مرحبا يا متزوجات راح احاول اختصر لكم و انشاءالله الاقي شي يفيدني من كلامكم و تساعدوني انا تزوجت عن حب صارلي سنتين طبعا ماكنت راضيه اتزوج بسرعه لان علاقتي فيه كانت اقل من سنه بس اهو اصر و قالي مااحب علاقات و سوالف ابيج زوجه و ام اعيالي اللى اعرفه عنه ان كان ريال راعي شرب وسهر و بنات بس طبعا وعدني بعد الزواج كل شي بيتغير تزوجت و حملت بسرعه و بعدها اخذت اجازه طويله من الشغل و قلنا بعد الولاده افكر اذا ارجع اشتغل او لا ....لان كان ببيموت و يصير ابو بعد ماكان فيه عقم و علاج دام سننين معاه الصراحه كنت اسعد انسانه و بالدنيا و اقدر اوصفلكم السعاده اللى كنت فيها لغايه اخر يوم بحملي اللى هو يوم الولاده ولدت و جبت البنت اللى كنا نتنمناها انا و ابوها و بس من يوم ماصار ابو الريال صار وواحد ثاني رجع للسهر و للشرب و معاملته معاي تغيرت مايقعد معاي مايكلمني مايلمسني مانطلع قعدت كلمته كذا مره و اللى فهمته منه ان اصر ضغط عليه بالمصاريف و ماايقدر لازم انا اارجع اشتغل علشان نقدر نعيش مرتاحين نفس قبل و سويتله اللى يبي و اشتغلت بس هم ماكو فايده الريال صار العن طول اليوم نايم و يقعد من النوم يشرب و يسكر و انا طايح حظي بشغل و شغل البيت و تربيت البنت استحقر نفسي و استحقره لما اشوفه يشرب جدامي صبرت وايد و قلت انطر اشوف يمكن يتعدل مع اني والله مو مقصرره معاه بشي و بكل شي اهتم و حتى المناسبات دايم انا اللى اذكره و اسوي كل شي الحين فكرن اني انفصل لا ن خلاص مو لاقيه حل ثاني معاه ابي رايكم بنات تكفووون
هلا فيج يا أختي العزيزه شوفي.....في مشاكل نقدر نحلها كحريم مع بعض وننصح ونقول بس في مشاكل نلزم بريك عندها ونقول باعلى صوت ستوووووووووووووب لازم يتدخل احد كبير من اهلج او اهله بالموضوع هذا شري وسكر واهمال وخرابيط مالها معنى مايسويها الرجال اللي مثله انا ما ابي اكبر راسج عليه بس باين انج بنت حلال وتبين الستر ماعليه دوسي على نفسج شوي وكلمي احد كبير وفاهم ولاتروحين بيت اهلج وتقولين بزعل الا اذا شفتي انه خلاص مافي فايده نهائيا ربي يعينج ويسعدج ويهديه لج
كلمت الكبار من زمااان و اهلي قالولي تطلقي هذا مايفيدج بس انا قلبي مو مطاوعني اخرب هالبيت اللى فيه لي ذكريات حلوة و قعدنا نبني مع بعض و نخطط للمستقبل و البنت اللى مالها ذنب اشلون تتربي بدون اب ... مع ان خايفه تكبر و توعي على ابوها و هوه بالمنظر هذا ساعتها شقولها
شلون صابره على واحد يشرب جدامج انا من راي اهلج اتركيه دام عندج بس بنت وحده خافي على بنتج اا كبرت الي يشرب يبيع اهله لانه مو واعي ما ابي اقولج قصة وحده عشان لا يعورج قلبج انتي عندج بنت حافظي عليها زوجج مو اوولى من بنتج
لا حبيبتي صبري لاتطلقين اصبر مفتاح الفرج وان شاء الله الله يفرجه شوفي بكون جريئه معاج اشوي يمكن اعتقد انتي بعد الولاده اتوسع فرجج مايستانس معاج في المعاشره ازوجيه شاف بعد تغيرتي في شكليج الجسماني سمنتي بطنج في اشوي تشققات هدي لزم تصير بعد الولاده بس بعض الرجال مايفهمون هدا شيء مايقدرونه حاولي تضيقين حاولي يرجع جسمج مثل اول ماتزوجتي حاولي تزينين له وعليج بل الكلام الحلو
لا لا انا مو جذي انا من النوع اللى وايد اهتم بنفسي مو علشانه بس علشان نفسي بعد بكل شي بس احساسي كزوجه يقولي ان في شي او وحده بحياته
الله يعينج ويصبرج بس صلي واستخيري وانشالله بتاخذين القرار الصح انتي قعدي معه واهو صاحي وقولي له جذيه مو حياة خاف علي وعلى بنتك وانت سكران لاسمح الله خوفيه قولي بنتك باجر تشوفك وانت سكران شنو تبيها تصير اكيد راح تنحرف ووووووو من هالسوالف وقولي باجر ربي ياخذ الروح على ماتعودت عليه انت تبي على معصيه ولا على خير فهمتي واذا مافاد معه حاولي كلمين احد كبير ودخلوه مصحه لعلاج الادمان من الخمر وبس يتعالج الله يسهل امورج
