بنات الله يخليكم احس اني حدي متوهقه عيد ميلاد ريلي بعد اسبوعين تقريبا وحاطه ببالي احجزله بفندق المارينا وودي اعزم اهله بمطعم عاد شرايكم بمطعم الصفدي اللي جدام مصافط المارينا في احد جربه ? وشلون اسعاره ? واذا عندكم اي اقتراح حق مطعم ثاني قولولي والله حدي متوهقه
عليكم بالعافيه حبيبتي وعقبال العمر كله مع بعض آمين وما اقدر افيدج والله ماعندي فكره بس سمعت يمدحون نينو بس يقولون غالي
بالعافية ممكن ميس الغانم اسعاره حيييييييييييييييل حلوة وذوقيهم كبدة دجاج بدبس رمان او صويا ناسية مو طبيعية عزمينا معاهم ههههههههههههاي
انا مع دراريع عليا عزميهم بميس الغانم وطلبي كبده بدبس الرمان يااااااااااااااي اشتهيتها انا وريلي نموت عليها وكله نطلبها وطلبي لهم قلوب مشويه لذييييييييييييييييييييييييييييييييييييييذه واكلم وايد حلو وخدماتهم زينه والمطعم عائلي واسعاره حلوه وصج لاتنسين الحلو طلبي لهم لحلو اللي شكله على كور وداخله كريمه وعليه صوص ككاو لذييييييييييييييذ ماعرف اسمه بس شكله جذي وعندج بعد مغل محل عائلي واسعاره حلوه وطلبي لحم منغولي ايهببببببببببببببل عاد انا يوعانه عشان جذي اندمجت شوي مع الطلبات ههههههههههههه واهم شي شوربة القبقب احلا شوربه شربتها بحياتي اول ماعلمني عليها زوجي كنت اقول من اسمها يلوع الجبد بس يوم جربتها صرت كل يوم احن عليه خل نروح مغل محل بصراحه هذيل احلا مطعمين بلا شك<<<< حلوه هذي بلا شك
هههههه صج شوّقتونا متى المعاش خل الواحد يطلع.. العمر كلّه انشالله والله لايغيّر عليكم.. بالنسبه لي أحب الأبراج ..راقي وهادي ورومنسي.. بس عسا ماغيّرو الشيف اللي هناك.. أقول متى بالظبط بتروحين خل نطب عليكم!! رزّت فيس..ههههههه
نصيحة الخمرية لاتروحين صاير يلوع الجبد لااكل ولا اوادم كلا هنود وااااااااااااااااااع ندمت يوم رحتلا تو الضاهر مغيرين الشيف الاكل الله يديم النعمة صح مغل محل حيل حلو واسعارة حلوة
:what_smile: والله صجّ محد قاللي!! زيييين علّمتيني اللـــه يجزاج خير.. صج شسالفة هالهنود مناشبينا بكل مكان!!
الصفدي مو عائلي كلللش ما انصحج فيه عزميهم على مطاعم يديده نارنج مثلا اللي فاتح باولمبيا <<< ودي اروحله بس همن اقولج احتفلي بعيد ميلاده انتي وياه مالي داعي تعزمين اهله عشان عيد ميلاده مو ياهل اهو !! يعني لو ترقيه ولا زياده ولا شي جذي اوكي بس عيد ميلاده خليه حقج انتي وياه بس
ههههههه ان شالله بعزمكم اذا قررت وين ؛ بالنسبه حق شيليز صج حده عجيب بس كله نروحله و ميس الغانم حده لذيذ اكلهم بس المشكله كله نطلب منه ويوصل لي البيت ؛
انا ودي يصير تغيير مابي بروحنا وهم بس بحسسه ان بس العزيمه اهي حق عيدميلاده وبالليل بفاجئه بالفندق وهديته =)
انا السنه اللي طافت عزمت ريلي على مطعم بومزيان كان اسمه جذي الحين سمووه ماضينا ببرج جاسم الاكل مغربي عادي جدا جدا بس شنو الحلو فيه انه حطولنا مكان بروحنا زينوه شموع وورد (متفقه معاهم من قبل) و عقب ماخلصنا العشا يابولنا كيكه وغنولنا بس مو مثل جيليز وفرايديز لا غيييير زفه مغربيه سوووله اول شي قالو اللهم صلى على سينا محمد وزفه ورقص مغربي ويباب كان حده عجييب
وناااااسه حده فكره يديده بس انا رحت مطعم ماضينا أكله عجيييب اهو مطعم كويتي غير عن اللي كان فاتح قبل و حتى أول ماتقعدين بالطاوله ايونج ٢ لابسين دشداشه يصبولج قهوه وتمر صج حلو .. بس ودي بمطعم ما راحله ريلي =(
الصفدي خبري فيه اول ما فتح قعدته عاديه جدا وحتى كانو الكراسي بلاستيك يعني نظام قهوه مو مطعم راقي بس مادري الحين شلون بس كلللللش ماعجبني دون ماريو (ايطالي) رحتله مره مع ريلي وقعدته حلوه واكله زين يعني ممكن تعزمينهم فيه
قاعده احاول اتذكرلج مطاعم بس انتي بحدود جم تبين ؟؟ شنو نظامه ؟؟ بوفيه طلبات ؟؟ عربي غربي؟؟ وديهم الحمرا عجيييييييب بوفيه وكل اللي بخاطرج موجود فيه
حيااااتي بهبهانيه يعطيييج العااافيه والله ماتقصرييين ،، الميزانيه اوك عندي ،، بس شكلي بعزمهم ع المطعم الايطالي وايد مدحولي قعدته و أكله ،، و ان شالله يكوون نفس اللي سمعته ،، يعطييييييييييييييج الف الف الف الف عااافييييييييه
