الي تعرف حنان دشتي تدخل ... والي ما تعرفها هم تدخل ...

هلا والله بحبايب قلبي ... عاد اليوم يومكم يا بنات الكويت ... طالبتكم طلبة وتكفون ما تردوني ... أنا من الأمارات وودي آخذ دورة ميك آب عند حنان دشتي ... واي حدي بجنن عليها .. تكفون رتبولي الموضوع .. أبي أعرف إذا إهي تعطي دورات ولا لا وجم تقريبا وإشلون اوصل لها يعني أبي رقمها أو رقم المركز .. انا مستعدة آي الكويت في أي وقت يناسبها ... والي تعرف وحدة في مستواها وتعطي دورات هم أبيها ... أبي أعرف شو الدورات الي تعطيها .. أبي دورة ميك آب ثقيل والي تبي أي شي من الإمارات أنا حاضرة أعطيها عيوني ...أنا بنتظاركم ..وروني همتكم ...عاد بنات الكويت ما يتوصون في الميك آب ... ماشالله لا إله إلا لله .. حدكم ستايل ..

ماعندى فكرة ...بس حبيت أرفع لــــــــــــــــج الموضــــــــــــوع:wink::regular_smile::wink:

يامرحبا ومسهلا باهل الامارت


انا اعرف رقم الصالوان وبعطيش الرقم وانتي دقي وشوفي اسالي96523718044

ان شاءالله تلقين طلبك موفقه

ان شاااءالله تحصليين الغاليه..^^

وصدقج بناات الكووييت ماشاءلله علييهم فن فن بكل شي..^^

مشكورة حبيبتي ... فديت عمرج ... ما تقصرين ... لأشكر فنج أول وحدة تردين علي ...

الله .. انت عجيبة ... ما كو مثلج ... على قولتكم ...و مافي شراتج على قولتنا ...بدقلهم أكيد وبشوف تسلمين

آمين إدعيلي ... ودي ومنى عيني أتعرف عليها ...

أنا ما قلت غير الحق ... بنات الكويت فن وذوق في كل شي تعامل وكشخة .. وانا ما أجامل حد أنا أتكلم عن تجربة ... عاشرت بنات قمة في العسل ..الله يحفظ الكويت قولو آمين

ماتبين شي من السعوديه ------ترى ماعندنا مثل حنان دشتي عندنا نسخ مقلده صيني -------وبنات الكويت ماعليهم قصور كلهم زود وشكرا

مشكورة حبيبتي علىالرد ... والله كلكم خير وبركة عسا الله ما يحرمني منكم

ان شاء الله يساعدونج البنات

بالتوفيق وانشالله تلقين الي تبينه ... وتصرين احسن من حنان بعد ونيي عندج تسوين لنا:wink_smile:

ذويقات بنات الكويت وبعد هم خواتنا ونحبهم لانهم بنات كشخة وذوق واناقة

بالتوفيق ان شاء الله

انا سألت وحده تدرس بمعهد الساحه والتجميل وقالت انها ماخذه دوره عند حنان دشتي بـ500 دينار وهذي ارقام صالوناتها دقي وسألي

ابوحليفة 3718044-3718055

حولي 2660560-2660660

سفيربستكي 2552021-2555081

واذا تقدرين سجلي بمعهد السياحة والتجميل يعلمونج من الصفر وتطلعين حريفه ويعطونج شهاده معتمده ومدته اذا مو غلطانه سنتين

صالونات الكويت كلللللللللللللللللللللها مثل صالون حنان والله بالضبط بالضبط
انا حطيت عندها مرتين الاولى روعه والثانيه لووووووعه ....
وحرمت الثالثه لانها صارت تحط ميك اب الوان الوان الوان رأيي ورأي كم وحده والناس اذواق بس بالنهايه والله صوالين الكويت كلها نفس الشي انت وحسب طلبج بس حنان وكم صالون تقولين خفيف يحطون 3 ارباع العلبه ماادري لو قلتي ثقيل اشلون يمكن كل العلب .....
عموما الله محيج