مرحباااااا .. بصراحة انا سجلت ابهالمنتدى بس علشان مشكلتي المأساااااويه من قلب.. بنات انا كنت متزوجه من واحد خووش واحد والله العظيم إن لوو أمدح فيه من الحين لي باجر ما أوفيه حقه.. وقبل لا أتزوج كنت عايشه عند أهلي طبعا" عيشه خاايسه استغفر الله يااربي والحمدلله على كل حال .. أبوي شكااااااك بدرجة خياليه وكل طلعه أطلعها بالغصب ويطلعها من جبدي وكل يوم والثاني اهوااااااااااش وأمي و ابوي لاعنين خيرررري بس يبون يتهاوشون معاي مع ان طبعي هاااااديه وبحالي بس سبحان الله يمكن اختبار من ربي .. والحمد لله ياارب تقدم لخطبتي ريلي وطررررررت من الفرحة وعلى طووووول وااااااافقت .. وتزوجت والله العظيم يا بنات شفت حياة غير عن الحياة اللي كنت عايشه فيها فررررق 180 درجة حسيت بطعم الحياة صج .. وأهل غير عن أهلي ماشاء الله فرررق 180 درررجه.. والشي القوي اللي ماقلت لكم عنه ريلي كان تعبان اشوي أو ماخطبني وللأسف مع الوقت صار شبه معاااااااق:frown::frown::frown: الحمدلله على كل حال.. لي درجة ان خلاص ماكو علاج له بنات لاتقولون حاولي وماأدري شنو مااااااااااااااااله علاج ومااايقدر اييب عيال وحتى لوو بييب عيال منه بالطرق الثانية اللي بالمستشفيات بيكونون اليهال معاقين وسألنا فيها 100 دكتور،، فهالسالفة مافيها مجازفه.. رضيت بنصيبي واستسلمت للأمر الواقع ولكن أهلي اوقفوا بويهي قالوا ماتقعدين عنده وصارت مشاكل .. ورديت حق أهلي وانا من داخلي مااااااأبي أرجع حق حياتي المأساويه من عقب الدلال والدلع والراحة النفسيه.. وألحين يا بنات صارلي عند أهلي 8 شهووور مااااااااااااااااني قااادره أتحملهم والله العظيم صاروا ألعن من قبل لا حول ولا قوة إلا بالله .. أبوي يدقدق علي بالدوام من الشك اللي فيه وانا مكاني شغغغغل شغغغل ماااااااأقدر اتكلم بالتلفون إن مارديت لعن خيرررري والطلعه بالحسررررررررره علي والله العظيم ان خياط وصالون ماني قادره أروح لااااااااايعه جبدي عالآخر .. فألحين قاعده أقول أرد حق ريلي بس علشان الحياة اهناك و الراحة النفسيه وأنسى شي اسمه عيال؟؟؟ ولا أصبر عالجحيم وكل يووووووووووووووووم اهوااااااااااش معاااي؟؟؟؟؟؟؟؟؟ ويابنات إذا الله مو كاتب لي نصيبي جذي بعيش طوول عمري؟؟؟؟؟؟؟؟؟؟؟؟ الله يصبرني ياااااااارب .. " اللهم آجرني في مصيبتي واخلف لي خيرا" منها"
حبيبتي الله يعينج بصراحه من الصوبين من الريل والاهل !!!!!! انا اقولج استخيري وماتدرين يمكن هالمعاق احسن من ناس اصحاء واااايد وعالاقل احسن لج من اهلج اسمحي لي يااااااما متزوجين قعدو مع بعض بدون يهال ومرتاحين والعكس صحيح ناس بينهم عياااال الدنيا ومطلقين وبالمحاكم انتي شوفي الانسب لج وتوكلي على الله
استخيري رب العالمين . . . زوجج بإذن الله له علاج . . . ليش قانطة من رحمة رب العالمين !! العلم تطور لدرجة إنهم يختارون الاجنة السليمة ويتم ارجاعها . . . رفيجتي فيها مرض تحمله من والدها وتنقله لاطفالها والنتيجة اطفال داون ومنغولي واعاقات عقلية بسيطة أخرى. . . كل سنة مواصلة تلقيح اصطناعي ويتم اختيار الاجنة السليمة ويتم ارجاعها وما يأست وصااابرة . . . ربج رحيم وكريم اكثروا وداوموا الاستغفااااار ولا تيأسين . . .
استوقفني ردج هذا : يعني انتي تبين الحياة المريحة اللي عند هالزوج بغض النظر عن حبج له او محاولة الصبر على إعاقته تبين ترتاحين نفسيا في المقام الأول . . . وتبين بنفس الوقت أطفال يعني مو مستعدة إنج تحاولين وتصبرين على هالزوج . . . إذن انفصلي عنه وانتظري نصيبج وتحملي اهلج . . .
