ابي قروب رجيم لمدة اسبوع دشي معانا

احسن شي كل وحدة تجرب فينا رجيم ونشوف احسن واحد نزلو عليه البنات يتمون عليه الباجي وانتي بعد مشكورة عالموضوع الحلو والمفيد انا كل ما يعت ادش هني عشان ما اخربط ههههههههه

انا انا انت توني انتبه لشغلة كنا درسنا عنها مرة انو لي يسوي رياضة اول مرة يمتن يمكن جدي ليش عشان العضل يصير اقوى ويزيد الوزن بس لازم تستمرين عشان بعدين جسمج يطرد الدهون ويحتفظ بالعضل ونااااسة كملي وما يهمج المزان

هذا اللي بيصير انا ريحت نفسيتي هاليومين واكلت وبرد للرجيم والرياضه وبطنش بالميزان بخلي طريقة اكلي صحيه مثل قبل كله دايت والصمون اسمر وبضعف شوي شوي اريح لي لاني تعبت

شكلي العام ترتب وصار جسمي احلا بس الميزان ام التحبيط عشان جذي بسوي رجيم بدون ميزان ومو مهم اعرف وزني عشان ما اتحبط واوقف الرجيم وارد اكل بس همتكم معاي


لايوقف لايوقف

حبيبتي اكيد فيني ثقه بنفسي وليش مايصير فيني ثقه كافي اني حلوه بعين زوجي وهذا اهم شي بالنسبه لي صج ان وزني مو عاجبني بس اشوه عاجب ريلي وهذا اهم شغله

وراح اضعف ان شاءالله وتزيد ثقتي بنفسي وااااااااااااااااااااااااااااااااااااااااايد

ريون لايكون زعلتي ترا ماقصدت شي كنت امزح
الله يخليج لريلج ويحليج بعينه اكثر واكثر
بس اللي انا اقصده ان احنا
لازم نعجب باشكالنا عشان مانتعب نفسيا لان اذا تعبنا بنرد ناكل
بس هم مانوصل لمرحلة اعجاب انا وصلت لها قبل وانفجرت بقوه الين مالقيت شي بالسوق قياسي رحت افصل وكرهت نفسي حييييييييييييييل وقمت اغامر مو مهم نفسي وصحتي المهم اضعف اي شي يقولون يضعف اروح اكله مرخص مو مرخص صحي مو صحي مو مهم المهم اضعف وبسرعه <<<<< هذي قيل الزواج

الحين مابي ذيج المرحله تتكرر لي او لكم لانها قاتله بس الله ستر

وينكم يابنات وشخبار الاوزان

انا حاليا ماشيه على رجيم سهل وحلو وانشالله انزل

انتو شالدنيا فيكم

بنات هل هذا الريجيم صحي وش رايكم


5كيلو في 5 ايام


هدا الرجيم مجرب وبنزل كيلو كل يوم وهو رجيم لمدة خمس ايام وممكن تكرري بس بعد ما تعملي يوم راحة بين كل 5 ايام


الفطور لمدة 5 ايام:


ملعقة لبنة +2قطعة توست +كوب حليب خالي الدسم


الغداء:


اليوم الاول-قطعة توست +صدر دجاج مسلوق
اليوم التاني- سلطة خضار +حبة تفاح
اليوم الثالث- 2بيضة مسلوقة +قطعة توست
اليوم الرابع- علبة تونا مصفاة من الزيت
اليوم الخامس- نصف كوب رز +علبة لبن


العشاء لمدة 5 ايام:



نوع واحد من الفاكهة حسب الرغبة وباي كمية

ملاحظات هامة :

1.يجب شرب 8 اكواب من الماء يوميا
2.خلو الاكل من الملح والزيت او استخدام ملعقة واحدة من الزيت عند الزوم
3.يمنع اكل الموز او المشمش
وشكرا

بنات شخباركم شلونكم


وشلون رجيكم\\\

هاي ياحلوين انا وزني بعد ثابت ببلش بريجيم قاسي حيل حيل حييييييييييييييييييييل

انا انا انت ................... حبيبتي مو زعلانه ولا شي ماكو شي يزعل اصلا وكلامج عدل ياقلبي
الا صج شلون التسكير معاج فاد ولالا؟؟


