

وراح يضل 3 بارتات ان شاءالله

البارت السابع والثلاثين


أم بدر طلبت من السايق يوديها بيت أهل هاجر.. اول ما وصلت طقت الجرس ودشت

هناء (مستغربة من شكل أم بدر.. الا قولو مصدومة) السلام ام بدر.. خير شصاير؟ بدر وهاجر فيهم شي؟

أم بدر(تصارخ.. والحمدلله بو حسين ما كان بالبيت): سمعي خلي بنتج الوصخة توخر عن ولدي

هناء: شهالكلام يا أم بدر الله يهداج؟ بنتي مافي أنظف منها

أم بدر (تتكلم وهي ترجف وتصارخ وتهاني وعبير نزلو بسرعة من صراخها): أي نظيفة؟؟ بنتج يا محترمة.. كانت حامل من ولدي قبل الزوااااج.. باعت نفسها وشرفها حق بدر.. ويت لنا تتبجبج.. وبوبدر زوج بدر غصب حق بنتج.. والحين بعد ما طيحت الياهل.. مافي شي يربطنا فيها.. أو يربط ولدي فيها.. وبدر مايبيها ليش مجلبة فيه؟

هناء منصعقة من اللي تسمعه وماقدرت توقف على حيلها طاحت على الغنفة.. وعبير راحت حق أم بدر

عبير: انتي هييييييييييييييي.. شتخربطييييييييييييين؟؟ اختي ما تسوي جذي

أم بدر: ما الومج أم لسان مثل أختج.. اقوووووووووول.. اذا مو مصدقيني عندكم بنتكم سألوها.. وعلى فكرة هناء.. روحي جيكي على بنتج هاذي (وتأشر على عبير) لا تطلع مثل أختها.. عايلة الله بالخير

تهاني (راحتلها): لالا انتي مو كفو حشيمة.. طلعي بره بررررررره

أم بدر: آنا بطلع بس بقولكم شي.. اذا ما بعدتو بنتكم عن ولدي.. والله لأخليكم تشوفونها تموووووت جدامكم.. (هدتهم وطلعت مثل ما دشت جنها عاصفة.. بعد ما قطت قنبلتها)

هناء بس تبجي.. وتهاني وعبير يحاولون يهدونها والكل ما يدري هل فعلا هالكلام والا لأ؟؟ ويدعون ربهم ان مو صاير.. مهما يكون هذا بالماضي.. بس هذا شي يقص الويه ويفشل.. وحرام وغلط

هناء: يعني آنا ما عرفت اربي؟ يعني آنا ماربيتكم عدل؟

تهاني: يما حبيبتي انتي أحسن ام بهالدنيا

عبير: يما هاذي وحدة مينونة.. تصدقينها؟

هناء: لا مو مينونة.. نسيتو شلون خطبو هاجر؟ نسيتو شلون رضت جنها ماصدقت؟ تهاني.. دقي على أختج خل تييني.. بس لا تقولين لها شنو صار؟

تهاني: ان شاء الله يما .. (مسكت تليفونها ودقت على هاجر.. وطلبت منها تيي بسرعة)


هاجر وبدر طلعو بسرعة من بيت بو بدر

هاجر: الله يستر.. أمي تبيني بسرعة.. آنا خايفة

بدر: من شنو تخافين؟ انتي مو مسوية شي

هاجر: لا آنا قلبي ناغزني.. والله حاسة ان أمك قايلة حق اهلي عنا

بدر: لا مو معقولة.. وبعدين شنو امك؟؟ من متى تقولين امك؟ شنو هاذي مو خالتج؟

هاجر: بدر.. وقته تناجرني؟ انا صج خايفة

بدر: انزين انزين.. مو صاير الا كل خير.. وكاني بروح معاج


وصلو بيت اهل هاجر.. بدر طفى السيارة

بدر: يلا نزلي

هاجر: بدر والله خايفة

بدر: أووووووووووف هجووور كاني بنزل معاج من شنو خايفة؟ أقووووول يلا نزلي

هاجر نزلت ودش بدر معاها

بدر وهاجر: السلام عليكم

هناء وتهاني وعبير: وعليكم السلام

هناء: تهاني عبير صعدو فوق

البنات: ان شاء الله يما

بس صعدو هناء التفتت على بدر وهاجر: صج الحجي اللي سمعته؟

هاجر: اي حجي يما؟

هناء: انتي تدرين أي حجي ولا تتغيشمين؟ صج الكلام اللي قالته أمك يا بدر؟

هاجر طالعت بدر وبعيونها دموع

بدر: وشقالت امي .. عمتي احنا ماندري عن شنو تتكلمين؟

هناء: بدر قول الصج ولا تغبي علي.. صج هاجر غلطت معاك قبل الزواج؟

هاجر انصدمت.. وقامت تبجي.. بدر حط ايده على ايدها

بدر: اي عمتي صج

هاجر حطت ايدها على ويهها وقامت تبجي بصوت عالي

هناء (قامت من مكانها وراحت حق هاجر.. وقامت تطقها): هاذي آخرة تعبي وتربيتي فييييييييييج؟؟ تفوووو عليج يالوصخة.. ليييش سويتي جذي لييييييييييش؟؟

