خواتي ما عليكم امر .. بغيت مساعدتكم بشي مهم

السلام عليكم و الرحمة و الاكرام

خواتي ما عليكم امر بغيت نصايحكم و استشاراتكم بموضوع مهم بالنسبة لي :red_smile: :red_smile: :red_smile:

بصراحة انا بنية خجولة حيل و استحي اتكلم عن هالموضوع بشكل مباشر :red_smile: :red_smile:

انا بصراحة دورتي مو منتظمه يعني من اول ما بلغت علي كانت مقطعة يعني شهر اي شهرين لاء و مرة صارت ان 4 اشهر ما يتلي بعدها يتلي :red_smile: :red_smile::red_smile:

و هم من اول ما بلغت زاد وزني وايد

بس الحين الحمدلله نزلت من وزني شوي بس ليلحين مو منتظمه عندي
يعني شهر اي شهر لاء :red_smile:

و وايد تتاخر علي

يعني حتى لمن فترة اتيي كل شهر يكون بين الدورتين 46 يوم

و انا ساعات في اشهر نفسيتي اتكون تعبانه شوي فهل اي تعكر بالنفسية يأثر على طول؟

و متكيسله بصراحة مالي خلق مراجعات الاطبة و جذي

بس لمن امي تعطيني اشرب اعشاب تنزل

بس ترد مرة ثانية تنقطع

انا قريت عن هالموضوع وايد بس ما لقيت حل :red_smile:

فما عليكم امر خواتي ياليت اتفيدوني

و اجركم على الله ان شاء الله

و بالتوفيق للجميع​

​

هلا أختي Aimee

لازم حبيبتي تراجعين طبيبة حتى لو طبيبة المستوصف قولي لها أبي ثلاث تحاليل أسويهم وهي :

1- نسبة الهموجلوبين ( للأنيميا )

2- تحليل الغدة الدرقية .

3- تحليل هرمون الحليب .


الأمور السابقة تأثر على الدورة عندج فلازم تعالجينها من الحين والاهمال بيخلي المشكلة تزيد خصوصا بعد الزواج والرغبة بالإنجاب

وأهم شي لما تنزل الدورة شرب سوائل حارة مثل :

الحليب الحار مع الفلفل الأسود والدراسين والزنجبيل لازززززززززم علشااان تنزل وما تسوي سدد بالأرحام . . .​

مشكورة اختي ام عبدالله

انا كنت مسوية تحليل دم و تحليل غدة بس الحمدلله طلعت النتيجة زينة

اهي لمن تنزل تنزل عادي يعني الحمدلله مافي انسداد في الرحم

لكن انا اعتقد ان في خمول في احد المبيضين لان الثاني ماشالله فيه تبويض عادي

و الدليل ان اهي قام تنزل شهر و ترك

بس ما عليج امر اختي ما قلتيلي اذا كان اي تعكر نفسي يأثر على طول على الدورة؟

انا لمن تنزل علي احب اشرب السوائل الباردة مثل الحليب و الماي مادري ليش و اكثر من الايام العادية

و يعطيج العافية اختي

و بالتوفيق انشالله

هلا أختي Aimee

سبحان الله من عظيم خلق الرحمن إن مبيضي المرأة كل شهر واحد يفرز بويضة

يعني مرة اليمين ومرة اليسار بالتناوب


وعلى فكرة مو كل شهر تنزل بويضة ومو كل شهر يحدث تبويض لكن من المهم نزول الدورة الشهرية

كل شهر لأنها مالها علاقة بالتبويض

والدم -اعزكم الله - اللي ينزل هذا عبارة عن استعدادات الرحم لاستقبال بويضة ملقحة

إن ما وصلت له بويضة ملقحة يهدم كل الجدران والاستعدادات اللي بناها وحتى إن ما وصلت له بويضة هم بعد بينزل الدوم

سبحان الله

مشكورة اختي ام عبدالله على هالمعلومات القيمة

توني ادري ان حتى لو ما وصلت بويضة هم ينزل -عزكم الله- الدم

يعطيج العافية اختي

و بالتوفيق انشالله

السلام عليكم ورحمة الله وبركاته
حبيبتي موضوعج خطير ولازم تراجعي المستشفى قسم النساء يعني شنو مالج خلق الله يهديج صحة المرة برحمها لا سمح الله اذا صارلج شي موزين ما تنفعج الـ مالي خلق هذي ضروري تروحين الطبيب بأقرب وقت وديري بالج الله يستر عليج ويخليج لهلج​

حبيبتي ضروري تروحين طبيب تعالجين لأن آنا كانت عندي نفس مشكلتج وكنت مطنشه عل الآخر لين تزوجت مر شهر وراه شهر لين كملت سنه وماحملت ذيج الساعه ماكو مالي خلق غصبن عليج بتروحين تدرين تفاجأت إن عندي تكيس البويضه وبعد علاج طويل هم مافاد معاي لين سوولي عمليه بسيطه في المبايض والحمدلله بعدها يبت عيال لكن لو آنا متعالجه من أول جان ما صارت الحاله سيئه لي هالدرجه نصيحتي لج لا تهملين نفسج

