الله يخليلهم لج ام دعيج فرق والله بينهم يله اجل شدي حيلج وجيبلهم اخت صغنونه ورضي بوالعيال والله يسهل عليج
حنطاويه انا الماي البارد كلش مايناسبني استخدم الدافي اوالحار في الغالب ومشكوره عالنصيحه قوليلنا عاد انتي نفاس حامل شنو وضعج عشان نشتغل عليج اسئله ههههههههه
بعد عمري ام دعيج ماقصرتي اليوم عندي مقابله بحضانه خاصه يبون مدرسه وان شالله اعدي مع ان المعاش اي شي بس يله الي يمشي الحال
الله يعين ام ادعيج علي حوست اعيالها بس تصدقين نفس حالتي قبل جبت اعياللي وراء بعض اربعه مكان بينهم الا حمل البطن مع اني كنت اكل مانع بس مو منتظمه عليه لاني كنت صغيره وما عرف اضراره المهم يمرضون مع بعض بس ياااااااااااااااااااربي لك الحمد قامو وكلهم حول بعض بالعمر كان عمري 18 سنه وعقبها طولت ما حملت وحملي الحين وانا عمري 34 موات حمل العجايز تعرفونه يخرع فنصحج يا ام ادعيج ترتاحين جم شهر واحملي وافتكي خالي تربيتهم مع بعض ومشكوره انتي وام جروح علي الدعوات الحلوة
وانا مثلج ادور دوام بحضانة افضل عشان يكون معاي ولدي ولو انه المعاش قليل بس احسن من ولا شي الله يوفقج يارب ارضي ابو العيال على حساب صحتي ابي اريح شوي وشكلي بخلي فرق سنة ان شاء الله لانه بحملي هذا وايد تعبت ودشيت مستشفى تبهدلت على حظج اليوم رحنا مع ريلي المخيم يبي الشغالة تنظفه وانا من قبل لا اولد مارحت وناسة بس ضاق صدري كل ماوخرت عن عذبي عشان انظف المخيم يبجي وارد اركضله ام عزيز انا فرق بين دعيح وعذبي 4 سنين بالضبط والحين بخلي فرق سنة ان شاء الله وبعونه >>> داشين حرب
اقولكم حدي زهقانه ودي اغير روحي طفشت تزوجت عمري ماكمل 18 وحملت وسقطت وحملت ببجري سيده وبعدها حملت بالثاني بسرعه واحس كل شي فيني مخترب لاجسم لاشعر لابشره ولاحتى نفسيه وانا اعوذبالله من تزوجت نسيت العالم كلش لا اهل لارفايج بس متقابله انا وبوالشباب ويانجره وهواش ولا ضحك شباب احس اني واحد من ربعه ههههه حتى هو احسه اعتبرني جذي ودي باحد يغيرني غصبن مثلا تسويلي رجيم غصبن عني تخليني انثى مره ثانيه بدال حياة تفيده الي عايشتها خخخخخخ
صباح الخير ام ادعيج الله يعينج وقوي قلبج كل ما بجي الجاهل ركضتي لبسيه وكليه ونظفيه واذا يبي يبجي خليه لا تخربين اعيالج عليج وسالفت الحمل حلو ارتاحي سنه وكملي الجهاد هههههههههههههههههه
حبيبيتي ام جروح امس كنت في البر وشربت جاي اعشاب جايبته حماتي وانا منشوله ما اشم ولا اذوق ميح المهم طلع الشاي زعتر ويوم رديت البيت مت من العوار ورحت للمستشفي وقالولي <<<<<<<<<<<<<الرحم مفتوح 2 سانتي بس ماكو طلق واذا زاد العوار روحي مستشفي الحكومه اهم يولدونج لان البيبي حجمه صغير وتوكلت علي ربي وطلعت من عندهم <مستشفي السلام ؟والله يعين مادري شسوي