انتي حاولي معاه يترك الشرب واللي هو فية اذا تعدل زين واذا لا الافضل الطلاق ولاتقولين بني بتتربى بون ابوها ابوها في حالته هذي اختي ميت مامنه فايدة حتى انك ماتأمنين انك تخلين بنتك عنده وانتي فكري كلامي صح والالا حد ماعندك الابنتك منه والله يحفظها لك ويقر عينك فيها ويستر عليها
عسى الله يفرجها عليج يا قلبي ويهديلج زوجج إن شاء الله ويترك السم اللي يشربه ويرجع نفس أول واحسن حبيبتي عليج بالإستغفار وقيام الليل والدعاء وقراءة سورة البقره وادعيله بالهدايه والله كريم إن شاء الله
والله يا بنات سويت كل اللى قلتولي عنه ماكو فايده يقولي هذا انا ماراح اتغير و انتي ماخذتيني امام مسجد بنتي على طول مريضه و تنام ليلها مسكينه انا خايفه ان الله يكون قاعد يعاقبه ببنته طول الليل انا دموعي على خدي و عيني على بنتي و اهو بس قاعد يشرب و يسمع اغاني مو محترم وجودي بالمره .................الشكوي لله
اللي ما فيه خير فراقه خير وشلون تقعدين مع واحد يشرب وشلون تأمنينه بنتج بعدين واذا كان ما يصلي فيعتبر كافر والكافر ما يجوز تقعدين عنده
اذكر مرة بالتلفزيون سوو مقابلات مع اهل اللي يشربون ورواعي المخدرات قالت الام انا كنت طالعة وبنتي بالبيت عمرها 10 سنين دقت علي تقوول يما ابوي اعتدى علي كان سكران ومو واعي بروحه حبيبتي ديري بالج على بنتج اللي يشرب ما عنده غارية وعادي يدخل ربعه على مرته ومن ترك شي لله عوضه الله
بالبدايه الله يعينج ويفرج همج وبعدين بقولج انتي من قبل لاتاخذينه عارفه سوالفه وهذا الي خلاه يتمادى بعد الزواج وهذي مشكلتنا نطب بالنار ونقول بتبرد اولا شلون يشرب بالبيت ثانيا اسمحيلي ماحسيت انه لج موقف صارم وقوي تجاه الي قاعد يسويه كانج تترجينه وتطلبين منه شي مومنحقج بس جذي دلع لايبه المسأله فيها شريك حياه فاسد وبنت بالنص الشريك هذا ماراح ينفعج لان مبين الاحساس عنده 0%وديري بالج تحملين والبنت تربينها بروحج على مخافة الله والاخلاق الزينه احسن ماتفهم وتنترس عقد نفسيه تكره وتكرهج معاه الي رضيتي تقعدين معاه ومثل ماقالولج الخوات قعدي معاه وقوليله نبي نحط النقط عالحروف هالحياه موصحيحه ومستحيل تنعاش اول شي انك تشرب والاعظم انك تدخل هالمنكر على اناثي بالبيت ومومحترمني وانا ما اسألك في انسانه بحياتك مغنيتك عنا اولا لان هذي شغله تخصك وموشي جدام البلاوي الي تسويها انا وحده خايفه على روحي وعلى بنتي منك الي المفروض تكون ملاذنا الامن انا وياها بتعدل او لا اذاكانت اجابتك ايه بتعدل بشوف التغيير من اليوم وانا اعين واعاون على هالشي اما والله بتظل على حالك البيت الي خذيتني منه بيسترني انا وبنتي وانت لك رب بيحاسبك وانهي الكلام بدون دموع ولا تنازلات ولابينج وبين نفسج تحطينله اعذار وحرام واحبه واكيد بيتعدل الي قاعد يسويه شي كبييييييييييييييير حيل ماينسكت عنه والله ينور بصيرتج وتعرفين شتسوين بالنسبه انه طلب منج تردين دوامج عالاساس تساعدون لا مايبيكم تساعدون يبيج تشيلين نفسج انتي وبنتج عنه ومعاشه يصفيله اهو وخرابيطه
شسوي :sad_smile: كلامج صح الف بالميه و صدقيني طلبت منا اقعد معاه بره البيت بمكان هادي و قعدت اكلمه و احاول فيه و اقوله بنتك حرام تشوف هالشي قاعده تكبر و انا بربيها عدل مابيها تطلع نفسك لانها راح تشوف ابوها القدوه لها جذي قاللي مو قادر اتغير مووو قادر ..... بنات كل يوم يسهر بروحه و يشرب و انا انام بروحي حتى مايقربلي اصلا تلوع جبدي منه و اقول اشوه ان ماقرب صوبي بس هوه اسااسا مو معبرني .... قتله اذا عندك هموم خليها على الله لا تلجاء للمشروب اذا راسك يعورك اخذ بندول اذا فيك شي صارحني المشروب لا تخلي يضيعك .... بس عمك اصمخ جني احاجي روحي
الله يعينج لهدرجه موقادره تخلينه يبه روحي لاهلج وشوفي ردة فعلا واذا جاج اشرطي انه يترك هالمنكر وحاولي معاه والله يسر امرج
