معرض دار جبله الفاشل .. مايبون اي احد بس للطبقه الراقيه

السلام .. بنات انا وحده انخدعت وانغشيت بالمعرض شوفو راح اقولكم لايجابيات لأمانه ,, انه منظم وواايد حلو وهالشي يخدع الواحد بس زباااااااااااااااين ماااااااااااكو ودعايه ماكو ومصافط ماكو وخدمه سيارات فاشله دعمو سياره رفيجتي اليوم ,, الله وكيلكم 5 ايام وبضاعتي ماتحرك منها شي ادري انه بتقولون الرزق من الله بس يريت هالشي بس صار معاي صار مع كل بنات المعرض !! ماعدا كورنر واحد مشالله الظاهر عندهم زباين مضمونبن اما اللى توها ببدايه الطريج مثلي ومثل غيري ثلاث ارباع البنات كلهم أول تجاره لهم ,,
فكانت رده الفعل احبااااااااااااااااااااااااط مو طبيييييييييييييييعي وكذا بنت تقول بس بطلنا من هالشغله ,,, هذا من ناحيه من ناحيه ثانيه من خلال هال5 ايام المواقف اللى صادفتنا انه 4 مادري 5 بنات شالو قشهم ومشووووووووو !! تخيلو وخسرانين عن الطاوله اهوا على 100 وفي عقد 50% لهم يعني خسروو 50 !! في ناس شالو قشهم من اول يوم وفي ناس من ثاني يوم ويعني ,,

المهم انه الوضع ابدااااااااااااع انا أول مره بحيااااتي اشوف جذي وبالاخير عقب كل هذا لمن اقول حق احد انه مشاركه بهالمعرض يهبون فيني اى شييييييييي هذا معرض فاشل ومادري شنو انا شلت قشي ومن هالكلام .. بنات انا حبيت انبهكم لانه مابي هالشي يصير لكم

شووفو مو عبالكم اني بقطع رزقهم لا والله مو نيتي بس بطلع حرتي وحرة البنات والمشاركين راح يقولون لكم تجربتهم واللي يحر بالموضوع لمن نكلمهم يقولون انتى أول وحده تشتكين !! وكذا بنت راحت للاداره تتوقعون شنو قالو لهم !!























قالو احنا ما نبي أي أحد نبي طبقة معينه من الناس ! وتأشر على العين يعني نقاب تخيلووووووووووووووووووووو شنو هالرد عيييييييييييييييب علييييييييييييكم من زين معرضكم اصلا .. اوبعدين احنا شنو ذنبنا بمخكم المقفل !! مكانكم يديد ومو معروف المفرووووووووووض تسون دعايه مو تتشرطون واصلا يحصلكم انه الناس ايون..اهما مو هامهم شي الا الربح اهم شي عندهم يأجرون المكان علينا ومو مهم التعب اللي نتعبه كل يوم ياين رايحين وحالتنا حاله لدرجه وصلنا انه كل وحده تشتري من الثانيه .. مع انه والله بضاعه البنات عجيبه وماشفت منها بمكان ثاني بس المكان ظلمها .. وآخر شي وحده قالتلي انه اللي ماباعو يمددون لهم 3 ايام ولمن رحت اتأكد سمعت مسؤله المبيعات تزف وحده بالتلفون وانه انتي تقطعين رزقنا وانه الارزاق من الله لمن خلصت سألتها جان تقول احنا ماقلنا جذي وعن التأليف واحنا ماطقيناكم على ايدكم واسلوبها حشااااااااكم زفت وتصرخ علي !! واصلا انتي بايعه بمبلغ وقدره ! جان تقول بس اللي مو بايعين نساعدهم جان تقولها رفيجتي اوكي انا مابعد الا شغلتين وسعر الطاوله الدبل جان تقول مشكلتكم وقالت عن رفيجتي انها تألف الخبر مع انهم قايلين حق ناس وناس بيمددون اصلالالالالالالا احنا مانبي معرضهم الفااااااااااااااااشل كل يوم ننطر متى يخلص والله انه البنات يحوسون شايلين البضاعه يبيعون على بعض بس قلنا يمكن بهال3 ايام الله يفتحها علينا بس عقب هالاسلوب لا والله مايشرفني انى اقعد بهالمكان


وماقول الا حسبي الله ونعم الوكيل

لا حول ولا قوة الا بالله

نفس الشيئ في معرض دانا افينيو تخيلنا انة و انة و انة وياليت احد يدخل المعرض او يوم افتتاح و الاقارب دخلوا و الثاني 5-6 افراد و ثالث يوم ولا احد و الكل تقريبا شال حاجتة و مشي و الادارة شايفة ولا احد تكلم ولا كانهم شايفيين شي اخذو الفلوس وخلاص

معاملة سيئة

الله المستعان ..

