انا ودي اسالج بنسبه لحبوب الحلبه انا الي عندي مو نفس الاسم عندي نوع ثاني الي اهي حبوب الحلبة الامريكية fenugreek وبنسبه للخلطه الزهورات من شنو مكوناتهاا ممكن تقوليلي واخيرااا الي مافيهاا خياط شلون بعد تاخذ مضاد ولا ماله داعي ويزاج الله خيرا
عادي اي حبوب حلبه بس الفيتولات اقوى واحسن الزهورات تاخذينها من الحواي لازم ما تطلعين من الولاده الا مسويه خياط ما يصير عشان ما تخربين لان الدكتورة بتشق منطقه العجان عشان يطلع البيبي ولازم تخيط المنطقه واذا طلع البيبي بدون خياط يعني طلع قبل ان تقص الدكتورة منطقه العجان راح احتمال كبير يصير تمزق بالمنطقه وتخربين وتصيرين وسيعه عشان جذي لا تروحين حيل موصله روحي على الاقل لمن يصير لج 3 سم بس اما اللي تضطر وتولد وبدون خياط لازم بعد تاخذ المضاد لان المره بعد الولادة تنقص مناعتها وتضعف لانها فقدت كميه من الدم والفيتامينات وراح تكون عرضه للعدوى والالتهابات عشان جذي يستحب تاخذها
يعطيج ااالف عااافية ومشكوره عااالموضوع الحلو و المفيد جدااا بس حبيت اسالج شرايج بالحسو و العصيده هل يفيدون وعادي مانكلهم ؟
ااانااا حامل بطفلي الرابع وبصراااحه مليت من خرابيط وسوااالف النفااس وانشاالله هالمره باتبع تعليماتج ومشكوره مره ثانيه
مالج شغل بهالخرابيط الاعشاب الضروريه وذكرناها بس اذا تبين تاخذينها على راحتج بس العصيدة تمتن والحسو ما ادري شنو مكوناته عشان احكم
يعطيكي العافيه بعد عمري والله انا ادور علي برنامج اعشاب وانت ي طلعتيلي في البرنامج الحلو وان شالله ابي اجربه تنصحيني فيه ولتي شهر خمسه
ممكن تكتبي لي الشعلات المهم من احبوب واعشاب من اول يوم انفاس حد اخر يوم يعني الريوق والغداء والعشاء مع العشاب فديتك والله وعس الله لا يحرمك الاجر وكم اسعارهم ارجو الراد بسرعه
ام التوائم اكيد تذكريني انا اللي نشبت لك بمووضوع ادوية النفاس ههههههههه شوفي ياقلبي انا ان شاءالله ولادتي الجايه بتكون اول ولاده مثل ماقلت لك من قبل هالاشياء بعالم وانا بعالم يعني مااافهم فيها ابد ابد وامي اكثر مني يعني فيه اشياء كثيره انا اللي اعلمها فيها لاني اقراها انا مالومها على عدم معرفتها لان انا اول بنت لها بتولد وامي مو مالة هالسوالف لكن الغريب يوم قلت لها عن برنامجك وقلت اني بمشي هههههههه قامت تسب وتشتم فيني تقول راح بطنك صيدليه نفاس وتاكل كل هالادويه منهي منهي اللي قالت لك والله ضحكتني حسيت انها متحمسه تبي تكلمك وجها لوجه المشكله ان ماعندها خبره بهالامور لكنها ماشيه على كلام العيايز اللي تارس راسها المهم خلينا من هذا كله انا واثقه فيك وفي كلامك اولا لانك طبيبه مثل ماقلتي ثانيا لان كلامك منطقي 100% عشان كذا بنفذه بحذافيره بنفاسي واقولك ع النتيجه بعدين اتمنى مايخيب املي بس انا واثقه بالله ثم فيج مثل ماقلت لك هههههههههههاي ادري بتقولين هذي كبرت الموضوع بس بقولك لاني من جد خايفه ومدمغه في هالاشياء فأبي احد اسمع منه وبس لكن اسئلتي لك هي : الترديد للنفاس هل انتي معه ام ضده ؟ انتي قلتي لاولدتي تسبحي وتنظفي طيب عقبها اجلس طول نفاسي ماتسبحت ولاشنو واذا عادي اتسبح شنو انسب طريقه وكم مره بفترة النفاس اتسبح والماي اللي اتسبح فيه يكون دافي احسن ؟ الادويه اللي راح اكلها المضاد وحقت الشعر وكلهم هل تفرز مع الحليب اثناء الرضاعه يعني فيها ضرر على البيبي ؟ امممممممم بس وجزاك الله الجنه على نصحك وافادتك لنا وجعل الله هالشي في ميزان حسناتك وشفيعا لك ياكريم
يعطيج العافيه... والله كلامج عين العقل... انا امشي عليه تقريبا بس في شغلات انا اضيفها حق نفسي ومرتاحه عليها الحمد لله.
