انا ضد الخدم اصلا الشغل عافيه للمره لأن حريم هالوقت كسولات صراحه تلاقينهم من اول بيبي خدامه ويحطون لج لستة اعذار تفشل والناس قدرات بتحمل المسوليه الي تربت على تحمل المسوليه من الصغر وتحب ان كل على عينها ومحتسبه الاجر من الله صدقيني هذا بالنسبه لها متعه مو تعب وانا الحين لي خمس سنين متزوجة وعندي شموع دنياي بنت ولد اسم الله عليهم عمرهم ما اعرفو الخدم ولا ريحه الخدم دام فيني عافيه @ الله يديم هالنعمه علي @ وشكرا ياامي الغاليه لأنج ربيتيني صج
والله انا عندي خدامه والله من عقب القيصري وانا ماقدر اسوي شي لا الاشياء الخفيفية وانا اصلا مااخلي بنتي عندها الا اذا رحت مكان ومااخليها لا اذا الخدامه عندنا من عمر وحبوبة وهي بعد حبوبة بس مااطول اذا طلعت واصلا طول الوقت عندي حتى لو صار موعد بنتي تكون معاي مااخليها يكثر الي شفتهم يخلون عيالهم توهم صغار وهم مع الخدامه وهي تمشي قدامها الله لا يبلانا
والله ذابحني تأنيب الضمير ان ولدي متعود عليها وانا مهمله بيتي وضناي بس ان شالله اعوضه وقدر الله وماشاء فعل والله غصبن عني وموبيدي مجبر اخاك لابطل المرض الله لايبلي احد فيه قولوا آمين
خدامتي وصلت بعد ولادتي باسبوع خلنا نكون واقعييين انا قبل كنت اقول نفس كلامكم مستحيل اييب خدامه بس الحجي شي والصج شي ثاني 1- الدوام .. لي رحت الدوام من الصبح لي الظهر انشالله منو بيمسك هالياهل ؟؟ اضطريت اييبها لهالسبب اول شي .. مع اني ساكنه عند خالتي بس خالتي مو فاضيه ولا فيها شده تمسك عيالي وعيال حماتي وعيال مادري منو .. يعني لازم في احد يمسكهم وتحت عيوون خالتي .. انشالله بخلي خالتي تودي ولدي الحمام وتغسل شسموووونه عيب علي اصلا .. خلي خدامته عنده تقوم فيه وخالتي بس للمراقبه والصبح وايد مرات خالتي يكون عندها مراجعات طبيب ومواعيد .. يعني لازم احد يجابل اليهال 2- شغل البيت .. انا برد من الدوام باخذلي شاور بجابل ولدي وريلي .. من بيقوم بالتنظيف والترتيب .. اكيد الخدامه وبعدين احنا مو مكاين نبي نرتاح نبي نطلع نبي نشوف نفسنا وهواياتنا يعني اللي تشتغل الصبح والظهر ترد تجابل عيالها و بعدين تنظف وتطبخ و ين لها خلق باللليل تجابل ريلها اقرب مالها الفراش وسابع نووومه وظهر متكسر 3- الطلعات .. بصراحه في اوقات احتاج اطلع مع ريلي بروحنا نروح مطعم بفندق او سينما او نتمشى بروحنا بعيد عن جو البيت واليهال ... من بيمسك الياهل اذا طلعت .. اكيد الخدامه .. بعد حتى الريال له حق .. اذا المره بس بتفكر بعيالها وبتنسى هالياهل العود اللي عندها مصيره بيتملل منها ومن البيت وبينحاش يا بالقهاوي ولا بالدواووين 4- المواجيب والعروس .. ما اتوقع بتشيلين اليهال معاج بالعروس .. ولا بتقولوين ما اروح .. ليش ما اروح اروح ونص واونس عمري واوجب الناس .. 5- ولدتي يبتي بيبي ثاني ... من بيجابل ولدج الاولي وانتي بالمستشفى هل كل اللي تعرفينهم فاضيين 24 ساعه يجابلون عيالج ؟؟ 6- في اوقات اكون قاعده اطبخ وولدي يحوس تحت ريولي بالمطبخ بالله هذا من بيمسكه لوما وجود الخدامه ؟؟ اي تذكرت سالفه .. ايام اللي كنت توني والده رضعت ولدي ونام .. قلت خليني اقوك اتسبح .. دشيت الحمام واخذت راحتي بالسباحه ومع صوت الماي ماسمعت شي الا لمن خلصت بلبس واسمع صرييييخ ركض طلعت برا ولا ولدي قاعده من النوم والظاهر محرك ايده ويايه الصدريه على ويهه ومو عارف يشيلها وباجي بجي ويهه احمر و.. الله ستر عليه ما اختنق .. يعني بهالموقف لو كانت الخدامه بس قاعده عنده فتره سباحتي ؟؟ يعني وايد مرات تحتاجين تسوين شي بس ماعندج احد بالبيت يمسك الياهل غيرها مع هذا كله ولدي الحمدلله متعلق فيني حييل .. يعني معطيته حقه ومعطي نفسي حقها وريلي بعد
الهدف من وجود الخدامه اهو مراقبه الاطفال في حال غياب الام مو معنى هذا انها الماما ولا الناني حقهم لا مجرد مراقبه ياما وياما سمعنا قصص نهايتها مأساويه والسبب الام لاهيه بشغل البيت ومافي احد يراقب اليهال
