* شبابيكــ الهوى *

افتح شبابيك الهوى جيتك اليوم
بحساس من زود الوله عده ايطير



جيتك مثل طفلن له ايام محروم
عن حضن امه بعدته المقادير



وجيتك مثل عودن له ايام مهموم
وده يلاقي باخر الوقت تقدير



وجيتك حضن عاشق وهايم ومغروم
وده يضمك لين تصبح على خير



متى تحس ان الهوى شي مقسوم
من قسمة الخالق على خلقه يصير



ومتى تحس اني لك اطيح واقوم
واتعب على شانك واقدرك وآغير



لي في هواك احلام وامال وعلوم
واحزاب واصحاب وقصيد وجماهير



وهموم وافكار وهواجيس وحلوم
ودروب واخطار وعذاب ومشاوير



وحب وغلا واخلاص ومعاند ولوم
واحساس والهام وشعوروتفاكير



وصحبة سهر ومقاطعة لذة النوم
واشواق جياشه وعشق وتعابير



في ذمتك مابان لك شي مكتوم
من بعد ماصورت الاوضاع تصوير



لاتحسب انك شي عابر ومعدوم
وتاريخ حبك فاق كل الاساطير




في كل شي اتخيلك واسمعك دوم
واتأملك في الوقت الأول ولآخير




من ماضي الأيام ليومك اليوم
وغلاك عندي ماحصل فيه تغيير




وانا لك الله مأقبل البيع والسوم
ولا ارضى علي ولاعليك المخاسير




لاْني الوحيد اللي على بحرك يعوم
واللي عرف مرساه في رحلة السير




لحظه حبيبي قبل يسبقني النوم
بضم صدرك لين تصبح على خير​

ابيات حلوووووووووووو وشاعرية .....يعطيج العاااافية قلبي ...دلول

الله يعافيج , شاكره مرورج

أبيااااات مميزه اعجبتني
دلاااال وش أقووول كل شي تحطينه يعجبني
يعطيج العافيه حبي..

يعطيج العافيه دلووووووووووووول

الله يعافيج

و انتي و الله ردودج على مواضيعي تسعدني :teeth_smile:

الله يعافيج بشووووووووره

ياي يادلول اخذتيني لعالم ثاني ابيات روعه وذوق اروع فديتج

لاهنتي يا قلبي

شاكره مروووووووووووووركم

رووووووعه دلوووووول روووووووووعه

جيتك مثل طفلن له ايام محروم
عن حضن امه بعدته المقادير



وجيتك مثل عودن له ايام مهموم
وده يلاقي باخر الوقت تقدير

سوسو شاكره لج مرورج

لااااااااااااااااهنتي..

حياج ,,,,,

أبيات رائعه
يعطيج العافيه غلاي

الله يعافيج وحوح