السلام عليكم .......... بنات انا وايد محتاره انا حامل وتوني دشيت السادس وللحين مب عارفه جنس الجنين سرت عند دكتور وايد شاطر ومعروف قال بالبدايه ولد بعدها باسبوعين قال لا اكيد بنت سرت عند دكتوره هنديه قالت انشالله ولد بس مو اكيد ......بنات انا مااحمل طبيعي الا بعمليه وعمري مب صغير وابغي الله يرزقني ولد ينفعني بكبرتي ارجوكم ساعدوني بدعائكم لي بظهر الغيب انه ربي يرزقني ولد صالح علما بنات انه الجنين تحرك من نهاية الشهر الثالث ووحامي كله ع ليمون او اي شي حامض مالح
حبيبتي الله يتمم حملج يارب وبالنسبة لجنس المولود المفروض ماتعترضين على حكم ربج وقولي الحمد لله اللي حملتي ترا غيرج ناس يتمنون الحمل ومارزقهم ربي واستغفري وقولي الله يرزقج بالذرية الصالحة
الله يرزقج حبيبتي بالذريه الصالحه الباره لج ان شاء الله سواء كانت ولد او بنت الحمدالله على كل حال واصلا البنت اهي اللي تشيل والدينها بالكبر والا الولد نادر الله يرزقج على نيتج
مشكورات الغاليات .........والله يعطيني ويعطي كل محرومه انا مااعترض على امر الله سبحانه وهو اعلم مافي نفسي اللي بغيته دعوه بظهر الغيب وعسى ربي لايحوجني لسواه ويعطيني مااتمناه هو القادر على كل شئ
لللله يتمم عليك أن شاء اللله مو شرط الوحام كلهم نفس الشئ واللله يرزقج ويرزقنا بالولد الصالح أن شاء اللله
ياحبيبة قلبي ذكري الله واحمديه على العطيه سواء بنت او ولد اهم شي سلامتج باذن الله انتي الحين تعديتي ال6 شهور الاولى ومابقى غير القليل....نطري وبتعرفين لما تشوفينه جدام عينج اذا بنت او ولد والله انا عندي اكثر من طفل ربي يحفظهم لي وكل مره احمل اتعمد ما اعرف شنو نوع الجنين واحب المفاجآت
الف حمد وشكر لله بس انا مااحمل طبيعي وماخليت عمليه الا وسويتها وهذي اخر فرصه عندي الله يمن علي بالولد اللهم امين
