صباح الخير .. شخبااااركم .. بنوتات تخيلوا معاي شوي.. تخيلي انهـ يخطبج واحد كل شي تتمنينه فيه ؛؛؛ يعني كل وحدة فيكم تشوفه فارس احلامها واللي تنتظره من صغرها .. واخيرا تحقق حلمها وشعورها لا يوصف من السعادة .. المهمـــ مرت الايام بسرعة وجاء الزواج انتي و المعرس اللي تمنيتيه لوحدكم .. الحين انتي في قمة الفرح و قال لج : شوفي يا بنت الناس انا ما ابي اظلمج معاي .. انا الصراحة مجبور فيج و مو انتي اللي اتمناها .. انا قلبي تسكنة وحده غيرج وهي حلم طفولتي بس اهلي عارضوا وما اخذتها .. بهاذي اللحضه وبكــل صراحـــهـ شنو راحـ تكونـ ردهـ فعــــلج.. ؟؟ يااااااااااااااالله يابنااااااااااات ,, ابي حمااااااااااس انتظر ردودكم بكل صراحه .
والله ياقلبي لو اني ادري قبل الزواج اضمن لك اني بتحمل وبحاول اتفهم بس وقت الزواج والله ماادري يمكن اضربه يمكن انهار يمكن يصير لي شيء بس الي اعرفه اني ماراح اتحمل .............................................الله يسخر زوجي لي ويجعلني قرة عينة ويجعلة قرة عيني اااااااااااامين يارب الله لايبتلي احد ويحطه بنفس الموقف .
يمه الله لايقوله صدمه الصراااحه ماااتخيل نفسي بالموقف بس لوحصل بخلي نفسي ذكيه وبكمل حياااتي معاااه وبدعي ربي انه يحببه فيني ويسخره لي وينساااها والحمدالله رب العالمين وانتوا طيبين وبخير )))))))))))
بسم الله علينا وعلى غيرنا حبيبتي الصراحه مو كل وحده تتقبل هذا الكلام بقول بس ولا وحده تفهم كلامي غلط في وقتنا الراهن والحالي البنت تبيع روحها حتى لوكان مابحبها طيب المهم يطلق عليها اسم متزوجه للطلعات والوناسه والبنت اللي بتوافق على واحد مثله غبيه أسفه لو انه ذكيه كان حست من أول يوم واول لقاء ما بينهم كيف أسلوبه كلامه معاملته معها الحمد الله اني مانحطيت في هالموقف بس بحكم عقلي قبل قلبي في هذا الوقت لاني راح أعيش العمر كله بس اذا ما قال الا ليلة الدخله لآ هذي فيها كلام ثاني وما راح أسمح له انه يهيني لان بطبعي ما أحب أخذ مكان وحده وهو مجبور فيني الأ الكرامه ما أسمح أروح عند أبوي بكرامتي وعذرا على الاطاله ومشكوره يا عمري على الموضوع
تسلمين ياقلبي على مرورج شنو تتوقعين ردة فعلي بصراحة اول شي بنصدم .. وبعدين اضحك واغير لبسي وامسح مكياجي وراروح انام ولا كاني سمعت شي بس ادعي ربي ان يحبني مع الوقت .. لان ماتدرين يمكن يمووت فيج مع الوقت وينسى اللي تمناها هذا راي بكل صراحة
اول شي بطقه واطقه واطقه ليما يطيح حيلي بعدين بدق على امي اقولها طلع مو ريال وقالي اهو تزوجني عشان لحد يتحجى عنه واهو جنس واخليه ياكلها وينقص ويهه جدام الناس عيل قال مجبور قال يعني يايبينك اهلك من رقبتك مثل الخروف تخطب مو الا تتزوج انطر لما اهلك يملون منك ويزوجونك حبيبتك لازم تخرب بيوت الناس
اقسم بالله هالسالفه صارت لوحده اعرفها اهي قبل الزواج مرت ابوها شوهت سمعتها وشيشت اخوها يذبحها وانحاشت بيت اختها وخواتها تسترو عليها ما علمو وين قاعده واخوها خاف يروح مخافر يدورها وقام يدورها ما لقاها بس اهو حاس انها عند وحده من خواتها بس ما بغى يسوي مشاكل خاف ازواجهم يعرفون ان اخته فيها شي بس حلف اذا شافها يذبحها وحرام مرت ابوها اظلمتها انها عندها علاقات واهي البنت اعرفها شريفه وتخاف الله المهم انخطبت من ابوها ابوها دق على اخوانها وخواتها يقول فلان عند منو ؟؟ ترى انخطبت يلا اعترفو انا ما راح اسوي لها شي بس بسترها وافتك منها عموما اعترفو بتواجدها عند اختها واستانست وقامت تصلي وتشكر الله وبليلة دخلتها شافها زوجها وطالعها وقالها يا بنت الناس انا ما ادري شفيني احس ان انا وياج ما نصلح لبعض وانا عشان ما اظلمج ما راح اقربلج وراح اردج بيت اهلج معززه مكرمه واطلقج انا ما ابيج ابي وحده ثانيه امي زوجتني عشان انساها ما تبيها وانا لمن شفتج احس بالعكس قاعد اتذكرها واتعلق فيها اكثر تقول لمن قالي جذي قلبي وقف ودمعتي نزلت وانا خايفه بس من ارجع بيت اهلي واخوي يحكرني ويذبحني او يشك ان فعلا فيني شي او اني مو شريفه مثل ما قالتله مرت ابوي هني تقول ركضت له وكان قاعد عالسرير وقعدت باركه على ريولي وماسكته ودموعي اربع وابكي بدون شعور ما ادري شلون تجرات ( الخوف خلاني جريئه) وقلتله انا ادري ان هالكلام مو من قلبك وانت قلت هالكلام لانك ما تعرفني عدل انا اذا عاشرتني ماراح تحب غيري راح تنسى كل الناس , هذا الكلام قلته يمكن لانك خايف من علاقة جديده عادي مسامحتج عطني فرصه اخليك تحبني جرب عطني بس شهر عيش حياتك معاي انت بس قلت انك ما تحبني لانك خايف من المجهول , انا بعد ما اعرفك خلنا نحاول نعطي بعضنا فرصه ونحب بعض, انت لمن تطلقني بتظلمني لان الناس شيقولون عني بعدها , عفيه عطني فرصه وبكت حيل قام زوجها ولمهاعلى صدره وقام يسكتها بعدها والله العظيم الحين اهو يموت فيها واهي تحبه وعايشه احسن عيشه من كل خواتها ويايبه منه دسته يهال وتقول الحمدلله اني ما ضيعته من ايدي واهو يحلف ان حبيبته نساها وما تطري بباله مو ليه وانا اغلى انسانه عنده بالدنيا رفيجتي الي اهي زوجته الله يتمم عليهم امين ويكفيهم شر العيون
والله كسرت خاطري سبحان الله تصير بالدنيا وربي يوفقها تسلمين ياقلبي على مرورج يام التوام من زمان عنج فديتج
واللة اشيل جنطتي وروح بيت اهلي اهم شئ كرامتي شنو اعيش مع واحد مايحبني انا عندي عادي انا مااحبة واعيش معاه ولاهو مايحبني واعيش معاه
