السلام عليكم بنات .. شلووونكم ؟ انا صارلي 3 اشهر من تزوجت .. بس ما عندي خبره بسوالف الحمال والولاده .. فحابه أسأل شلون اعرف اذا انا حامل ولا لأ ؟؟ وشنو الاعراض اللي ممكن احس فيها ؟ وانا الحين الدوره باقيلها اسبوع وجم يوم وتنزل .. هل في طريقه اعرف فيها اذا انا حامل ولا لأ مبجر ؟؟ بنات ادري سؤالي راح يضحك بعض البنات .. بس جد والله ماني عارفه .. بس مره قريت عن الاختبار المنزلي وما عرف شلون استخدمه ..
السلام عليكم ورحمة الله وبركاته حبيبتي الله يتمم عليكي الصحة وتكوني حامل اعراض الحمل تختلف من وحدة لوحدة ولا تفكري فيهل لأنه بكير اذا كنتي حامل وممكن ما تحسي بأي اعراض الا بعد شهر او شهرين وحتى ممكن 3 شهور اما بالنسبة لمعرف ان كنتي حامل تجيبي جهاز تحليل منزلي من الصيدلية وسعره يتراوح بين 2-5 دنانير ولازم بعد ما تفوت الدورة اقل شي بعشرة ايام والنتيجة فورية وطريقته انك تعبي بول بكاس بلاستيكي او شي وتغمسي الشريط الرفيع اللي بالمقدمة بالبول لمدة دقيقة وبعدين تشيلي واذا ظهر خطواحد فقط تكوني مو حامل اما اذا خطين واضحين تكوني حامل وافضل اوقات الفحص الصبح اول ما تصحي من النوم لان هرمون الحمل يكون متركز وللعلم مومضمون كتير يعني التحليل بالمستشفى او المستوصفات الخاصة اضمن وممكن عن طريق التحليل البولي وبالمستوصفات الخاصة 4 دنانير تقريبا والنتيجة تطلع بأقل من نص ساعة او تحليل الدم وهو ادق شي وبالمستوصفات الخاصة 5 دنانير والنتيجة تطلع بأقل من نص ساعة وان شاء الله اكون فدتك ولأي استفسار انا حاضرة وان شاء الله تكوني حامل ويسعد ايامك بالذرية الصالحة
ودي حيييييل اني اكون حامل بس متردده اروح احلل .. اخاف يقولون مافي حمل ... لوووول يا ربي مادري شفيني متشفقه للعيال مبجر .. الله يسمع منج واطلع حامل .
حبوبه اول شي انتظري لين موعد الدوره و اذا ما جاتج بعدها ب 10 ايام سوي تحليل منزلي او المستشفى انا سويت جي و الحمدالله طلعت حامل و ان شاء الله الفال لج غلاي
حبيبتي انا قبل نفسج تزوجت وملهوفه عالحمال وبكل شهر تجيني اعراض حمل وتنزل الدوره مع اني احس بدوخه واتوهم اني حامل وبعد 9 شهور راجعت الدكتوره قالت النفسيه تنزل التبويض وما يصير حمل وتنزل الدوره <<<< قلت شلون ما فهمت >>>>>>> قالت لا تحسبين للدوره ولا تفكرين بالحمال وانسي وابعدي عنج التوتر ولهي نفسج بشي ثاني سبحان الله بعد شهر دخلت الامتحانات ولهيــــــــــــــــــــــت ونسيت الحمل وفجأه اهلي قالو وجهج صاير اصفر واذا طلعت احسن كنه الدنيا تفر فيني وحسبت الدوره لها اربع ايام ما جت وحللت طلعـــــــــــــــــــــــــــــــــــــــــــــــت ولله الحمد حامل الفال لج انشالله بس لا تحسبين وابعدي عنج القلق والتوتر
