تحبين اكل البطاط تعالي..

بطااااط مع شيدر .. واااو .. شي لا يصدق .. انا احب الاثنين .. شلون نسوي ريجيم والخلطات والافكار والابداعات تطلع لنا كل يوم بشي جديد عن الاكل .. يعطيج الف عافيه على الطريقه .. انا عن نفسي بسويييها تدرين ليش مو عشان انها اكله تشبع وبس .. لا لانها تخليج فرحااانه وانتي تاكلينها .. تحسين جنها تجلب لج السعادة .. مثلها مثل اكل الكاكااو
حكمتني بالدنيا :: نموت شباعه ولا نموت يوااعه هههههههههههههه

اليوم يبت لكم طريقه يديده للبطاط .. يمكن بعضكم يعرفها اهيا سلطة بطاط ولكم المقادير:


1/2 كيلو بطاط

ملح وفلفل.

عدد 1 فلفل أخضر مقطع إلى أجزاء صغيرة

2 عود كرفس مقطع إلى أجزاء صغيرة

1/2 1كوب زبادي منزوع الدسم

2 ملعقة صغيرة بقدونس

2 ملعقة كبيرة كراث مقطع إلى أجزاء صغيرة

1 ملعقة كبيرة ليمون

فلفل حار




الطريقة:

- تغسل البطاطا جيداً ويتم إحداث ثقوب بها بالشوكة, تخبز في فرن درجة حرارته 400 درجة مئوية لمدة ساعة حتى تصبح لينة

- تعد التوابل التي ستضاف على البطاطا أثناء نضجها في الفرن.

- يخلط الزبادي والبقدونس والكراث وعصير الليمون والملح, ثم يوضع هذا المزيج في الثلاجة لمدة ساعة تقريباً قبل الاستخدام.

- بعد نضج البطاطا تقشر وتترك لتبرد قليلاً ثم تقطع إلى مكعبات صغيرة.

- توضع في إناء كبيرثم يضاف إليها الملح والفلفل والكرفس.

- يضاف الزبادي, وتقدم السلطة باردة أو ساخنة



للأمانة : منقول

ايي اعرف هالطريقة مرة سويناها بيمعتنا

لووول انا اتذكر اكثر وحدة كليت منها ماشالله

بصراحة اختي اسرااار يبيلنا انروح هولندا

امبيه مناك كل شي بطاااااااااط !!! لوووول

اي اعرف بطاط وانت هم انا تقريبا كله اشتريه و يا فيكو

ايييي حتى انا .. و انا احط بطاط عيدان اللي قوطيه حديد بالسلطة او المرق يصير لذيييذ

جربي هالطريقة

و من دواعي سروري اني اتعرف على وحدة اتحب البطاط مثلي

و صح انا اتفق معاج اختي اسرااار ..

البطاط لمن تاكليه تستانسين غير عن اي اكل

انا ساعات اكل بطاط جبس اللي يبيعونه بالجمعية مع لبنة هم حلوو و لذيذ

لان انا ما اكل دقوس غرش :smile:

تعرفين البطاط المشوي اللي ينباع يم الذرا بالجمعيات و الاسواق ؟

انا اعرف طريقته :teeth_smile:

اتييبين البطاط و لالحسن ان اتكون الحبه حجمها تقريبا كبير او وسط اتغسلينها عدل و تشوينها بالفرن بعدين اتطلعينها و اتقصينها بالنص بس مو لي اخر شي و بالقفشة تطلعين منها البطاط من القشر عشان يصير البطاط بالوسط و عشان ينخلط مع الخلطة بعدين اترشين جبن موزاريلا عليه حسب الكمية اللي تبينها و تخلطينه مع البطاط راح يذوب الجبن من الحرارة و اتحطين اللي تبينه من بهارات او اي شي تحبينه و بالعافية

انا احب البطاط بكل انواعه مشوي او مقلي او ... :teeth_smile:

اييه اختي إيمي الحلوة راح اسميج ايمي الحلوة .. خلاص اخذ عليج هههههه يبيييله بطاااط مع هووولنداا .. جان زيــن ,,,
حتى انا اسويها عيدان البطاط مع السلطات وفوق المكورنه اللي بالجبن .. عجيــبه . بس يديه علي عواد البطاط اللي بالقوطي مع المرق .. بجربها .
والبطاط اللي مع اللبنه ايه اسويها وااايد حلوة .
ومن دواعي سروري ولي الشرف التعرف عليج .. يا الحلوة

وااااو .. هذي الطريقه ما اعرفها ... بجربها وبدعيييلج يا الحلوة

اوكي مشكورة

ناطرة تجربتج

تسلمين اختي و انا بعد

و مشكورة على اللقب :red_smile:

اي حتى نفس الشي احطها على السلطات بس ما جربت على المعكرونيه

انشالله راح اجرب و ادعيلج ان اتروحين هولندا :teeth_smile:

هههههههه الله يخليج أختي ايمي الحلوة ... ان شاء الله تضبط معاج وتحبينها ... والله يسمع منج واروح هولندا وآآآآكل بطاااط هناك )

هالمره يبت لكم طبق جديد للبطاااطاا .. وهو بطااااط بالثووم .. لا يطوفكم ..