كلامج صح 100% ولي مسويا نفسها المراة الحديدية الشيب يطلع لها بالعشرينات والريل ينحاش وحتى اليهال يضيعون لانو الوحدة تكون على اعصابها منين تيب لهم حنان وسط كل الشغل لي عندها
انا ضد الخدم عندي 3اميرات ربي يحفظهم ونفاسي ابيتي وووالخ بدون خدامه اربيهم انا واغسلهم وابدلهم بيدي ابرك هذا رايي الشخصي يبرون فيني مو بالخدامه اغلب اللي حولي عندهم خدم ويخلون عيالهم عند الخدم احس اليهال مدقورين والله مو نفس الام اللي ماعندها خدامه طبعا مو كلام لا اشوف بعيني وناس عن ناس تفرق
ومو شرط المره اللي تربي عيالها بدون خدم الشيب تارس راسها وووالخ يافراشه ماله شغل على تنظيم الوقت والله ياكثرهم خدم نص يوم تنظف ساعتين وتروح تنظف البيت وتخلص وتروح ولاتقعد عندي مجابلتني 24ساعه لا اقدر البس ولا اسولف ولاالخ ليش وانا ماداوم لي الحين توني مني ليما اداوم الا بناتي بالروضه واللي بالمدرسه وذيك الساعه ايب خدامه للتنظييييييييييف بس موتربي بناتي لا وخواتي اللي يداومون معاهم حق ايبون خدم لان دوام وتعب وسهر بليل مع الياهل والله شوف عيني بكاميرا حاطينها خدامة ولد عمي يممممممممممممممه شتسوي فيه وغير المواقف اللي اسمعها الخدامه تخلي الولد ؟؟؟؟معاها وتعلمه سوالف نفس ويها وووووالخ شغلات تشيب الراس طبعا مومن قراءه قلت هالشي لااا من مواقف ناس تصيرلي وربع زوجي وهم من رفيجاتي وانا اتعلم من اخطاء غيري الصراحه وفراشه حبيبتي ماله شغل المرا الكامله تقدر توفق بين بيتها وزوجها وعيالها وووالخ انا عمري 22 ولله الحمد لاشيب نفس ماقلتي ولامنحاش زوجي ولا شي الحمدالله واصابع ايدج موسوى في الزين وفي الشين في بعض ريايل والله حريمهم مايسون لهم اي شي كله عالخدم غير لما يكون الشي من ايد زوجته لو قلاص ماي احنا مانقول نضغط عالمرا لاوالله اللي تداوم لازم خدامه لان تعب بتعب طبعا خواتي اللي شاركوا بالموضوع ماشالله كاملات والكامل الله ماشوف من ردودهم معتمدين عالخدم لا ماشالله مجرد مساعده الله يكون بعونهم وبالاخير الله يكون بعونا احنا يالامهات الجنه تحت اقدامنا
اهات اللليل يعطيج العافيه لمن تشتغلين بتحسين بالفرق وعموما احنا قلنا الخدم للمراقبه في حال غياب الام عن البيت مو للتربيه بس سؤال صج ابي اللي ماعندهم خدم يجاوبون عليه اذا بتطلعين مع ريلج وين تخلين عيالج ؟؟ انا عن نفسي ماحب اقطه على اي احد كان الا معاه خدامته عشان لا يقولون هاده ولدها وطالعه ومحملتنا مسوليته اذا بتطبخين وين تحطين عيالج ؟؟ معاج بالمطبخ ؟؟ انا بشغل الفرن وبحط الزيت عالنار وغير الادوات الخطره بالمطبخ وهالولد تحت ريولي يحوس .. لوما وجدو الخدامه تاخذه بعيد عني وتلهيه جان من زمان محترقه انا وياه اذا بتتسبحين وين تخلينهم ؟؟ عند باب الحمام ينطرونج؟؟ انا ولدي من ادش الحمام تكرمون بس بغسل ويهي مثلا يوقف عند الباب يبجي يقولي ماما تعالي !! شلون لو بتسبح بصراحه ماله شغل اليهال يتعلق بالخدامه ولا الام بسبب الاهمال ولا التربيه ولا مجابل منو يمكن ساعه تقضيها الام مع عيالها احسن من 24 ساعه قاعده معاهم بس مو مستفيدين منها غير الصراخ ولا مجابله التلفزيون ولا لاهيه بشي ثاني
في يهال متعلقين بالخدم بشكل موطبيعي حتى الام لاقالتلهم تعالوا مايروحولها هذول الامهات الاتكاليات في امهات جذي ماشالله عليج لانج ام مثاليه فعبالج الكل مثالي نفسجلا والله في امهات الله يصلحهم ويهديهم مايدرون عن عيالهم شي وموشرط الام اللي مجابله عيالها 24ساعه تصارخ ووووالخ لا بالعكس انا قعد اعلم بنتي وادرسها لان هالسنه بتدش روضه ماشالله وجريب بحفظها جم سوره لازم يتعلمون الصح والغلط والاشياء المفيده حتى بالنت قعد اسمعها قران واوريها برامج اطفال اصابعج موسوى
انا مع ان الوحده اتجيب خدامه ، ناويه اجيب خدامه لاني مو ملحقه على الشغل طالبة ودوامي لي العصر احس اني مو فاضيه لزوجي وانا ماعندي اطفال بس احس نفسيتي تعبانه وهذا اثر على حياتي انا وزوجي.
