السلام عليكم ... مشتاقتلكم موووووووووووووت بعد طووووووووووووووووول غياب وبصراحة اختكم جاية تبي فزعتكم ... رفيجتي حبيبتي صديقة عمري متزوجة من سنتين واحد غريب و عجيب وانا دايم اقولها الله يعينج تصبري ..هالريال لا شغلة و لا عملة مقضي حياته نوووووووم و قهوة و دوانية اهو الشهادة لله طيب و حنون و يموت فيها بس اهي ملت من سالفة القعدة خصوصا بعد ما الله رزقهم بولد ,البنت عليها كل شي مصرفها و مصرف ولدها و حتى مصرف طايح الحظ ريلهاعادي عنده يطلب منها فلوس وجهه عريييييييييييييض شاف البنية متوظفة و طيبة قال خل استغلها!!!!!1 وكنت دايم اقولها حمدي ربج انه مو راعي خرابيط و بنات و مغازل و ريال محافظ على صلاته ويعرف ربه وهذا اهم شي وذات يوم ..دقت رفيجتي ولا مو الاولية شفيج قالت زعلت على زوجي ورحت بيت اهلي على سالفة الوظيفة عشان يتعدل وقعدت شهر عند اهلي بعدها لقى وظيفة براتب زهييييييييييييد وقلت مو مشكلة المهم انه تحرك و تلحلح و رضيت على افطر على بصلة بعد كل هالصبر لان انا ما يهمني الفلوس كثر ما يهمني انه قلبه يحيا ..رديت معاه والشوق تارس قلبه و الفرحة مو شايلته بردتي متغير حيل صلاة بالمسجد ما تطوفه و لا صلاة و قراءة قران و قيام ليل و عشنا احلى ثلاث ايام بعمرنا قعد يقولها ان شاء الله بدور على وظيفة احسن و بنطلع بيت _لان هو في بيت اهله _ و خلا الحياة وردية جدامها و اهي مستااااااااااااانسة قلتلها ما شاء الله تبارك الرحمن الله يتمم عليج بس ليش صوتج متغير قالت مريت يم تليفونه و اهو برة الغرفة و لا القى رسالة واردة قلت بنفسي اكيد فيفا خل اشوف و لا مو بنيتها تفتش اصلا ولا الصدمة الكبرى " حبيبي حياتي مثل ما نت مشتاق انا بعد مشتاقة وولهانة حدي بس انت تدري بظروفي ..." وحجي وايد ماثبته جان امسحه بسرعة و الله دارت الدنيا براسي و اما قمت اشوف جدامي احس ظلمة و قلبي يطق بسرعة صدمة و الله صدمة ..يا قلبي هي والله انفطر قلبي يوم سمعتها بس ماكانت تبجي كانت فعلا منصدمة لا ن زوجها على قولتها تشكين بنفسج و لا تشكين فيه حده حده مو مال هالسوالف و لا و المصيبة مسيف الرقم باسم ريال .. وصديقتي الحين كل يوم تدق علي و تقولي شسوي اهي خذت الرقم بس تقول ودي ادق عليها و اشرشحها بنت ابليس قتلها لاااااااااا هالاشكال ينخاف منهم و مدام ريلج يحبج ومداريج و ما يبيج تدرين جنج ما دريتي شحقة تخربين على عمرج باجر يقول مادام درت بالطقاق ويمكن يكلمها جدامج .. اهي الحبن منصدمة خايفة تواجه و اذا سكتت بتموت من الحرة علما انها جامعية و اهو متوسط وطيبة حيل و حبوبة ..كاسرة خاطري تقول اضحك وياه و اتذكر سوالفه و اطالع الغدر و المكر و الخداع و الخيانة بعيونه طولت عليكم بس اهي طالبة حل تكفون ساعدوها
تحط روحها ما درت بالسالفه لانه لو عرف انها درت بالسالفه بيكون شيء عادي عنده يعني وبياخذ الموضوع عادة , بس ما تشغل وقتها في التفكير بالعكس تهتم بزوجها زياده وتراعيه وتغدقه بالحب والحنان وتدعيله بالهدايه ونصيحه من اخت مجربه لا تعطينه بيزات وبنفس الوقت ادخري اموالش ولا تخبريه وخليه هو الي يتعب عشان مصروفش ومصروف عيالش لانه لو تعب عشانكم بيحس بقيمتكم وغلاكم عنده والله يهديه ويسخره لش
شاطره اللي مابينت له انه تدري خليها تطنش وتستمر بالدعاء وربي مايقصر ان شاء الله معاها ودايما تكون على اتصال معاه وماتعطيه فرصه يكون فاضي وتزيد الغنج والدلع عليه وربي معاها ربي يحفظ لها زوجها وبيتها وولدها
مشكورة على الر د نوفة حبيبتي بس على سالفة الفلوس تقول هو ما يخليلها مجال تتدخر قبل لا ينزل المعاش يسالها و جم نزل وكل شوي ماخذ شوي لي اخر الشهر ماعندها شي بس الحين هي مو هامها الفلوس كثر مو هامتها هالسالفة (البنات) شلون في رياييلجذي والمصيبة انه زايد بصلاته و عبادته يعني هذا كله قناع !!!!!!!!