بدر (يحاول يوخر هناء من هاجر.. وهاجر بس تصيح.. والبنات نزلو يركضون خايفين): عمتي الله يهداج.. ليش كل هذا؟ الحمدلله كل شي تصلح.. ومو بس اهي غلطت.. آنا غلطتي اكبر

تهاني وعبير وخرو امهم وهم يبجون

تهاني: يما الله يخليج خليها.. كافي اللي صاااااااار كااااااافي

هناء: طلعي بره مابي أشوفج.. حتى لو مت مابيج تيين توقفين على قبري

هاجر (قامت تبي تبوس راس أمها.. واهي تبجي): اسم الله عليج يما لاتقولين جذي

هناء: لاتقولين يما.. آنا ما عندي بنت مثلج خايسة.. طلعي بره .. برررررررررره

هاجر وبدر طلعو.. طول الوقت بالسياارة هاجر تبجي

بدر (متنرفز ومعصب حده): ببببببببببببسسسسسسسسس.. لا تبجيييييييييين
******************************


مريم وأحمد شقول وشخلي

قمت أكره اكتب عنهم أي شي

لأن مريم صارت كلش لا تطاق

أحمد (يسولف مع مريم بالتليفون.. وماله خلقها): ايييي.. اييييييي. وبعديييين

مريم: شفيك عمري ليش مالك خلقي؟

أحمد: ومن قال مالي خلقج.. بس دايخ

مريم: انت صارلك فترة مالك خلقي.. عبالك انا ما احس؟

أحمد: اوووووووووهوووو.. بدينا.. اي مالي خلقج الحين ارتحتي؟

مريم: ليييييش؟

أحمد: بس والله قمت اكرهج.. وأكره نفسي لأني اكلمج

مريم (تبجي): ليش؟؟ آنا احبك.. ليش تسوي فيني جذي؟

أحمد: هاك اخذ .. بدينا الدراما.. يبا بس مريووم مللتيني

مريم: انا كل اللي تبيه سويتلك اياه

أحمد: مشكورة ما قصرتي بعد شتامريني عليه؟؟ شكر وشكرتج على اللي سويتيه لي

مريم: يعني شنو الحين كل شي انتهى؟

أحمد: آنا ماقلت انتهى.. بس خلينا بس فريندز

مريم: شنو يعني؟ ما تبي تتزوجني؟

أحمد: والله انتي مينونة.. أكو واحد عاقل يتزوج وحدة رخصت نفسها وجسمها وشرفها مثلج؟

مريم: بس مو حق غريب.. حق حبيبي

أحمد: انتي قلتيها حبيبج.. مو زوجج؟ شلون تبيني أامنج على عيالي؟؟ شلون بتربين بناتي؟ شلون انتي تصيرين امهم؟

مريم: بس انت كنت تقول.. تبيني أتعلم كل شي عشان أرضيك ليما نتزوج؟

أحمد: مريوووم بالله أكو بنت عاقلة تطلب من رفيجها الطلب اللي طلبتيه مني؟

مريم: عشان تعرف اني أحبك ومابي غيرك

أحمد: وآنا لو من هالشباب جان سمعت كلامج وانتي الحين مو بنت.. بس شلي بعوار الراس.. أقدر أستانس بطريقة ثانية

مريم: ويييييييييع ويييييييييييييييع.. أكرهك أكرهك. لا تدق علي مرة ثانية ولا راح تشوف رقمي

أحمد: احسن.. بالل....

وماسمعت كلامه الأخير لنها سكرت التليفون بويها وقامت تبجييييييي حييييييييل

ثواني وصلها مسج.. فتحته.. كان من احمد

(ترقعين التليفون بويهي هااا؟ آنا اعلمج يالجلبة)
*****************


تهاني وعبير صعدو امهم الغرفة.. ترتاح.. وكل وحدة دشت غرفتها مصدومة من اللي صار توه.. وما تبي تتناقش فيه

تهاني دخلت غرفتها .. طفت الليتات ودشت الفراش.. بس ما كانت تبي تنام

قامت تبجي.. بس ما تدري على اختها.. ولا على نفسها.. ولا على جراح اللي ما بين كلش صارله شهر تقريبا

"جراااااااح آآآآآآآآخ يا جراح.. اشتقتلك يا حبيبي.. ليش سويت فينا جذي ليييييييش؟؟ وينك ما تسأل عني.. خلالالالالالاص يعني صج اللي بينا انتهى؟؟"

" لا ان شاء الله ما انتهى.. شلون ينتهي واهو للحين ماطلقني؟؟ تهاني شفيج غبية؟؟ اهو ماطلقني لأني حامل.. يعني اذا ولدت بيطلقني.. ياااااارب ما يطلقني.. والله أحبه والله احبه.. بس لا كرامتي ما تسمحلي عقب اللي أسواه أرجع"

