السلام عليكم اخواتي شلونكم اظن انكم عرفتوا شنو ابي من العنوان يا خواتي انا محتاجه مساعدتكم انا سمعت كثير عن البكس الازرق وانه يساعد بعد الله طبعا ع الانجاب بالذكر وسمعت انه اللي يستخدمونه اهم الدكتوره معصومه والدكتوره فوزيه القطان وانا ابي احمل بولد والله العالم ليش ابي ولد واتمني من الله محد يكون مثل موقفي وارجو مساعدتكم وتقولولي اي احسن دكتوره واذا في دكتوره ثانيه تفهم اكثر بهالشغله اكون لها من الشاكرين وارجو من كل وحده تقرا الموضوع تردعلي واذا ماتعرف ترفع الموضوع عشان الكل يقراه ويساعدني والله والله اني بدعيلكم من قلبي ان الله يوفقكم ويرزقكم باللي تتمنوه ويفرج كربكم ويفتحها بوجهكم مثل ماتساعدوني علي كل من يرد او يرفع الموضوع وانا في انتظار الردود اخواتي لاتنسوني بدعاكم
الله يرزقج الولد الصالح ويرزقني معاج انشاءالله بس انا مره قريت وحده مسويه ومشت على العلاج بس سبحان الله يابت بنت وهي كانت تبي ولد فكل شي بيد الله سبحانه وتعالى كثري من دعاء والاستغفار ويمكن يختلف العلاج من وحده لوحده
هلا أختي البوكس الازرق هو عبارة عن فيتامينات وشغلات ثانية تاخذينها فترة قبل التخطيط للحمل وسعرها تقريبا 90 دينار تلاقينها اغلب الظن عن معصومة مخصيد وربج هو الرازق قبل كل شي وإن ما حصلتيه عليج بالدش القلوي المهبلي قبل الجماع بنصف ساعة وتكونين موقتة يوم الاباضة وحاسبتها عدل
ام عبدالله حبيبتي والله وانشاء الله يرزقج ويوفقج ونعم الله هو الرزاق بس الواحد لازم يسعى ويبذل الاسباب وشكرا مره ثانيه
يالله خواتي وين الردود والله ياخواتي انا الله رزقني بخمس بنات والحمد لله وابي ولد وانا حمالي صعب اوصل للموت لدرجت فترت حمالي اقضيها في المستشفى حتى ماادري عن بناتي انا صراحه فكرت ماحمل بس هالمره عندي امل كبير بالله وانتم تساعدوني بطريقه ولابدكتوره تفهم بالاشياء هذى خواتي اللي ماتبي تقول ع العام تقول ع الخاص والله يجزيها كل خير ويوفقها والله ماراح انساها بالدعاء واللي ماتعرف تدعيلي وترفع الموضوع وجزاكم الله عني كل خير وجعله في ميزان اعمالكم امين انشاء الله وانا في انتظار ردودكم شكرا
الله يرزقج حبيبتي يالولد الصالح ويرزقني معاج انا اراجع عند الدكتورة معصومة واستعملت البوكس الأزرق وهو عباره عن حبوب نوعين وغسول وقالتلي يوم التبويض اسوي دش مهبلي والحمدلله حملت وليلحين مايبين لأني توني بالشهر الأول وانشاالله بس يضبط معاي ابلغج وادعيلي ان الله يجعل مافي بطني ذكرا تام الخلقة بلا زيادة ولا نقصان وان يجعله بارا بوالديه ( اللهم امين )
السلام عليكم لاااااااااااااااااااااااااااايجوز ياخواتي تحديد جنس المولود وانا سامعه الافتاء واسألي اي شيخ راح يقول مايجوز لان يعتبر تغيير في خلق الله سبحانه يهب لمن يشاء الذكور ويهب لمن يشاء الاناث والشيخ عبدالله بن مصلح اتصلت وحده رايحه لندن قالت ابي احدد نوع الجنس قال لايجوز المسلم لازم يكون له ثقه ان الرحمن مايرد احد والله سبحانه عندحسن ظن عبد فيه سبحانه وتعالى
انا سويت برنامج كامل في مستشفى الهادي مع الدكتورة نادية عشان اجيب ولد لان عندي بنات وايد لله الحمد بس ما ضبط معاي وجبت بنت وسويت اشياء واشياء وهم ماكو فايدة استغفرت ربي وقلت خلاص إلي عندي نعمة من رب العالمين ولاني اتكلت على ربي حملت من غير ما اسوي اي شي قلت هاذي اكيد بنت بس ربي رزقني ولد شكثر بكيييييييت صدقيني موعلشان الولد لان الرزق من الله ويقول المثل لو تركض ركض الوحوش غير رزقك ما تحوش واعذريني هذا المثل علي انا
انا وحده سويت كل شي رحت عند دكتورة عالية الفضلي وقلت ابي احمل لان انا ما احمل الا في علاج ابر لان انا مبايضي صغار حيل رحت وعلاجت قلت ابي ولد لان عندي بنت وبعدين بديت على العلاج وابر وحبوب ودش مهبلي وقت الجماع والاباضة واخر شي جبت بنت توني طالعة من الاربعين صارلي شهر ونص وانا اقول روحي دكتور احسن من دكتورة بس جلط فلوس
