الي راحت الامارت فيديني انا عروس

هااااااااااااااااااااي بنات شلونكم شخباركم انا عرسي انشااللة واره ارمضان اودي اروح اجهز نص شغلي من الامارات شرايكم ابي الي راحت الامارات شنو احسن المحلات الي تبيع عطورات وعبي وابي اشياء مو موجودة بالكويت اهم شي تكون مو موجودة بالكويت الكل يمدح مجمعات الي بالامارات بس انا ابي تعلموني الاشياء المميزة الي ماتوجد بالكويت ابي السكاين والمطارات الغريبة لستقبالي في بيت امي بلييييييييييييييييييييييييييييز ساعدوني لحظة لحظة حتي الخبر يمدحون ساعاتهم بس في اي مجمع في الخبر وشسم المحل

موفقه حبيبتي

والله يسخر زوجش لش ويجعلش احب الناس لقلبه

نجود مشكوووووووووورة ياقلبي بنات وينكم شدعوة ولا وحدة راحت الامارات

بناااااااااااااااااااااااااااااااااااااااااات وينكم

هلا حبيبتي ... الله يتمم لج على خير ..... شو اللي تبينه بالضبط وانا حاضره ارد عليج

هلا حبيبتي بالتوفيق ان شاء الله00

للعبي روحي مجمع المرشد وهم في عطور بس العبي احلى هناك 00

لانه العطور تعبئه اماراتي ما تثبت بالملابس كثر العطور الفرنسيه000

واشتري بخور الياس عندهم حلوووو حييييييييييل من محلات الياس 000

الله يتمم عليج على خير000

اللس سمعته مثل ما قالت ام نوافي الياس روووعه

والامارات لاتاخذين منها الا عبي وبخور بس هذا احسن شي عندهم

واذا تبين استكانات وفناجيل وصواني هم عندهم شغل احلا من الكويت

بس

الباجي كمليه بالكويت حوبي او روحي الدمام اخذي قمصان نوم من هناك وبجايم عجيبه

اتمنى اني خدمتج واي استفسار انا حاضر

وراجعه لموووضوعج

حبيبتي جبتبتي سويت لج سيررش على المنتديات الثانيه واقتبست هالكلام من تجميعي ...

****
أي روحي مجمع ابن بطوطه وامارات موول

اشتري (( بخووووور وعطووور شرقيه )) موطبيعيه اطقين على راسج

رووووووووعه

وجم بدلة كشخه بدلهم حلووه

وعندهم محل مشابه لمحل بودي شووب

روووووعه ومركز اذا رحتي اهناك بتشووفينه

وعبايات من مجمع صحاااري قريب حيييييييييييييل من دبي

عليهم عبي مو طبييييييييعيه وغريبه وراااقيه ؛؛؛؛؛؛؛شوفي عندج سوق ابو هيل >>>للعبي والملافع مو طبيعي بدبي وشغلهم ماتلاقينه بالكويت لاحظي لو بعد سنه تكونين مميزه بشغلج
والساعات اشتري الي توها نازله وقطي عليها قد ماتقدرين ماتنزل بالكويت الا بعد سنه >>>ع فكره من تجربه شخصيه وحتى ساله الوكلاء اللي بالكويت نفس كلامي

العطورات انصحج الكل يقول الحره بدبي رخيص مع العلم ان الحره اللي بمطار الكويت ارخص
شمشمي اللي يجوز لج بسوقة دبي ولا رديتي بالسلامه الكويت مري الحره واشتريهم
انا ماجربت توم فورد الابيض بس الاسود عاجبني حييييل قوي وصلف والريحه رهيييييييبه صج تعور الراس بس ماتحصلين افوى منه>>>وهذا المطلوب للعروس

عندج البجايم خطيييييره هناك فيه محلات بالامارات مول والسيتي سينتر رهيييييييبه
وانصحج روحي محل عنفر اللي بالمرشد ترى رهيييييييييييييب اشترى عود عنفر روعه يابنااات شوي عليه غالي بس يسوى\\