" واااااااااااي لا آنا أحبه.. يااااااارب ريحني من الهم والغم اللي آنا فيه.. واااااااي حبيبتي هجوور شصار عليها؟؟ يا ربي الله يعين امي تشيل همي والا هم هاجر؟؟ هاجر؟؟ ليش سويتي جذييي؟؟ حرام عليج؟"

" شفيني أفكاري متلخبطة؟؟ أحبك جراح امووت عليك"

كل ليلة كانت تهاني تبجي وتفكر بهالحجي.. والحين زادتها سالفة هاجر

كل ليلة كانت تهاني تدعي انها ترجع حق جراح. كل ليلة تدعي ان ايي يتفاهم معاها

كل ليله تدعي ان يتصل عليها

والحمد لله الليله الله استجاب دعوتها.. وهي بعز بجيها ومناجاتها لربها رن تليفونها

تهاني (من كثر ما كانت تفكر بجراح شالته بسرعة من غير ما تشوف الرقم): جراااااح

جراح (صوته تعبان حييييييل): عيووووووونه.. أحبج تهاني تكفيييييين سامحيني تكفييييييين لا تخليني (قام يبوس التليفون) الله يخليج اترجاج

تهاني مو قادرة تتحجى بس جراح يسمع بجيها

جراح: لا تبجين حبيبتي .. والله اموووت عليج.. انا حيوان انا نذل.. اللي سويت فيج وبحبنا جذي

تهاني: لاتقول جذي حبيبي محشوووم.. ليش ما سألت عني كل هالفترة؟؟ شنو ما تبيني؟

جراح: والله العظيم ابيج واموووووووت عليج بعد.. بس قلت اخليج ترتاحين عشان اقدر أتفاهم معاج.. عمري صدقيني.. صح انا مالي عذر باللي سويته.. بس والله اللي قتلج اياه اهو الحقيقة

تهاني: ليش طعنتني هالطعنة؟ ادري اني ماكنت أحاول.. بس ماكان مفروض تسوي جذي.. انت عارف حالتي

جراح: عارف والله حبيبتي عارف.. ان شاااااااااء الله انشل اذا رحت هناك مرة ثانية.. ان شاء الله ان فكرت مجرد تفكير بهالشي.. أدش بأقرب شبه

تهاني : اسم الله عليييييييك.. لا تقول جذي

جراح: تهاني حبيبتي روحي قلبي.. الله يخليج.. خل أمرج الحين.. حدي مشتاقلج.. حتى الشقة اكرهها من غيرج.. مو قادر أتحمل فراقج

تهاني: حبيبي حتى آنا بس ماقدر اليوم أمي تعبانه بعيد عنك.. وماقدر اخليها اليوم

جراح: عبير عندها

تهاني: مايخالف بس اليوم.. ما تصدق شكثر ولهانه عليك بس مو اليوم باجر أوعدك

جراح: وآنا أوعدج.. اني اكون لج طوووووووول العمر.. عسى الله لا يفرقنا

تهاني: آآآآآآآآآآآمييييييييييييييين

وقعدو يسولفون بالتليفون لين الصبح
*****************

حبايبي لاتعتقدون ان جراح وتهاني ردو بسرعة حق بعض.. بس الله لايحط احد مكانها
اللي تحب تسوي كل شي..وهي بينها وبين نفسها كانت متأكدة ان جراح صادق
وهي تحبه فسامحته

سلامتها يارب وما تشوف شر فديتج الله يطول بعمرها يارب ويخليها لكم

الله يسلمج حبيبتي ومشكوره ماتقصرين وربي يسمع منج يارب ويطول بعمرها لنا يااااارب​

الحمدلله على سلامة الوالده ومعذووره يالغاليه ومشكووره عالبارتات

بصراحه ام بدر طلعت هيلقيه قطيعه
واحمد قطيعه طلع حيوان بس بصراحه كلامه صج يعني شلون يتزوج وحده ارخصت بعمرها وشرفها
ووووووووووووووووووو بس

بنتظار البقيه......................

كملي حوبي :}

الله يسلمج حبيبتي والعفو ولوووو

الحين انصدمي اكثر بالبارت الياي ​

من عيوني حبيبتي ​

البارت الثامن والثلاثين

هاجر وبدر علاقتهم واايد تأثرت باللي صار.. بدر ما قام يروح بيت اهله عشان لا يشوف أمه..

