السلام عليكم طبعا انا ما اكتب إلا بركن المشاكل الزوجية حياتي كلها هم وكدر المهم مشكلتي من 4 أيام مسكت تلفون زوجي والصاعقة نزلت علي شفت داز مسج لوحدة خذيت رقمها وسكت قمت وسألتى قاللي ما اكلم احد انزين المسج حق منو خلاني مقهورة وطلع ثاني يوم سألتى هاذي اشلون تقبل تكلم واحد متزوج قالي ما قلت لها متزوج طبعا هني انا ما كلمتى تركتى أمس الجمعة جذي العصر سألتى صار يضحك قمت ودقيت عليها جدامى وكلمتها سالتها انتي ليش تكلمين زوجي (فلان) قالت انا ما اكلمى اهوا يدق علي ويدزلي مسجات واذا تبين تعالي شوفيهم قالت انا عرفتى من النت كنت ادور شغل وقالي انا اساعدج وكان معاي محترم طبعا زوجي مجذب عليها قالت انا مخطوبة واحب خطيبي تقولي انا شفت زوجك مرة وحدة كنت بعطي السي في عشان يساعدني لاني محتاجة طبعا زوجي طق ع الوتر الحساس تقول من اول ما شفتا قالتلا تنت متزوج وعنك بيبي لانى فيه كرسي اطفال باسيارة كلمتها طبعا بكل أدب وسكرت قام يصارخ ويقولي طلعتيني شذاب جدامها انتي خربتي بيتج انتي تحرمين علي طول عمرج طبعا انا ما سكت قلتلا انا ما بيك كل همك نفسك تتطلع شنو انا مومهمة كرامتي انا كل شي الا كرامتي اشلون تنكر ولدك انت ما تستاهل تكون اب وصارخت عليه وخذيت ولدي وطلعت ماكو ساعتين ولا تلفوني يدق من تلفون بيت دقت البنت تقولي زوجج دق علي ويقولي طلقتها طبعا اهيا غلطت فيه وقالتلا انت شذاب يبيها تكلما سكرت التلفون بوجها وقلت لها انا الحين ما يهمني انا ما بيه وغلطت فيه وبس رحت بيت اخوي وسهرت عندهم وضحكت ما حسست احد بشي دق علي الساعة 9 قالي وينج تعالي البيت قلت بس اخلص سهرتي رديت الساعه11 وقعدت اطالع التلفزيون وجاه البيت ولا كلمه انا وياه ونام بالصاله وانا بغرفتي بس حدي منقهرة بس مو مبين علي شنو اسوي فيه بخليه يمشي ويكلم نفسه لا تقولولي كشخي وقعدي لانه لووووح ابي حل ثاني
الله يعينج حبيبتي بس بقولج نصيحه اخذيها من اخت مجربه ومار علي كثييير من هالسوالف من زوجى احقريه وعامليه ببرود وحاربيه حرب نفسيه والله بيموت قهر وينجن..
مرحباااااااااااااااااااااا اول شي الله يعينج على مابلاج وثانيا ماكان لازم تصارحينه من البداية ومدام طاح الفاس بالراس عيشي حياتج ولاكأن شي صار يعني البسي واكشخي وكأنج عرووووس ولاهمج بجذي بينقهر وبيدري ان وجوده وعدمه واحد ودايما قوليله كما تدين تدان وبيرجع لج بالنهاية لان ماله غيرج وانا اقولج هالكلام وانا متأكدة انه بيرجع لان نفس الموقف صار مع رفيجتي ..................ز
انا الحين فعلا قاعدة اعامله ببرود ما رد عليه اطلع وما اقوله ما دق عليه ما اسأل عنه اهو للحين ما رد البيت ما دقيت وسألت والله لو يتأخر لباجر ما يهمني اهوا قاعد يحرني بس انا مطنشة
بس خليج ماشية على هالطريقة وراح يتجنن بيقول ليش ماسألت ؟؟؟؟؟؟؟؟؟؟؟؟ وبيرجع بإذن الله وترد المياه لمجاريها .......... وعسى الله يهدي سركم ويبعد عنكم بنات الحرام
صح الحقران هو الحل لأنك لو كلمتيه او ناقشتي خيانته لك راح ينكرها ويبي يصك الموضوع لأنه ما عنده عذر ابدا فخليه لحد ما يجي ويعتذر بس والله صدقيني ما يتوب من سوالفهم يعني لو صدتيه مره ثانيه خليه وقولي حسبي الله عليك كانك ظالمني وظالم ولدك..وانا وكلت امري لربي وبينتقم لي منك...والدنيا دواره...هالجعباره تأثر فيه حيل.. والطلاق والروحه عند الاهل مو الحل...صدقيني.. والله العظيم الدعاء هو الحل """ عن تجربه """ الحمدالله ادعي ان ربي يهديه خاصة في لحظة غضبك...