بريداويه شكلي بسوي هالريجيم واشوف اذا كان صج ينزل 5 كيلو بنجرب ونشوف ومشكوره

متوهقه انا ماشيه عالتخفيف وكاشته بالميزان

ريون التسكير ماسوا شي مت جوع وخسرت فلوسي واخر شي بس كيلو

بريداويه شكله رجيمج صحي وما يتعب

بنات بقولكم شي

انا استغرب ليش وزني ثابت وماينزل مع اني مخففه اكل
بعدين اختي قالت لي يمكن فيج الغده الدرقيه بسم الله علي وعليكم من الامراض

بس ياريت لو كل وحده وزنها واقف مع الريجيم تسوي فحص انا ناويه اسوي فحص الغده لان الغده ماتخلي الواحد يضعف

هلا حبيبتي انا وزني ثابت ومن شهر سويت تحليل وطلع ما عندي شي الحمد لله

الحمدلله طمنتيني اشوه يعني مو شرط يكون الواحد مريض بالغده مشكوره والله طمنتيني بس لازم افحص انا

هلا حبيبتي انشاء الله ما فيج الا العافية وترى الغدة مو هينة تحسين ببلاوي رقعة بالقلب ودوخة واشياء وايد

ويمكن انتي نفسي الواحد لما يلعب رياضة يزيد حجم العضل عشان جدي الوزن تابت ويمكن يزيد بعد

يكفينا الشر ريون شفيج على هالتفكير

انتي بالذات انا اقولج ليش وزنج ثابت لانج ايد عالكي بورد تكتب والايد الثانيه ياماسكه ككا يا بجيس بطاط هههههههههههه
موتي قهر انا نزلت كيلو بعد الزياده الشنيعه بسبة فيتامينات خذيتها يمه زدت تقريبا 5 كيلو الحين اللهم لك الحمد 70 -71 يعني بهالحدود وانشالله النزول بازدياد

الا تعالو بريداويه شخبارها

انا ماشية على زجيم برداوية بس حيل صعب الحين الساعة 3 وتلث ومو نايمة ومن التسع متعشية بس فواكة واليوم 3 يوم باجي يومين واوزن صدج دخت من اليوع ولما ايوع اكثر اشرب ماي

يالله نبي تشجيع وانشاء الله بالصيف ادا الله احيانا نصير صغيرونات واجسامنا تهبل والبس بجايم حلوة بالبيت واصير كتكوتةههههههههههه فصلت خلني اروح انام احسن

والله انا مادري جم وزني مابي اشوفه مابي يضيق خلقي

يمكن يمكن وزني 71 خبري فيه اخر مره


انا انا انت اوله ليش زدتي 5 كيلو امبي من شنو؟؟ معقوله الفيتامينات تزيد الوزن اول مره اعرف هالشغله

قلووووووووووووووده شافتني كتبت 71 قالت انا وزني 71 خلاص يبه انا وزني 80 الحين تروح تركض عالميزان تشوف ههههههههههههههه

ريون انا خذت حبوب اوميغا3 ومعاها هير فت وزدت بشكل مو طبيعي وبسرعه والادهى الصيدلانيه تقول ماتمتن لما سألتها نصابه بس تبي فلوس

فراشه بشرينا عنج اول باول واستمري ترا الاكل ان ضرج والا مافادج اذا جعتي لاتفكرين بالوجبات الدسمه فكري بشي خفييييييييييييييف واكليه

الصراحة الرجيم صعب وما جاب نتيجةوما نزلت 5كيلو بس نزلتها وقت الرجيم وبالزوارة يوم واحدة ردت الثلاث كيلولي نزلت والله بيوم واحد 3كيلو والحين برد لرجيمي الاول يعني كنت اتعشا شوربة وتوست احسن من اني اتعشا فواكة ما ادري ليش فرقت معاي

فراشه ماكو فايده من الحرمان تحرمين نفسج اسبوع واخرتها نازله كيلو واحد بس

انا جربت الحرمان مده طويييييييييييله وما استفدت شي الحين ماشيه عالتخفيف وتمام التمام اكل وانزل صج مو وايد بس على الاقل انزل مو مثل الحرمان لا اكل ولا وزن

جربي رجيم ثاني بس لاتوقفين رجيم عشان ماتضيعين اللي نزلتيه