الحمدلله ان الرزق بيد الله .. وموعليهم

الحمدالله على كل حال ومشكورين على التنبيه وبغيت اقول اغلب اللي مسوين معارض يرفعون معارضهم السما ويقولون انه حطينا اعلانات في كل مكان وبالاخير نتفاجأ مافي حضور وخصوصا المعارض اللي بالبيوت يمكن اللي بالصالات اهون شوي

امممممممم مشكوورة عالنصيحه بس تبين نصيحتي اذا حابة تشتركين بمعرض عليه اقباااااااااااال واايد اشتركي اللي قبل رمضان و حززة رمضان اللي يسوونهم صندوق التنميه المجتمع اللي بالمناطق انا شاركت اللي بالعدان و مرة شاركت اللي باليرموك و الله حددددددددده زحمه و مضموووون و شي حلووو و الحمد الله لافلووس و لا شي اهوو مسوينه حق اللي عندهم مهارات و شغل متعوب عليه اللهم بس ياخذون تقريبا 3 دك و مدته 10 ايام و الله شي حلوووووووو

ربي يعوضج يارب

الله يعييييييييييييييييييييييينكم خواتي التاجرات والله عورني قلبي والله المستعااااااااااااااان

بعد قلبي التوليب
.. والله مااحتريت لاني مابعت لان الارزاق بيد الله
لكن لما قلت لهم ان المكان ميت ويحتاج دعايه .. ماأظن ان فيه شي غلط وموبس انا اللي قلت كل المشتركين
تخيلي .. يقوم المدير ويصرخ علي جدام اللي يسوا واللي مايسوا .. ويفشلني جدام الكل
ليش يحافظ ؟! وبعدين يقول للمشرفه اني اكذب تخيلي موتحترين من التعامل هذا ؟!!
بس شتقولين .. الله فوقهم

الله يعوضج

صاجه فناتك موكل المعارض مثل بعض في معارض ماشاء الله تبارك الرحمن
تشوفين الناس عندهم تروج.. بس هذيل اهم مشكلتهم مشكله..
تخيلي كل البنات كلموهم على نفس الموضوع اللي من الزهق المعرض المفروض من 5 ال10م
والله ان البنات قاموا ايون من 6-8م لان ابد محد ايي

والله يعوض علينا وعليكم .. الارزاق بيدالله

لكن الناس الغيرمحترمه صعب التعامل معاهم مرة ثانيه والله اني مانزلت هالموضوع الا لاني ماابي احد ينخدع فيهم
ويخسر زباينه !!

اللة يرزقج ويوفقك رنبو وصج كلام فناتك والله يعينكم على الي تشوفونه

الله يعوضكم ياحبيبتي والله يعينكم

والله انا احتريت شلون انتوا

الله يعوضج حبيبتي

انا مابي الوم احد بس عالاقل المفروض يعاملون المشاركات معامله حلوة تعوضهم عن كل هذا

انا مرتين اشتركت بمعرض ومابي اذكر اسمه وكان المعرض ميت .. ماكو زباين ولا بيع

واخر يوم قمنا نشتري من بعض وزين طلعت سعر طاولتي

بس صاحبة المعرض ما قصرت كانت موزعه اعلانات وسوت كل اللي تقدر عليه ومعاملتها معانا كانت وايد حلوة

ولما شافت ماكو بيع مددتلنا 3 ايام بس هم ما بعنا

المهم اهيا حاولت وسوت اللي عليها عشان جذي طلعت وانا راضيه مع اني ما ربحت شي

لكن الاسلوب اللي كلموج فيه بصراحه ما كان حلو وجذي اهم قاعدين يخربون على نفسهم

انا سمعت ان المعرض قوي وحلو بس انصدمت من كلامج

ونصيحه من اختج ... اذا انتي في بداية طريجج اشتركي بمعارض بالبيوت وتكون رخيصه عشان ما تخسرين واااايد

وانا عن تجربتي .. عندج معرض التساهيل ومعرض فيلا فرح خوووووش معارض .. من اصحاب المعرض لي الزباين

انا اللي بضاعتي بسيطه بعت فوق اللي توقعتها واللي ايونج ناس يايه تشتري مو بس تتطمش

اذا سوووو معرض على اخر الشهر انصحج انج تشتركين بواحد منهم

واذا حابه تشوفين معرض فيلا فرح تفضلي اليوم اخر يوم .. تعالي شوفي المكان يمكن يعجبج

والله يوفقج يارب ويرزق الجميع

شاكرة لج التنبيه اختي .. والله يعوضكم خير يارب

مشكـــــــــوره

حبيبتي .. وربي يكتب لج الخير

وانا الوم المعرض بدل مايكسبون الناس يخربون على نفسهم


على الاقل المعامله الحسنه

و اشكرج على التنبيه

وحسبي الله ونعم الوكيل

حرام عليهم مايصير جذي ..

الله يعوضج
بس شرشحتيهم بكل المنتديات
كل مادش منتدى ولا موضوع موجود
خخخخخخخخخخخخخخخخ
راحوا فيها
احسن اللي مايمشي سيدا يطيح بيدج هههههههه
ترا اتغشمر موتزعلين

حبايبي والله انكم ماقصرتوا بردتو قلبي وان شاء الله
بسمع نصيحتك مس نعومه وجزاك الله خير

وكلكم والله والنعم والله يعطيكم العافيه .. ويعوضني ويعوضكم خير

ماعندك عيون .. مشكوره .. وادري انك تتغشمرين

موفقه ............