توني اشوف رد اهات الليل على اسئلتي لانج حاطتهم مع اجوبتي فما انتبهت اذا بتطلعين مع ريلج وين تخلين عيالج ؟ اطلع انا وريلي وبناتي ياحلو الطلعه معاهم انا اقصد الخصوصيه ... انا اطلع ولدي معاي كل مكان .. بس في مرات احتاج انا وريلي خصوصيه .. مرات تحتاج المره وريلها يطلعون بروحهم يتمشون عالبحر يا كلون ايس كريم يمسك ايدها يبوسها يذكرها بايام الخطبه .. يتجدد الحب .. تحسين نفسج بعدج عروووس .. بصراحه وبكل واقعيه الطلعه مع اليهال عينج عليهم تخافين واحد يصير فيه شي ولا يسوي مصيبه .. البرايفتي انا اقصد البرايفتي .. مو معقوله بشيل عيالي معاي اذا بروح فندق انا وياه ولا بحتفل معاه بشي خاص انا ويااااه بس دلعي ريلج بطلعات خاصه بعيد عند جو البيت واليهال .. انتي بترتاحين واهو بيرتاح والياهل ماخذ حقه بطلعات ثانيه اذا بتطبخين وين تحطين عيالج ؟؟ معاج بالمطبخ ؟؟ انا تقريبا بس الريوق اسويه والعشا والغدا مشتركه مع طباخه كويتيه تطبخلي ومرات اطبخ عادي مولازم يقعدون بحضني وقت الطبخ الشقه شكبرها وابوهم عندهم شفتي شلون ... لا تقولين كل شي اسويه بنفسي حق ريلي .. كا مشتركه مع طباخه .. الشقه اشكبرها اوكي انا ساكنه بدرو كامل ووقت الطبخ يبي يحوس عندي وابوه مو على طول قاعد بالبيت .. عنده دوامه عنده بزنس خاص عنده مشاوير البيت اللي يقضيها حقنا .. يعني الخدامه مطلوووبه .. يمكن انتي ريلج فاضي ماعنده شغل
انا بصراحه ما أيد وجود خادمه الا ف الحالات الاضطراريه اما بالنسبه اني امسكها اولادي لا والف لا انا عندي بنت وحده والله يخليها لي ان شاء الله والله يخليلي الوالده وعمتي ما يقصرو ماخذين بالهم منها لما اكون بدوامي
الحمدلله انا ماعندي خدامه ولا احب الخدم وولدي على ايديني فديته اما اذا جاهل تشيله خدامه وريحته موشييييييييييييييي مو نظييييف ابدا ما اشيله ولا افكر المسه
انا حاليا ماعندي خدامه بس لما كاانت عندي والله كنت استفيد كاافي بس غسيل الملابس والكوي وكنت بس اخلي ولدي الصغير لابغيت اطلع للضروره اما طلعتي انا وزوجي وعيالي بالعطله والله ماكنت اخليها ترووح لان بالنسبه لي يوم عائلي خاااااااااااااااص جدا والله المستعان
هههههههههههههه الخدامه وصلت قبل اول طفل اصلا هههههههه اللي يقول وجودها مو ضروري اكيد ياتكون قاعده بالبيت او بايعتها وجودها ضروري اذا كان عندج اطفال وتشتغلين...وفوق هذا زوج لازم تجابلينه وتكون متزينه ومتزقرته جدامه حتى حالتج النفسيه تكون تمام اذا عندج احد يساعدج ويعينج على البيت واليهال واذا ماعندج النفسيه طبعا مايبيله .......بتكون معصبه ومقهوره وكل شوي هواش مع هالمسكين وعلى شنو يالغاليه ؟والله اييب لي خدامه وانا ارتاح