احلى مرور من مزاين مشكورة يا قلبي على ردج الحلو مثلج .. اهي هذا اللي مسويته بالضبط بس تقول احس بموت من القهر من داخلي وبعدين اذا طلع ودقت عليه مو كل مرة يرد ساعات ما يرد و ساعات مشغول.. وجزاج الله الف خير على دعائج و لك بمثله يارب:smile:
الحين اهي تقول ساعات اقط نغزات عليه واحسه حاس اني داريه ويسكت و لا يرد ببرود و لا ابتسامة صفرا بعد هالسالفة قام قبل ما يدخل البيت لاااااازم يمسح الرسايل الصادرة و الواردة و سجل المكالمات كله ... تقول ودي اعرفها و اعرف طبيعة العلاقة بينهم عندي الرقم و دقيت مرة طلعلي ريال تذكرت يوم كاتبة ظروفي ما تسمح قلت اكيد اخوانها حاكرينها !!!!!! مادري مادري البنت حدها متشتتة شلون تعرفها وتخلي ريلها يتووووب من هالسوالف عطونا خبراتكم ياحرييييييم وطلعو كيدكم كله اهني
الله يعين قلبها صج والله صدمة مسكينة انا لو مكانها والله يمكن ادخل المستشفى لان المصيبة مو انة يغازل لا المصيبة اذا كان انسان ملتزم وانتي مرتاحة وواثقة وتلقينة يغازل هذي تذبح بس انا اقول يمكن الفترة اللي قعدتها عند اهلها اثرت على الرجال يابنات خلينا واقعيات الرجل مايصبر بدون الفراش ويمكن في ذيك الفترة الرجال ضعف ايمانة او غلبت علية الشهوة مع تزيين الشيطان انا مااقول ان الملتزم ملاك لا يبقى انسان يمكن ان يغلط لاكن عين العقل انة مابينت لة انها تدري لانها راح تكسر بينهم حاجز الثقة شوفي انا رائيي هي ادرى الناس بزوجها اذا كان هذا قناع او اثرت علية الشهوة بس انا اشوف انة زاد بعبادتة يمكن لان حاس انة مذنب وهذا شي ممتاز وفرحتة برجوعها تبين انة كان مو مرتاح بدونها لازم تعطية فرصة وتحاول تشبعة من ناحية الفراش او الكلام العاطفي ورسائل النقال الغرامية لين ينسى الماضي وتحاول تجيب طاري الثقة وانها تثق فيه علشان يستحي من افعالة لان باين انه فيه خير االرجال وحرام تخسرة واخيرا يابنات والله الفتن كثيرة الله يعين الرجال انتي اطلعي وشوفي اللبس والمكياج وترى نعمة الحين اللي تلقى زوج يحبها وفية خير ويصلي فامالها الا الصبــــــر والدعاء اسال الله ان يصلح مابينها وبين زوجها
كل مره تعرف الزوجها انالو يصير معاي جذيه اواجهه علي طول وانقده علي نفسه احتقرهومحاجيه مو ازعل وهاوش وكبر السالفه بس ابين اني عارف سوالف وخليه منظر في البيت لين يعرف ان الله حق واخذ الرقم وعطيه واحد من اخواني يطلع ابرنت او يتعرف عليها ويعلمني <<<<<<<<<<او يمكن اطنشه اهو واياها لفتره طويله لين اشوفه انعدل لا تقولون لا تعلمينه اجل تقعد وتحرق بنفسها وخليها تعلمه من طق باب الناس طقو بابه واهو راح يفهم شنو اقصد
الله يهديه البنات ماقصروا وبصراحه المفروض تعطيه نغزااات قويه وتحسسه انها تدري وشاكه فيه والله يعينهم والخيانه موجوده في كل الرياييل الله يعييين
مشكورة على الرد بس شلون اطلعين برنت؟؟؟؟؟؟ وبعدين مو حلوة اخوانج يدرون احس حيل قوية بعدين شلون لا خلصت السالفة بينظرون له هم هذا مهما كان زوجج و ابو عيالج هم ما ترضين عليه يصير طماشة
انا برايي ماتكلمة ولا تفتح معاه الموضوع تصبر وتستغفر والله بيسر امرها وعليها بقراءة سورة يوسف والبقرة وبعدين دامة يمسح الرسايل والمكالمات معناها خايف على مشاعرها بس بنفس الوقت لاترخي الحبل بزيادة ويالنسبة للمصروف مالة دخل فية وشوي شوي عودية مايتكل عليج وان بغيتي الحق ترى زين بهالوقت تلقين رجال صاحي