وهاجر طبعا ما تقدر تروح بيت اهلها وتعرف أخبار اهلها من خواتها

بوحسين كله يسأل عنها.. بس تتعذر انها تعبانه وما تقدر تيي

بو بدر طبعا ما عرف أم بدر شيمسويه.. لأن اهي ما تحجت.. وبدر ما قال شي بعد.. وشوي شوي علاقته تحسنت مع ام بدر

وأم بدر محد مثلها طااايرة فوووووووق عقب اللي سوته

عند هاجر وبدر.. بعد شهرين

هاجر (تبجي): بدر ليش تعاملني جذي؟؟ ليش آنا من دون الناس.. اللي ماقدر اتهنى بحياتي؟؟ ما تهنيت الا شهر واحد من ردينا وعقبها أمك سوت سالفتها.. وانت رديت تعاملني بقسوة..

بدر: وليييييييييييه وبعدين انتي ما مللتيني باسطوانتج؟

هاجر: حرام عليك يا بدر.. انا احبك أمووووووت عليك.. حسبي الله عاللي كان السبب

بدر: انتي هييييييييي لاتتحسبين على أمي.. مو كافي انج قطعتي ريولي من بيت أهلي؟؟

هاجر: أمك اهي السبب في حالتي هاذي.. حسبي الله ونعم الوكييييل

بدر (قام وعطاها طرااق. وتلها من شعرها): ان سمعتج مرة ثانية تقولين امك شقيت حلجج

هاجر: آآآآآآي .. بس بس ذبحتني ليه متى تطقني.. شنو آنا حيوانه عندك؟؟ بس جلدي انصلخ من الطق

بدر: اي انتي حيوانه.. الله يلعن اليوم اللي رديتج فيه

هاجر: ما تبيني طلقني.. بس لا تعذبني جذي

بدر (باستهزاء): واذا طلقتج وين بتذلفين؟؟ تهيتين بالشوارع اللي ييتي منها؟

هاجر: انت ليش تقول هالكلام؟؟ مو قتلي انك ماراح تذكرني بالماضي؟؟ لا تنسى مو بس آنا اللي غلطت. انت غلطتك أكبر.. مو هاذا الكلام اللي قلته حق امي

بدر: الله يلعنج ويلعن أمج ويلعن الساعة اللي عرفتج فيها.. أكرهج فرقتي بيني وبين اهلي

هدها وطلع من الشقة.. وتمت هاجر تبجي بحرقة " استغفر الله ربي وأتوب اليه.. يا رب آنا تبت توبة نصوح.. ليش للحين قاعدة ادفع ثمن غلطتي؟؟ يا ربي ما اعترض على قضاءك.. اللهم لا أسألك رد القضاء ولكن اسألك اللطف فيه"
*******************************

مثل ما قلنا جراح وتهاني رجعو حق بعض الحمدلله

وتهاني قدرت تتغلب على نساتها واهي الحين توها داشة السابع.. ومسويه سونار وتدري ان فيها ولد

جراح وتهاني بالسوق قاعدين يشترون حق البيبي

جراح: تهوون تعالي شوفي هذا يهبل.. باخذه حق ولدي

تهاني: ههههههههه انزين اخذ المقاس مضبوط عالأقل.. شنو خذوه فقلوووه؟

جراح: شدراني.. هاذي مهنتج.. آنا اختار الملابس.. وانتي عاد شوفي المقاس

تهاني: يعني شنو؟ انا مالي راي

جراح: طبعا مالج راي.. هاذي سوالف رياييل انتي ما تعرفينها.. بس بيني وبين ولدي

تهاني: عشتووووو.. شوف عاد.. ترى ولدك هذا بعده ماطلع من الدنيا.. لاتخليني ما اطلعه

جراح: اسم الله عليييييييييييه.. يالمينونة لا تقولين جذي.. استغفري ربج

تهاني: استغفر الله.. ههههههههه والله قمت أخربط مادري شقول

جراح: اي آنا قايل من زمان مرتي مو صاحية

تهاني (تقرصه بسرعة عشان محد يشوفها): آنا مو صاحية ها؟؟ آراويك

جراح (يحك ايده): آآآآي يامجرمة ههههههههههه
*********************

مريم وأحمد لاجديد عليهم.. مثل كل مرة يتناجرون ويردون

مريم ما تقدر تهده .. عند روحها تحبه وما تقدر تستغنى عنه (مالت عليه مادري على شنو!!)

أحمد (يكلمها بالتليفون): مريووومه

مريم: عيونها

أحمد: أحبج.. أمووووووت فيج

مريم: حتى آنا حبيبي.. أمووووت عليك

أحمد: الله لايحرمني منج

مريم: ولا يحرمني منك.. يااارب.. (تتنهد) بس للأسف ماراح نستمر مع بعض

أحمد: فال الله ولا فالج.. ليش حبيبتي تقولين جذي؟

مريم: ليش؟؟ مو انت تقول ما تبي تتزوجني؟

أحمد: هههههههه من قال هالحجي؟

مريم: انت قلت شنو نسيت؟

أحمد: لا ما نسيت بس انا قلت جذي بلحظة غضب.. بس انتي تدرين اني أحبج واموووت عليج.. وابيج تكونين زوجتي