يالله اخذو المقاادير :

3 حبات بطاط حجم كبير
راس ثوم كامل
زيت زيتون
ملح
اوريجانو

الطريقه :
1 ) تاخذين البطاط وتفوحينه تالي تقصينه نصين وكل نص تقصينه ارباع

2 ) تحطينه بالصينيه مالت الفرن او بايركس وتحطين معاه فصوص الثوم بقشورها بعد ما تسبعينهم

3 ) تحطين زيت زيتون عليهم لا تكثرون وايد يعني لا تصير سباحه .. لوول

4 ) رشة ملح على البطاط كله و واوريجانو وتقلبين بالبطاط وتحطين البايركس بالفرن لين تشوفين البطاط صار لونه محمر

وعليكم بالف عافيه .. وشوفو صورتها تحت .. بس ترى طعمها احلى من الشكل

شكله لذييييييذ ماشالله

تسلم ايدج اختي اسرااار

يلا يبيله نفتح مطعم بطاط بانواعه لووول

يعطيج العافية اختي عالطريقة

يسلموووو اختي ..... اقول مو جنه بس انا وانتي نحب البطاااط ..
وين البناااات ما فيهم احد يحب البطاط .. معقوله ..
بس ما علينا يكفي سروره .. وايمي الحلوة ... ويبييييييله بطااااط

الخير .. يااااي .... يالله يا بنااات عطووناا افكااار حق البطاااط
بانتظااار افكااركم وابداعاتكم .

​

[FONT="Arialالم Black"] هالمره شوربة البطاط بالكريمة

المقادير

4 حبات بطاطا متوسطة الحجم
بصلة متوسطة الحجم
كوب حليب
مكعب مرق الدجاج ماجي
3ملعقة كبيرة طحين
قليل من الزبدة او يمكن استخدام زيت عافية

طريقة العمل
تقشر البطاطا وتقطع مكعبات صغيرة وتلوح على النار بالزبدة او الزيت (لااقول تغمر بالزيت بل تقلى لتحمر قليلا بقليل من الزيت او الزبدة وقبل وضعها بالزيت نكون واضعين البصلة المفرومة ومحمرينا ايضا بشكل بسيط )
نضيف كوبين ماء ونضعها على النار حتى تنضج البطاطا تماما ونضيف قليلا من الملح الى الماء طبعا حسب الرغبة
نقوم باذابة الطحين في كوب الحليب البارد ونضيفه للخليط السابق بعد ان اطفئنا النار من عليه وماان يبرد قليلا حتى نقوم بخلطه في الخلاط الكهربائي
ثم نعيد وضعه على النار ونضيف مكعبات الماجي ونترك الشوربة لتغلي ثم نقدمها وصحتين وهنا
ممكن نزين وجهها بالبقدونس الناعم وممكن ان نعصر عليها قليلا من الليمون
واذا اردتم ممكن تحمير الخبر الرقيق المقطع قطع صغيرة ومحمر بالزيت واضافته للشوربة حسب الرغبة ولكن يضاف فور الاكل حتى يبقى مقرمش


وعليكم بالف عاااافيه

[/FONT]

لووول

اي حده مبين ان محد يحب البطاط كثرنا :teeth_smile:

و على قولتج كافي انا وياج :biggrin::angel_smile:

ايوااااا عاش البطااااااط :74_74: لوووول

تسلمين اختي على الطريقة الحلوة

انا عندي طريقة حلوة للبطاط بعد

بوجبة تقريبا كاملة الفوائد الغذائية و الكامل الله

بصراحة مادري شنو اسم السلطة بس امي وايد اتسويلي اياها :teeth_smile: الله يخليها لي انشالله

الطريقة (طبعا كله على حسب الكمية اللي انتي تبينها):

اتغسلين البطاط شوي و تقشرينها و اتقطعينها مربعات و تقلينها و اتخلينها على كتر شوي

و اذا كنتي اتحبين الباذنجان هم نفس الشي اتقصينه مكعبات و تقلينه و اتخلينه على كتر شوي

اتقصين الخيار و الطمام و الجزر و اتحطين اللي تبين بالسلطة و اتخلينه على كتر شوي

اتيبين بايركس مستطيل او بيضاوى و اتحطين اول شي السلطة العادية

بعدين اتحطين عليه الباذنجان و فوقه البطاط و اتصبين عليه اللبن بس لازم يكون ثقيل شوي ( اتيبين لبنه و اتخفيفينها بشويه ماي و هم على حسب اللبنه اللي اتحبينها )

و الاحلى بعد لو قصيتي جم خبرة لبنانية على حسب الكمية اللي تبينها لي مربعات و قليتيها لي تتحمش شوي و اتحطينه فوق اللبنه بس هذا قبل التقديم بشوي عشان يبقى الخبز يابس و مقرمش :teeth_smile:

و بالعافية

انشالله تعجبج الطريقة اختي اسرااار

موضوعج وايد حلو بالتوفيق

ايمي الحلوة ... وانا اقرى طريقتج سال لعاااابي .... ههههه
شكلي راح اسويها .. بس على فكره اول ما قريت الطريقه قلت جنها اللي احنا نسويها بالبيت .. بس يوم قلتي نصب فوقها لبن .. تغيرت علي الطريقه .. بجربها ...
وتسلميـــن وتسلم لج امج ويخليها لج يا رب ...

هلماااااا للبطاااااط

اختي قاعدة بالليوان .. تسلميـــن يالغاليه على مرورج الكريم ... والتوفيق للجميع ان شاء الله