السلام عليكم... بنات بصراحه انا احس اني مخنوقه وبنفجر بختصر الموضوع.. انا بدش بالسنه الرابعه بزواجي وطحت كذا مره على زوجي يغازل بنات بالتلفون وكذا مره يوعدني يعني تقريبا صدته 3 مرات وبالمره الاخيره وعدني وحلف بالحرام انه مايكررها بس الحين حاسه انه رد لسوالفه لان سجل تلفونه على طول ممسوح وودي ارد احلفه بس اخاف يصدمني لانه حلف بالحرام قولولي شسوي...؟
فاتومي والجرح تسلمون حبيباتي عالمرور بس بجد انا محتاره اخاف انصدم منه وهو حلف بالطلاق انه مايكررها مدري شسوي
حبيبتي سمعي وفهمي الكلام محد يقدر يقول لج شنو تسوين هذا السؤال انتي الوحيده القادره على الاجابه عليه قيمي وضعج وشوفي اذا كان فيه مجال يتعدل الريال او لا شوفي اذا انتي تقدرين تستمرين معاه وانتي تدرين او تشكين انه يخونج كلميه بس لا تسالينه علشان لا يجاوب بانه خانج قوليله انج تبين تسالين الافتاء انه في حال سواها مره ثانيه هل يقع الطلاق بالحال علشان يخاف من مجرد التفكير بالخيانه دام انه حلف وتحياتي
حبيبتي احقريه ترا كل الرياييل يخونون مايملا عينهم شي شتسوين بتطلقين بيرد يتزوج وهم بيخون وهكذا احقريه وامكسي العصايه بالنص وتقصرين بحقه وبيتج واله يهديه وادعيله بالهدايه
حبيبتي ما دام انه عتذر خير وبركه بس بقولج على شغله خليه مرده بيرجع لج علي قولت اهلنا لول اطير طير ويرجع على وكره والله يهديه لج وطلبيله في كل صلاه بالهدايه اثر معاج ألوف اهم شئ انه مو مقصر معاج وقايم فيج وفي عياله خلاص خليه مرده بيرجع لج
حبيبتى عيشى حياتك ولاتراقبى زوجك لان كل الرجالة متلة فا عادى خليكى انتى فى بيتك وسط اولادك ولا تعطية اى اهتمامم وهو هيلاحظ التغير من جهتك وسوف يراجع نفسة فى تصرفاتة ودائما اجعلية يراكى وانتى تصلينى وتقرئين القرأن حتى يشعر بالخجل والله يوفقك ويعنك حببتى ويسعد ايامك
لا تدورين في تلفونه ولا تنبشين في اغراضه ترى اذا لقيتي عنده شي ما راح ترتاحين بالعكس راح تتعبين حيل .اذا انت شايفه الحياة وياه مستحيله وما تقدرين تعيشين وياه اتركيه بدون هالدوخه .واذا انت حاسه انك ما تقدرين تعيشين بدونه وتحبينه تغاضي ولا تتعبين نفسك لان كلامك ما راح يخوفه ولا يسنعه واكبر دليل انت طحتي عليه كذا مره شنو صار يرد لخرابيطه .الي يسنعه انك تدعيله بالهدايا وتدعين ان الله يسخره لك ولبيته .وتهتمين بنفسك وببيتك وبزوجك اكثر من قبل ولا تخلينله وقت ان يفكر بهالخرابيط .اشغلي كل وقته باشياء تونسه وتفرفشه وتنسيه هالخرابيط .مو على طول مشغوله بالتفكير شلون تصيدينه وشلون تطيحين عليه وغافله عن شلون تونسينه وتنسينه الدنيا . والله يا ربي يهديه لك انشالله وما يشوف غيرك من الحريم أأأأأأأأأأأأأأأأأمين
حبيباااتي تسلمون عالكلام الطيب وصلت لحل اني اتقرب منه اكثر من اني ادور اسباب لمشاكل يمكن اقدر اشغل اكثر وقته وانسيه