مريم (طبعا صدقت): صج عمري؟

أحمد: اي صج.. وعشان أثبتلج اني أبيج.. آنا مو قتلج بعرفج على خواتي؟

مريم: اي من زماااان.. وللحين ما عرفتني عليهم

أحمد: خلاص اليوم اعرفج عليهم.. اليوم اعزمكم على العشى ثلاثتكم واعرفج عليهم

مريم: صج.. حبيبي عيل خل أقوم اتزهب

أحمد: ههههههههههه من الحين بتتزهبين؟ توالناس

مريم: اي بعد مو بشوف حمواتي المستقبليين لازم أطلع بأبها شكل

أحمد: انزين يا أم أبها شكل.. خل أروح ادق عليهم اقولهم وانتي تزهبي

مريم: هههههههه أوكي باي.. أحبك


بالليل بالمطعم خوات احمد قاعدين.. اهم ثنتين اكبر منه (وحدة اسمها خلود والثانية رجاء)

أحمد كان داق عليهم وقايللهم انه عازمهم على المطعم عشان يعرفهم على حبيبته

خلود (الكبيرة.. شافت أحمد داش المطعم من بعيد وبيده وحدة): رجاءوو شوفيه .. ههههههههه.. لاوبعد حاط ايده بيدها (دقت عليه) ألو احمدو شيل ايدك من ايدها يالما تستحي

أحمد: هههههههههه مابي كيفي.. يلا طسي كاني وصلتلكم

أحمد ومريم (وصلو عند خواته): السلام عليكم

خلود ورجاء (يطالعون مريم من فوووق ليه تحت.. يتفحصونها): وعليكم السلام

أحمد(يأشر على خلود): هاذي أختي العودة خلود.. (ويأشر على رجاء) وهاذي الثانية رجاء

مريم (مدت ايدها لهم.. واهي حيل مستحية): هلا والله تشرفنا

رجاء: زادنا شرف حبيبتي.. أحمدوو والله عمري ما توقعت ذوقك جذي حلوو

مريم مبتسمة.. احمد سحبلها الكرسي وقعدت وقعد يمها

أحمد: آنا طوول عمري ذوقي حلو

خلود ورجاء قامو يسألون مريم أسئلة واايد.. اللي يسمع يقول بيخطبونها

بس اهم صج أول مرة احمد يعرفهم على وحدة يكلمها عشان جذي توقعو ان فعلا احمد يحبها ويبي يتزوجها.. بس مثل ما قالهم ان متفق معاها ان تو الناس

أحمد فعلا يحب مريم.. لا ويموت عليها.. بس اهو من النوع اللي مو مال زواج.. وهو يدري بروحه

قام يطالعها وقلبه يعوره عليها.. يشوفها شلون مستانسة ترد على اهله.. يشوف خواته شلون مستانسين عليها ويفكر.." آنا ليش جذي؟؟ ليش ما أتزوجها دام اني احبها؟؟"

وبعدين يرجع يطرد الفكرة من باله

كان طول الوقت ساكت بس يستمع لهم يسولفون.. ومريم بسرعة خذت على خواته.. فعلا ينحبوون

بعد العشى.. سلمو على بعض.. خوات أحمد راحو بسيارة.. وأحمد ومريم راحو بسيارة ثانية.. عشان يقطها على سيارتها

مريم (مستانسة واايد): يا حليلهم خواتك يهبلوون

أحمد: هههههههه حتى اهم استانسو عليج وايد

مريم: والله انهم ينحبون.. انا حبيتهم من أول مرة

أحمد: لالالا والله؟ يعني خذو مكاني؟

مريم: هههههههههه أصلا لو مو انت جان ماعرفتهم.. أنت الخير والبركة.. انت الغالي.. انت العزيز

أحمد: الله يعز شانج حبيبتي

وصلو سيارة مريم.. ونزلت ركبت سيارتها وراحت البيت تفكر بخوات أحمد.. وتحلم باليوم اللي يدشون بيتها يخطبونها
***********************

بعد شهر من هالأحداث هاجر تعبت وراحت المستشفى حللت واكتشفت انها حامل

استانست واايد وقالت يمكن هالياهل يقرب بينها وبين بدر

اهي تحب بدر وماتقدر تستغنى عنه.. وهو بدى شوي يرد يعاملها عدل.. بس قام يروح بيت اهله.. فلما يرجع من هناك.. ينقلب عليها 180 درجة

كانت قاعدة بالصالة تنطره.. سمعت صوت القفل ينفتح.. رفعت راسها وعيونها متروسة دموع

بدر: السلام

هاجر ركضت عليه.. قطت روحها عليه تلمه.. وتبجي

بدر (مخترع): هاجر شفيج.. شصاير.. قوليلي شصاير؟؟

هاجر ساكته تبجي

بدر: شفييييييج صبت عظامي؟؟ حبيبتي ليش تبجين؟

هاجر: آ.. ن..ا آ..ن..ا

بدر (وخرها شوي عنه): انتي شنو؟

هاجر: آ..ن..ا ح..ااامل.. آنا... حاامل يا بدر
***********************

يلللهوي

كملي حياتي

كملي قلبي.