اه اه وبس والله ياk.k.kجني انا المصدوووووومه مورفيجتج حييييل خنقتني العبره وغلط انها تخلي زوجها بروحها في البيت الشيطااان شاطر ويجري مجري الدم في عروق الانسااان شهوته غلبت على حبه لزوجته واعمى عينه الشيطااان وخلااااه يخووون ويمكن زني معاااها اسااال الله السلاااامه عسي ربي يفرج همها ويسر امرها ويهديهم لبعض ويبعد عنهم عيااااال الحرااام وطمنيني عليها الله يوفقكم ويسترعليكم وللمسلمين اجمعين
صراحة قهر وموت ووووو بس طاااف لاتعب نفسها اشرف رجال عندا حبيبة خليها تقول رفيجتي صادت رجلها يخونها بمسج لو تدري شلون مدلعها وحبيب معاها مو مقصر بحقها حرام الحين راحت بيت اهلها وطالبة الطلاق مسكينة ميتا قهر علا حالها والله مالومها يوم طلبت الطلاق بيت وحقوقها كاملة ووو القانون معاها ةتقول اذا ناطلق بالطيب يطلق غصب ارفع علية طلاق للضرر شوفي شلون بيتغير وجهة وتقول والله لو انا منها مااقعد دقيقة اجاملة علا حساب نفسي يمااا الله لايقولة
انا قريت بعض الردود لانا ايفون مو قادرة اركز بفهم شنو معناة خليج عادي ولبسي ولا كانا شي صار شنو ماخذ حمار ولا طوفة المرا احساس حتى لو شنو تسوي ماتقدر تشيل قناع الكرة والحقد وتنفجر مرا وحدة ولا لما تطوف السالفة تفاتحا بيقول والله تبت وهذا الشيطان ووو لازم ولازم توقفا عند حدا وغصب عنا تالف سالفة قصة تسوي مصيبة بس توقفا عند حدا اهيا حرام بخزتها تتدودهت ومسحت المسج اكبر غلط جان دزت مسج لاختها وعلا اساس تنطر الرد وبطلت المسج هني تودي ورا الشمس وحلات السالفة بحزتها بس طافت تسوي قصة عشان يحس علا دمة وتوقع الي ذكرتا انسب شي ومن اليوم تغير تعاملها ونضرتها وقعدتها معاه خل تغير شوي من قبل بيلاحظً عليها بس ماتوصل لطلاق وكل رجال المرا تصرف علية بحدود المعقول اما اعطي معاشي لو شنو يصير والي مريحني بالسالفة انا يصلي خلاص هذي تسوا كل شي بس يخون اوكي اوقفا عند حدا اخلي يعرف قيمتة وقيمت الي ماخذها انا موقد المسولية ولا قد انا يكون زوج قبل لايصير قدوة لعيالة ولي مايحترمني والله لو منو كان مااحترما لانا اهوا مو محترم خلاص طلف الموضوع ماايد انها تهاوش بس خل تقول السالفة وتمشي الموضوع ملاااالللللللللاااااحظظظظظة اذا تكرر الموضوع تواجه وجة لوجة وتذكرا بسالفة رفيجتها الي اهيا مالفتها وتقول اذا بطوف بطوف بكيفي قلت يتعدل بس انت مستواك ردي ومااقدر اعيش مع واحد مستواه ردي تخررررربها لاتعدلت وبطلت المراهقة تعال اخذني من بيت اهلي ولاترد الا برضوة تكسر الضهر
اللة يعينج وصبر قلبج واللة حاسة فيج بس نصيحة لا تبينيلا انج عرفتى بعدين اتمادا لو تواجهينا اكيد بينكر اللة يهدية لاتقصرين بحياتج الزوجية معاة علشان مايطلع اعذار اكيد فهمتى قصدى
تدرون شقايلها ذاك اليوم ........ يقول رفيجي دقت عليه رقم غريب و لا تطلع بنية جان تقول رقم فلان قالها لا وسكرت شوي و لا تدق مرة ثانية و قالها يبا قلنالج مو رقم فلان ماتفهمين قالتله لا تفهمني غلط ترى صج غلطانه وبعدين انت متزوج و لا لأ قالها شكو لا ماني متزوج قالتله اذا بتخطبني ترى اهلي موجودين مو تقعد ادقدق على هالرقم !!!!!!!!!!!!!! ورفيجتي مسوية عمرها منصدمة ابيييه صج بنات ينخاف منهم مايستحون ابيييييييييه.. عاد يرد عليها الحبيب : اهم شي يكون الواحد خايف ربه عشان ما يتاثر بهالسوالف!!!!!!!!!!! رفيجتي تقول حزتها بس ودي ازنطه يعني انا اللي ماكو مثلي