السلام عليكم ورحمة الله وبركاته انا يديده رحبوا فيني............. انا استخدمته من الدكتوره فوزيه بس ما حملت لاني اصلا احتاج منشطات اكثر من مره علشان احمل ولما بغيت اعيد الكره طلع عندي تكيسات فاجلت الموضوع لي بعد العمليه ان شاء الله الله يرزقنا اولاد
اووووووووووه صارله تقريبا سنه الله للحين موجود الحمدلله خواتي حبيباتي مشكورات علي الدعوه الطيبه والله يجزيكم كل خير ويرزق كل محروم الذريه الصالحه ويرزق كل وحده تبي ولد الولد الصالح اللي يكون بار فيها امين وللاخت اللي تفول حرام اني يمكن موفاهمه الموضوع اهومو تدخل بخلقة رب العالمين اهوعباره عن اشياء تساعد مثل يقولون اللي اكثر اكلها اجبان والبان يكون جسمها متروس كالسيوم وهذا يخلي الوسط مال الرحم مناسب للحيوانات المنويه الانثويه تسبح فيه بسهوله وتوصل للبويضه بسرعه قبل المذكر اما اللي اكلها كله لحوم وموالح ماتحب الاجبان يكون الوسط الرحم عندها مناسب للحيوان المنوي المذكر ويكون سريع فيه ويوصل للبويضه اسرع ويكون الحمل باذن الله ولد وممكن ناخذاشياء تساعد مثل حبوب البوكس الازرق تساعد الوسط يكون مناسب حق الحيوان المنوي المذكر ومثل الغسول المهبلي همن يساعد وانا قبل لااسوي هالاشياء اتصلت مع زوجي بشيخ وقال يجوز اذا مافيه تدخل مثل فصل الاجنه بحيث ياخذون المني الرجل عزكم الله ويفصلون الحيوانات الذكويه عن الاناث وياخذ المذكر ويغرس في البويضه وهذي يكون فيها تدخل في قدرت رب العالمين هذي حررررررررررررررررررررررام وطبعا انا فبل لااسري هذا كله توكلت علي رب العالمين ومؤمنه انه كل شي بيد واحد احد فقررت قراة البقره كل يوم والمحافضه علي الاذكار صبح وليل وفراة صورة يوسف والملك بعد صلات الفجر والمحافصه علي صلاة القيام والتصدق وكثرة الاستغفار وكثرة الدعاء بالاحاح والايمان القاطع بالله عز وجل انه هوالرزاق وماهذي تسلعد فقط لاغير ومشيت علي النظام ثمان شهور وتري انا من محبين الاجبان والحليب ومنعت نفسي عنهم ومشيت علي البوكس الازرق وعلب التلقيح الصناعي عند الدكتوره ماجده اليتاما كل شي سويت والله ياخواتي وماقالولي شي الاسويته وزدت عليه كل شي بالكم عن الولد سويته حتي التويم الصيني ماخليت شي انا وزوجي الاسويته حتي عمره رحت ودعيت وبجيت والحمدلله سوبت سونار الاسبوع الي فات وانا بالرابع وقالولي بنت الحمدلله صارو ست بنات الحمدلله وهذا تري اخر حمل لي لان انا جسمي تعبان ويتحمل الحمل بعد وقضيت فتره بالمستشفي بسبب الحمل والحمد لله علي كل حال والله ياخواتي انا مومتضايفه علي انها بنت بالعكس انا اموت بالبنات وبناتي هم كل حياتي انا متضايقه انه خلاص مافي ولد يعني ماراح اشتري ملابس صبيان ولا راح الاعب ولد ولا راحه احبه ولاراح اطهره وافرح فيه لدرجة ناويه بس يصير له اسبوع احلق شعره علي سنة الرسول كل هذا تبخر وحلم وطار الحمد لله والله يبنات لاتفهموني غلط انا مومعترضه وادري تبون تقولون حمدي ربج في ناس ماعندهم ضنا يتمنون ريحت البنت والله ادري والله ادري وحامده ربي وشاكرته الف حمد وشكر لرب العالمين الف حمد وشكر لرب العالمين والله انا مومعترضه من اكون عشان اعترض علي قدرة رب العلمين انا ولا شئ بس اعترف متضايقه ايي والله متضايقه ومااقدر اخبي هالشئ انا انسانه ضعيفه مااقدر اجذب واقول عادي ولاشى حصل مااقدر صدقوني احاول اكون قويه جدام زوجي وجدام الناس بس لما اكون بروحي ابجي بحرقه علي الي صار لدرجة عيوني يقومون يحرقوني ويعوروني من شدة البجي بس ما باليد حيله الحمد لله اللهم الخلقه التامه والصالحه والله ياخواتي مرات اتمني ان السونار يكون غلط بس ولا مره غلط معاي بكل بناتي يقولولي بنت وتطلع بنت الحمدلله علي كل حال واستغفره واتوب اليه
