مساء الخير حبيبتي انا فعلا تزوجت عن حب لا وقصتي غريبة بعد معاه وصدقيني اهوا طيب بس في ناس يلعبون بعقله عنده ربع اعوذ بالله منهم بس الحمدلله كنت دايما ادعي ربي الله يسخرلي الافضل وانشالله الله يهديه على طول وتسلمين يا عمري على نصايحج
لا يا حبيبتي اذا كنتي سامحتيه فليش تحسسينه بشي ثاني وتراقبينه اشكره انا اقول الحمد لله على السلامه والفال لما يبرا الجرح بشكل تام اذا تبين تتاكدين انه تاب عن سوالفه اشتري برنامج i spy او family spy وركبيهم على الجهاز وما يحتاج مراقبه لان الجهاز راح يطرش لج اي محادثه تصير على اللاب توب او اي موقع يدخل عليه بدون لا يدري وبجذي تكونين انتي مرتاحه واهو بعد لان سالفة الشك ما لازم تطول بمعنى اذا سامحتيه فلا تشكين فيه واذا تشكين فيه فانصحج بعدي شويه لما يخف الثقل اللي على قلبج وبعدين كملي ومره ثانيه اقول لج الحمد لله على السلامه
ما عرف من وين يشترونه واشلون يتركب والله ابيه عشان يرتاح قلبي بس انا اقولج مشكلتي بالشك ما قدر ما اشك فيه وتسلمين ياعمري على نصايحج الحلوة
يالغاليه البرنامج هذا ينطلب من النت بس دخلي الاسم وكملي وياه بس حطي بالج لا يكون يدري او تقولين له باي وقت من الاوقات باللي سويتيه لانه راح يقلب علبج السالفه وبتطلعين انتي الغلطانه واذا ركبتي البرنامج شغليه لمده محدوده وبس لمن تتاكدين منه وبعدين قطعيه مو تصير عاده وتستانسين ويصير عندج فضول انج تعرفين كل شي عنه لا لا لا لا لا لا لا خلي شوية مساحه حق الغموض والايمان بنفسج وفيه وان شاء الله تكون غلطه وما تنعاد