:teeth_smile::teeth_smile:

حده يالللهوي لوووول

الحين اكمل البارت القبل الاخير ترقبو ههههههههههه ​

من عيوني حياتي​

البارت التاسع والثلاثين

هاجر: آ..ن..ا ح..اامل.. آنا.. حاامل يا بدر
بدر (طالع بعيونها مو مصدق.. وفجأة شق حلجه من الفرحة): صج.. صج حبيبتي انتي حامل؟
هاجر: اي صج (طلعت ورقة التحليل تراويه)
بدر(ماشافها.. لم هاجر حيييل): الحمدلله.. الف الحمدلله يارب (باسها على راسها) مشكورة حبيبتي
هاجر (تبجي بس من الفرحة): حبيبي انت مستانس؟
بدر: أكييييييييييييييد.. هذا ولدي شلون ما تبيني أستانس؟ احبج والله العظيم أحبج.. سامحيني
هاجر: مسامحتك يا نظر عيني
بدر (عيونه دمعت وباس راسها وتم لامها مده)

يوم ولادة تهاني.. بالليل الساعة 2 ونص .. تهاني قعدت على عوااااااار ما ينطاق
تهاني (تهز جراح عالخفيف): جراح . جرااااح قوووم.. (تمسك بطنها) آآي..عمري قوووم
جراح: هممممممممممم
تهاني: جراح قوووم تعبانه
جراح (نايم مو مستوعب): تهاني خليني انام تعباااااااان.. موقادر افتح عيوني
تهاني: قوووووووووم جراح عوااااااار.. ماقدر ماقدر
جراح (فتح عيونه): شفيج؟
تهاني: مادري بس عواار.. موقادرة اتحمله
جراح: بتولدين؟
تهاني: مادري مادري.. بس ودني المستشفى مو قادرة اتحمل.. آآآآآآآآآآآي
جراح (قام مختبص): نزين انزين.. يلا قعدت
راح ركض غسل ويهه وبدل لبسه عالسريع.. وخذه عباة تهاني.. قطها عليها
نزلها وياه.. وفتح قفل السيارة وفتح أربع بيبانها
تهاني: انت شيتسوي؟
جراح: شسوي؟؟ بصعدج السيارة
تهاني: وليش فاتح الأربع بيبان؟
جراح (استوعب): اوووووووووو.. بالي مو وياي.. يلا ركبي انتي وانا أسكرهم
ركبت تهاني السيارة.. وجراح سكر البيبان وطاار فيها للمستشفى.. طول الطريج تهاني تتأوه من الألم وودها تصارخ بس ما تبي تتدوده جراح أكثر من جذي
وصلو المستشفى.. دخلو الطوارئ وبعد الفحص.. الدكتورة سوت لها دخوول لان فيها ولادة
تهاني (تبجي): جراح دق على أمي
جراح (ماسك ايدها.. ويمسح على راسها): وين أدق عليها الحين حبيبتي؟ اهي نايمة مابي اخرعها
تهاني: لا اهي قالتلي انها هالأيام ماراح تسكر جهازها.. لأن تدري ان ولادتي قربت.. الله يخليك دق عليها انا خايفة
جراح: ان شاء الله .. ان شاء الله يا عمري
جراح دق على عمته وعقب جم رنه شالته.. وقالها ان تهاني بالولادة.. وقالتله انها الحين يايه
هناء وصلت مع بو حسين عند تهاني.. بوحسين وقف بره غرفة الولادة مع جراح.. وهناء دشت عند تهاني تقرا عليها قرآن
جراح كان وايد يحاتي وكل ما طلعت الدكتورة أو وحدة من الممرضات سألها عن تهاني.. كان خايف عليها وايد
الحمدلله تهاني ولدت بالسلامة ويابت ولد مثل القمر
الدكتورة: الحمدلله على سلامتج يا تهاني
تهاني (تعبانه وبالغصب تتكلم): الله يسلمج
هناء (مستانسة): الله يسلمج دكتورة مشكورة
الدكتورة: العفو على شنو؟ ما سويت الا الواجب.. خل أروح أبشر رشدي أباظة اللي قاعدة يحاتي بره.. هههههههههههههه
بس طلعت الدكتورة بره.. ناداها جراح
جراح: دكتورة طمنيني.. مو جنه تهاني طولت؟
الدكتورة: ههههههههه.. لا ماطولت ألف مبروك يا اخ جراح.. زوجتك ولدت ويابت ولد مثل البدر
جراح: صج؟؟الحمدلله يارب ألف الحمدلله
بوحسين: مبروووك ما ياك.. يتربى بعزكم
جراح: وعزك عمي مشكور ما قصرت
بوحسين وهناء راحو البيت بعد ما تطمنو على تهاني ونامت.. وقالو انهم بيرجعون الضحى.. وطبعا مع أغراض تهاني اللي كانت مزهبتهم عند ظامها وموصية عبير عليهم من زمان
جراح قعد بغرفة تهاني.. ومن التعب نام عندها عالغنفة