أم عبدالله انا أحبه وأموووت عليه... لأن صج مااقصر معاي بس أولا" أبوي حالف علي ان اذا رديت له لاني بنته ولايعرفني والبيت ماأدخله مهما كانت الأسباب.. ثانيا أكيد أبي الأمومه والله سبحانه ذكر هالكلام بالقرآن الكريم " المال والبنون زينة الحياة الدنيا" بس انا محتاااااااااااااااره يعني في تنازلات يا اني أتنازل عنه أو أتنازل عن العيال..
حبيبتي انا اقول ردي حق ريلج ولا تترددين واهلج اكيد مع الوقت بيرضون وترا العيال صحيح انهم زينة الحياة بس في وايد ناس عندهم كوكش يهال ومو مرتاحين مع الزوج كللش وحياتهم كلها مشاكل يعني احمدي ربج ان عندج ريل جوهره ويحبج وحافظي عليه واهتمي فيه واكيد هذي خيره لج صدقيني وتذكري حبيبتي ((من ترك شي لله عوضه الله خيرا منه)) يعني العيال مو كلشي اهم شي الراحه النفسيه والحب والتفاهم بين الزوجين ودام ان انتي عندج هالشغله لاتفرطين فيها وايد ناس اعرفهم ماعندهم اعيال والله حياتهم كلها حب اب حب مشالله عليهم الله يفرج همج ويشفي ريلج ويسعدج امين يارب
هلا حبيبتي الله يصبرج ويعينج الدنيا اختبار ياقلبي وسبحان الله ربي له حكمه في كل شي لاتقولين مصيبه الي صار لزوجج بالعكس ممكن اعاقة زوجج سبب في تاخر مصيبه عنج وسعادة لج واجر بالاخره واعرف وحده نفس حالتج وقعدت عشر سنين مع زوجها واهلها بالاخير رضوا عليها والحين عندها ولد مثل القمر تبارك الرحمن رايي ردي لزوجج اريح لج وافضل والقرار الاول ولاخير لج طبعا
الله يهدي اهلج لج ويسخرهم يارب وعسى الله يشفي زوجج والله يعوضج ان شاء الله حبيبتي كثري من الاستغفار ليل نهار وانشاء الله بتعدل امورج
ردي لزوجج حبيبتي ووقفي معاه ماتدرين شنو نفسيته بدونج الحين ودامه من خطبج يدرون انه مريض ليش وافقوا واهلج مهما كان بيحن قلبهم عليج وماتطول زعلتهم وزوجج الله يشفيه بيكون مصدر اجر لج وراحه من رب العالمين لاتخسرينه وتخسرين حياتج انتي ضامنه بيجيج نصيب اذا تطلقتي ولا حتى لوجاج تضمنين الرجال يكون شيفيد لو تطيحين برجال خربان يعقدج ويعقد حتى العيال الي بتجيبنهم منه ويصيرون لج كسرة ظهر ماتقدرين تتطلقين تخافين عليهم يضيعون ويعيشيون مشتتين ساعتها تكون الحيره الصجيه لانج مو بروحج معاج عيال برقبتج وعاطفتج تمنعج تسوين شي يضرهم حتى لوعلى حساب نفسج والله يسر امورج ويمشيج عالخيره
حبيبتي شوفي انتي اكيد فاهمة واعية باللي تسوين انا من راي انا تردين لة حتى لو معاق حرام تتركينة وهو بهالحالة اكيد محتاجج اكثر من الاول الريال ترا بطبعة ضعيف انا من راي ترجعين لة اكيد اهلج بيرضون بعدين بس ماتدرين يرجع يمشي لان ربي قادر على كل شي الطب تطور مو مثل قبل لا تهدينة لاني مجربة التجربة لاتكسرين نفسة لا تخلينة يكرة العالم حبيبتي بغيت اسالج زوجج متى صارت لة الحالة لاني اعرف دكتور شاطر ماشاء الله علية
حبيبتي انتي لو عندج ذرة رغبة بالرجعه لريلج جان ما احترتي يالغاليه بس انتي تبين النفصال عن هالمسكين وتبين احد غيرج يأيدج بقرارج ربي يعينج ويفرج عليج همج
^^ أم يوسف لو بفكر بالعقل أكيد بخليه يطلقني أول شي انا بطبعي ماااأحب أكون عاله على أحد ثاني شي من حقه يشوف حياته.. بس من ناحيتي العاطفة وهالسوالف لا ماراح أرضى