مشكورة اختي اكليل الجبل

و تسلمين على النصيحة

انا انشالله راح اروح اراجع باقرب فرصة انشالله

بس اخاف المراجعات اتكون الصبح ايام مدارس

و انا ما اقدر اطلع من المدرسة لان يعطوني انذار

انا بالنظام الموحد الحين و صعبة الطلعات فيه من المدرسة

لان ما اتوقع في مراجعات العصر

و يعطيج العافية اختي

و بالتوفيق للكل انشالله

مشكورة اختي "الدنيا مبهذلتني" على الاهتمام و النصيحة

بس مثل ما قلت صعبة راح اتكون لو كانت مراجعاتي الصبح

انا بصراحة اختي شاكه ان عندي تكيس بس مادري

و انشالله راح ابدي اعالج باقرب فرصة انشالله

بس انا عندي سؤال .. اهي لازم اتكون منتظمه ولا عادي بس المهم ان تنزل كل شهر؟

و مشكورة و يعطيج العافية اختي

و بالتوفيق انشالله

حبيبتي علاج الحكومه ما منه فايده بس يعطونج حبوب تنزل الدوره والله مايعرفون كوعهم من بوعهم روحي خاص وايد أفضل والمواعيد تكون على كيفج

وين تنصحيني اختي ؟

سمعت طيبة كلينك مو شي بس يلعبون

يعمري اذا بتروحين طبيب خاص خليج عند دكتورة وحدة على طول ولا تغيرينها حتى عقب الزواج ان شاء الله واذا مو باستطاعتج طبيب خاص خليج ع الحكومة والحين احنا بعطلة لا تتكاسلين وسرعي بالمراجعة واذا على المدرسة خلي امج اطلعج وتردج عادي او تكلم الناظرة عن حالتج يبنت الحلال اهم شي عندج صحتج محد ينفعج غير عافيتج صدقيني​

السلام عليكم ورحمة الله وبركاته

حبيبتي انا قصتي متل قصتك
ما تنزل الدورة الا بدواء وعلى قولة اختي( الدنيا مبهذلتني ) الحكومة ما منها فايدة ما عندهم غير التحاليل وبالأخر يعطونك الدواء اللي ينزل الدورة ويتعب الجسم وايد والنفسية تصير زفت 0بكرامتكم
(وما يعرفوا شو العلة ولا الدواء اللي المفروض ينوصف

بس بدي اعرف شو الاعشاب اللي تاخذيهم وتجيكي الدورة ( ياريت تجاوبيني عالخاص ) انا سمعت عن عشبة الفوة هي هذه؟

واسأل الله العظيم ان يمن عليكي بالشفاء العاجل

يااااااااااااااااااي نفس حالتي وانا ابنت ومازلت بنت ) احم احم
رحت للمستشفى وسوت لي تحليل واشعه بس الاشعه ماضبطت عشااان مااشربت مااي كثير ع قولت الطبيبه

بس طلع في التحليل الدم خلل هرموني والظاهر بعد تكيس واخذت علاج حبوب لمدة شهرين ثم تركت الحبوب

قالوا لي في نااس كثير مثل حالاتي هم بنات مش منتظمه معهم وبس بعد الزواج عاادي يحملون وقالوا لي انتبهي ترى الحبوب

تسبب عقم ( وانا خفت ورميتها ) والحين صاارت بس تتاخر بس ماتنقطع زي قبل كانت اربع شهور ولاتجيني
بس صرت احرص ع شرب القرفه ( يمكن اللي خلاها تتحسن وبعد اشرب الزنجبيل )

ونفسك أختي أذا جاتني اشتهي الايسكريم والبارد 000

وبس هذا اللي عندي

انشالله اختي و يعطيج العافية و مشكورة عالاهتمام

انا انشالله راح اروح اراجع باقرب وقت

اكيد الطبيب الخاص احسن مثل ما قالت اختي "الدنيا مبهذلتني"

ما عليج امر اختي شالفرق لو بقيت على دكتورة و حدة او غيرت ؟

و مشكورة على مرورج الطيب

و بالتوفيق انشالله

انشالله اجمعين

مشكورة اختي عالمرور الكريم

انا انشالله راح اسالج امي و اقولج بالخاص

يعطيج العافية

و بالتوفيق انشالله

مشكورة اختي على مرورك الكريم

زين الحمدلله

بس ما عليج امر اختي شنو الحبوب اللي كنتي تاخذينها ؟

عشان الفايدة اتعم على الكل

و انشالله بدوم صحة و عافية

و بالتوفيق انشالله

هلين أختي 00

بصراحة مااعرف اسم الحبوب لانها كانت من مستوصف حكومي كانوا يحطونه بكيس شفاف مش مكتوب عليه الاسم

بس هذي الحبوب كنت اخذها عشر ايام في الشهر واليوم 12 او 13 من انتهاء الدوره تقريبا كذا

وتنزل الدوره بعد توقفي عن اكل الاحبوب في اليوم الثالث 00 وبس اختي هذا اللي عندي

اوكي مو مشكلة

مشكورة اختي و يعطيج العافية

مراحب

بصراحه البنات كفو وفو امكني نفسك قبل تزوجين