؛؛؛؛؛؛؛؛؛؛؛؛؛؛؛؛؛؛؛اول شئ حبوبه اذا تبين عبايه راقيه وحلوه اخذي من محل ((حناين))بمجمع الامارات مول
وفي شغلات حلوه وفي ركن لمحلات الماركه كلها تهبل
وعندج بعد سوق التنين ((الصيني))في شغلاته حلوه شبصات واكسورات تهبل ورخيص شوي وفي بعد شغلات واجد حلوه وبعد في مجمع للعبي كامل اسمه ((ابو الهيل))
وعندج بعد سوق مرشد سوق شعبي حلوووووووووووو حيل وفي محلات عطور وبخور عندج محل اسمه ((عنفر)) بخوره يجنن وفي محل اسمه ارض الزعفران عطور حلوه وفي محل يبعيون فيه صنيين يبيع جناط روعه وغريبه وبعد رخيصه وماتلقين مثلها والله شاريه منهم جنطه تقريبا ب7 دنانير واذا مو ارخص تخيلي لقيتها بلبنان نفسها بالضبط بسعر خيالي انصدمت اسم المحل (xyz)
///////////////

هذا اللي جمعته من قوقل واذا حابه تعرفين اكثر انا حاضر


لي رجعه للموضوع مره ثانيه

يابعد قلبي مشكووووووووووووورين كلكم وماقصرتو

ياحياتي مشكوووووووووورة ياعمري انا هم شي عندي انة كل الي قلتي يكون مو موجود بالكويت مابي اروح واشتري واخري شئ القا بالكويت خاصة الساعات والبخور القوئ الاصلي الي رحتة ماتروح بسرعة وشنو بعد العروس في ليلة عرسها لازم اتبخر وتعطر بخور وعطر قوي مايروح بسرعة اذا تعرفين قوليلي
شتبخر وتعطر فية

السلام عليكم

هلا الغاليه

حبيبتي انا من الامارات


شوفي الشيخة صحيح الخوات كاتبين لج عن الاماكن والسناتر الحلوه بس والله انها غاليه

بالنسبة للسكن تعالي عندنا الشارجه اسعار الفنادق وايد حلوه

وبجذي بتكونين جريبه من دبي ومن عجمان

وبالنسبه للعبي سيري عجمان حلوه وايد واسعارهم احلى

وبصراحه بالنسبه للدخون فاحنا نفضل الخلطات اللي يسونها الحريم حلوه وتثبت في الثياب والجسم

وريحتهم تكون مميزه

وفي الشارجه سيري السوق الجديم وخذي لج كنادير مخوره جاهزه تراها صدق بتميزج

واي شي تبينه انا حاضره

وسكاين والمطارات وين القهم اي مكان بالضبط والي قلتي هذا كلة في دبي ولا بوظبي حددي المكان بالضبظ ماعليج امر

ام شويخ يهلا ومرحبا فيج ياقلبي بقيت اسالج من الشارجة الي دبي بالسيارة جم ساعة

ام شويخ شنو كنادير مخورة ماعليج امر

مساء الخير هلا اختى حبيت افيدش المخور يعنى الكنادير المطرزه ودبى والشارجه كل شى حلو عندهم لكن انا من راك عندنا التطريز وايد حلو والعبى واسعارهم حلوه والعطورات الفرنسيه وعطور اجمل واهالى ابوظبى ايون راس الخيمه عشان التطاريز حلوة واسعارهم احسن من ابوظبى وموديلاتهم جديدة

فراشة راك مشكورة ياقلبي علي التوضيح

بناااااااااااااااااات وينكم نسيتوني

انصحج اذا خلصتى من دبى تاخذين تاكسى من دبى الى الشارقة وخصوصا سوق القديم وهو عبارة عن محلات بجانب بعض , و راح تلقين العبايات اللى تجنن وأحلى بكثير من عبايات دبى وشوى اهم غاليات عبايات السوق القديم بس تهبل والشوارفسكى الاصلى اللى يبرق .

ممكن تاخذين تاكسى وراح يطلع عليج غالى احنا طلع علينا 100 درهم يعنى 9 دنانير ., او تاخذين باص واهو ارخص بكثير سعر التذكرة ب5ر دراهم يعنى 400 فلس .

ام العياد مشكوووووووووورة حبيبتي