الضحى عبير (توها قاعدة من النوم.. وسمعت حوسة تحت.. نزلت لقت امها مزهبة اغراض تهاني): السلام يما.. وين على الله؟
هناء: وعليكم.. نامي يما نامي.. خو انتي ما تشبعين من النوم.. انا بروح المستشفى.. اختج ولدت
عبير: صج؟ أي اخت
هناء: شفيج الحمدلله والشكر.. اختج تهاني بعد اي اخت؟
عبير: ايييييييييي ياحليلها الحمدلله على سلامتها وناسة.. اي صح طا آنا خو هجوور توها حامل
هناء (انصدمت من اللي سمعته.. لنها ما تدري عن هاجر من زمان.. وقايلتلهم لحد اييب طاريها جدامها): شنووو؟؟ هاجر حامل؟؟ من متى؟
عبير (توهقت): ويي شفيني مطفوقة؟ سامحيني يما آسف زت لسان
هناء: قوليلي اختج من متى حامل؟
عبير: صارلها ثلاث شهور ونص تقريبا
هناء (عيونها غورقت): تهاني تدري؟
عبير: اي تدري
هناء: وليش ماقلتولي؟؟ مو آنا أمها؟
عبير: مادري يما آسفين عبالنا ما تبين تعرفين عنها شي
هناء(قامت تبجي): ليش يعني؟؟ آنا صخر ليهالدرجة؟؟ مو بنتي ومحتاجتني؟؟ ليش ما تتكلمووون؟
عبير (باست راس امها): آسفين يما
هناء (مسحت دموعها): انزين خلينا من هالسالفة الحين.. دقي على هاجر وقوليلها ان تهاني ولدت..وبلغي خالاتج وحريم خوالج.. وروحي بدلي بسرعة.. بروح حق اختج بالمستشفى
عبير: ان شاء الله يما.. وصعدت فوق بسرعة أول شي سوته دقت على هاجر
هاجر (شالته صوته تعبان.. ونايم): ألوو
عبير(تصارخ): ألوووووووووووووو
هاجر: أوووووف عبور لا تصارخين آنا بروحي تعبانه
عبير: اي تعبانه اي بطيخ قومي قومي.. تهنو ولدت
هاجر (صحصحت): صج ياحليلها متى ولدت؟ وليش ما قلتولي؟
عبير: أصلا انا مادري متى ولدت.. وتوني ادري من أمي .. واهي قالتلي أدق عليج أقول انها ولدت
هاجر (سمعت طاري امها قلبها عورها): صج عبور؟ حلفي اهي قالتلج تدقين علي
عبير: اي والله شفيج؟؟ حتى زل لساني وقلتلها انج حامل.. وعصبت علي ليش ماقتلها
هاجر (غورقت عيونها فرح): صج؟؟ ليش عصبت؟
عبير: تقول مو آنا أمها ولازم أوقف ووياها اذا احتاجتني
هاجر: حبيبتي أمي والله..انزين عبير.. أقدر ايي المستشفى أشوف تهاني؟
عبير: طبعا مو اختج؟
هاجر: بس أخاف أضايق أمي
عبير: شفيج انتي هبلة؟؟ اقولج أمي قالتلي أدق عليج.. يلا عن الدلع خل أروح الحين آنا طولت.. أمي تنطرني تحت.. لاتطولين تعالي بسرعة
عبير سدته من هاجر.. لبست ونزلت حق أمها.. بعد ماركبت السيارة دزت حق كل اهلهم تبلغهم بولادة تهاني

وهاجر (سدته من عبير.. والتفتت على مكان بدر مالقته نايم.. استغربت.. وقامت تدوره.. راحت الصالة لقته قاعد ياكل صمونة جبن)
هاجر: صباح الخير
بدر: صباااح النووووووور والنوييييييير.. هلا حبيبتي.. شمقعدج من الصبح؟
هاجر: ماكو عبير دقت علي تقولي ان تهاني ولدت
بدر: لالا ألف الحمدلله على سلامتها.. والفال حق حبيبتي تقوم بالسلامة
هاجر:هههههههه الله يسلمك يا عمري.. بدر ممكن أطلب منك طلب
بدر: عيوني لوتامرين عليها لج
هاجر (مبتسمة..باسته على خده): تسلم عيونك.. ممكن اروح حق اختي بالمستشفى
بدر (سكت شويه): اي حبيبتي عادي.. بس أكيد عمتي بتكون هناك
هاجر: اي عادي.. اي اهي الليي قالت حق عبير تدق علي تقولي
بدر: الحمدلله دام جذي.. يلا لبسي خل أوديج عندها
هاجر: ان شاء الله حبيبي