السلام عليكم اختي انتي الحين محتره وودج تعلقينه بحبل صح؟ ابي بس تسالين نفسج سؤال واحد - وبعدين ؟ شنو بتسوين عقب ؟ يعني عقب ما تقهرينه وتموتينه حره واييج راكع على ريوله ....................وبعدين ؟ من الواضح ان ريلج اهو اللي كان يلاحق البنت - يعني ان ترك هذي بيدور غيرها وغيرها وغيرها وبتقعدين تدورين بدوامه الغيره والقهر طول عمرج . والشي الثاني ان سي السيد من النوع اللي ما يتحكم بانفعالاته علشان جذي اول شي قاله لما صار محكور بالزاويه انج محرمه عليه حبيبتي ترى هذا نوع من الادمان يحوش الرياييل وعلشان يتخلصون منه لازم يعترف بنفسه بهلشي يعني لو اتطيحين عليه مليون مره ما راح تسوين اي شي ولا راح تقدرين توقفينه الا اذا يالج بنفسه وقال انا سويت الشي الفلاني اذا تبين النصيحه وتبينه يعقل ويموت قهر بعدسوي اللي اقول لج عليه واهي شغله بسيطه وايد كتبي على اوراق عريضه وكبيره بالبيت كله عباره وحده اهي ............... من زنى بالناس يزنى به وخليها على الكمبيوتر علشان اول ما يفتحه يلقاه جدامه واذا سالج عن شي او بغى يتكلم بشي قوليله ان الله يغفر الذنوب وعلشان جذي انا رديت البيت بس ما ابي عيالي يشيلون ذنوبك بالدنيا فاذا رديت على سوالفك ما راح ازعل جم يوم وارد لا راح انفصل عنك بشكل نهائي وارجوك كوني حازمه لما تقولين هلشي علشان لا يحس انه يقدر يتلاعب فيج و عساني افدتج
حبيبتي الم يدخل البيت قولي الكلمه بينك وبين نفسك ادخلتك بالأله ألأ الله وألجمتك بلا حول ولا قوه ألأبالله
صباح الخير الله يعينج كله ولا الخيانه شوفي انا رايي من راي السوسن حلوه طريقتها انتي حاولي تبين له انج سامحتيه وحاولي تقربين له اكثر معنه غلطان لكن لاتعطينه فرصه يكرر هالغلطه حبي زوجج اكثر وصدقيني مستحيل يكفر بهالشي وحاولي تصرين صديقته قبل زوجته يعني اي شي يقوله لج بدون خجل بدال مايدور على الشي هذا عن غيرج قد ماتعطينه يعطيج اخرته الرجال طفل ولا تزعلين مو القصد نقص فيج انج مقصره ابدا بس قصدي تحتوين زوجج اكثر ولاتخلينه يحتاج حتى اصدقاءه انتي كل شي بحياته وربي يوفقج ويسعدج بحياتج بعض المرات الحقران ماينفع بالعكس خلي طيبج عليه وقولي سامحتك وقربي منه بحبج وحنانج وهذا رايي والله يوفقج
صباح النور حبيبتي طريقتها حلوة بس انا كنت دايما اقولها له الزاني يزنى فيه يقولي انا ما اغلط هاذي الغلطة تقوليلي كوني كل شي له صدقيني من اول زواجي وانا مثل امه وابوه وصديقته وكل شي كنت احضه انيمه على صدري يقولي حنانك ماكو مثله كل شي اسويله البيت نظيف هدامه نظيفه واكله جاهز ما تتصورين اشلون معاملتي له ولاهله كنت اعامله مثل الطفل ومع هاذه ما نفع معاه أو ماترس عيونه والله انا وكلت امري لله ومابي منه شي الله يجيبلي حقي
عليكم السلام يا عمري انا سلمت امري لله انا عارفه انه زوجي راح يدور غيرها ويمكن اكثر من وحدة بعد اللي فبه طبع بس احسن شي الحقران والله والله مثل طيبتي ماكو متسامحه بس مادري من يوم المشكله وانا لئيمة معاه بس يجي البيت اروح انام ما قعدا للدوام يعني اليوم متأخر وانا قاعدة من الفجر وما قعدته لا واتعمد يشوفني قاعدة بس جذيه بموته قهر والله الحين كل همي اعيشه بجحيم وهم باخذ حقي من الايام اللي ضيعتها عشانه حاقدة عليه لانه مافي خير ما اطالعه اصلا بس يكلمني بشي اعطيه ظهري وما رد وصدقيني مابي منه شي الحين لو اشوفه مع وحدة ماتفرق معاي وانا مارح اطلع من بيتي لانه حقي وحق ولدي واصلا ما افكر يكون فيه كلام بينا
بتم جذيه بس خلاص قلبي شال منه ومابيه حتى لو برجع خلاص انا مابي يمكن من يومين كان ممكن اسامحه بس اليوم لاااااااااااااا
حسبي الله ونعم الوكيل لانه فعلا ظلمني شنو تبين من واحد وقفتي معاه وساعدتيه خلص ديونه والحين مومطلوب بشي وينكر معروفك شنو تبينبس الدنيا دوارة مارح اسامحه
انا مع اختي السوسن بس الحين اهو حرمج على نفسه ديري بالج بس الحين بعد ما قالج هالكلمه عادي من الحين وجدامه مارسي حياتج وجنه مو موجود يعني اسم الله عليج جنكم انفصلتوا هذا دايما نصايح ناعمه الهاشمي خليه يشوفج وانتي مستغنيه عنه عشان يغار و يرد يلحقج والله يهدي سرج و يخفف عنج
انا فعلا امارس حياتي بشكل طبيعي وعادي اعتبره مو مجود بس اشوفه اقعد الاعب ولدي وروح شغلي بس ادعولي الله يقويني عليه واهوا قاعد يمارس حياتي بعد عادي يسهر برا البيت مع انه قبل ما كان يسهر حدا للساعه 10 ويرد وقاعد يدور على حجز بيسافر لبنان شهر خذالا اجازة