بالمستشفى الناس داشة طالعة على تهاني
وهناء وعبير.. مو قادرين يحكون راسهم.. ماشاء الله مسرع ماانتشر الخبر والناس يت
بهالوقت طلعو اللي كانو موجودين.. وما تم الا هناء وعبير
شوي انطق الباب ودشت هاجر
هاجر (مترددة): السلام عليكم
الكل: وعليكم السلام
هاجر (راحت حق تهاني.. باستها): الحمدلله على السلامة ومبروك ما ياج
تهاني: الله يسلمج حبيبتي الفال لج تقومين باسلامة
هاجر (ابتسمت بويهها وفرت ويهها على امها وبعيونها دموع)
هناء (مدت ايدها حق هاجر.. ودمعت عينها): تعاي حبيبتي
هاجر(ركضت صوب امها وقطت روحها عليها.. وقامت تبجي.. وتهاني وعبير دمعت عيونهم)
هناء (تمسح على راسها): لاتبجين حبيبتي.. خلاص اللي صار صار. والحمدلله الله ستر وانيت الحين في بيت ريلج
هاجر باستها حيييييييل وردت قطت روحها عليها.. تبي تعوض كل اللي فاتها
هناء: مبرووك.. قالولي حامل حبيبتي الله يتمم عليج ان شاااء الله
هاجر: الله يسلمج يما .. ويخليج لنا يا أغلى ام بالدنيا
هناء: حبيبتي والله
وقعدو يسولفون ويضحكون.. والناس ردو يزورون تهاني.. وماشاء الله المكان ازدحم بالناس
بعد يومين تهاني طلعت من المستشفى.. وراحت تتنفس في بيت اهلها
جراح كل يوم يدق عليها يبيها ترجع.. بس أمها قالتلها مافي روحه قبل أربعين يوم
وبعد الأربعين تهاني رجعت شقتها مع ولدها اللي سموه حسين(يختييي قمر هالولد.. اسم الله عليه ياخذ القلب)

هاجر بحمالها واايد تعبت..طبعا كانت مسويه سونار وقايلين لها ولد.. وأساسا كان فيها ضغط بس بالحمال الضغط ارتفع عندها واايد
لما وصلت الشهر الثامن ما قدرت تتحمل.. وطلبت من بدر يوديها المستشفى
بدر: تو الناس حبيبتي شفيج مستعيله؟
هاجر: مادري ماني قادرة أتحمل.. الله يخليك ودني
بدر: ان شاء الله ان شاء الله.. يلا خل أقوم ألبس
لبسو.. وبالطريج للمستشفى هاجر دقت على امها وقالتلها انها تعبانه وايد.. وهناء قالتلها انها بتلحقها الحين للمستشفى
بالمستشفى دخلو هاجر بسرعة غرفة العمليات.. بعد ما كشفت عليها الدكتورة
الدكتورة عند الغرفة
بدر: طمنيني دكتورة شلونها؟
الدكتورة: والله مادري شقولك.. زوجتك تعبانه وايد.. والله كريم ان شاء الله.. بس ترى مانقدر نولدها طبيعي لازم قيصرية
بدر (خاف): ليش عسى ماشر
الدكتورة: اهي بصراحة حيل تعبانه ولازم نسويلها قيصرية
بدر: خلاص دكتورة اللي تشوفينه.. بس المهم تقوم بالسلامة
الدكتورة: ان شاء الله.. بس نحتاج توقيعك
بدر: ان شاء الله
الدكتورة (راحت يابت الأوراق ووقع عليهم بدر): عن اذنك
بدر: دكتورة لو سمحتي
الدكتورة: هلا.. تفضل
بدر: أقدر أدش عليها الحين بسرعة أشوفها
الدكتورة: مايخالف بس دقيقة لأن محتاجين نسويلها العملية بسرعة
بدر: ان شاء الله (دش على هاجر.. لقاها حيل تعبانه.. مسك ايدها وباس راسها)
هاجر (دمعت عينها): بدر بيسوون لي عملية
بدر: مايخالف حبيبتي.. ان شاء الله بتقومين بالسلامة
هاجر (باست ايده اللي ماسكها فيه): أحبك
بدر: آنا امووت عليج.. يلا عاد قوميلنا بالسلامة
الدكتورة: يلا يا اخ لازم تطلع الحين بنسويلها العملية
بدر (باس راسها وهمس لها): أحبج.. ناطرج

بدر طلع بره لقى عمته وعمه ناطرين.. سلم عليهم وباس راسهم
هناء: لاتخاف يما وايد حريم سوو القيصرية وقامو بالسلامة.. ان شاء الله هاجر بتقوم بالسلام
بدر الله يسمع منج عمتي.. بس ماكان متطمن وقلبه ناغزه
بعد ثلث ساعة طلعت الدكتورة من غرفة العمليات
الكل راح صوبها
بدر: طمنينا دكتورة
************

كملي شصاار بهااجر ..؟!